{"id":17925,"date":"2009-04-14T19:06:04","date_gmt":"2009-04-14T17:06:04","guid":{"rendered":"http:\/\/www.visit-ulcinj.com\/blog\/?p=17925"},"modified":"2009-09-30T08:55:04","modified_gmt":"2009-09-30T06:55:04","slug":"interviste-me-kengetaren-hana-cakuli-2","status":"publish","type":"post","link":"https:\/\/www.visit-ulcinj.com\/blog\/2009\/04\/14\/interviste-me-kengetaren-hana-cakuli-2\/","title":{"rendered":"Intervist\u00eb me k\u00ebng\u00ebtaren Hana Cakuli"},"content":{"rendered":"

\"hana-cakuli_ulqin_mali-i-zi3\"<\/a><\/strong><\/p>\n

E madhe n\u00eb nj\u00eb vend t\u00eb vog\u00ebl<\/strong><\/p>\n

Nga ky vend i vog\u00ebl si\u00e7 \u00ebsht\u00eb Ulqini talent\u00ebt e artit dhe t\u00eb kultur\u00ebs nuk mund t\u00eb presin q\u00eb dicka t\u00eb jet\u00eb e p\u00ebrkrahur, e p\u00ebrfaq\u00ebsuar n\u00eb nivele m\u00eb t\u00eb larta dhe si mund\u00ebsi p\u00ebr t\u00eb ecur p\u00ebrpara pavar\u00ebsisht sa i kan\u00eb dh\u00ebn\u00eb qytetit t\u00eb tyre si ambasador\u00eb t\u00eb v\u00ebrtet\u00eb, por pasioni i tyre b\u00ebn q\u00eb ata t\u00eb jen\u00eb n\u00eb sken\u00eb, t\u00eb ken\u00eb p\u00ebrkrah\u00ebsit e tyre dhe ata ua din\u00eb emrat meq\u00eb kan\u00eb nj\u00eb axhend\u00eb shum\u00eb t\u00eb ngarkuar. Si em\u00ebr i njohur p\u00ebr artdash\u00ebsit e muzik\u00ebs n\u00eb t\u00eb gjitha trojet shqiptare \u00ebsht\u00eb edhe Hana Cakuli. Nj\u00eb vajz\u00eb e lindur n\u00eb qytetin e lasht\u00eb t\u00eb Ulqinit edhe pse n\u00eb mosh\u00eb t\u00eb re ( 20 vjet ), krahas m\u00ebsimit dhe studimeve zgjodhi muzik\u00ebn nga ku d\u00ebgjohet me \u00ebndje prej fansave t\u00eb saj. E re, por tashm\u00eb e njohur n\u00eb muzik\u00eb ajo i ka hedhur hapat e saj n\u00eb hap\u00ebsir\u00ebn gjith\u00ebshqiptare, duke sh\u00ebnuar k\u00ebshtu 7 vjet t\u00eb pun\u00ebs e t\u00eb aktivitetit muzikor. Q\u00eb nga paraqitja e par\u00eb e saj, kjo ulqinake e re shpejt u b\u00eb e njohur me shpirtin e saj t\u00eb but\u00eb e talent, duke mos u ndalur n\u00eb rrug\u00ebn e nisur, n\u00eb udh\u00ebn e bukur t\u00eb k\u00ebng\u00ebs. K\u00ebshtu paraqitja e saj n\u00eb sken\u00ebn e muzik\u00ebs si nj\u00eb artiste e v\u00ebrtet\u00eb b\u00ebri q\u00eb edhe qyteti i Ulqinit t\u00eb prezantohet kudo n\u00eb trojet shqiptare, me \u00e7ka d\u00ebshmoi se edhe k\u00ebtu ka talent\u00eb t\u00eb mir\u00ebfillt\u00eb p\u00ebr shum\u00eb fusha t\u00eb jet\u00ebs. Kjo \u00ebsht\u00eb ajo q\u00eb e b\u00ebn t\u00eb njohur Han\u00ebn, por edhe Ulqinin, me \u00e7ka k\u00ebng\u00ebt e saja mbeten p\u00ebrher\u00eb t\u00eb paharruara dhe vazhdojn\u00eb t\u00eb d\u00ebgjohen duartrokitjet frenetike t\u00eb spektator\u00ebve q\u00eb e shoq\u00ebrojn\u00eb kudo at\u00eb.<\/p>\n

