{"id":35853,"date":"2010-08-15T14:02:35","date_gmt":"2010-08-15T12:02:35","guid":{"rendered":"http:\/\/www.visit-ulcinj.com\/blog\/?p=35853"},"modified":"2010-08-16T12:50:18","modified_gmt":"2010-08-16T10:50:18","slug":"ulqini-kesaj-vere-rikthen-shkelqimin-turistik","status":"publish","type":"post","link":"https:\/\/www.visit-ulcinj.com\/blog\/2010\/08\/15\/ulqini-kesaj-vere-rikthen-shkelqimin-turistik\/","title":{"rendered":"Ulqini k\u00ebsaj vere rikthen shk\u00eblqimin turistik"},"content":{"rendered":"

\"\"<\/a>Ulqin: Muaji gusht rikthej shk\u00eblqimin e vizit\u00ebs s\u00eb dikurshme turistike n\u00eb k\u00ebt\u00eb vendverim t\u00eb njohur t\u00eb Adriatikut. Sivjet, pushuesit m\u00eb dominues ishin nga Kosova e Shqip\u00ebria, por erdh\u00ebn edhe ata nga vendet e Evrop\u00ebs Qendrore.
\nHotelet e rivier\u00ebs s\u00eb Ulqinit gjat\u00eb qershorit, korrikut edhe tash n\u00eb gusht, kan\u00eb sh\u00ebnuar 35 p\u00ebr qind m\u00eb shum\u00eb bujtje, krahasuar me vitin e kaluar. Pa dyshim se numri m\u00eb i madh i pushuesve \u00ebsht\u00eb i vendosur n\u00eb sektorin privat. Ndon\u00ebse nuk dihet se sa \u00ebsht\u00eb numri i tyre, supozohet se jan\u00eb mbi 100 mij\u00eb. Organizata komunale turistike nuk arrin dot q\u00eb t\u00eb regjistroj\u00eb as 30 p\u00ebr qind t\u00eb pushuesve n\u00eb Ulqin, ka raportuar BalkanWeb.
\nKarshi k\u00ebsaj vizite grandioze, Ulqini nuk shikohet mir\u00eb me syt\u00eb e medias, thot\u00eb p\u00ebr KosovaLive pronari i Plazhit t\u00eb mir\u00ebnjohur \u201cSafari\u201d, Zef Deliqi, i cili p\u00ebr t\u00eb par\u00eb se si duket Ulqini, mblodhi n\u00eb nj\u00eb dark\u00eb gazetar\u00eb t\u00eb mediave malazeze, t\u00eb Kosov\u00ebs dhe t\u00eb Kroacis\u00eb.
\n\u201cQ\u00ebllimi i firm\u00ebs son\u00eb \u00ebsht\u00eb q\u00eb t\u00eb p\u00ebrpiqemi t\u00eb zhduken disa paragjykime q\u00eb shfaqen n\u00eb media ndaj Ulqinit, ndaj bukurive t\u00eb tij natyrore, sh\u00ebrbimeve t\u00eb nivelit m\u00eb t\u00eb lart\u00eb dhe t\u00eb kulturuar t\u00eb mjediseve tona ballkanike\u201d, thot\u00eb Zefi.
\nAi shton se Ulqinit i jan\u00eb kthyer turist\u00ebt nga Polonia dhe \u00c7ekia, t\u00eb cil\u00ebt para 20 vjet\u00ebve e kan\u00eb pasur destinacionin e vet\u00ebm n\u00eb Adriatik.
\n\"\"<\/a>Pronari i plazhit \u201cSafari\u201d n\u00ebnvizon se \u201cshteti dhe komuna duhet t\u00eb na leht\u00ebsojn\u00eb arritjen e pushuesve. Kjo realizohet me nd\u00ebrtimin e infrastruktur\u00ebs rrugore, sepse kur turist\u00ebt kthehen n\u00eb qytet nga plazhi, n\u00eb kolon\u00eb presin edhe m\u00eb shum\u00eb se 30 minuta. Kjo, normalisht se shkakton pak\u00ebnaq\u00ebsi n\u00eb radh\u00ebt e mysafir\u00ebve\u201d, thot\u00eb Zefi.
\nAi \u00ebsht\u00eb i bindur se lidhja e Ulqinit me Shkodr\u00ebn me nj\u00eb rrug\u00eb bashk\u00ebkohore, s\u00eb paku do t\u00eb dyfishonte vizitat turistike. Ai k\u00ebt\u00eb konstatim e mb\u00ebshtet n\u00eb njohurit\u00eb q\u00eb ka p\u00ebr interesimin jasht\u00ebzakonisht t\u00eb madh t\u00eb pushuesve nga Shqip\u00ebria, Maqedonia, Kosova, Serbia e Bullgaria p\u00ebr verime n\u00eb Ulqin.<\/p>\n

KOHA NET<\/strong><\/p>\n

\n\t\t