{"id":26778,"date":"2009-10-21T22:30:01","date_gmt":"2009-10-21T20:30:01","guid":{"rendered":"http:\/\/www.visit-ulcinj.com\/blog\/?p=26778"},"modified":"2009-10-21T22:30:01","modified_gmt":"2009-10-21T20:30:01","slug":"jovan-nikolaidis-%e2%80%9cshqiptaret-e-mi%e2%80%9d-dhe-%e2%80%9cmali-i-zi-%e2%80%93-yni%e2%80%9d","status":"publish","type":"post","link":"https:\/\/www.visit-ulcinj.com\/blog\/2009\/10\/21\/jovan-nikolaidis-%e2%80%9cshqiptaret-e-mi%e2%80%9d-dhe-%e2%80%9cmali-i-zi-%e2%80%93-yni%e2%80%9d\/","title":{"rendered":"Jovan Nikolaidis \u201cShqiptar\u00ebt e mi\u201d dhe \u201cMali i Zi \u2013 yni\u201d"},"content":{"rendered":"

\"Jovan<\/a>Pash\u00eb nj\u00eb \u00ebnd\u00ebrr. Sikur Mali i Zi dhe Kosova ishin b\u00ebr\u00eb t\u00eb pavarur. Kori n\u00eb aulat e senatit t\u00eb Washingtonit k\u00ebndon himnin amerikan n\u00eb gjuh\u00ebn malazeze dhe shqipe, nd\u00ebrsa refrenin e k\u00ebndonin nj\u00ebkoh\u00ebsisht n\u00eb t\u00eb dyja gjuh\u00ebt. Me dekret t\u00eb t\u00eb dy shteteve, n\u00eb Sall\u00ebn e Rrumbullak\u00ebt, kufijt\u00eb jan\u00eb shpallur si vende ku njer\u00ebzit nuk ndahen, por bashkohen, rojat e kufirit po nd\u00ebrrojn\u00eb flamujt shtet\u00ebror\u00eb, t\u00eb cil\u00ebt i ngjajn\u00eb nj\u00ebri-tjetrit. Tani kompozitor\u00ebt e kompozojn\u00eb himnin shqiptar dhe malazez si kontrapunkt, merret vendim (i shqiptuar n\u00eb anglisht) q\u00eb f\u00ebmij\u00ebt shqiptar\u00eb t\u00eb m\u00ebsojn\u00eb n\u00eb shkollat e fshatit pasazhe t\u00eb painkriminuara nga \u201cKurora e maleve\u201d, kurse nx\u00ebn\u00ebsit e shkollave t\u00eb mesme malazeze t\u00eb krahasojn\u00eb pjes\u00eb nga Kanuni i Lek\u00eb Dukagjinit me Enciklikat e Sh\u00ebn Pjetrit. Ligji p\u00ebr multikultur\u00ebn, i nd\u00ebrtuar mbi parimet e Deklarat\u00ebs p\u00ebr t\u00eb Drejtat e Njeriut, n\u00ebnkupton p\u00ebrfshirjen e \u201cbes\u00ebs\u201d n\u00eb matric\u00ebn e eposit heroik malazez, nd\u00ebrsa pleqt\u00eb e Malit t\u00eb Zi, n\u00eb Dit\u00ebn e Krishtlindjeve dhe n\u00eb Dit\u00ebn e Flamurit, t\u00eb vajtojn\u00eb Mark Miljanovin si n\u00eb dit\u00ebn e vdekjes s\u00eb tij…<\/p>\n

