{"id":32802,"date":"2010-05-05T19:27:59","date_gmt":"2010-05-05T17:27:59","guid":{"rendered":"http:\/\/www.visit-ulcinj.com\/blog\/?p=32802"},"modified":"2010-05-13T18:21:38","modified_gmt":"2010-05-13T16:21:38","slug":"per-dhe-kunder-koalicionit-%e2%80%9cper-ulqinin-evropian%e2%80%9d","status":"publish","type":"post","link":"https:\/\/www.visit-ulcinj.com\/blog\/2010\/05\/05\/per-dhe-kunder-koalicionit-%e2%80%9cper-ulqinin-evropian%e2%80%9d\/","title":{"rendered":"P\u00ebr dhe kund\u00ebr koalicionit \u201cP\u00ebr Ulqinin evropian\u201d"},"content":{"rendered":"

\"Koalicioni<\/a>Ulqin, 5 maj – Koalicioni \u201cP\u00ebr Ulqinin evropian\u201d t\u00eb cilin e p\u00ebrb\u00ebjn\u00eb Unioni Demokratik i Shqiptar\u00ebve \/UDSH\/ dhe Partia Demokratike e Socialist\u00ebve \/PDS\/ e Milo Gjukanoviqit ka habitur shum\u00eb njer\u00ebz, t\u00eb cil\u00ebt e kan\u00eb konsideruar edhe bashk\u00ebrenditje t\u00eb panatyrshme, por doli e kund\u00ebrta, vler\u00ebson kryebashkiaku i k\u00ebsaj komune, G\u00ebzim Hajdinaga, i cili kryeson edhe list\u00ebn zgjedhore t\u00eb k\u00ebtij koalicioni p\u00ebr zgjedhjet lokale t\u00eb 23 majit.<\/p>\n

G\u00ebzim Hajdinaga thekson se gjat\u00eb mandatit t\u00eb kaluar kat\u00ebrvje\u00e7ar, n\u00eb saje t\u00eb koalicionit \u201cP\u00ebr Ulqinin evropian\u201d dhe t\u00eb p\u00ebrkrahjes s\u00eb Qeveris\u00eb malazeze, Ulqini u kthye n\u00eb shkall\u00ebn e normalitetit t\u00eb zhvillimit.<\/p>\n

\u201cKemi startuar me Planin e p\u00ebrgjithsh\u00ebm urbanistik, p\u00ebr t\u00eb vazhduar planet me ato detaje, t\u00eb cil\u00ebt i kan\u00eb munguar k\u00ebtij qyteti. Fal mjeteve financiare q\u00eb kemi marr\u00eb me mb\u00ebshtetje nga Qeveria e Malit t\u00eb Zi, kemi p\u00ebrmir\u00ebsuar gjendjen n\u00eb infrastruktur\u00eb, jo vet\u00ebm n\u00eb qytet, por edhe n\u00eb zonat rurale\u201d, thot\u00eb Hajdinaga. Ai shton se, p\u00ebrve\u00e7 mysafir\u00ebve nga rajonet tradicionale, si\u00e7 \u00ebsht\u00eb Kosova, Maqedonia e Shqip\u00ebria, n\u00eb Ulqin jan\u00eb kthyer p\u00ebrs\u00ebri edhe turist\u00ebt nga Bosnj\u00eb e Hercegovina.<\/p>\n

K\u00ebshtu nuk mendon Nazif\u00a0 Cungu, lideri i Forc\u00ebs s\u00eb Re Demokratike, e cila \u00ebsht\u00eb n\u00eb opozit\u00eb. Ai thot\u00eb se koalicioni \u201cP\u00ebr Ulqinin evropian\u201d e ka varf\u00ebruar dhe shkat\u00ebrruar Ulqinin. Sipas tij ky koalicion nuk ka realizuar asnj\u00eb projekt q\u00eb u ka premtuar qytetar\u00ebve n\u00eb vitin 2006.<\/p>\n

\u201cE keqja m\u00eb e madhe \u00ebsht\u00eb se Ulqini nuk ka Plan t\u00eb p\u00ebrgjithsh\u00ebm urbanistik. Tash 20 vjet e m\u00eb shum\u00eb, nuk \u00ebsht\u00eb hartuar asnj\u00eb dokument i plot\u00eb i k\u00ebsaj natyre, dhe n\u00eb k\u00ebt\u00eb gjendje kush do t\u00eb investonte n\u00eb Ulqin. Kan\u00eb d\u00ebshtuar t\u00eb gjith\u00eb tender\u00ebt p\u00ebr ishullin Ada dhe Plazhin e madh. Aksi rrugor nd\u00ebrkomb\u00ebtar Ulqin – Sukubin\u00eb \/kufiri me Shqip\u00ebrin\u00eb\/ nuk u rikonstruktua\u201d, thot\u00eb Nazif Cungu.<\/p>\n

Lideri i Forc\u00ebs s\u00eb Re Demokratike, shton se nuk u nd\u00ebrtuar as ura shum\u00eb e p\u00ebrfolur mbi Portmilen\u00eb, as marina edhe pse dihet se Ulqini \u00ebsht\u00eb i vetmi qytet n\u00eb bregdetin e Malit t\u00eb Zi q\u00eb nuk ka marin\u00eb dhe pretendon t\u00eb jet\u00eb qytet modern turistik. Sipas Cungut, buxheti u shpenzua p\u00ebr udh\u00ebtime t\u00eb pafund jasht\u00eb shteti dhe koncerte muzikore, por jo edhe p\u00ebr ngritjen e nivelit ekonomik t\u00eb Ulqinit<\/p>\n

Koha Net<\/strong>
\n\n\t\t