{"id":11478,"date":"2009-02-17T19:06:41","date_gmt":"2009-02-17T18:06:41","guid":{"rendered":"http:\/\/www.visit-ulcinj.com\/blog\/?p=11478"},"modified":"2009-02-17T19:06:41","modified_gmt":"2009-02-17T18:06:41","slug":"materniteti-i-ulqinit-ne-ditelindjen-e-tij-te-katert","status":"publish","type":"post","link":"https:\/\/www.visit-ulcinj.com\/blog\/2009\/02\/17\/materniteti-i-ulqinit-ne-ditelindjen-e-tij-te-katert\/","title":{"rendered":"Materniteti i ulqinit n\u00eb dit\u00eblindjen e tij t\u00eb kat\u00ebrt"},"content":{"rendered":"

\"shtepija-e-shendetit-ne-ulqin\"<\/a>Rritja e lindjeve d\u00ebshmon rritjen e besimit<\/strong>
\n“Vet\u00eb fakti se numri i lindjeve rritet nga viti n\u00eb vit, m\u00eb lejon t\u00eb konstatoj se besueshm\u00ebria e popullat\u00ebs s\u00eb Ulqinit, posa\u00e7\u00ebrisht asaj femrore t\u00eb aft\u00eb p\u00ebr lindje, \u00ebsht\u00eb \u00e7do dit\u00eb e m\u00eb e madhe”, thot\u00eb drejtori i Sht\u00ebpis\u00eb s\u00eb Sh\u00ebndetit n\u00eb Ulqin, prim. dr. Gani Karamanaga.
\nN\u00ebse para fillimit t\u00eb pun\u00ebs s\u00eb maternitetit n\u00eb Ulqin kan\u00eb ekzistuar hije dyshimi rreth siguris\u00eb s\u00eb lindjes n\u00eb k\u00ebt\u00eb institucion dhe p\u00ebrgatitjen e stafit t\u00eb tij mjek\u00ebsor, kat\u00ebr vjet pune t\u00eb tij e kan\u00eb d\u00ebshmuar r\u00ebnd\u00ebsin\u00eb dhe domosdoshm\u00ebrin\u00eb e k\u00ebtij institucioni dhe kan\u00eb shuar pothuajse fare frik\u00ebn e lindjes n\u00eb k\u00ebt\u00eb maternitet, p\u00ebr shkak t\u00eb munges\u00ebs s\u00eb sall\u00ebs kirurgjikale.
\nP\u00ebr kat\u00ebr vjet n\u00eb k\u00ebt\u00eb maternitet (m\u00eb 5 shkurt u b\u00ebn\u00eb kat\u00ebr vjet t\u00eb fillimit t\u00eb pun\u00ebs) kan\u00eb lindur gjithsej 614 f\u00ebmij\u00eb dhe numri i lindjeve ka ardhur duke u rritur nga viti n\u00eb vit.
\n“N\u00eb vitin 2005, vitin e par\u00eb t\u00eb hapjes s\u00eb maternitetit, n\u00eb t\u00eb kan\u00eb lindur gjithsej 125 f\u00ebmij\u00eb, n\u00eb vitin 2006 – 149 f\u00ebmij\u00eb, n\u00eb vitin 2007 – 153 f\u00ebmij\u00eb, kurse n\u00eb vitin e kaluar ky num\u00ebr ka arritur n\u00eb 178 lindje”, thot\u00eb drejtori i Sht\u00ebpis\u00eb s\u00eb Sh\u00ebndetit n\u00eb Ulqin, prim. dr. Gani Karamanaga.
\nSipas tij, rritja e numrit t\u00eb lindjeve nga viti n\u00eb vit tregon rritjen e besimit t\u00eb qytetar\u00ebve n\u00eb k\u00ebt\u00eb institucion.
\n“Vet\u00eb fakti se numri i lindjeve rritet nga viti n\u00eb vit, m\u00eb lejon t\u00eb konstatoj se besueshm\u00ebria e popullat\u00ebs s\u00eb Ulqinit, posa\u00e7\u00ebrisht asaj femrore t\u00eb aft\u00eb p\u00ebr lindje, \u00ebsht\u00eb \u00e7do dit\u00eb e m\u00eb e madhe”, thot\u00eb ai.
