{"id":24680,"date":"2009-08-17T19:35:08","date_gmt":"2009-08-17T17:35:08","guid":{"rendered":"http:\/\/www.visit-ulcinj.com\/blog\/?p=24680"},"modified":"2009-08-17T19:54:43","modified_gmt":"2009-08-17T17:54:43","slug":"klubi-i-basketbollit-%e2%80%9culqini%e2%80%9d-qe-nga-tetori-do-t%e2%80%99i-luaje-ndeshjet-ne-palestren-e-re-sportive","status":"publish","type":"post","link":"https:\/\/www.visit-ulcinj.com\/blog\/2009\/08\/17\/klubi-i-basketbollit-%e2%80%9culqini%e2%80%9d-qe-nga-tetori-do-t%e2%80%99i-luaje-ndeshjet-ne-palestren-e-re-sportive\/","title":{"rendered":"Klubi i Basketbollit \u201cUlqini\u201d q\u00eb nga tetori do t\u2019i luaj\u00eb ndeshjet n\u00eb palestr\u00ebn e re sportive"},"content":{"rendered":"

\"Klubi<\/a>Palest\u00ebr q\u00eb plot\u00ebson standardet dhe kriteret nd\u00ebrkomb\u00ebtare<\/strong><\/p>\n

Projekti i palestr\u00ebs e cila do t\u00eb ket\u00eb kapacitet prej rreth 1300 vendesh \u00ebsht\u00eb punuar nga arkitekti i ri ulqinak, Valon Buzuku. Nd\u00ebrtimi i saj financohet t\u00ebr\u00ebsisht nga investitor\u00ebt privat\u00eb, miq t\u00eb KB \u201cUlqini\u201d, dhe pritet t\u00eb tejkaloj\u00eb vler\u00ebn prej 450 mij\u00eb eurosh. Drejtori i KB \u201cUlqini\u201d, Pavle Pepgjonovq, thot\u00eb se kjo palest\u00ebr sportive do t\u00eb jet\u00eb gjithsesi nj\u00ebri prej objekteve m\u00eb t\u00eb bukur sportiv\u00eb t\u00eb k\u00ebtij lloji n\u00eb t\u00ebr\u00eb Malin e Zi.
\nDerisa p\u00ebrfaq\u00ebsuesit e institucioneve vendore dhe shtet\u00ebrore ka koh\u00eb q\u00eb flasin p\u00ebr nd\u00ebrtimin e nj\u00eb palestre sportive n\u00eb Ulqin, Klubi i Basketbollit \u201cUlqini\u201d ka vendosur t\u00eb nd\u00ebrtoj\u00eb vet\u00eb sall\u00ebn e sportit. Pun\u00ebt p\u00ebr nd\u00ebrtimin e saj kan\u00eb filluar q\u00eb n\u00eb muajin mars dhe sipas planit pritet t\u00eb p\u00ebrfundojn\u00eb m\u00eb 20 tetor. Palestra e re nd\u00ebrtohet n\u00eb vendin ku m\u00eb par\u00eb ka ekzistuar salla e fiskultur\u00ebs e Shkoll\u00ebs s\u00eb Mesme \u201cV\u00ebllaz\u00ebrim Bashkim\u201d, n\u00eb pron\u00ebsi t\u00eb s\u00eb cil\u00ebs edhe do t\u00eb jet\u00eb salla e re.
\n\"Palestra<\/a>Projekti i palestr\u00ebs e cila do t\u00eb ket\u00eb kapacitet prej rreth 1300 vendesh, prej t\u00eb cilave 1100 ul\u00ebse, \u00ebsht\u00eb punuar nga arkitekti i ri ulqinak, Valon Buzuku. Nd\u00ebrtimi i saj financohet t\u00ebr\u00ebsisht nga investitor\u00ebt privat\u00eb, miq t\u00eb KB \u201cUlqini\u201d, dhe pritet t\u00eb tejkaloj\u00eb vler\u00ebn prej 450 mij\u00eb eurosh.
\nDrejtori i KB \u201cUlqini\u201d, Pavle Pepgjonoviq, thot\u00eb se nd\u00ebrtimi i sall\u00ebs ka koh\u00eb q\u00eb \u00ebsht\u00eb nd\u00ebr prioritet e k\u00ebtij klubi p\u00ebr ekzistenc\u00ebn e tij p\u00ebr shkak se salla e Shkoll\u00ebs Fillore \u201cMareshali Tito\u201d, ku ky klub i ka luajtur deri tani ndeshjet e veta, nuk i plot\u00ebson kushtet as p\u00ebr zhvillimin e ndeshjeve vendore, as p\u00ebr zhvillimin e ndeshjeve nd\u00ebrkomb\u00ebtare. Ai pranon se Federata e Basketbollit e Malit t\u00eb Zi \u201cme q\u00ebllim t\u00eb zhvillimit t\u00eb sportit edhe n\u00eb k\u00ebto treva\u201d i ka toleruar k\u00ebto l\u00ebshime duke i mbyllur syt\u00eb.
\nSipas tij, ka shum\u00eb arsye q\u00eb \u00ebsht\u00eb vendosur p\u00ebr ta nd\u00ebrtuar palestr\u00ebn n\u00eb partneritet me Shkoll\u00ebn e Mesme \u201cV\u00ebllaz\u00ebrim Bashkim\u201d, por m\u00eb e r\u00ebnd\u00ebsishmja \u00ebsht\u00eb se kan\u00eb dashur q\u00eb basketbollin ta ruajn\u00eb n\u00eb zemr\u00ebn e qytetit.\"Palestra<\/a>
