{"id":25649,"date":"2009-09-18T21:57:28","date_gmt":"2009-09-18T19:57:28","guid":{"rendered":"http:\/\/www.visit-ulcinj.com\/blog\/?p=25649"},"modified":"2009-09-18T21:57:28","modified_gmt":"2009-09-18T19:57:28","slug":"presidenti-topi-takon-presidentin-e-malit-te-zi-filip-vujanovic-2","status":"publish","type":"post","link":"https:\/\/www.visit-ulcinj.com\/blog\/2009\/09\/18\/presidenti-topi-takon-presidentin-e-malit-te-zi-filip-vujanovic-2\/","title":{"rendered":"Presidenti Topi takon Presidentin e Malit t\u00eb Zi, Filip Vujanovi\u00e7"},"content":{"rendered":"

\"Presidenti<\/a>Presidenti i Republik\u00ebs, Prof. Dr. Bamir Topi nisi sot vizit\u00ebn e tij zyrtare n\u00eb Republik\u00ebn e Malit t\u00eb Zi me ftes\u00eb t\u00eb Presidentit malazez, Filip Vujanovi\u00e7. Kryetari i Shtetit s\u00eb bashku me Zonj\u00ebn e Par\u00eb, Teuta Topi dhe delegacioni q\u00eb e shoq\u00ebron u prit\u00ebn me nj\u00eb ceremoni zyrtare t\u00eb mir\u00ebseardhjes n\u00eb Pallatin Presidencial n\u00eb Cetinje. N\u00eb vijim Presidenti Topi dhe homologu i tij i Malit t\u00eb Zi, Vujanovi\u00e7 pat\u00ebn nj\u00eb takim kok\u00eb m\u00eb kok\u00eb dhe n\u00eb p\u00ebrfundim t\u00eb tij, dy President\u00ebt kryesuan delegacionet respektive n\u00eb nj\u00eb takim bilateral.<\/p>\n

N\u00eb p\u00ebrfundim t\u00eb takimit mes dy delegacioneve, Presidenti Topi dhe Presidenti malazez dhan\u00eb nj\u00eb konferenc\u00eb t\u00eb p\u00ebrbashk\u00ebt p\u00ebr shtyp:<\/p>\n

Presidenti Vujanovi\u00e7:<\/strong> I nderuari President i Shqip\u00ebris\u00eb, zoti Bamir Topi! Zonja dhe zot\u00ebrinj! Ishte nj\u00eb k\u00ebnaq\u00ebsi t\u00eb pres zotin Topi. Ky takim kishte edhe nj\u00eb r\u00ebnd\u00ebsi t\u00eb ve\u00e7ant\u00eb, sepse kjo \u00ebsht\u00eb vizita e par\u00eb zyrtare e Kreut t\u00eb shtetit shqiptar n\u00eb Malin e Zi. Diskutuam q\u00eb Shqip\u00ebria dhe Mali i Zi kan\u00eb q\u00ebllime dhe interesa t\u00eb nj\u00ebjta euro-atlantike dhe theksuam bashk\u00ebpunimin e mir\u00eb mes tyre.<\/p>\n

Ky ishte edhe nj\u00eb rast i mir\u00eb q\u00eb t\u00eb p\u00ebrg\u00ebzoj zotin Topi p\u00ebr hyrjen e Shqip\u00ebris\u00eb n\u00eb NATO dhe p\u00ebr kontributin e tij personal n\u00eb k\u00ebt\u00eb drejtim. Edhe ne u g\u00ebzuam dhe e respektojm\u00eb integrimin e Shqip\u00ebris\u00eb n\u00eb NATO. Na g\u00ebzon fakti q\u00eb Shqip\u00ebria n\u00eb t\u00eb nj\u00ebjt\u00ebn m\u00ebnyr\u00eb si Kroacia, arriti t\u00eb p\u00ebrmbush\u00eb aspirat\u00ebn e saj duke u futur n\u00eb NATO. Edhe ne ndajm\u00eb t\u00eb nj\u00ebjtat aspirata dhe po b\u00ebjm\u00eb p\u00ebrpjekje p\u00ebr t\u2019i p\u00ebrmbushur ato. P\u00ebrsa i p\u00ebrket integrimit n\u00eb Bashkimin Evropian, ne jemi nj\u00eb hap p\u00ebrpara Shqip\u00ebris\u00eb dhe jemi t\u00eb gatsh\u00ebm q\u00eb p\u00ebrvoj\u00ebn ton\u00eb ta ndajm\u00eb me t\u00eb.<\/p>\n