*
\nShoh nj\u00eb \u00ebnd\u00ebrr sikur mua, i s\u00ebmur\u00eb p\u00ebr vdekje, m\u00eb mban n\u00eb duar nj\u00eb n\u00ebn\u00eb plak\u00eb nga Prizreni dhe p\u00ebshp\u00ebrit: \u201c\u00c7ou, Rexho, \u00e7ou djalo, se s\u2019ka nana tjet\u00ebr o!\u201d, nd\u00ebrkoh\u00eb p\u00ebrreth meje \u00e7ikat e Belasic\u00ebs shtrojn\u00eb \u00e7ar\u00e7af\u00eb t\u00eb bardh\u00eb n\u00eb shtegun ku do t\u00eb kaloj\u00eb kolona e U\u00c7K-s\u00eb, q\u00eb mua, poetit, jo ushtarit, para se t\u00eb m\u00eb dal\u00eb shpirti, t\u00eb m\u00eb vendosin n\u00eb gjoks, n\u00eb vendin ku zemra ime rreh gjithnj\u00eb e m\u00eb dob\u00ebt, unaz\u00ebn e Sk\u00ebnderbeut: nj\u00eb p\u00ebrkrenare mesjetare n\u00eb miniatur\u00eb e heroit komb\u00ebtar nga mali i Kruj\u00ebs.
\nPastaj d\u00ebgjoj klithm\u00ebn e shqiponj\u00ebs, e cila zbret thik\u00eb mbi qytetin e vjet\u00ebr tivaras dhe i v\u00ebrsulet me kthetra kryqit t\u00eb kupol\u00ebs s\u00eb manastirit benediktian.
\nNgryset shpejt, sepse \u00ebsht\u00eb vjesht\u00eb, i ftohti ka filluar dhe mjegulla e Rumjes ka ra, por ajo s\u2019mund ta mbuloj\u00eb muzik\u00ebn e dasmave myslimane t\u00eb Goran\u00ebs… Daullet e k\u00ebrcimtar\u00ebve t\u00eb Rugov\u00ebs hyjn\u00eb n\u00eb vallet \u00e7rmikase, ku vajzat u hedhin livand\u00eb dhe bisqe vojm\u00ebsi, nd\u00ebrkoh\u00eb princat e Seoc\u00ebs, Godinj\u00ebs, Limljan\u00ebs, Dra\u00e7evic\u00ebs dhe Krnic\u00ebs i th\u00ebrrasin t\u00eb gjith\u00eb Leki\u00e7\u00ebt, Lekovi\u00e7\u00ebt, Orlandi\u00e7\u00ebt, Peki\u00e7\u00ebt, Dobre\u00e7\u00ebt, Luki\u00e7\u00ebt dhe Karaniki\u00e7\u00ebt e tyre n\u00eb parlamentin malazez p\u00ebr ta miratuar dekretin e kumbaris\u00eb s\u00eb Krajn\u00ebs me Sanxhakun e Shkodr\u00ebs…
\nD\u00ebgjohet nga larg thirrja e Krajlit Nikoll\u00eb p\u00ebr v\u00ebllaz\u00ebrimin e tri feve.<\/p>\n

*
\nVazhdoj t\u00eb shikoj \u00ebnd\u00ebrr. Sikur nata \u00ebsht\u00eb e pafund dhe e sigurt, se si n\u00eb Durr\u00ebs miku im, Ariani, m\u00eb pret n\u00eb sall\u00ebn ngjyr\u00eb jeshile pastel, kurse un\u00eb i lutem t\u00eb hedhim nj\u00eb valle dervish\u00ebsh. Nuk pranoj t\u00eb m\u00eb shpojn\u00eb me gjilp\u00ebr\u00eb maj\u00ebn e gishtit, por marr nga dora e mikut nj\u00eb gjethe borziloku dhe e v\u00eb n\u00eb vesh \u2013 thith er\u00ebn e shpirtit t\u00eb ortodoks\u00ebve t\u00eb mi.
\nN\u00eb at\u00eb koh\u00eb, veshi na kap k\u00ebng\u00ebn e furrtarit t\u00eb sokakut t\u00eb Gjirokastr\u00ebs, ku gruaja e priftit t\u00eb k\u00ebtush\u00ebm kishte fshikulluar me thup\u00ebr Enver Hoxh\u00ebn f\u00ebmij\u00eb, kurse un\u00eb dhe Ariani filluam t\u00eb p\u00ebrs\u00ebrisim \u201caman-aman…\u201d Pastaj ca shqiponja t\u00eb fuqishme na marrin n\u00eb krah\u00ebt e tyre dhe na \u00e7ojn\u00eb n\u00eb nj\u00eb anije t\u00eb linj\u00ebs Sarand\u00eb \u2013 Ulqin. Anija \u00ebsht\u00eb e bardh\u00eb, kuverta e saj \u00ebsht\u00eb plot me pasagjer\u00eb t\u00eb veshur me kanotiere t\u00eb kuqe me mbishkrimin n\u00eb cirilik: \u201cShqiptar\u00ebt e mi\u201d dhe n\u00eb latinic\u00eb (latin) \u201cMali i zi \u2013 yni\u201d.<\/p>\n

