{"id":14595,"date":"2009-03-18T18:42:08","date_gmt":"2009-03-18T17:42:08","guid":{"rendered":"http:\/\/www.visit-ulcinj.com\/blog\/?p=14595"},"modified":"2009-03-18T18:44:22","modified_gmt":"2009-03-18T17:44:22","slug":"kosova-po-zvarrit-bashkimin-me-shqiperine","status":"publish","type":"post","link":"https:\/\/www.visit-ulcinj.com\/blog\/2009\/03\/18\/kosova-po-zvarrit-bashkimin-me-shqiperine\/","title":{"rendered":"Video – Kosova po zvarrit bashkimin me Shqip\u00ebrin\u00eb"},"content":{"rendered":"

\"autostrada-e-shqiperis5\"<\/a>Projekti i autostrad\u00ebs po ndryshon sipas qejfeve t\u00eb qeverive
\nKosova po zvarrit bashkimin me Shqip\u00ebrin\u00eb<\/strong><\/p>\n

P\u00ebr her\u00eb t\u00eb par\u00eb bashkimi me Shqip\u00ebrin\u00eb, jo ai politik, pritet t\u00eb ndodh\u00eb n\u00eb qershor, kur Qeveria e Tiran\u00ebs do t\u00eb p\u00ebruroj\u00eb autostrad\u00ebn Durr\u00ebs \u2013 Morin\u00eb, e cila p\u00ebrve\u00e7 se do t\u00eb shkurtoj\u00eb gjat\u00ebsin\u00eb e rrug\u00ebs me Prishtin\u00ebn, do t\u00eb shkurtoj\u00eb shum\u00eb m\u00eb shum\u00eb koh\u00ebn e udh\u00ebtimit nd\u00ebrmjet dy kryeqendrave shqiptare.<\/p>\n

Nd\u00ebrkaq kjo rrug\u00eb do t\u00eb afroj\u00eb duksh\u00ebm dy vendet: qytetar\u00ebt, bizneset, mij\u00ebra familje andej e k\u00ebndej kufirit, ajo pritet t\u00eb ndikoj\u00eb me hov n\u00eb zhvillimin ekonomik t\u00eb vendeve dhe q\u00eb tregu t\u00eb dyfishohet, Qeveria e Kosov\u00ebs, n\u00eb tentativ\u00eb p\u00ebr t\u00eb k\u00ebnaqur interesat e grupeve t\u00eb tjera t\u00eb interesit ose p\u00ebr t\u2019ia hequr k\u00ebt\u00eb mund\u00ebsi atyre q\u00eb ua krijoi qeveria e kaluar, ka filluar ta ndryshoj\u00eb projektin e Autostrad\u00ebs Merdare \u2013 Morin\u00eb, p\u00ebrkat\u00ebsisht trasen\u00eb e saj.<\/p>\n

Po rishqyrtohet<\/strong><\/p>\n

S\u00ebrish para t\u00eb reja p\u00ebr projektin, s\u00ebrish vonesa, humbje kohe, energjie dhe miliona para. Lidhur me ndryshimin apo jo t\u00eb kahes s\u00eb autostrad\u00ebs q\u00eb bashkon shqiptar\u00ebt n\u00eb mes vete dhe q\u00eb \u00ebsht\u00eb nj\u00eb pun\u00eb jasht\u00ebzakonisht n\u00eb t\u00eb mir\u00eb t\u00eb vendit dhe t\u00eb qytetar\u00ebve ton\u00eb, z\u00ebdh\u00ebn\u00ebsi i Qeveris\u00eb s\u00eb Kosov\u00ebs, Memli Krasniqi, thot\u00eb se projekti po ndryshohet.<\/p>\n

\u201cVitin e kaluar ka pasur plot projekte dhe projekti n\u00eb fjal\u00eb nuk ka qen\u00eb i menduar mir\u00eb, saq\u00eb \u00ebsht\u00eb b\u00ebr\u00eb nj\u00eb rishqyrtim i projektit t\u00eb kaluar dhe ka mund\u00ebsi t\u00eb ket\u00eb ndryshime\u201d, thot\u00eb Krasniqi.<\/p>\n