Me nj\u00eb f\u00ebmij\u00ebri krejt ndryshe nga t\u00eb tjer\u00ebt fal\u00eb kushteve dhe p\u00ebrkrahjes q\u00eb i japin prind\u00ebrit, Hana diti t\u00eb mir\u00ebkuptojn\u00eb artdash\u00ebsit kur me k\u00ebng\u00ebt e saja e z\u00ebrin melodik arriti t\u00eb p\u00ebrveht\u00ebsoj\u00eb shum\u00eb adhurues kudo q\u00eb \u00ebsht\u00eb paraqitur. Duket se gjith\u00eb pun\u00ebn e saj n\u00eb muzik\u00eb e ka marr\u00eb p\u00ebrsip\u00ebr p\u00ebr ta b\u00ebr\u00eb vet\u00eb edhe pse ka nj\u00eb num\u00ebr p\u00ebrkrah\u00ebsish q\u00eb e mb\u00ebshtesin n\u00eb k\u00ebt\u00eb rrug\u00eb.<\/p>\n

Gjith\u00eb sharmin e vet Hana vazhdon ta ndjek\u00eb edhe n\u00eb realizimin e k\u00ebng\u00ebve t\u00eb saja, vazhdon t\u00eb jet\u00eb e pranishme kudo n\u00eb trojet shqiptare p\u00ebr t\u00eb dh\u00ebn\u00eb ate q\u00eb fansat e saj e k\u00ebrkojn\u00eb, thjesht\u00ebsin\u00eb, melodin\u00eb, shpirtin e saj t\u00eb \u00ebmb\u00ebl e z\u00ebrin e saj melodik.<\/p>\n

Biografia-<\/strong>\"hana-cakuli_ulqin_mali-i-zi1\"<\/a><\/p>\n

Hana u lind m\u00eb 26 maj 1989, n\u00eb Ulqin,<\/p>\n

Kreu Shkoll\u00ebn Fillore \u201cMarshal Tito\u201d n\u00eb Ulqin, shkoll\u00ebn e mesme p\u00ebr tre vite n\u00eb Gjimnazin \u201cV\u00ebllaz\u00ebrin-Bashkim\u201d n\u00eb Ulqin, p\u00ebr t\u00eb vijuar vitin e fundit t\u00eb shkoll\u00ebs s\u00eb mesme \u201cSami Frash\u00ebri\u201d n\u00eb Prishtin\u00eb,<\/p>\n

Tani \u00ebsht\u00eb studente n\u00eb Universitetin Amerikan t\u00eb Kosov\u00ebs.(AUK).<\/p>\n

Koha Javore:<\/strong> Kur ka filluar Hana t\u00eb merret me muzik\u00eb?<\/p>\n

H. Cakuli:<\/strong> T\u00eb merrem me muzik\u00eb kam filluar n\u00eb mosh\u00ebn 13-vje\u00e7are. Se kam prirje p\u00ebr muzik\u00eb k\u00ebt\u00eb ma kan\u00eb hetuar s\u00eb pari profesor\u00ebt e muzik\u00ebs n\u00eb shkoll\u00eb ku zhvilloheshin gara t\u00eb k\u00ebndimit n\u00eb klas\u00eb. Kurse, momenti kur un\u00eb u zbulova realisht ishte nj\u00eb gar\u00eb n\u00eb nj\u00eb emision n\u00eb Radio Elita ku k\u00ebnga ime u shpall fituese dhe k\u00ebtu fillova karrier\u00ebn time.<\/p>\n

<\/strong><\/p>\n

Koha Javore:<\/strong> Kush Ju ndihmon p\u00ebr pjes\u00ebmarrje n\u00eb koncerte, nga i merr tekstet, me cilin kompozitor bash\u00ebpunon?<\/p>\n

H. Cakuli:<\/strong> Deri tani kam punuar me kompozitor\u00ebt Armend Rexhepagiq, Florian Mumajesi, Genti Lako; me producent\u00ebt Ilir Osmani dhe Florent Boshnjaku. Tekstet n\u00eb t\u00eb shumt\u00ebn e rasteve m\u2019i kan\u00eb shkruar Aida Baraku, Kastro Zizo, Ardit Roshi etj. Ata q\u00eb m\u00eb kan\u00eb ndihmuar m\u00eb s\u00eb shumti p\u00ebr pjes\u00ebmarrje n\u00eb koncerte kan\u00eb qen\u00eb dhe jan\u00eb familja ime, si moralisht ashtu edhe p\u00ebr paraqitjen time.<\/p>\n