*
\nJam ende n\u00eb \u00ebnd\u00ebrr, k\u00ebshtjell\u00eb strehimi d\u00ebshirash, por tani nj\u00eb mik nga Vasojevi\u00e7 m\u00eb ka marr\u00eb me vete dhe m\u00eb shpie n\u00eb varrezat e tij. Lexoj n\u00eb kryqet e varreve: Veshi, Bulati, Zogu, Kolashini, Leshi, Peraj, Gjurbaj.
\n\u201cT\u00eb gjith\u00eb k\u00ebta jan\u00eb partizan\u00eb nga an\u00ebt tona, r\u00ebn\u00eb nga dora tradhtare\u201d, m\u00eb p\u00ebshp\u00ebrit n\u00eb vesh miku im.
\n\u201cCil\u00ebt tradhtar\u00eb?\u201d, pyes un\u00eb.
\nAi p\u00ebrgjigjet: \u201cAta q\u00eb nuk kan\u00eb besuar n\u00eb komuniz\u00ebm, nuk kan\u00eb besuar n\u00eb v\u00ebllaz\u00ebrimin e popujve t\u00eb bot\u00ebs, nuk kan\u00eb besuar unitetin n\u00eb diversitet, ata q\u00eb nuk kan\u00eb respektuar t\u00eb Ndryshmin si veten e tyre.\u201d<\/p>\n

*
\nK\u00ebshtu, m\u00eb tej shoh \u00ebnd\u00ebrr p\u00ebr nj\u00eb mision t\u00eb pamundur, por di\u00e7ka m\u00eb thot\u00eb se kjo nat\u00eb \u00ebsht\u00eb mjaft e gjat\u00eb p\u00ebr t\u00eb duruar galimatiasin fisnik. Nj\u00eb xhuxh plak, q\u00eb ka hyr\u00eb n\u00eb \u00ebndrr\u00ebn time pa radh\u00eb, k\u00ebrkon t\u00eb m\u00eb m\u00ebsoj\u00eb historin\u00eb, m\u00eb deklamon betime p\u00ebr identitetet, po e d\u00ebgjoj at\u00eb recitim n\u00eb gjuh\u00eb t\u00eb p\u00ebrziera ballkanike, nj\u00eb deklamim p\u00ebr at\u00eb sesi q\u00eb nga trako-iliro-grek\u00ebt \u00ebsht\u00eb komplotuar kund\u00ebr mir\u00ebsis\u00eb njer\u00ebzore dhe naivitetit, por edhe p\u00ebr shpirtlig\u00ebsin\u00eb politike, kurse un\u00eb po ndiej, megjith\u00ebse shpjeguesit e \u00ebndrrave m\u00eb p\u00ebshp\u00ebritin se n\u00eb \u00ebnd\u00ebrr ndjenjat nuk ndihen, sesi n\u00eb \u00ebndrr\u00ebn time ngjitet, si bollujc\u00eb q\u00eb zvarritet vjedhurazi drejt foles\u00eb plot me zogj, mbresa se pik\u00ebrisht ngulmimi n\u00eb identitet ka sjell\u00eb humbjen e identitetit t\u00eb t\u00ebr\u00eb popujve dhe etniteteve tona ballkanike. N\u00eb \u00ebndrr\u00ebn time nuk mund t\u2019i provoj askujt se identiteti nuk provohet por n\u00ebnkuptohet, sepse, sa fillon me provat, rritet bezdia trako-iliro-greke deri n\u00eb gjakderdhje, \u00e7ka nuk e dua n\u00eb \u00ebndrr\u00ebn time.<\/p>\n

