{"id":35363,"date":"2010-07-10T12:51:20","date_gmt":"2010-07-10T10:51:20","guid":{"rendered":"http:\/\/www.visit-ulcinj.com\/blog\/?p=35363"},"modified":"2010-07-10T12:51:20","modified_gmt":"2010-07-10T10:51:20","slug":"ulqini-vleresohet-me-tre-yje","status":"publish","type":"post","link":"https:\/\/www.visit-ulcinj.com\/blog\/2010\/07\/10\/ulqini-vleresohet-me-tre-yje\/","title":{"rendered":"Ulqini vler\u00ebsohet me tre yje"},"content":{"rendered":"

\"\"Plazh, sh\u00ebrbime hotelerie t\u00eb nivelit nga 2-4 yje e muzik\u00eb \u201ctallava\u201d. Kjo \u00ebsht\u00eb n\u00eb p\u00ebrgjith\u00ebsi oferta turistike e Ulqinit edhe p\u00ebr k\u00ebt\u00eb vit. Risi ka pak, si n\u00eb sh\u00ebrbime, po ashtu edhe n\u00eb \u00e7mime, por pushuesit nga Kosova priten t\u00eb jen\u00eb edhe k\u00ebt\u00eb ver\u00eb pjesa m\u00eb e madhe e klient\u00ebve t\u00eb k\u00ebsaj oferte. T\u00eb pakt\u00ebn k\u00ebshtu shpresojn\u00eb ulqinak\u00ebt.
\nUlqini i k\u00ebtij viti do t\u00eb dukej shum\u00eb i ngjash\u00ebm me Ulqinin e viti 2009, apo edhe at\u00eb t\u00eb viteve m\u00eb her\u00ebt, sikur t\u00eb mos e kishte nj\u00eb befasi t\u00eb pak\u00ebndshme. N\u00eb Kala, q\u00eb \u00ebsht\u00eb edhe simboli i qytetit kan\u00eb filluar edhe nd\u00ebrtime t\u00eb egra, me blloka t\u00eb kuq.
\nMegjith\u00ebse nuk ka di\u00e7ka t\u00eb ve\u00e7ant\u00eb, Ulqini edhe sivjet ka mjaft vende p\u00ebr ata q\u00eb don\u00eb t\u00eb pushojn\u00eb n\u00eb t\u00eb, kurse efekti i autostrad\u00ebs s\u00eb Shqip\u00ebris\u00eb, tash ve\u00e7 ka filluar t\u00eb jap\u00eb rezultate pozitive edhe p\u00ebr Ulqinin, pasi q\u00eb rruga n\u00ebp\u00ebr t\u00eb, p\u00ebr n\u00eb Mal t\u00eb Zi, kalohet duksh\u00ebm m\u00eb shpejt. Ulqinak\u00ebt presin q\u00eb autostrada e Kosov\u00ebs do t\u00eb rris\u00eb edhe m\u00eb vler\u00ebn k\u00ebtij vendi.
\nT\u00eb vizituarit e Malit t\u00eb Zi mund t\u00eb kalohet vet\u00ebm me dokumente t\u00eb Republik\u00ebs s\u00eb Kosov\u00ebs, kurse let\u00ebrnjoftimet dhe pasaportat e koh\u00ebs s\u00eb UNMIK-ut jan\u00eb shpallur t\u00eb pavlefshme dhe nuk mund t\u00eb kalohet me to. P\u00ebr k\u00ebt\u00eb, Qeveria e Kosov\u00ebs ka k\u00ebrkuar q\u00eb Mali i Zi q\u00eb t\u00eb mos lejohen ata qytetar\u00eb q\u00eb kan\u00eb dokumente t\u00eb UNMIK-ut t\u00eb kalojn\u00eb tutje.<\/p>\n