<\/strong><\/p>\n

Koha Javore: <\/strong>Po profesionalisht, kur \u00ebsht\u00eb paraqitur Hana p\u00ebr her\u00eb t\u00eb par\u00eb n\u00eb sken\u00ebn e muzik\u00ebs. Cilin lloj t\u00eb muzik\u00ebs e preferon?<\/p>\n

H. Cakuli:<\/strong> N\u00ebse flasim profesionalisht dhe me nj\u00eb pjekuri t\u00eb z\u00ebrit, paraqitja ime e par\u00eb ishte n\u00eb Top Fest 3, ku jam paraqitur me k\u00ebng\u00ebn time \u201cNat\u00ebn kaloje me ne\u201d.<\/p>\n

Llojet e muzik\u00ebs q\u00eb m\u00eb p\u00eblqejn\u00eb jan\u00eb: Pop, Rock, Alternative, Soul, Jazz, Blues …<\/p>\n

\"hana-cakuli_ulqin_mali-i-zi\"<\/a><\/p>\n

Koha Javore:<\/strong> Ku jeni paraqitur deri m\u00eb tani?<\/p>\n

H. Cakuli: <\/strong>Deri m\u00eb tani jam paraqitur n\u00eb Festivalet: Top Fest 3, 4 dhe 5, K\u00ebnga magjike 2007 dhe 2008, Video Fest 2008, si dhe n\u00eb garat republikane t\u00eb solo k\u00ebndimit n\u00eb Mal t\u00eb Zi, 2006.<\/p>\n

Koha Javore:<\/strong> Cili \u00ebsht\u00eb suksesi i juaj m\u00eb i madh?<\/p>\n

H. Cakuli:<\/strong> Ajo q\u00eb m\u00eb k\u00ebnaq\u00eb dhe m\u00eb b\u00ebn t\u00eb lumtur n\u00eb k\u00ebto momente \u00ebsht\u00eb arritja deri tek emocionet e publikut nga t\u00eb cil\u00ebt kam marr\u00eb komplimente dhe m\u00eb thon\u00eb se u p\u00eblqejn\u00eb k\u00ebng\u00ebt, z\u00ebri, tekstet dhe gj\u00ebrat e tjera n\u00eb p\u00ebrb\u00ebrjen time si k\u00ebng\u00ebtare.<\/p>\n

Koha Javore:<\/strong> A i ka hedhur n\u00eb treg k\u00ebng\u00ebt e saja Hana?<\/p>\n

H. Cakuli:<\/strong> K\u00ebng\u00ebt e mia jan\u00eb hedhur n\u00eb treg n\u00eb kompilacionet e Festivaleve Top Fest dhe K\u00ebnga magjike. Krahas k\u00ebsaj kam punuar edhe nj\u00eb CD me k\u00ebng\u00eb popullore t\u00eb orkestruar n\u00eb zhanrin jazz , nj\u00eb lancim ky i Koha TV t\u00eb Kosov\u00ebs me rastin e Vitit t\u00eb Ri 2008, ku isha pjes\u00eb e nj\u00eb kuarteti, bashk\u00eb me Flaka Krelanin, Yllka Kuqin e Fitore Gjonbal\u00ebn.<\/p>\n

\"hana-cakuli_ulqin_mali-i-zi4\"<\/a><\/p>\n

Koha Javore:<\/strong> Cila \u00ebsht\u00eb k\u00ebnga q\u00eb i ka dh\u00ebn\u00eb em\u00ebr Han\u00ebs dhe \u00e7ka paraqet ajo p\u00ebr t\u00eb?<\/p>\n

H. Cakuli: <\/strong>K\u00ebnga e cila m\u00eb ka ndihmuar t\u00eb njihem m\u00eb shum\u00eb, dhe mund t\u00eb them se i ka dh\u00ebn\u00eb vul\u00eb emrit tim, \u00ebsht\u00eb \u201c U sh\u00ebrova\u201d. Kjo k\u00ebng\u00eb p\u00ebr mua paraqet nj\u00eb k\u00ebnaq\u00ebsi dhe sukses t\u00eb ve\u00e7ant\u00eb p\u00ebr faktin se t\u00eb nj\u00ebjt\u00ebn e shijoj edhe sot e k\u00ebsaj dite.<\/p>\n

Koha Javore:<\/strong> Do t\u00eb kishit d\u00ebshir\u00eb t\u00eb organizonit ndonj\u00eb spektak\u00ebl dhe ku?<\/p>\n

H. Cakuli: <\/strong>Pse jo. Do ta b\u00ebja kudo, vet\u00ebm t\u00eb ishte nj\u00eb spektak\u00ebl serioz, me ide t\u00eb bukura dhe ekip profesional.<\/p>\n

