{"id":1783,"date":"2008-05-28T12:09:02","date_gmt":"2008-05-28T17:09:02","guid":{"rendered":"http:\/\/www.visit-ulcinj.com\/blog\/?p=1783"},"modified":"2008-06-03T11:05:56","modified_gmt":"2008-06-03T16:05:56","slug":"ulqinaket-kerkojne-ullishten-e-shpronesuar","status":"publish","type":"post","link":"https:\/\/www.visit-ulcinj.com\/blog\/2008\/05\/28\/ulqinaket-kerkojne-ullishten-e-shpronesuar\/","title":{"rendered":"Ulqinak\u00ebt k\u00ebrkojn\u00eb ullishten e shpron\u00ebsuar"},"content":{"rendered":"

\"valdanos\"Qeveria malazeze nxjerr n\u00eb procedur\u00eb privatizimi gjirin e Valdanosit, q\u00eb iu mor pronar\u00ebve shqiptar\u00eb n\u00eb vitin 1978
\nN\u00ebse shkon n\u00eb Ulqin, \u00ebsht\u00eb e pamundur t\u00eb mos kuptosh r\u00ebnd\u00ebsin\u00eb q\u00eb ullinjt\u00eb kan\u00eb n\u00eb nd\u00ebrgjegjen e banor\u00ebve t\u00eb k\u00ebtij qyteti. Rreth kat\u00ebr kilometra n\u00eb veri t\u00eb qytetit, rrug\u00ebs p\u00ebr n\u00eb Tivar, gjendet nj\u00eb gji i mbyllur i mbuluar me ullinj 500 vje\u00e7ar, gjiri i Valdanosit.\"valdanos_bucht\"<\/a>
\nAty gjendet nj\u00eb pjes\u00eb e konsiderueshme e ullinjve t\u00eb t\u00eb gjith\u00eb zon\u00ebs. Fati i atij gjiri ka shqet\u00ebsuar tashm\u00eb prej tre dekadash ulqinak\u00ebt, nd\u00ebrsa s\u00eb fundmi \u00ebsht\u00eb kthyer s\u00ebrish n\u00eb qend\u00ebr t\u00eb v\u00ebmendjes. Pronar\u00ebt q\u00eb kishin ullinjt\u00eb dhe tokat aty, u shpron\u00ebsuan p\u00ebrkundrejt shp\u00ebrblimit nga qeveria e ish-Jugosllavis\u00eb me argumentimin se ushtria jugosllave do t\u00eb nd\u00ebrtonte nj\u00eb baz\u00eb t\u00eb madhe detare aty.
\nUlqinak\u00ebt u tremb\u00ebn se nj\u00eb veprim i till\u00eb do t\u00eb ndryshonte vij\u00ebn kufitare etnike mes shqiptar\u00ebve dhe malazez\u00ebve. Tema e kufijve etnik vijon t\u00eb jet\u00eb nj\u00eb nga pikat e nxehta t\u00eb diskutimit mes politikan\u00ebve shqiptar\u00eb n\u00eb k\u00ebt\u00eb vend. Baza ushtarake n\u00eb fakt nuk u nd\u00ebrtua kurr\u00eb.
\n\"valdanos_6\"<\/a>Ullishtja mbeti ashtu si\u00e7 qe. Kur qeveria e Malit t\u00eb Zi filloi procesin e kthimit dhe kompensimit t\u00eb pronave, Komuna e Ulqinit vendosi t\u00eb kthej\u00eb me letra k\u00ebt\u00eb gji te pronar\u00ebt e m\u00ebparsh\u00ebm, por nd\u00ebrkoh\u00eb, shfryt\u00ebzuesi i tok\u00ebs s\u00eb shpron\u00ebsuar, nd\u00ebrtoi nj\u00eb kompleks turistik q\u00eb zuri rreth 5% t\u00eb sip\u00ebrfaqes.
\nAutoritetet e Podgoric\u00ebs nuk e njoh\u00ebn vendimin p\u00ebr kthimin e pron\u00ebs. Sipas zyrtar\u00ebve, prona \u00ebsht\u00eb shtet\u00ebrore p\u00ebr shkak se \u00ebsht\u00eb shpron\u00ebsuar p\u00ebr interes publik p\u00ebrkundrejt pages\u00ebs n\u00eb vitin 1978. Por ulqinak\u00ebt duket se nuk kan\u00eb nd\u00ebr mend t\u00eb dor\u00ebzohen.\"valdanos_plaza1\"<\/a>
\nNj\u00eb shoqat\u00eb q\u00eb p\u00ebrfaq\u00ebson ish-pronar\u00ebt, njoftoi dje se do t\u00eb filloj\u00eb luft\u00ebn ligjore dhe politike, fillimisht n\u00eb parlamentin e Malit t\u00eb Zi dhe \u201cpo t\u00eb jet\u00eb nevoja, edhe n\u00eb Strasburg\u201d.
\nPronar\u00ebt thon\u00eb se shpron\u00ebsimi i tyre u krye n\u00ebn kushtet e presionit t\u00eb ushtruar nga autoritetet e nj\u00eb shteti policor dhe se jan\u00eb t\u00eb gatsh\u00ebm t\u00eb kthejn\u00eb parat\u00eb e marra me vler\u00eb t\u00eb aktualizuar. Argumenti i tyre m\u00eb i fort\u00eb q\u00ebndron n\u00eb faktin se shpron\u00ebsimi \u00ebsht\u00eb kryer teorikisht p\u00ebr interesin publik t\u00eb mbrojtjes komb\u00ebtare, gj\u00eb q\u00eb nuk \u00ebsht\u00eb realizuar asnj\u00ebher\u00eb dhe se ndryshimi i destinacionit p\u00ebrb\u00ebn shkelje ligjore.
\n Gjergj Erebara<\/strong><\/strong>
\nAutor \/ Shekulli<\/strong><\/p>\n