Por, Qeveria k\u00ebt\u00eb e b\u00ebn n\u00eb t\u00eb mir\u00eb t\u00eb qytetar\u00ebve, pasi nuk kujdeset shum\u00eb p\u00ebr veten! \u201cNuk \u00ebsht\u00eb definitive se a do t\u00eb ket\u00eb ndryshim t\u00eb projektit, por mund t\u00eb ndodhin disa ndryshime t\u00eb vogla p\u00ebr t\u00eb qen\u00eb m\u00eb i p\u00ebrshtatsh\u00ebm edhe p\u00ebr qytetar\u00ebt e Kosov\u00ebs n\u00eb m\u00ebnyr\u00eb q\u00eb t\u00eb p\u00ebrfshij\u00eb nj\u00eb num\u00ebr sa m\u00eb t\u00eb madh t\u00eb njer\u00ebzve n\u00eb Kosov\u00eb. Kjo \u00ebsht\u00eb arsyeja kryesore n\u00eb rast se do t\u00eb nd\u00ebrrohet projekti, por ende nuk \u00ebsht\u00eb vendosur, ende \u00ebsht\u00eb pun\u00ebn e pakryer\u201d, \u00ebsht\u00eb shprehur Krasniqi.<\/p>\n

Por, n\u00eb Ministrin\u00eb e Transportit dhe Post\u00eb Telekomit (MTPT) thon\u00eb se projekti i autostrad\u00ebs \u00ebsht\u00eb ashtu si\u00e7 ka qen\u00eb dhe nuk po ndryshohet, por vet\u00ebm po b\u00ebhen disa p\u00ebrmir\u00ebsime, sepse projekti ka disa mang\u00ebsi.<\/p>\n

K\u00ebshilltari n\u00eb MTPT, Endrit Shala, thot\u00eb se nuk \u00ebsht\u00eb e v\u00ebrtet q\u00eb projekti i autostrad\u00ebs po ndryshohet, por vet\u00ebm po plot\u00ebsohen disa mang\u00ebsi t\u00eb tij. \u201cNuk \u00ebsht\u00eb e v\u00ebrtet\u00eb ajo q\u00eb thuhet se \u00ebsht\u00eb duke u ndryshuar projekti i autostrad\u00ebs, ai \u00ebsht\u00eb ashtu si\u00e7 ka qen\u00eb. Ne jemi n\u00eb ofert\u00eb me nj\u00eb kompani konsulente, e cila do ta merr n\u00eb rishikim projektin, i cili ka mang\u00ebsi, si mungesa e faqeve gjeomekanike. Kompania e ka marr\u00eb p\u00ebr obligim q\u00eb t\u2019i b\u00ebj\u00eb matjet mekanike t\u00eb projektit t\u00eb autostrad\u00ebs, do t\u00eb thot\u00eb, trasen\u00eb se ku do i bie autostrada, po ashtu do ta b\u00ebj konsulenc\u00ebn financiare dhe konsulencat e tjera p\u00ebr Ministrin\u00eb e Transportit. N\u00eb k\u00ebt\u00eb rast p\u00ebr qeverin\u00eb i bie t\u00eb p\u00ebrgatis komplet procedurat p\u00ebr fillimin e nd\u00ebrtimit t\u00eb autostrad\u00ebs Morin\u00eb- Merdare\u201d, thot\u00eb Shala.<\/p>\n

Opozita e painformuar<\/strong><\/p>\n

Por, shumica e partive opozitare nuk din\u00eb gj\u00eb p\u00ebr ndryshimin e projektit t\u00eb Autostrad\u00ebs. Por, ka q\u00eb e kujtojn\u00eb edhe iden\u00eb edhe autor\u00ebsin\u00eb e projektit. Kryetarja e Komisionit p\u00ebr ekonomi dhe tregti Myzejene Selmanaj (AKR) vler\u00ebson se projekti i autostrad\u00ebs \u00ebsht\u00eb punuar edhe n\u00eb koh\u00ebn kur ka qen\u00eb ish presidenti Rugova dhe qeverisja e LDK-s\u00eb dhe AAK-s\u00eb n\u00eb at\u00eb koh\u00eb.<\/p>\n

Ajo ka shtuar se duke marr parasysh se shum\u00eb njer\u00ebz kan\u00eb qeveris\u00eb n\u00eb at\u00eb koh\u00eb, e kan\u00eb par\u00eb se nga do t\u00eb kaloj\u00eb trajektorja e autostrad\u00ebs dhe jan\u00eb munduar t\u00eb marrin toka p\u00ebrskaj saj ose t\u00eb p\u00ebrfitojn\u00eb nga shpron\u00ebsimet q\u00eb do t\u00eb b\u00ebhen. \u201cUn\u00eb do t\u00eb kisha th\u00ebn\u00eb se t\u00eb kaloj\u00eb nga do, vet\u00ebm t\u00eb mos ket\u00eb manipulime me t\u00eb holla t\u00eb shpron\u00ebsimit duke ditur mjaft mir\u00eb, q\u00eb problemi i shpron\u00ebsimit gjat\u00eb nd\u00ebrtimit t\u00eb autostrad\u00ebs do t\u00eb jet\u00eb mjaft i madh\u201d, thot\u00eb Selmanaj.<\/p>\n