<\/strong><\/p>\n

\"hana-cakuli_ulqin_mali-i-zi5\"<\/a>Koha Javore:<\/strong> Sa jeni e k\u00ebnaqur me publikun?<\/p>\n

H. Cakuli: <\/strong>Jam jasht\u00ebzakonisht e k\u00ebnaqur. P\u00ebr k\u00ebto tre vite sa jam n\u00eb sken\u00ebn e estrad\u00ebs shqiptare m\u00eb p\u00eblqen reaksioni i tyre. Shpresoj t\u00eb vazhdojm\u00eb k\u00ebshtu.<\/p>\n

<\/strong><\/p>\n

Koha Javore:<\/strong> Si e ndjeni veten n\u00eb mesin e k\u00ebng\u00ebtar\u00ebve t\u00eb tjer\u00eb t\u00eb muzik\u00ebs shqiptare dhe k\u00eb do t\u00eb ve\u00e7onit?<\/p>\n

H. Cakuli: <\/strong>Ndihem n\u00eb mesin tim. M\u00eb p\u00eblqen t\u00eb bisedoj me ta p\u00ebr t\u00eb shk\u00ebmbyer mendime s\u00eb bashku, sepse jan\u00eb ata q\u00eb m\u00eb kuptojn\u00eb m\u00eb s\u00eb miri n\u00eb t\u00eb shprehurit tim artistik, meq\u00eb edhe ata kalojn\u00eb n\u00ebp\u00ebr t\u00eb nj\u00ebjtat rrug\u00eb e sakrifica. Nuk di k\u00eb t\u00eb vecoj m\u00eb par\u00eb. Ka shum\u00eb …<\/p>\n

<\/strong><\/p>\n

Koha Javore: <\/strong>Jeni gjithmon\u00eb n\u00eb form\u00eb p\u00ebr t\u2019ju admiruar. Sa koh\u00eb t\u00eb kushton kjo?<\/p>\n

H. Cakuli: <\/strong>Sigurisht se k\u00ebrkon koh\u00eb. P\u00ebr k\u00ebt\u00eb duhet rregull. Duhet kujdesur p\u00ebr vet\u00ebn, p\u00ebr p\u00ebrshtatjen e veshjes me k\u00ebng\u00ebn e cila gjithashtu k\u00ebrkon koh\u00eb p\u00ebr t\u2019u paraqitur n\u00eb m\u00ebnyr\u00ebn m\u00eb t\u00eb mir\u00eb para publikut.<\/p>\n

Koha Javore:<\/strong> Jeni tri motra, gjithmon\u00eb t\u00eb veshura bukur. A konsultoheni me nj\u00ebra-tjetr\u00ebn?<\/p>\n

H. Cakuli:<\/strong> Faleminderit. Po konsultohemi patjet\u00ebr. Motrat dhe n\u00ebna jan\u00eb ato me t\u00eb cilat k\u00ebshillohem p\u00ebr veshjet e mia n\u00eb sken\u00eb, por edhe p\u00ebr veshjen ton\u00eb n\u00eb p\u00ebrgjith\u00ebsi.<\/p>\n

Koha Javore:<\/strong> Planet tuaja p\u00ebr t\u00eb ardhmen?<\/p>\n

H. Cakuli:<\/strong> D\u00ebshiroj q\u00eb me pun\u00eb konstante t\u00eb vazhdoj t\u00eb prodhoj k\u00ebng\u00eb sa m\u00eb cil\u00ebsore p\u00ebr t\u00eb l\u00ebn\u00eb di\u00e7ka t\u00eb bukur n\u00eb muzik\u00ebn ton\u00eb.<\/p>\n

Quajeni si t\u00eb doni, por Hana Cakuli me eleganc\u00ebn, me k\u00ebng\u00ebt e veta ka pushtuar thuajse t\u00eb gjitha ekranet televizive, duke sfiduar t\u00eb gjith\u00eb, e sidomos ata q\u00eb nuk kan\u00eb besuar n\u00eb talentin e saj, nj\u00eb vajz\u00eb imcake q\u00eb nj\u00eb dit\u00eb do t\u00eb b\u00ebhet edhe m\u00eb e famshme. Ajo premton shum\u00eb.<\/p>\n

Lexo m\u00eb shum\u00eb p\u00ebr Hana Cakulin<\/strong><\/a><\/p>\n

Intervistoi Shaban Peraj<\/strong><\/p>\n

Koha Javore<\/strong><\/p>\n

\n\t\t