*
\n\u00cbndrra q\u00eb d\u00ebshiroj t\u00eb shoh p\u00ebr Malin e Zi t\u00eb pavarur dhe t\u00eb njohur bot\u00ebrisht dhe p\u00ebr Kosov\u00ebn e pavarur multietnike dhe multifetare, ndoshta me t\u00eb v\u00ebrtet\u00eb po vjen dhe vendoset tek un\u00eb m\u00eb fort se shpresat, me t\u00eb cilat po m\u00eb mbushin udh\u00ebtar\u00ebt q\u00eb kan\u00eb pushtuar krejt hap\u00ebsir\u00ebn e \u00ebndrr\u00ebs sime, pasi kan\u00eb dal\u00eb nga anija q\u00eb i solli nga Saranda n\u00eb portin e Ulqnit. Futem n\u00eb turm\u00ebn e udh\u00ebtar\u00ebve nga \u00ebndrra dhe i k\u00ebrkoj nj\u00ebrit kanotier\u00ebn e kuqe. Ai e heq dhe ma zgjat, un\u00eb e vesh dhe ua tregoj me krenari t\u00eb gjith\u00ebve.
\nB\u00ebrtas, sikur nuk dihet, sikur secili n\u00eb \u00ebndrrat e mia s\u2019e ka tashm\u00eb t\u00eb qart\u00eb, se slogani i p\u00ebrgjigjet dimensionit t\u00eb shpres\u00ebs. Fjal\u00eb t\u00eb bardha n\u00eb cop\u00ebn e kuqe prej pambuku n\u00eb gjoksin tim: \u201cShqiptar\u00ebt e mi\u201d dhe \u201cMali i Zi \u2013 yni\u201d.
\nShoh \u00ebnd\u00ebrr, sepse kam frik\u00eb t\u00eb zgjohem. Sepse n\u00eb \u00ebndrr\u00ebn time p\u00ebr t\u00eb sat\u00ebn her\u00eb nd\u00ebrfuten shqiptar\u00ebt, t\u00eb cil\u00ebt po m\u00eb ruajn\u00eb nga malazez\u00ebt tan\u00eb, kurse shqiptar\u00ebt tan\u00eb po shp\u00ebtojn\u00eb malazez\u00ebt e tyre nga shqiptar\u00ebt e mi, t\u00eb cil\u00ebt jan\u00eb dhe malazez\u00ebt tan\u00eb. Gjith\u00e7ka sillet n\u00eb hipnoz\u00ebn e d\u00ebshirave t\u00eb mia, q\u00eb fati yn\u00eb i p\u00ebrbashk\u00ebt, i p\u00ebrvuajtur n\u00eb pjes\u00ebn e mir\u00eb t\u00eb tij, t\u00eb drejtohet n\u00eb rrug\u00ebn e bashk\u00ebjetes\u00ebs, e cila nuk \u00ebsht\u00eb aq larg, as aq e v\u00ebshtir\u00eb, n\u00eb qoft\u00eb se arrihet t\u00eb shkrihet \u201cimja\u201d dhe \u201cjona\u201d n\u00eb nj\u00eb t\u00eb vetme, t\u00eb madhe, deri n\u00eb dit\u00ebn kur t\u00eb b\u00ebhet realisht nj\u00eb jet\u00eb e p\u00ebrbashk\u00ebt.
\nAt\u00ebher\u00eb do t\u00eb vij\u00eb \u00e7asti kur p\u00ebr nj\u00eb d\u00ebshir\u00eb, p\u00ebr nj\u00eb shpres\u00eb dhe p\u00ebr nj\u00eb mund\u00ebsi t\u00eb till\u00eb, nuk do t\u00eb duhet \u00ebndrra, pasi do t\u00eb jetoj realitetin e jet\u00ebs s\u00eb p\u00ebrbashk\u00ebt, t\u00eb fatit dhe t\u00eb ardhmes s\u00eb p\u00ebrbashk\u00ebt.
\nE deri at\u00ebher\u00eb… po shoh \u00ebnd\u00ebrr.<\/p>\n