Marr\u00ebdh\u00ebniet tona jan\u00eb shum\u00eb t\u00eb mira dhe ne ndam\u00eb mendimin q\u00eb t\u00eb ket\u00eb nj\u00eb dinamik\u00eb m\u00eb t\u00eb p\u00ebrshpejtuar me zhvillime t\u00eb tjera duke ndar\u00eb p\u00ebrvoj\u00ebn pozitive n\u00eb m\u00ebnyr\u00eb q\u00eb t\u00eb shkurtojm\u00eb edhe rrug\u00ebn e p\u00ebrbashk\u00ebt integruese.<\/p>\n

\u00cbsht\u00eb nj\u00eb k\u00ebnaq\u00ebsi q\u00eb nga zoti Topi t\u00eb d\u00ebgjojm\u00eb di\u00e7ka rreth zhvillimeve pozitive shqiptare, q\u00eb lidhen me integrimin e saj evropian si me zhvillimet e fundit politike, po ashtu edhe me rritjen ekonomike t\u00eb Shqip\u00ebris\u00eb.<\/p>\n

Duke patur parasysh edhe q\u00ebllimet strategjike t\u00eb qeveris\u00eb s\u00eb re shqiptare, besojm\u00eb se do t\u00eb thellohet bashk\u00ebpunimi yn\u00eb i ngusht\u00eb n\u00eb t\u00eb gjitha fushat. Ky bashk\u00ebpunim shtrihet n\u00eb disa sfera si dhe n\u00eb zbatimin dhe realizimin e projekteve t\u00eb p\u00ebrbashk\u00ebta, sidomos p\u00ebrsa i p\u00ebrket zhvillimit t\u00eb infrastruktur\u00ebs rrugore. N\u00eb k\u00ebt\u00eb drejtim nj\u00eb projekt i nj\u00eb r\u00ebnd\u00ebsie t\u00eb ve\u00e7ant\u00eb \u00ebsht\u00eb ai i bashk\u00ebpunimit t\u00eb ngusht\u00eb mes dy ministrive p\u00ebrkat\u00ebse t\u00eb transportit ku ne do t\u00eb arrijm\u00eb t\u00eb p\u00ebrfundojm\u00eb rrug\u00ebn Plav\u00eb-Podgoric\u00eb p\u00ebr ta lidhur at\u00eb me pjes\u00ebn tjet\u00ebr drejt jugut, drejt Shqip\u00ebris\u00eb.<\/p>\n

Diskutuam edhe p\u00ebr l\u00ebvizjen e lir\u00eb t\u00eb njer\u00ebzve duke par\u00eb r\u00ebnd\u00ebsin\u00eb e saj n\u00eb kuadrin rajonal. Duke patur parasysh nevoj\u00ebn e rritjes s\u00eb l\u00ebvizjes s\u00eb njer\u00ebzve, shk\u00ebmbimit t\u00eb mallrave del n\u00eb pah edhe r\u00ebnd\u00ebsia e p\u00ebrmir\u00ebsimit dhe nd\u00ebrtimit t\u00eb lidhjeve infrastrukturore. Diskutuam edhe p\u00ebr rritjen e shk\u00ebmbimeve tregtare n\u00eb kuad\u00ebr t\u00eb bashk\u00ebpunimit ekonomik rajonal.<\/p>\n

Dhe tani, duke e uruar edhe nj\u00eb her\u00eb zotin Topi p\u00ebr vizit\u00ebn e par\u00eb zyrtare t\u00eb nj\u00eb Presidenti shqiptar n\u00eb Malin e Zi, e ftoj at\u00eb t\u00eb prononcohet!<\/p>\n

Presidenti Topi: <\/strong>I nderuari President Vujanovi\u00e7! T\u00eb nderuar zonja e zot\u00ebrinj, p\u00ebrfaq\u00ebsues t\u00eb medias! S\u00eb pari do ta falenderoj s\u00ebrish Presidentin Vujanovi\u00e7 p\u00ebr ftes\u00ebn dhe p\u00ebr mikpritjen dhe mund\u00ebsin\u00eb q\u00eb na jepet p\u00ebrs\u00ebri p\u00ebr t\u00eb p\u00ebrjetuar nga af\u00ebr ndjesin\u00eb q\u00eb t\u00eb jep qyteti historik i Cetinj\u00ebs!<\/p>\n

