{"id":36558,"date":"2010-08-31T19:52:22","date_gmt":"2010-08-31T17:52:22","guid":{"rendered":"http:\/\/www.visit-ulcinj.com\/blog\/?p=36558"},"modified":"2010-08-31T19:52:22","modified_gmt":"2010-08-31T17:52:22","slug":"koha-e-nxehte-zgjat-sezonin-ne-ulqin","status":"publish","type":"post","link":"https:\/\/www.visit-ulcinj.com\/blog\/2010\/08\/31\/koha-e-nxehte-zgjat-sezonin-ne-ulqin\/","title":{"rendered":"Koha e nxeht\u00eb zgjat sezonin n\u00eb Ulqin"},"content":{"rendered":"

\"\"<\/a>Aleati m\u00eb i madh i Ulqinit gjat\u00eb k\u00ebtij\u00a0sezoni turistik ka qen\u00eb koha e mir\u00eb\u00a0dhe temperaturat e larta q\u00eb sigurisht\u00a0kan\u00eb qen\u00eb vendimtare p\u00ebr fatin\u00a0e tij. Q\u00eb nga fillimi i korrikut e deri\u00a0tani pothuajse nuk ka qen\u00eb asnj\u00eb\u00a0dit\u00eb me mot jostabil q\u00eb t\u00eb ndikoj\u00eb n\u00eb\u00a0sezonin turistik<\/em><\/strong>.
\nPas fillimit t\u00eb dob\u00ebt t\u00eb sezonit t\u00eb sivjetsh\u00ebm turistik\u00a0n\u00eb Ulqin, n\u00eb t\u00eb cilin pati ndikim edhe koha\u00a0jostabile, as optimist\u00ebt m\u00eb t\u00eb m\u00ebdhenj nuk\u00a0kishin parashikuar sezon t\u00eb mir\u00eb turistik. K\u00ebto\u00a0parashikime p\u00ebrforcoheshin nga efektet q\u00eb\u00a0mendohej t\u00eb kishte kriza ekonomike bot\u00ebrore\u00a0q\u00eb ka p\u00ebrfshir\u00eb t\u00ebr\u00eb bot\u00ebn.\u00a0Por koha e mir\u00eb dhe temperaturat e larta b\u00ebn\u00eb\u00a0q\u00eb Ulqini dhe plazhet e tij \u201ct\u00eb v\u00ebrshoheshin\u201d\u00a0nga nj\u00eb lum\u00eb turist\u00ebsh, kryesisht nga Kosova,\u00a0gjat\u00eb muajit korrik. Ky intensitet vazhdoi edhe\u00a0n\u00eb pjes\u00ebn e par\u00eb t\u00eb gushtit. Si duket, koha e\u00a0nxeht\u00eb dhe temperaturat e larta gjat\u00eb muajve\u00a0korrik dhe gusht kan\u00eb ndikuar duksh\u00ebm n\u00eb\u00a0sezonin e sivjetsh\u00ebm turistik n\u00eb Ulqin. Edhe\u00a0tani n\u00eb dit\u00ebt e fundit t\u00eb gushtit, megjith\u00ebse ka\u00a0r\u00ebn\u00eb fluksi i turist\u00ebve n\u00eb krahasim me periudh\u00ebn\u00a0e m\u00ebparshme, plazhet e tij, vazhdojn\u00eb t\u00eb\u00a0jen\u00eb t\u00eb mbushura me turist\u00eb. As skepticizmi\u00a0nga fillimi i muajit t\u00eb Ramazanit nuk u paraqit\u00a0real ngaq\u00eb ai pothuajse nuk pati fare ndikim n\u00eb\u00a0rrjedh\u00ebn e sezonit turistik. Aleati m\u00eb i madh i\u00a0Ulqinit gjat\u00eb k\u00ebsaj periudhe ka qen\u00eb koha e\u00a0mir\u00eb dhe temperaturat e larta q\u00eb sigurisht kan\u00eb\u00a0qen\u00eb vendimtare p\u00ebr fatin e k\u00ebtij sezoni. Q\u00eb\u00a0nga fillimi i korrikut e deri tani pothuajse nuk\u00a0ka qen\u00eb asnj\u00eb dit\u00eb me mot jostabil q\u00eb t\u00eb ndikoj\u00eb\u00a0n\u00eb sezonin turistik.\u00a0Sezoni i sivjetsh\u00ebm mund t\u00eb vler\u00ebsohet me nota\u00a0pozitive edhe sa i p\u00ebrket siguris\u00eb n\u00eb plazhe.\u00a0K\u00ebt\u00eb vit, t\u00eb pakt\u00ebn deri tani, jan\u00eb sh\u00ebnuar nj\u00eb\u00a0num\u00ebr m\u00eb i vog\u00ebl i problemeve n\u00eb plazhe, p\u00ebrfshir\u00eb\u00a0edhe mbytjet, n\u00eb krahasim me vitet e\u00a0kaluara.\u00a0Kjo nuk do t\u00eb thot\u00eb kurrsesi q\u00eb ky sezon turistik\u00a0nuk ka pasur probleme. Edhe ky sezon ka\u00a0treguar dob\u00ebsit\u00eb e evidentuara gjat\u00eb viteve t\u00eb\u00a0m\u00ebparshme \u2013 problemi me energjin\u00eb elektrike,\u00a0furnizimin me uj\u00eb, past\u00ebrtin\u00eb, parkimin,\u00a0munges\u00ebn e hoteleve etj., q\u00eb vazhdimisht theksohen\u00a0si probleme pa gjetur ndonj\u00eb zgjidhje\u00a0adekuate p\u00ebr to. P\u00ebrve\u00e7 problemeve t\u00eb tjera q\u00eb\u00a0duhen zgjidhur n\u00eb t\u00eb ardhmen jo t\u00eb larg\u00ebt, \u00ebsht\u00eb\u00a0shtuar edhe ai i zgjerimit t\u00eb rrug\u00ebs Ulqin \u2013\u00a0Sukubin\u00eb. Ky sezon ka d\u00ebshmuar se kjo rrug\u00eb\u00a0nuk \u00ebsht\u00eb n\u00eb gjendje t\u00eb p\u00ebrballoj\u00eb fluksin e\u00a0shtuar t\u00eb automjeteve q\u00eb qarkullojn\u00eb n\u00eb k\u00ebt\u00eb\u00a0rrug\u00eb si rezultat i ndryshimit t\u00eb itinerarit t\u00eb ardhjes\u00a0s\u00eb turist\u00ebve nga Kosova n\u00eb Ulqin, pas hapjes\u00a0s\u00eb rrug\u00ebs Prizren \u2013 Kuk\u00ebs \u2013 Durr\u00ebs.\u00a0Por askush nuk mund t\u00eb thot\u00eb me sakt\u00ebsi se cili\u00a0ka qen\u00eb numri i turist\u00ebve q\u00eb k\u00ebt\u00eb sezon turistik\u00a0kan\u00eb vizituar Ulqinin duke qen\u00eb se regjistrimi i\u00a0tyre akoma vazhdon t\u00eb jet\u00eb problem dhe nuk\u00a0b\u00ebhet n\u00eb m\u00ebnyr\u00eb t\u00eb sakt\u00eb. Edhe p\u00ebrfitimet q\u00eb do\u00a0t\u00eb ket\u00eb buxheti i Komun\u00ebs s\u00eb Ulqinit nga ky\u00a0sezon turistik nuk dihen.<\/p>\n