P\u00ebrktheu Janka Selimi<\/strong><\/p>\n

Kush eshte Jovan Nikolaidis<\/strong><\/p>\n

Jovan Nikolaidis lindi m\u00eb 1950 n\u00eb Ulqin. Punoi n\u00eb gazet\u00ebn Oslobodenje t\u00eb Sarajev\u00ebs prej vitit 1974 e deri n\u00eb fillim t\u00eb \u201890-s, kur dhe u kthye n\u00eb qytetin e lindjes. Prej asaj kohe ai punon vazhdimisht p\u00ebr t\u00eb nxitur dialogun nd\u00ebrkulturor mes Malit t\u00eb Zi, Kroacis\u00eb, Bosnj\u00eb-Hercegovin\u00ebs dhe Shqip\u00ebris\u00eb.
\nJovan Nikolaidis themeloi disa organizata multikulturore, si dhe sht\u00ebpin\u00eb botuese Plima, q\u00eb \u00ebsht\u00eb dhe promotore e nj\u00eb brezi t\u00eb ri t\u00eb let\u00ebrsis\u00eb malazeze (Andrej Nikolaidis, Ognjen Spahic, Aleksandar Becanovic, Dragana Tripkovic dhe t\u00eb tjer\u00eb). Po k\u00ebshtu, ai botoi gazet\u00ebn dygjuh\u00ebshe (n\u00eb gjuh\u00ebn shqipe dhe malazeze) Plima (Batica) dhe \u00ebsht\u00eb themelues e botues i gazet\u00ebs s\u00eb par\u00eb n\u00eb gjuh\u00ebn shqipe, e cila botohet n\u00eb Mal t\u00eb Zi, me titull Kronika.
\nNikolaidis \u00ebsht\u00eb autor i k\u00ebtyre librave: Velaskez (novel\u00eb), Valdinos 33 (roman), Letrat e Ulqinit (kronik\u00eb), Faji malazez (komentar politik), Poema me imazhin e saj (poema), Ditar i Asgj\u00ebs\u00eb (roman), Nomadizmi ulqinak (n\u00eb proces) etj.
\nStili i Jovan Nikolaidisit \u00ebsht\u00eb tejet specifik dhe luhatet mes epik\u00ebs tradicionale dhe fragmentit modern. Toka dhe njer\u00ebzit ndahen nd\u00ebrmjet tragjedis\u00eb historike t\u00eb hap\u00ebsir\u00ebs dhe d\u00ebshir\u00ebs p\u00ebr t\u2019i ikur pozit\u00ebs s\u00eb tyre t\u00eb keqe, e cila i l\u00eb n\u00eb m\u00ebshir\u00eb t\u00eb fataliteteve politike dhe kulturore. N\u00eb veprat e tij, historia malazeze e ringjalljes komb\u00ebtare, n\u00eb unison me fragmente t\u00eb zakoneve fisnore ende jan\u00eb t\u00eb pranishme, paraqiten si nj\u00eb rrjet\u00eb ngjarjesh \u2013 sa reale, aq edhe prozaike. Prej andej, personazhet l\u00ebn\u00eb shenj\u00ebn e tyre t\u00eb ekzistenc\u00ebs, prej s\u00eb cil\u00ebs nuk mund t\u00eb shmangen, teksa kapen prej pushteteve t\u00eb caktuara, nga t\u00eb cilat thjesht nuk mund t\u00eb ndahen.
\nN\u00eb shkrimet e tij, Jovan Nikolaidis artikulon mjesht\u00ebrisht impulset dhe referencat e p\u00ebrpjekjeve bashk\u00ebkohore t\u00eb malazez\u00ebve p\u00ebr pavar\u00ebsi. Megjithat\u00eb, referimet politike nuk p\u00ebrb\u00ebjn\u00eb vet\u00ebm let\u00ebrsi aktiviste politike. P\u00ebr sa i p\u00ebrket veprave t\u00eb tij, kemi t\u00eb b\u00ebjm\u00eb me at\u00eb dekor historik, i domosdosh\u00ebm p\u00ebr t\u00eb kuptuar struktur\u00ebn komplekse t\u00eb personazheve letrare, q\u00eb jetojn\u00eb \u201cn\u00eb fund t\u00eb bot\u00ebs\u201d, Ballkanin Mesdhetar, kombinuar me Valdanosin mitik, gjeopoetik\u00ebn e vet, si nisje dhe fund i historis\u00eb s\u00eb jet\u00ebs s\u00eb nj\u00eb luft\u00ebtari dhe personazhi vetmitar kund\u00ebr t\u00eb gjitha formave t\u00eb antiliris\u00eb.<\/p>\n