Plazhet me flamur t\u00eb kalt\u00ebr<\/strong><\/p>\n

\"\"Isak Dragovoja, menaxher i shitjes n\u00eb organizat\u00ebn publike \u201cRiviera e Ulqinit\u201d, q\u00eb \u00ebsht\u00eb edhe organizata m\u00eb e madhe turistike n\u00eb Ulqin, e q\u00eb bart n\u00eb vete tri hotele, thot\u00eb se nd\u00ebrmarrja e tyre ofron mbi 1000 shtret\u00ebr. Kurse, krejt Ulqini, sektori privat dhe ai publik, llogaritet t\u00eb ken\u00eb n\u00eb dispozicion mbi 120 mij\u00eb shtret\u00ebr.
\n\u201cRiviera e Ulqinit\u201d posedon edhe fshatin turistik Ada n\u00eb Bun\u00eb me rreth 600 shtret\u00ebr. Megjith\u00ebk\u00ebt\u00eb, Dragovoja pranoi q\u00eb hotelet e tyre jan\u00eb me dy yje, dhe persin q\u00eb s\u00eb shpejti ta rrisin standardin. Kurse, p\u00ebr ofruesit privat t\u00eb shfrimeve hotelierike, cil\u00ebsia e sh\u00ebrbimeve shkon prej 2-4 yje.
\nIsak Dragovoja shpjegon se pasi q\u00eb jan\u00eb nd\u00ebrmarrje publike, e kan\u00eb pasur t\u00eb v\u00ebshtir\u00eb t\u00eb jen\u00eb konkurrent\u00eb me \u00e7mime me ofruesit privat t\u00eb sh\u00ebrbimeve t\u00eb turizmit, mir\u00ebpo me pun\u00eb kan\u00eb arritur t\u00eb jen\u00eb konkurrent\u00eb n\u00eb rajon me \u00e7mime dhe me kualitet. \u201cE kemi kriz\u00ebn ekonomike globale dhe \u00e7mimet nuk i kemi ndryshuar p\u00ebr 3 vite me radh\u00eb. \u00c7mimet sillen prej 24-31 euro gjat\u00eb muajit korrik p\u00ebr gjysm\u00eb pansioni, nd\u00ebrsa p\u00ebr muajin gusht \u00e7mimet sillen 27-36 euro. M\u00ebngjesi dhe darka jan\u00eb tavolin\u00eb suedeze\u201d, shprehet ai.
\nDragovoja si menaxher i shitjes shpjegon q\u00eb ata punojn\u00eb shum\u00eb p\u00ebr ta pasur tregun e Kosov\u00ebs, ku jan\u00eb angazhuar 15 agjenci turistike. Ai thot\u00eb se synojn\u00eb q\u00eb t\u00eb ken\u00eb s\u00eb paku 50% t\u00eb pushuesve nga Kosova, gj\u00eb t\u00eb cil\u00ebn n\u00ebp\u00ebr disa konferenca p\u00ebr shtyp e than\u00eb edhe kryetari i Ulqinit, G\u00ebzim Hajdinaga, si dhe Ali Rexha, drejtor i turizmit n\u00eb Komun\u00ebn e Ulqinit.
\nP\u00ebr dallim nga hotelet, sh\u00ebrbimi n\u00eb plazh \u00ebsht\u00eb m\u00eb n\u00eb nivel. Derisa Ulqini njihet p\u00ebr dy plazhet, at\u00eb t\u00eb voglin dhe t\u00eb madhin, pushuesit nga Kosova dukej se kan\u00eb zgjedhur t\u00eb parin. Por, plazhe q\u00eb menaxhohen nga kompani private, n\u00eb plazhin e madh, tashm\u00eb kan\u00eb fituar edhe \u201cflamurin e kalt\u00ebr\u201d, si standard nd\u00ebrkomb\u00ebtar t\u00eb cil\u00ebsis\u00eb.<\/p>\n

Oferta p\u00ebr nj\u00eb jav\u00eb<\/strong><\/p>\n

Agjencis\u00eb Komb\u00ebtare e Malit t\u00eb Zi, ka njoftuar se ofertat turistike t\u00eb k\u00ebtij vendi p\u00ebrmbajn\u00eb dy paket-aranzhmane, n\u00eb sektorin privat dhe at\u00eb hotelier, i cili do t\u00eb menaxhohet nga agjencit\u00eb e organizat\u00ebs s\u00eb turizmit t\u00eb Malit t\u00eb Zi. Sipas k\u00ebsaj agjencie, vitin e kaluar, bregdetin e Malit t\u00eb Zi, e kan\u00eb vizituar mbi 50 mij\u00eb turist\u00eb nga Kosova. K\u00ebt\u00eb vit Agjencia pret nj\u00eb num\u00ebr edhe m\u00eb t\u00eb madh t\u00eb turist\u00ebve, duke e shfryt\u00ebzuar edhe autostrad\u00ebn e Shqip\u00ebris\u00eb.
\nPaketa turistike n\u00eb sektorin privat jasht\u00eb sezonit do t\u00eb jet\u00eb 42 euro, p\u00ebr 7 dit\u00eb, nd\u00ebrsa gjat\u00eb sezonit nga 1 korriku deri m\u00eb 31 gusht, \u00e7mimi do t\u00eb jet\u00eb m\u00eb i lart\u00eb nga 70 deri n\u00eb 77 euro. Nd\u00ebrsa, akomodimi n\u00eb hotele jasht\u00eb sezonit do t\u00eb jet\u00eb me nj\u00eb \u00e7mim prej 72 deri n\u00eb 154 euro, nd\u00ebrsa gjat\u00eb sezonit nga 155 deri n\u00eb 280 euro, ofert\u00eb kjo e cila p\u00ebrfshin hotelet e kategoris\u00eb 2 deri n\u00eb 4 yje.
\n\"HTP<\/a><\/p>\n