\nGjat\u00eb pun\u00ebs kat\u00ebrvje\u00e7are, n\u00eb k\u00ebt\u00eb maternitet, fatmir\u00ebsisht, nuk ka pasur asnj\u00eb vdekje t\u00eb f\u00ebmij\u00ebve apo n\u00ebnave.
\nDrejtori Karamanaga ia atribuon k\u00ebt\u00eb, para s\u00eb gjithash, “kujdesit dhe pun\u00ebs s\u00eb mir\u00eb t\u00eb mjek\u00ebve”.
\n“Pun\u00ebn p\u00ebr k\u00ebto kat\u00ebr vjet e ka karakterizuar nj\u00eb entuziaz\u00ebm i madh dhe pun\u00eb profesionale e stafit mjek\u00ebsor t\u00eb gjinekolog\u00ebve, pediatr\u00ebve, mamive dhe motrave pediatrike”, thot\u00eb ai.
\nMaterniteti i Ulqinit \u00ebsht\u00eb i pajisur mir\u00eb me aparatura bashk\u00ebkohore mjek\u00ebsore dhe u ofron kushte shum\u00eb t\u00eb mira n\u00ebnave shtat\u00ebz\u00ebna, para dhe pas lindjes.
\n“Ndihm\u00eb p\u00ebr sigurimin e k\u00ebtyre pajisjeve p\u00ebrve\u00e7 Qeveris\u00eb s\u00eb Malit t\u00eb Zi na kan\u00eb dh\u00ebn\u00eb edhe bashkatdhetar\u00ebt tan\u00eb nga SHBA, Zvicra dhe Gjermania, si dhe nj\u00eb num\u00ebr i afarist\u00ebve nga Ulqini dhe disa banka q\u00eb veprojn\u00eb n\u00eb k\u00ebt\u00eb qytet”, thot\u00eb dr. Gani Karamanaga.
\nT\u00eb lindurit n\u00eb k\u00ebt\u00eb maternitet nuk jan\u00eb vet\u00ebm nga qyteti i Ulqinit, por edhe nga qytetet e tjera t\u00eb Malit t\u00eb Zi, e po ashtu edhe disa vende fqinje, si Shqip\u00ebria dhe Kosova. Po ashtu edhe komb\u00ebsia e t\u00eb lindurve \u00ebsht\u00eb tejet heterogjene.
\nDrejtori i Sht\u00ebpis\u00eb s\u00eb Sh\u00ebndetit n\u00eb Ulqin tregon se ka pasur raste kur lindjet jan\u00eb kryer edhe falas kur kan\u00eb qen\u00eb n\u00eb pyetje n\u00ebna me gjendje t\u00eb v\u00ebshtir\u00eb ekonomike.
\nProblem megjithat\u00eb mbetet mungesa e sall\u00ebs kirurgjikale dhe stacionit t\u00eb transfuzionit q\u00eb kusht\u00ebzon lindjet q\u00eb kan\u00eb nevoj\u00eb p\u00ebr nd\u00ebrhyrje kirurgjikale. P\u00ebrqindja e k\u00ebtyre lindjeve sillet rreth 15-25 p\u00ebr qind dhe ato jan\u00eb t\u00eb detyruara t\u00eb kryhen n\u00eb maternitete t\u00eb tjera, kryesisht n\u00eb Tivar, Podgoric\u00eb, etj.
\n“N\u00eb t\u00eb ardhmen duhet t\u00eb luftojm\u00eb q\u00eb materniteti t\u00eb ket\u00eb atributin e maternitetit spitalor”, thot\u00eb drejtori Karamanaga.
\nReforma e sistemit sh\u00ebndet\u00ebsor q\u00eb parashikon reduktimin e numrit t\u00eb punonj\u00ebsve shpresohet t\u00eb mos e prek\u00eb maternitetin e Ulqinit.
\n“Reforma n\u00eb sistemin sh\u00ebndet\u00ebsor primar e pranon maternitetin e Ulqinit si pjes\u00eb t\u00eb Sht\u00ebpis\u00eb s\u00eb Sh\u00ebndetit dhe shpresojm\u00eb se do t\u00eb arrijm\u00eb marr\u00ebveshje me rezultat t\u00eb mir\u00eb n\u00eb favor t\u00eb punonj\u00ebsve t\u00eb pun\u00ebsuar n\u00eb maternitet”, p\u00ebrfundon drejtori Gani Karamanaga.<\/p>\n

I.Kallaba
\nKoha Javore<\/strong><\/p>\n

\n\t\t