Ne gjat\u00eb bisedimeve rikonfirmuam edhe nj\u00eb her\u00eb marr\u00ebdh\u00ebniet mjaft t\u00eb mira q\u00eb ekzistojn\u00eb mes Shqip\u00ebris\u00eb dhe Malit t\u00eb Zi. Natyrisht nj\u00eb miq\u00ebsi e fark\u00ebtuar prej interesave t\u00eb nj\u00ebjta q\u00eb kan\u00eb dy vendet dhe dy popujt tan\u00eb. Popujt dhe vendet tona k\u00ebrkojn\u00eb q\u00eb t\u00eb jetojn\u00eb n\u00eb paqe dhe n\u00eb harmoni. Kan\u00eb t\u00eb nj\u00ebjt\u00ebn \u00ebnd\u00ebrr \u2013 \u00ebndrr\u00ebn e integrimit euro-atlantik. Ne g\u00ebzohemi p\u00ebr hapat e r\u00ebnd\u00ebsishme q\u00eb Mali i Zi ka b\u00ebr\u00eb drejt Bashkimit Evropian. Natyrisht q\u00eb ndjem\u00eb edhe g\u00ebzimin e p\u00ebrfaq\u00ebsuesve t\u00eb Malit t\u00eb Zi p\u00ebr hapat q\u00eb ka b\u00ebr\u00eb Shqip\u00ebria drejt an\u00ebtar\u00ebsimit n\u00eb NATO.<\/p>\n

Dialogu politik \u00ebsht\u00eb n\u00eb nivelin m\u00eb t\u00eb lart\u00eb. S\u00eb bashku me Presidentin Vujanovi\u00e7 ne takohemi shpesh n\u00eb takime rajonale e n\u00eb takime bilaterale. V\u00ebrtet q\u00eb \u00ebsht\u00eb vizita e par\u00eb zyrtare q\u00eb un\u00eb zhvilloj n\u00eb Malin e Zi, por shum\u00eb takime t\u00eb tjera u kan\u00eb dh\u00ebn\u00eb k\u00ebtyre marr\u00ebdh\u00ebnieve m\u00eb shum\u00eb se n\u00eb nivelin protokollar, u kan\u00eb dh\u00ebn\u00eb k\u00ebtyre marr\u00ebdh\u00ebnieve nj\u00eb karakter t\u00eb sinqert\u00eb.<\/p>\n

Ne n\u00eb Shqip\u00ebri po punojm\u00eb p\u00ebr p\u00ebrmir\u00ebsimin e investimeve t\u00eb infrastruktur\u00ebs dhe padyshim nj\u00eb pjes\u00eb e r\u00ebnd\u00ebsishme e k\u00ebtyre investimeve jan\u00eb ato investime t\u00eb b\u00ebra drejt Shkodr\u00ebs dhe drejt kufirit me Malin e Zi. Dhe gradualisht po realizojm\u00eb at\u00eb pjes\u00eb t\u00eb premtimin q\u00eb kemi marr\u00eb s\u00eb bashku edhe me Presidentin kroat Mesi\u00e7 p\u00ebr t\u00eb realizuar rrug\u00ebn Adriatiko-Joniane. Mendoj q\u00eb do t\u00eb jet\u00eb nj\u00eb arterie shum\u00eb e r\u00ebnd\u00ebsishme p\u00ebr t\u2019i dh\u00ebn\u00eb jet\u00eb nj\u00eb komunikimi m\u00eb intensiv t\u00eb njer\u00ebzve dhe t\u00eb mallrave dhe patjet\u00ebr p\u00ebr ta b\u00ebr\u00eb edhe zhvillimin e turizmit n\u00eb m\u00ebnyr\u00eb shum\u00eb integrale.<\/p>\n