Libri eseistik \u201cTespijet prej fosfori\u201d sapo \u00ebsht\u00eb botuar nga Ideart. N\u00eb ja\u00ebn q\u00eb u mbyll, gjat\u00eb dit\u00ebve t\u00eb poetek\u00ebs, libri u p\u00ebrurua n\u00eb nj\u00eb shkoll\u00eb t\u00eb mesme n\u00eb Durr\u00ebs. Jovan Nikolaidis foli shqip me t\u00eb rinjt\u00eb dhe t\u00eb rejat. T\u00eb pranish\u00ebm n\u00eb takim ishin dhe shkrimtar\u00ebt Arian Leka e Zija \u00c7ela. N\u00eb ballin\u00ebn e pasme t\u00eb librit \u00ebsht\u00eb v\u00ebn\u00eb ky sh\u00ebnim nga Adisa Bashi\u00e7: \u201cPavar\u00ebsisht se flet p\u00ebr situata, p\u00ebr shfaqje dhe personalitete mjaft konkrete nga e kaluara dhe e sotmja malazeze (pa anashkaluar forcat e reja t\u00eb vyera dhe z\u00ebrat ndryshe n\u00eb sken\u00ebn intelektuale) shkrimtari malazez, veprimtari shoq\u00ebror dhe intelektuali Jovan Nikolaidis, n\u00eb t\u00eb v\u00ebrtet\u00eb flet p\u00ebr patologji shoq\u00ebrore t\u00eb pranishme kudo n\u00eb Ballkan. T\u00eb gjitha s\u00ebmundjet e p\u00ebrmendura, plus patriarkalizmi i ngurt\u00eb, mbyllja para ideve t\u00eb reja, mohimi i liris\u00eb s\u00eb tjetrit dhe i ndryshimit, \u00ebsht\u00eb ky ai shpirti i lig panballkanik, i cili ka gjetur streh\u00eb n\u00eb Bosnj\u00eb dhe Hercegovin\u00eb, n\u00eb Maqedoni, Shqip\u00ebri, Serbi, Bullgari, por edhe diku tjet\u00ebr…
\nN\u00eb tekstet e tij \u201cNikolaidis diagnostikon s\u00ebmundjen e shoq\u00ebris\u00eb malazeze \u2013 izolimin, vet\u00ebmashtrimin, prirjen p\u00ebr harres\u00eb, falsifikimin dhe zbukurimin e rolit t\u00eb vet n\u00eb histori, \u2018at\u00eb mendjemadh\u00ebsi t\u00eb \u00e7uditshme, at\u00eb krenari e paturp\u00ebsi t\u00eb inkurajuar, n\u00eb ve\u00e7anti, me tallje dhe lig\u00ebsi, me nj\u00eb ciniz\u00ebm t\u00eb pakultivuar\u2019. Duke u nisur nga k\u00ebto, sipas Nikolaidisit, malazez\u00ebt \u2018jan\u00eb t\u00eb barabart\u00eb me Zotin\u2019 dhe e sodisin n\u00eb m\u00ebnyr\u00eb shterpe dhe imagjinare t\u00eb kaluar\u00ebn e tyre heroike. Autori p\u00ebrmend ata shembuj t\u00eb ngurt\u00ebsuar sjelljeje dhe arsyetimi, q\u00eb kan\u00eb ngecur n\u00eb fytin malazez dhe pengojn\u00eb kalimin e lir\u00eb t\u00eb oksigjenit. Eset\u00eb e tij jan\u00eb disi t\u00eb ashpra, por n\u00eb fakt jan\u00eb nj\u00eb goditje shp\u00ebtimtare n\u00eb kurriz t\u00eb atij q\u00eb ka mbetur pa frym\u00eb.\u201d<\/p>\n

Gazeta Albania<\/strong><\/p>\n

\n\t\t