Mir\u00ebpo, ish ministri i Transportit dhe Telekomunikacionit, Zef Morina dhe deputeti i LDD-s\u00eb Adem Salihaj, sa i p\u00ebrket ndryshimit apo jo t\u00eb projektit t\u00eb kahes s\u00eb autostrad\u00ebs jan\u00eb shprehur se nuk jan\u00eb n\u00eb dijeni se \u00e7far\u00eb \u00ebsht\u00eb duke ngjar\u00eb me k\u00ebt\u00eb projekt dhe nuk mund t\u00eb pohojn\u00eb asgj\u00eb.<\/p>\n

Nuk po nd\u00ebrtojn\u00eb rrug\u00eb q\u00eb na lidhin me bot\u00ebn<\/strong><\/p>\n

Gjylnaze Syla, nga partia opozitare AAK-ja, thot\u00eb se MTPT-ja po interesohet m\u00eb shum\u00eb p\u00ebr asfaltimin e rrug\u00ebve komunale dhe p\u00ebrgjegj\u00ebsia ka t\u00eb b\u00ebj\u00eb sidomos me rrug\u00ebt regjionale dhe rrug\u00ebt, t\u00eb cilat na lidhin me pjes\u00ebn tjet\u00ebr t\u00eb bot\u00ebs. \u201cGabimi i ministris\u00eb \u00ebsht\u00eb se m\u00eb tep\u00ebr \u00ebsht\u00eb fokusuar n\u00eb rrug\u00ebt q\u00eb jan\u00eb p\u00ebrgjegj\u00ebsi komunale se sa n\u00eb rrug\u00ebt rajonale\u201d, cil\u00ebsoi Syla.<\/p>\n

Nd\u00ebrsa deputetja nga radh\u00ebt e LDD-s\u00eb, Besa Gaxherri, nuk \u00ebsht\u00eb e njoftuar q\u00eb zyrtarisht di\u00e7ka po ndryshohet te projekti i autostrad\u00ebs.<\/p>\n

\u201cP\u00ebr vitin 2009 nuk \u00ebsht\u00eb ndar\u00eb nga buxheti i Kosov\u00ebs asnj\u00eb cent p\u00ebr projektin p\u00ebr tu bashkuar me rrug\u00ebn Durr\u00ebs – Morin\u00eb dhe kjo v\u00ebrtet \u00ebsht\u00eb zhg\u00ebnjyese pasi q\u00eb ne e dim\u00eb se p\u00ebr vitin 2008 dhe 2009 jan\u00eb ndar\u00eb mbi 260 milion\u00eb euro p\u00ebr asfaltimin e rrug\u00ebve n\u00eb Kosov\u00eb dhe n\u00eb qoft\u00eb se prej gjith\u00eb k\u00ebsaj shume nuk \u00ebsht\u00eb menduar p\u00ebr asnj\u00eb rrug\u00eb nd\u00ebrnacionale, kjo n\u00ebnkupton p\u00ebr rrug\u00ebt q\u00eb na lidhin me Shqip\u00ebrin\u00eb. At\u00ebher\u00eb kjo nuk do koment\u201d, thot\u00eb deputetja e LDD-s\u00eb, Gaxherri. Ajo thot\u00eb se meq\u00eb n\u00eb projektbuxhetin e vitit 2009 nuk \u00ebsht\u00eb ndar\u00eb asnj\u00eb cent nga buxheti i Kosov\u00ebs p\u00ebr k\u00ebt\u00eb rrug\u00eb. \u201cNe si opozit\u00eb kemi reaguar dhe ata nuk na jan\u00eb p\u00ebrgjigjur, andaj ta shohim k\u00ebt\u00eb vit a po e p\u00ebrgatitin projektin apo duan ta ndryshojn\u00eb. Mir\u00ebpo, un\u00eb mendoj se \u00ebsht\u00eb dasht\u00eb t\u00eb vijn\u00eb n\u00eb Kuvend dhe t\u00eb na njoftojn\u00eb se pse duan ta ndryshojn\u00eb, ku e si\u201d, thot\u00eb Gaxherri.<\/p>\n

Edhe vet\u00ebm pas p\u00ebrfundimit t\u00eb autostrad\u00ebs Durr\u00ebs \u2013 Morin\u00eb, u mbetet qeverive q\u00eb me politika integruese nga ato t\u00eb interesit ekonomik, tregtar dhe kulturor t\u00eb krijojn\u00eb integrimin e brendsh\u00ebm nd\u00ebrshqiptar\u00eb.<\/p>\n

Blendi Gashi
\nBOTA SOT<\/strong><\/p>\n

\n\t\t