{"id":36338,"date":"2010-08-25T18:30:13","date_gmt":"2010-08-25T16:30:13","guid":{"rendered":"http:\/\/www.visit-ulcinj.com\/blog\/?p=36338"},"modified":"2010-08-25T18:30:13","modified_gmt":"2010-08-25T16:30:13","slug":"rasti-valdanos-rishyqyrtohet-ne-gjykaten-supreme-te-malit-te-zi","status":"publish","type":"post","link":"https:\/\/www.visit-ulcinj.com\/blog\/2010\/08\/25\/rasti-valdanos-rishyqyrtohet-ne-gjykaten-supreme-te-malit-te-zi\/","title":{"rendered":"Rasti Valdanos rishyqyrtohet n\u00eb Gjykat\u00ebn Supreme t\u00eb Malit t\u00eb Zi"},"content":{"rendered":"

\"\"<\/a>Ulqin, 24 gusht – Gjykata Supreme e Malit t\u00eb Zi ka kthyer n\u00eb rishqyrtim nj\u00ebr\u00ebn nd\u00ebr aferat m\u00eb t\u00eb diskutuara, jo vet\u00ebm n\u00eb Mal t\u00eb Zi, por edhe n\u00eb rajon – \u00e7\u00ebshtjen e kthimit pronar\u00ebve legjitim\u00eb t\u00eb 20 mij\u00eb ullinjve frutor\u00eb n\u00eb gjirin e Valdanosit.<\/p>\n

K\u00ebt\u00eb e konfirmoi t\u00eb mart\u00ebn p\u00ebr KosovaLive avokati i njohur shqiptar ulqinak, Mustafa \u00c7apuni, p\u00ebrfaq\u00ebsues juridik i Shoqat\u00ebs p\u00ebr kthimin e ullinjve.<\/p>\n

\u201cSi\u00e7 dihet, shteti jugosllav, ulqinak\u00ebve u ka marr\u00eb me dhun\u00eb para tri dekadave 20 mij\u00eb ullinj frutor\u00eb, deg\u00eb kryesore ekonomike pas turizmit. Pronar\u00ebt, 105 sish, nuk kan\u00eb mund\u00ebsi as sot e k\u00ebsaj dite q\u00eb t\u00eb marrin pronat e tyre legjitime. Ne si shoqat\u00eb, kemi sensibilizuar opinionin e brendsh\u00ebm dhe t\u00eb jasht\u00ebm\u201d, shprehet avokati \u00c7apuni.<\/p>\n

Ai thot\u00eb se vendimi i Gjykat\u00ebs Supreme t\u00eb Malit t\u00eb Zi i rikthen shpresat se drejt\u00ebsia malazeze mund t\u00eb vendos drejt nj\u00ebher\u00eb ndaj nesh.<\/p>\n

\u201cDrejtoria e pasuris\u00eb s\u00eb paluhatshme dhe Gjykata administrative e kan\u00eb hedhur posht\u00eb k\u00ebrkes\u00ebn ton\u00eb p\u00ebr kthimin e ullinjve, me pretekst se nuk ka baz\u00eb ligjore. Kjo p\u00ebrgjigje shihet qart\u00eb se \u00ebsht\u00eb tendencioze dhe pas saj q\u00ebndron politika\u201d,- konsideron \u00c7apuni.<\/p>\n

Ai thot\u00eb se kompleksi i ullinjve n\u00eb Valdanos t\u00eb Ulqinit \u00ebsht\u00eb marr\u00eb p\u00ebr t\u00eb nd\u00ebrtuar, gjoja, her\u00eb baz\u00eb ushtarake, her\u00eb pushimore. Meq\u00eb nuk ka ekzistuar plan urbanistik, ish-ushtria jugosllave n\u00eb Gjirin e Valdanosit nuk ka pasur t\u00eb drejt\u00eb t\u00eb nd\u00ebrtoj\u00eb asnj\u00eb objekt, duke e ditur se \u00ebsht\u00eb pasuria e shenjt\u00eb e Ulqinit, \u00ebsht\u00eb simboli i tij kulturor, historik dhe ekonomik.<\/p>\n

\u201cKemi k\u00ebrkuar vendimin sekret q\u00eb ka sjell\u00eb para 33 vitesh sekretari i at\u00ebhersh\u00ebm i Mbrojtjes s\u00eb Ushtris\u00eb jugosllave, por nuk e kemi gjetur n\u00eb Drejtorin\u00eb e urbanizmit t\u00eb Ulqinit, nuk na e kan\u00eb dh\u00ebn\u00eb as n\u00eb Podgoric\u00eb\u201d, sqaron avokati ulqinak, Mustafa \u00c7apuni.<\/p>\n

Ai konsideron se fshehja e k\u00ebtij dokumenti tregon qart\u00eb se ekspropriimi i ullinjve t\u00eb Ulqinit nga Ushtria Jugosllave ka qen\u00eb me prapavij\u00eb politike edhe ky q\u00ebndrim vazhdon edhe sot e k\u00ebsaj dite, tash nga Mali i Zi.<\/p>\n

Avokati \u00c7apuni e quan shum\u00eb t\u00eb r\u00ebnd\u00ebsish\u00ebm vendimin e Gjykat\u00ebs Supreme, me shpres\u00eb se ndoshta Mali i Zi heq dor\u00eb nga nj\u00eb diskriminim ndaj ulqinak\u00ebve.<\/p>\n

KOHA NET
\n\n\t\t