Ne kemi patur mund\u00ebsi t\u00eb diskutojm\u00eb edhe her\u00eb t\u00eb tjera, diskutuam edhe tani p\u00ebr nevoj\u00ebn e trajtimit reciprok t\u00eb pasurive t\u00eb p\u00ebrbashk\u00ebta natyrore. Kemi folur s\u00ebrish p\u00ebr Liqenin e Shkodr\u00ebs, p\u00ebr lumin e Bun\u00ebs, kemi folur p\u00ebr Detin Adriatik, p\u00ebr mund\u00ebsit\u00eb shum\u00eb t\u00eb m\u00ebdha q\u00eb kan\u00eb b\u00ebr\u00eb t\u00eb investohen jo vet\u00ebm Akademit\u00eb e Shkencave tona, por edhe njer\u00ebz q\u00eb zhvillojn\u00eb aktivitetin e tyre.<\/p>\n

Ne e konsiderojm\u00eb shum\u00eb t\u00eb r\u00ebnd\u00ebsish\u00ebm edhe vazhdimin e dialogut edhe me president\u00ebt e tjer\u00eb t\u00eb rajonit t\u00eb Ballkanit. Rivler\u00ebsuam pozitivisht takimin e kat\u00ebr president\u00ebve n\u00eb Vlor\u00eb, n\u00eb Shqip\u00ebri dhe besoj q\u00eb \u00ebsht\u00eb nj\u00eb tradit\u00eb, e cila duhet t\u00eb vazhdoj\u00eb. Kjo i \u00e7tensionon marr\u00ebdh\u00ebniet, krijon nj\u00eb klim\u00eb jasht\u00ebzakonisht t\u00eb mir\u00eb mes njer\u00ebzve dhe b\u00ebn t\u00eb mundur q\u00eb terreni i vendeve tona t\u00eb jet\u00eb nj\u00eb terren shum\u00eb i mir\u00eb p\u00ebr investime t\u00eb huaja.<\/p>\n

Besoj se edhe aktiviteti q\u00eb u zhvillua n\u00eb Ulqin \u00ebsht\u00eb nj\u00eb nga ato dhjet\u00ebra aktivitete q\u00eb duhet t\u00eb zhvillohen dhe kan\u00eb mund\u00ebsi t\u00eb zhvillohen dhe kjo do t\u00eb mund\u00ebsonte q\u00eb takimet t\u00eb mos jen\u00eb thjesht n\u00eb nivel president\u00ebsh, kryeministrash apo zyrtar\u00ebsh t\u00eb tjer\u00eb, por t\u00eb jen\u00eb edhe mes njer\u00ebzve t\u00eb thjesht\u00eb.<\/p>\n

Edhe nj\u00eb her\u00eb falemnderit p\u00ebr mikpritjen dhe jam i bindur q\u00eb marr\u00ebdh\u00ebniet tona do t\u00eb vin\u00eb duke u intensifikuar n\u00eb interes t\u00eb dy vendeve tona!<\/p>\n

Pyetje \/ TV i Malit t\u00eb Zi:<\/strong> A mendoni se Shqip\u00ebria po b\u00ebn mjaft p\u00ebr p\u00ebrparimin e t\u00eb drejtave t\u00eb shqiptar\u00ebve n\u00eb Malin e Zi? Cili \u00ebsht\u00eb mesazhi juaj q\u00eb do t\u2019ua p\u00ebrcillni p\u00ebrfaq\u00ebsueve politik\u00eb t\u00eb shqiptar\u00ebve?<\/p>\n

Presidenti Topi:<\/strong> Falemnderit p\u00ebr pyetjen! Sikurse edhe ju jeni n\u00eb dijeni, n\u00eb axhend\u00ebn time jan\u00eb edhe takime me p\u00ebrfaq\u00ebsues t\u00eb partive politike shqiptare n\u00eb Mal t\u00eb Zi. Kam patur edhe raste t\u00eb tjera p\u00ebr takime jo thjesht me p\u00ebrfaq\u00ebsues politik\u00eb, por edhe me p\u00ebrfaq\u00ebsues t\u00eb institucioneve t\u00eb tjera.<\/p>\n

Ajo q\u00eb kemi diskutuar edhe me Presidentin Vujanovi\u00e7, gj\u00eb q\u00eb e rikonfirmoj edhe tani, \u00ebsht\u00eb q\u00eb ne i konsiderojm\u00eb, shqiptar\u00ebt q\u00eb jetojn\u00eb n\u00eb Malin e Zi nj\u00eb faktor shum\u00eb t\u00eb r\u00ebnd\u00ebsish\u00ebm t\u00eb harmonis\u00eb q\u00eb ekziston mes dy vendeve tona. E th\u00ebn\u00eb me nj\u00eb term tjet\u00ebr, nj\u00eb ur\u00eb lidh\u00ebse e interesave q\u00eb kan\u00eb dy popujt tan\u00eb.<\/p>\n

