{"id":27898,"date":"2009-12-06T15:34:51","date_gmt":"2009-12-06T13:34:51","guid":{"rendered":"http:\/\/www.visit-ulcinj.com\/blog\/?p=27898"},"modified":"2009-12-18T00:20:33","modified_gmt":"2009-12-17T22:20:33","slug":"piktori-liridon-mustafa-hap-ekspoziten-e-pare-individuale-ne-ulqin","status":"publish","type":"post","link":"https:\/\/www.visit-ulcinj.com\/blog\/2009\/12\/06\/piktori-liridon-mustafa-hap-ekspoziten-e-pare-individuale-ne-ulqin\/","title":{"rendered":"Piktori Liridon Mustafa hap ekspoziten e par\u00eb individuale n\u00eb Ulqin – Video"},"content":{"rendered":"

\"Piktori<\/a>Mbr\u00ebm\u00eb n\u00eb Galerin\u00eb e arteve n\u00eb Qendr\u00ebn p\u00ebr kultur\u00eb t\u00eb Ulqinit n\u00eb prani t\u00eb dashamir\u00ebve t\u00eb artit u hap ekspozita e par\u00eb individuale e piktorit t\u00eb ri Liridon Mustafa. Organizator i k\u00ebtij aktiviteti kulturor ishte shoqata ORA n\u00eb bashk\u00ebpunim me Qendr\u00ebn p\u00ebr kultur\u00eb.<\/p>\n

