{"id":28122,"date":"2009-12-12T18:43:35","date_gmt":"2009-12-12T16:43:35","guid":{"rendered":"http:\/\/www.visit-ulcinj.com\/blog\/?p=28122"},"modified":"2009-12-23T15:01:52","modified_gmt":"2009-12-23T13:01:52","slug":"xheneta-vuciq-sjell-medaljen-e-pare-nga-kampionatet-boterore-ne-ulqin","status":"publish","type":"post","link":"https:\/\/www.visit-ulcinj.com\/blog\/2009\/12\/12\/xheneta-vuciq-sjell-medaljen-e-pare-nga-kampionatet-boterore-ne-ulqin\/","title":{"rendered":"Xheneta Vu\u00e7iq, sjell medaljen e par\u00eb nga kampionatet bot\u00ebrore n\u00eb Ulqin – Video"},"content":{"rendered":"

\"Xheneta<\/a>Garuesja e klubit \u201cAlbulena\u201d, Xheneta Vu\u00e7iq,e treta n\u00eb bot\u00eb<\/strong>
\nXheneta Vu\u00e7iq ka fituar medaljen e bronzt\u00eb n\u00eb Kampionatin Bot\u00ebror n\u00eb Ju-Jitsu p\u00ebr kadet\u00eb dhe junior\u00eb q\u00eb u mbajt n\u00eb Athin\u00eb nga data 27-29 n\u00ebntor.
\n\u201cKy \u00ebsht\u00eb suksesi m\u00eb i madh n\u00eb karrier\u00ebn time. Medalja e fituar m\u00eb jep vullnet q\u00eb t\u00eb eci m\u00eb p\u00ebrpara\u201d, thot\u00eb Vu\u00e7iq duke shtuar se ai p\u00ebrb\u00ebn nj\u00ebkoh\u00ebsisht sukses edhe p\u00ebr qytetin e Ulqinit.
\nGaruesja e Klubit \u201cAlbulena\u201d, Xheneta Vu\u00e7iq, ka sjell\u00eb medaljen e par\u00eb nga kampionatet bot\u00ebrore n\u00eb Ulqin. Ajo ka fituar medaljen e bronzt\u00eb n\u00eb Kampionatin Bot\u00ebror n\u00eb Ju-Jitsu p\u00ebr kadet\u00eb dhe junior\u00eb q\u00eb u mbajt n\u00eb Athin\u00eb nga data 27-29 n\u00ebntor.
\nAjo ishte pjes\u00eb e P\u00ebrfaq\u00ebsueses s\u00eb Malit t\u00eb Zi n\u00eb k\u00ebt\u00eb kampionat.
\nN\u00eb nj\u00eb konkurrenc\u00eb t\u00eb fort\u00eb, n\u00eb kategorin\u00eb -57kg p\u00ebr kadet\u00eb, ku kan\u00eb marr\u00eb pjes\u00eb mbi 40 garuese, ajo ka arritur deri te medalja pasi q\u00eb ka sh\u00ebnuar pes\u00eb fitore dhe nj\u00eb humbje.
\nAjo ka humbur me\u00e7in e par\u00eb nga p\u00ebrfaq\u00ebsuesja greke, p\u00ebr t\u00eb fituar m\u00eb pas pes\u00eb me\u00e7e me radh\u00eb n\u00eb repasazh ndaj p\u00ebrfaq\u00ebsueses s\u00eb Italis\u00eb, Suedis\u00eb, Polonis\u00eb, Austris\u00eb dhe n\u00eb me\u00e7in e fundit p\u00ebr medalje ndaj p\u00ebrfaq\u00ebsueses gjermane.
\n\u201cMe p\u00ebrfaq\u00ebsuesen gjermane, ku kam luftuar p\u00ebr medalje, e kam pasur m\u00eb s\u00eb v\u00ebshtiri\u201d, tregon emocionet e saj nga gara Xheneta.