<\/a>
\nPanair, ve\u00e7 disa or\u00eb!
\n<\/strong>
\n\"Panairin<\/a>Megjith\u00ebse t\u00eb gjith\u00eb n\u00eb Ulqin e pranojn\u00eb se mbi gjysma e veprimtarive t\u00eb tyre turistike varen nga turist\u00ebt nga Kosova, p\u00ebr bizneset e Kosov\u00ebs ata nuk kan\u00eb b\u00ebr\u00eb shum\u00eb. Sipas pronar\u00ebve t\u00eb bizneseve q\u00eb ekspozuan produktet e tyre n\u00eb \u201cPanairin e Bizneseve Kosovare n\u00eb Ulqin\u201d, t\u00eb organizuar nga Aleanca Kosovare e Biznesit, n\u00eb Ulqin \u00ebsht\u00eb krijuar monopol i bizneseve t\u00eb atyshme dhe v\u00ebshtir\u00eb dep\u00ebrtojn\u00eb bizneset nga Kosova. Megjithat\u00eb, p\u00ebr kryetarin e Ulqinit, G\u00ebzim Hajdinaga kjo nuk q\u00ebndron.
\nPor, bizneset e Kosov\u00ebs q\u00eb mor\u00ebn pjes\u00eb n\u00eb panairin e lartp\u00ebrmendur, pat\u00ebn v\u00ebrejtje p\u00ebr gjith\u00e7ka rreth tij. \u201cKemi k\u00ebrkuar q\u00eb prodhimet tona t\u00eb ekspozohen n\u00eb qend\u00ebr t\u00eb qytetit, e ata na prun\u00eb k\u00ebtu af\u00ebr plazhit, q\u00eb t\u00eb kemi m\u00eb shum\u00eb hap\u00ebsir\u00eb, e mbet\u00ebm me k\u00ebto pak metra dhe krejt n\u00eb rrug\u00eb. Kam b\u00ebr\u00eb shpenzime, e me sa po e shoh nuk ia paska vlejtur\u201d, tha jozyrtarisht nj\u00ebri nd\u00ebr biznesmen\u00ebt pjes\u00ebmarr\u00ebs n\u00eb panair.
\nE \u00e7udit\u00ebrisht, Panairi edhe pse ishte prezantuar si disaditor, ai p\u00ebrfundoi pas pak or\u00ebsh, pa asnj\u00eb shpjegim.<\/p>\n

Degradime n\u00eb Kala
\n<\/strong>
\n\"Degradime<\/a>N\u00eb kalan\u00eb e Ulqinit, q\u00eb \u00ebsht\u00eb edhe simboli i qytetit, tash kan\u00eb filluar edhe nd\u00ebrtime t\u00eb egra, me blloka t\u00eb kuq. Nj\u00eb objekt i till\u00eb tashm\u00eb gjendet i pap\u00ebrfunduar ende, vet\u00ebm pak metra nga ish-restaurant \u201cMarko Pollo\u201d. Banor\u00ebt e atysh\u00ebm thon\u00eb q\u00eb at\u00eb ka filluar ta nd\u00ebrtoj\u00eb nj\u00eb biznesmen me prejardhje nga Rusia, por nd\u00ebrtimet ia nd\u00ebrpreu UNESCO.
\nSikur t\u00eb mos mjaftonte kjo, kulla e Balshajve, q\u00eb \u00ebsht\u00eb nj\u00eb objekt shum\u00eb i ve\u00e7ant\u00eb brenda kalas\u00eb, tash m\u00eb nuk e ka mbishkrimin shqip. At\u00eb mund ta lexojn\u00eb vet\u00ebm ata q\u00eb e din\u00eb gjuh\u00ebn serbe.<\/p>\n

Shqipmedia
\n\n\t\t