N\u00eb k\u00ebrkim t\u00eb poetik\u00ebs s\u00eb ve\u00e7ant\u00eb<\/strong>
\n\u201eAjo q\u00eb bie fuqish\u00ebm n\u00eb sy n\u00eb punimet e ekspozuara, e q\u00eb duhet kuptuar si hap shum\u00eb pozitiv p\u00ebr \u00e7do krijues t\u00eb ri, \u00ebsht\u00eb k\u00ebmb\u00ebngulja e autorit q\u00eb shpirt\u00ebrisht t\u00eb gjendet brenda ambientit t\u00eb tij jet\u00ebsor dhe k\u00ebt\u00eb ta shfryt\u00ebzoj\u00eb si pik\u00ebnisje, duke l\u00ebvruar peizazhin nga ky ambient dhe nj\u00ebkoh\u00ebsisht portretin, gjegj\u00ebsisht figur\u00ebn njer\u00ebzore\u201c, tha piktori dhe kritiku i artit Qazim Muja.
\nPiktori Liridon Mustafa hapi t\u00eb enjten n\u00eb Galerin\u00eb \u201eArt\u201c t\u00eb Qendr\u00ebs s\u00eb Kultur\u00ebs n\u00eb Ulqin ekspozit\u00ebn e tij t\u00eb par\u00eb individuale.
\nShumica e veprave t\u00eb ekspozuara, pjesa m\u00eb e madhe portrete dhe peizazhe, jan\u00eb pjes\u00eb e krijimeve t\u00eb tij gjat\u00eb koh\u00ebs s\u00eb studimeve.
\nPiktori dhe kritiku i artit Qazim Muja n\u00eb fjal\u00ebn e tij tha se si \u00e7do autor i ri, edhe Liridoni m\u00ebton t\u00eb hyj\u00eb me guxim n\u00eb rrug\u00ebn e vet t\u00eb artit, n\u00eb k\u00ebrkim t\u00eb poetik\u00ebs s\u00eb ve\u00e7ant\u00eb, duke patur si \u00ebnd\u00ebrr veprat e piktor\u00ebve t\u00eb m\u00ebdhenj, t\u00eb absorbuara dhe t\u00eb kaluara n\u00ebp\u00ebr \u201cfiltrat\u201d e tij t\u00eb nd\u00ebrtuar mbi emocionet e p\u00ebrjetimet personale, p\u00ebr t\u00eb ruajtur sadopak ekuivalenc\u00ebn artistike.
\n\u201eAjo q\u00eb bie fuqish\u00ebm n\u00eb sy n\u00eb punimet e ekspozuara, e q\u00eb duhet kuptuar si hap shum\u00eb pozitiv p\u00ebr \u00e7do krijues t\u00eb ri, \u00ebsht\u00eb k\u00ebmb\u00ebngulja e autorit q\u00eb shpirt\u00ebrisht t\u00eb gjendet brenda ambientit t\u00eb tij jet\u00ebsor dhe k\u00ebt\u00eb ta shfryt\u00ebzoj\u00eb si pik\u00ebnisje, duke l\u00ebvruar peizazhin nga ky ambient dhe nj\u00ebkoh\u00ebsisht portretin, gjegj\u00ebsisht figur\u00ebn njer\u00ebzore\u201c, tha ai.
\nMuja tha se Mustafa e b\u00ebn k\u00ebt\u00eb pa ndonj\u00eb abstragim t\u00eb tepruar dhe pa atribute t\u00eb ve\u00e7anta, q\u00eb do ta ngarkonin piktur\u00ebn, por duke p\u00ebrcjellur me ngjyra dhe forma t\u00eb gjitha dukurit\u00eb brenda tij.
\n\u201eK\u00ebtu nuk kemi t\u00eb b\u00ebjm\u00eb me di\u00e7ka t\u00eb stilit d\u00e9j\u00e0 vue, t\u00eb stilit panoramik, sepse ai nuk kopjon, por e rib\u00ebn at\u00eb, duke krijuar edhe qiell, edhe uj\u00eb, edhe tok\u00eb t\u00eb re, pamje t\u00eb reja me fuqin\u00eb e ngjyr\u00ebs dhe penelit, duke na futur n\u00eb nj\u00eb montemplacion t\u00eb domosdosh\u00ebm, p\u00ebr t`u thelluar n\u00eb k\u00ebrkim t\u00eb dometh\u00ebnies s\u00eb artit t\u00eb tij\u201c, theksoi ai.
\nKryetari i Organizat\u00ebs Joqeveritare \u201eOra\u201c, Ismet Kallaba, n\u00eb fjal\u00ebn p\u00ebrsh\u00ebndet\u00ebse tha se n\u00eb Ulqin ka shum\u00eb talent\u00eb n\u00eb fush\u00ebn e piktur\u00ebs.
\n\u201c\u00cbsht\u00eb p\u00ebr t\u00eb ardhur mir\u00eb q\u00eb komuniteti i piktor\u00ebve n\u00eb qytetin ton\u00eb sa vjen e rritet dhe q\u00eb p\u00ebrve\u00e7 piktor\u00ebve q\u00eb tashm\u00eb kan\u00eb b\u00ebr\u00eb em\u00ebr, po lind nj\u00eb gjenerat\u00eb e re piktor\u00ebsh duke d\u00ebshmuar vijim\u00ebsin\u00eb dhe tradit\u00ebn n\u00eb k\u00ebt\u00eb fush\u00eb. Ata kan\u00eb mbaruar shkollat n\u00eb qendra t\u00eb ndryshme, te pedagog\u00eb t\u00eb ndrysh\u00ebm, dhe sjellin p\u00ebrvoja t\u00eb ndryshme n\u00eb fush\u00ebn e artit n\u00eb qytetin ton\u00eb\u201d, tha ai.
\nPor, sipas tij, piktor\u00ebt e rinj kan\u00eb nevoj\u00eb p\u00ebr ndihm\u00eb n\u00eb faz\u00ebn fillestare t\u00eb karrier\u00ebs s\u00eb tyre.
\n\u201cPik\u00ebrisht ky \u00ebsht\u00eb edhe q\u00ebllimi i organizimit t\u00eb k\u00ebsaj ekspozite. Ne duhet t\u2019u japim atyre shansin p\u00ebr t\u2019u d\u00ebshmuar, nd\u00ebrsa institucionet kompetente duhet t\u00eb b\u00ebjn\u00eb m\u00eb shum\u00eb p\u00ebr t\u2019i ndihmuar artist\u00ebt\u201d, tha ai.
\nEkspozita u organizua nga Organizata Joqeveritare \u201eOra\u201c n\u00eb bashk\u00ebpunim me Qendr\u00ebn e Kultur\u00ebs Ulqin.
\nLiridon Mustafa u lind n\u00eb Tivar n\u00eb vitin 1985. Ai ka mbaruar Akademin\u00eb e Arteve n\u00eb Tiran\u00eb m\u00eb 2008, n\u00eb deg\u00ebn e Dizajnit grafik, te prof. Ali Oseku. Ka marr\u00eb pjes\u00eb n\u00eb disa ekspozita kolektive t\u00eb student\u00ebve t\u00eb Akademis\u00eb s\u00eb Arteve n\u00eb Tiran\u00eb.<\/p>\n

Kohapress<\/strong><\/p>\n

\"Piktori<\/a><\/p>\n\n\t\t