\nPor p\u00ebr t\u00eb kaluar barrier\u00ebn e par\u00eb, Vu\u00e7iq \u00ebsht\u00eb dashur \u201ct\u00eb luftoj\u00eb\u201d me vetveten. P\u00ebr shkak t\u00eb mbipesh\u00ebs, ajo \u00ebsht\u00eb dashur t\u00eb zvog\u00ebloj\u00eb tre kilogram\u00eb brenda tri dit\u00ebve p\u00ebr t\u00eb marr\u00eb pjes\u00eb n\u00eb kategorin\u00eb -57kg. Kjo \u00ebsht\u00eb reflektuar n\u00eb m\u00ebnyr\u00eb negative, sidomos n\u00eb me\u00e7in e par\u00eb.
\nXheneta nuk e fsheh k\u00ebnaq\u00ebsin\u00eb p\u00ebr suksesin e arritur.
\n\u201cKy \u00ebsht\u00eb suksesi m\u00eb i madh n\u00eb karrier\u00ebn time\u201d, pranon ajo, duke shtuar se ai p\u00ebrb\u00ebn nj\u00ebkoh\u00ebsisht sukses edhe p\u00ebr qytetin e Ulqinit.
\nSipas saj, t\u00eb fitosh nj\u00eb medalje n\u00eb Kampionatin Bot\u00ebror \u00ebsht\u00eb nj\u00eb sukses i madh.
\n\u201cMedalja e fituar paraqet kulmin n\u00eb karrier\u00ebn time, por edhe m\u00eb jep vullnet q\u00eb t\u00eb eci p\u00ebrpara\u201d, thot\u00eb Vu\u00e7iq.
\nVet\u00ebm pak koh\u00eb m\u00eb par\u00eb ajo ka marr\u00eb pjes\u00eb n\u00eb Kampionatin Bot\u00ebror n\u00eb Karate n\u00eb Maroko ku po ashtu ka p\u00ebrfaq\u00ebsuar Malin e Zi.
\n\u201cPasi q\u00eb kan\u00eb qen\u00eb dy kampionate t\u00eb nj\u00ebpasnj\u00ebshme, ka qen\u00eb e v\u00ebshtir\u00eb t\u00eb p\u00ebrgatitem\u201d, thot\u00eb Xheneta, e cila fal\u00ebnderon trajner\u00ebt e Klubit \u201cAlbulena\u201d, Agron Ujkashi, Anel Beganoviq dhe Jasmin Hot, pa pun\u00ebn e t\u00eb cil\u00ebve, si\u00e7 thot\u00eb ajo, \u201cnuk e kisha arritur k\u00ebt\u00eb sukses\u201d.
\nXheneta fal\u00ebnderon edhe sponsor\u00ebt \u201cHasa Glass\u201d, \u201cSefa Goni Alumin\u201d dhe \u201cTaflaj Alumil\u201d t\u00eb cil\u00ebt ndihmuan pjes\u00ebmarrjen e saj n\u00eb Kampionatin Bot\u00ebror.
\nGaruesi tjet\u00ebr nga Klubi \u201cAlbulena\u201d, pjes\u00ebtar i P\u00ebrfaq\u00ebsueses s\u00eb Malit t\u00eb Zi, Nikolla Prodanoviq, n\u00eb kategorin\u00eb -73kg p\u00ebr kadet\u00eb, ka humbur n\u00eb gjysm\u00ebfinale duke mos arritur t\u00eb kuror\u00ebzohet me medalje.
\nP\u00ebrve\u00e7 medaljes s\u00eb bronzt\u00eb t\u00eb fituar nga Xheneta, Mali i Zi ka fituar edhe kat\u00ebr medalje t\u00eb tjera n\u00eb k\u00ebt\u00eb kampionat, dy t\u00eb argjendta dhe dy t\u00eb bronzta, duke arritur nj\u00eb rezultat mjaft pozitiv.
\nKampionati Bot\u00ebror n\u00eb Ju-Jitsu p\u00ebr kadet\u00eb dhe junior\u00eb n\u00eb Athin\u00eb ka qen\u00eb i organizuar n\u00eb nj\u00eb nivel tejet t\u00eb lart\u00eb dhe n\u00eb t\u00eb kan\u00eb marr\u00eb pjes\u00eb rreth dyzet shtete.<\/p>\n

I. Kallaba
\nKoha Javore<\/strong><\/p>\n

\n\t\t