\n\u201cN\u00eb nj\u00eb periudh\u00eb t\u00eb caktuar kemi arritur n\u00eb iden\u00eb q\u00eb t\u00eb hyjm\u00eb n\u00eb bisedime me Ministrin\u00eb e Arsimit dhe Shkenc\u00ebs s\u00eb Malit t\u00eb Zi dhe udh\u00ebheqjen e Shkoll\u00ebs s\u00eb Mesme \u201cV\u00ebllaz\u00ebrim Bashkim\u201d, p\u00ebr lidhjen e partneritetit p\u00ebr nd\u00ebrtimin e palestr\u00ebs sportive n\u00eb vendin e tashm\u00eb ish sall\u00ebs s\u00eb fiskultur\u00ebs s\u00eb k\u00ebsaj shkolle. Me Shkoll\u00ebn e Mesme \u00ebsht\u00eb lidhur marr\u00ebveshje ku shkolla e l\u00ebshon truallin, kurse t\u00eb gjitha investimet e tjera, q\u00eb nga bazamenti e deri n\u00eb p\u00ebrfundim t\u00eb projektit, i financon KB \u201cUlqini\u201d me miqt\u00eb e vet\u201d, shpjegon Pepgjonoviq.
\n\"Palestra<\/a>Salla e re do t\u2019i plot\u00ebsoj\u00eb t\u00eb gjitha standardet dhe kriteret p\u00ebr luajtjen e t\u00eb gjitha ndeshjeve me karakter nd\u00ebrkomb\u00ebtar dhe mbajtjen e aktiviteteve t\u00eb tjera sportive. N\u00eb p\u00ebrb\u00ebrjen e saj do t\u00eb jet\u00eb edhe salla moderne gjimnastikore, ambulanca sportive, sport-caffe-ja, ambientet zyrtare, dhomat e zhveshjes, dhe p\u00ebrmbajtje t\u00eb tjera.
\nKriza e p\u00ebrgjithshme ekonomike bot\u00ebrore nuk ka shkuar n\u00eb favor t\u00eb sigurimit t\u00eb mjeteve financiare p\u00ebr nd\u00ebrtimin e palestr\u00ebs sportive. Megjithat\u00eb, sipas drejtorit t\u00eb KB \u201cUlqini\u201d, as kjo situat\u00eb nuk do t\u2019i pengoj\u00eb ata p\u00ebr kryerjen e k\u00ebtij investimi.
\n\u201c\u00cbsht\u00eb m\u00eb se e sigurt se situata e krijuar dhe trokitja n\u00eb der\u00eb e kriz\u00ebs ekonomike globale bot\u00ebrore nuk na shkon n\u00eb favor. \u00cbsht\u00eb konstatuar se sikur realizimin e k\u00ebtij projekti ta kishim filluar nj\u00eb apo dy vjet m\u00eb par\u00eb, me siguri q\u00eb m\u00eb me pak dhimbje sa i p\u00ebrket investimeve do ta kishim realizuar k\u00ebt\u00eb projekt. \"Palestra<\/a>
\nPor si\u00e7 \u00ebsht\u00eb tashm\u00eb e njohur, miqt\u00eb dhe drejtuesit e KB \u201cUlqini\u201d t\u00ebr\u00eb k\u00ebto vite t\u00eb kaluara kan\u00eb treguar nj\u00eb shkall\u00eb t\u00eb lart\u00eb t\u00eb seriozitetit n\u00eb realizimin e t\u00eb gjitha projekteve dhe ideve lidhur me zhvillimin e sportit t\u00eb basketbollit n\u00eb komun\u00ebn ton\u00eb. Me k\u00ebt\u00eb dua t\u00eb them se edhe n\u00eb realizimin e k\u00ebtij projekti miqt\u00eb e KB \u201cUlqini\u201d nuk do t\u00eb ndalen, por do ta \u00e7ojn\u00eb at\u00eb deri n\u00eb fund\u201d, thot\u00eb Pepgjonoviq.
\nPunimet p\u00ebr nd\u00ebrtimin e palestr\u00ebs kan\u00eb ecur sipas parashikimit dhe Pepgjonoviq thot\u00eb se ajo do t\u00eb jet\u00eb gati deri n\u00eb fund t\u00eb muajit tetor.
\nSipas tij, ajo do t\u00eb jet\u00eb nd\u00ebr palestrat m\u00eb t\u00eb bukura t\u00eb k\u00ebtij lloji n\u00eb Mal t\u00eb Zi.
\n\u201cAjo q\u00eb dua t\u00eb theksoj, pa e tepruar, \u00ebsht\u00eb se palestra sportive n\u00eb Ulqin do t\u00eb jet\u00eb gjithsesi nj\u00ebri prej objekteve m\u00eb t\u00eb bukur sportiv\u00eb t\u00eb k\u00ebtij lloji n\u00eb t\u00ebr\u00eb Malin e Zi\u201d, thot\u00eb Pepgjonoviq.
\nDrejtori i KB \u201cUlqini\u201d mendon se me nd\u00ebrtimin e k\u00ebsaj palestre sportive n\u00eb Ulqin do t\u00eb krijohen kushtet jo vet\u00ebm p\u00ebr zhvillimin e sportit dhe animimin e t\u00eb rinjve, por edhe p\u00ebr zhvillimin e turizmit sportiv gjat\u00eb dimrit.<\/p>\n

I.Kallaba
\nKoha Javore<\/strong><\/p>\n

\n\t\t