{"id":33447,"date":"2010-05-18T18:51:41","date_gmt":"2010-05-18T16:51:41","guid":{"rendered":"http:\/\/www.visit-ulcinj.com\/blog\/?p=33447"},"modified":"2010-05-19T16:54:16","modified_gmt":"2010-05-19T14:54:16","slug":"udsh-jane-avancuar-te-drejtat-e-shqiptareve-ne-malin-e-zi","status":"publish","type":"post","link":"https:\/\/www.visit-ulcinj.com\/blog\/2010\/05\/18\/udsh-jane-avancuar-te-drejtat-e-shqiptareve-ne-malin-e-zi\/","title":{"rendered":"UDSH: Jan\u00eb avancuar t\u00eb drejtat e shqiptar\u00ebve n\u00eb Malin e Zi"},"content":{"rendered":"

\"Koalicioni<\/a>Ulqin, 18 maj – Partneriteti i Unionit Demokratik t\u00eb Shqiptar\u00ebve (UDSH) me Partin\u00eb Demokratike t\u00eb Socialist\u00ebve (PDS) \u00ebsht\u00eb d\u00ebshmuar dhe po d\u00ebshmohet si nj\u00eb veprim i q\u00eblluar q\u00eb ka avancuar realizimin e t\u00eb drejtave t\u00eb shqiptar\u00ebve n\u00eb Malin e Zi, kan\u00eb deklaruar t\u00eb mart\u00ebn zyrtar\u00ebt e lart\u00eb t\u00eb UDSH-s\u00eb.
\nN\u00eb nj\u00eb prononcim p\u00ebr KosovaLive, Mehmet Zenka, n\u00ebnkryetar i UDSH dhe deputet i k\u00ebsaj partie n\u00eb Parlamentin malazias, ka th\u00ebn\u00eb se kjo v\u00ebrehet sidomos n\u00eb bashk\u00ebpunimin 12\u2013vje\u00e7ar n\u00eb nivel qeveritar, e mbi t\u00eb gjitha n\u00eb ushtrimin e pushtetit lokal n\u00eb Ulqin n\u00eb mandatin q\u00eb po lihet pas.
\nDuke i komentuar z\u00ebrat nga subjektet tjera nacionale shqiptare n\u00eb tubimet e tyre paraelektorale p\u00ebr zgjedhjet lokale t\u00eb 23 majit, se, kinse \u201cUDSH e ka humbur identitetin e vet shqiptar\u201d, Zenka p\u00ebrgjigjet se pik\u00ebrisht , fal UDSH, e n\u00eb saje t\u00eb projekteve q\u00eb ka realizuar, ka avancuar t\u00eb drejtat e shqiptar\u00ebve n\u00eb Malin e Zi.
\n\u201cUDSH, q\u00eb n\u00eb vitin 2000 ka miratuar Platform\u00ebn mbi zgjidhjen e statusit t\u00eb shqiptar\u00ebve n\u00eb Malin e Zi, e cila \u00ebsht\u00eb shp\u00ebrndar\u00eb n\u00eb adresat relevante komb\u00ebtare dhe nd\u00ebrkomb\u00ebtare. Simotrat tona k\u00ebtu, ne si parti m\u00eb e madhe nacionale shqiptare n\u00eb Mal t\u00eb Zi, nuk na d\u00ebrguan asnj\u00eb p\u00ebrgjigje. E kemi th\u00ebn\u00eb at\u00ebher\u00eb, e themi edhe sot, UDSH \u00ebsht\u00eb e hapur p\u00ebr plot\u00ebsimin e propozimeve t\u00eb k\u00ebtij dokumenti\u201d, n\u00ebnvizon ai.
\nI pyetur se p\u00ebrse kuadrot e reja nga Ulqini nuk jan\u00eb t\u00eb pun\u00ebsuara n\u00eb mekanizmat qeveritare malazeze, porsi koleg\u00ebt e tyre nga Mal\u00ebsia, an\u00ebtar\u00eb t\u00eb UDSH, Zenka thot\u00eb se v\u00ebshtir\u00ebsi ky\u00e7e \u00ebsht\u00eb distanca gjeografike mes Ulqinit e Podgoric\u00ebs, pastaj edhe t\u00eb ardhurat e vogla\u201d. Por, shton ai, edhe t\u00eb rinjt\u00eb tan\u00eb nga Ulqini i kan\u00eb dyert e hapura t\u00eb pun\u00ebsohen edhe n\u00eb Podgoric\u00eb.
\nKryetari i Lidhjes Demokratike n\u00eb Mal t\u00eb Zi, dega e Mal\u00ebsis\u00eb Nikoll\u00eb Camaj, ka akuzuar koalicionin UDSH-PDS dhe Partin\u00eb Boshnjake, se \u201cpo rrezikojn\u00eb asimilimin e Mal\u00ebsis\u00eb\u201d. Ai shembull merr promovimin e k\u00ebtij koalicioni p\u00ebr zgjedhjet lokale t\u00eb 23 majit n\u00eb Tuz, ku \u201cvalonin nja 100 flamuj malazias, mbi 20 boshnjak\u00eb edhe vet\u00ebm nj\u00eb flamur shqiptar ?!\u201d<\/p>\n

Koha Net
\n<\/strong>
\n\n\t\t