\u00cbsht\u00eb shum\u00eb e r\u00ebnd\u00ebsishme kur autoritet shtet\u00ebrore t\u00eb dy vendeve fqinje takohen shpesh, sepse kan\u00eb mund\u00ebsi q\u00eb t\u00eb t\u2019i konsumojn\u00eb disa tema q\u00eb ndoshta n\u00eb v\u00ebshtrim t\u00eb par\u00eb mund t\u00eb ting\u00ebllojn\u00eb si tema sip\u00ebrfaq\u00ebsore.<\/p>\n

Un\u00eb e konsideroj shum\u00eb t\u00eb r\u00ebnd\u00ebsish\u00ebm vet\u00eb pozicionimin e Presidentit Vujanovi\u00e7, i cili ka qen\u00eb i pranish\u00ebm edhe n\u00eb Ulqin, ku u ftuam s\u00eb bashku nga zoti Hajdinaga, q\u00eb \u00ebsht\u00eb p\u00ebrfaq\u00ebsues i shqiptar\u00ebve. \u00cbsht\u00eb Kryetar i Komun\u00ebs s\u00eb Ulqinjit. E kam theksuar edhe n\u00eb takimin e sot\u00ebm – nj\u00eb tendenc\u00eb e qart\u00eb p\u00ebr t\u00eb pranuar edhe mekanizmat e K\u00ebshillit t\u00eb Evrop\u00ebs t\u00eb mund\u00ebsis\u00eb s\u00eb decentralizimit brenda kuadrit ligjor q\u00eb ka Mali i Zi.<\/p>\n

Sot fatmir\u00ebsisht vendet tona jetojn\u00eb n\u00eb nj\u00eb terren demokratik dhe evropian. Sikurse e tha edhe Presidenti Vujanovi\u00e7, Mali i Zi \u00ebsht\u00eb nj\u00eb hap p\u00ebrpara Shqip\u00ebris\u00eb p\u00ebrsa u p\u00ebrket etapave t\u00eb integrimit evropian. Por Shqip\u00ebria g\u00ebzon nj\u00eb element tjet\u00ebr shum\u00eb t\u00eb r\u00ebnd\u00ebsish\u00ebm q\u00eb \u00ebsht\u00eb an\u00ebtare e NATO-s. Ne kemi paraqitur k\u00ebrkes\u00ebn ton\u00eb p\u00ebr t\u00eb qen\u00eb vend kandidat i Bashkimit Evropian. Ju e dini fare mir\u00eb q\u00eb Bashkimi Evropian, K\u00ebshilli i Evrop\u00ebs ka k\u00ebrkesa dhe standarde shum\u00eb ligjore p\u00ebr secilin vend kandidat, k\u00ebshtu q\u00eb un\u00eb jam i bindur t\u00eb them q\u00eb dy vendet tona, sikurse edhe vendet e tjera q\u00eb jan\u00eb n\u00eb rrug\u00ebn e an\u00ebtar\u00ebsimit e kan\u00eb vullnetin dhe jan\u00eb t\u00eb detyruar t\u00eb zbatojn\u00eb t\u00eb gjitha standardet e respektimit t\u00eb t\u00eb drejtave t\u00eb njeriut. Dhe do t\u00eb vij\u00eb dita shum\u00eb shpejt, dhe ky nuk \u00ebsht\u00eb nj\u00eb prononcim hipotetik, do t\u00eb vij\u00eb dita shum\u00eb shpejt q\u00eb edhe vendet tona do t\u00eb jen\u00eb an\u00ebtare t\u00eb Bashkimit Evropian dhe do t\u00eb jetojm\u00eb n\u00eb nj\u00eb bashk\u00ebsi evropiane jasht\u00eb \u00e7do lloj kompleksiteti q\u00eb e ka sjell\u00eb edhe e kaluara.<\/p>\n

Nga Kabineti i\u00a0 Presidentit t\u00eb Republik\u00ebs, Prof. Dr. Bamir Topi<\/strong><\/p>\n

\n\t\t