Rikthimi i polak\u00ebve, \u00e7ek\u00ebve…<\/p>\n

<\/strong>Ky vit mbase mund t\u00eb cil\u00ebsohet edhe si rikthim\u00a0i turist\u00ebve nga disa vende t\u00eb m\u00ebparshme\u00a0emetuese t\u00eb turizmit n\u00eb Ulqin, si\u00e7 jan\u00eb \u00c7ekia,\u00a0Sllovakia, Polonia, Hungaria etj. Numri i tyre\u00a0po rritet nga viti n\u00eb vit edhe pse askush nuk\u00a0disponon me statistika t\u00eb sakta.\u00a0Si\u00e7 dihet, n\u00eb vitet e arta t\u00eb turizmit t\u00eb Ulqinit,\u00a0kur turist\u00ebt nga k\u00ebto vende kishin v\u00ebrshuar\u00a0Ulqinin, sipas tyre mor\u00ebn emrat edhe disa\u00a0vendbanime dhe objekte turistike. K\u00ebshtu\u00a0autokampi n\u00eb Ulqin njihej ndryshe si kampi i\u00a0polak\u00ebve dhe \u00e7ek\u00ebve.\u00a0P\u00ebr dallim prej turist\u00ebve polak\u00eb, \u00e7ek\u00eb, hungarez\u00eb\u00a0e sllovak\u00eb, kjo nuk mund t\u00eb thuhet edhe\u00a0p\u00ebr ata gjerman\u00eb, dikur turist\u00ebt m\u00eb t\u00eb preferuar\u00a0n\u00eb Ulqin, numri i t\u00eb cil\u00ebve edhe gjat\u00eb k\u00ebtij\u00a0sezoni ka qen\u00eb shum\u00eb i vog\u00ebl.<\/p>\n

Ver\u00eb 2010 vs. ver\u00eb 2001<\/p>\n

<\/strong>P\u00ebr njoh\u00ebsit e turizmit dhe analist\u00ebt e k\u00ebsaj\u00a0fushe, sezoni i sivjetsh\u00ebm turistik mund t\u00eb krahasohet\u00a0me sezonin e vitit 2001, i cili vler\u00ebsohet\u00a0t\u00eb jet\u00eb m\u00eb fitimprur\u00ebsi n\u00eb dhjet\u00eb vitet e fundit\u00a0n\u00eb Ulqin. Por nd\u00ebrsa viti 2001 mund t\u00eb cil\u00ebsohet\u00a0si nj\u00eb ver\u00eb e pritur gjat\u00eb pas shum\u00eb sezoneve\u00a0t\u00eb d\u00ebshtuara turistike p\u00ebr shkak t\u00eb kriz\u00ebs\u00a0politike dhe luftrave q\u00eb p\u00ebrfshin\u00eb ish\u00a0Jugosllavin\u00eb, p\u00ebrfitimet nga sezoni i sivjetsh\u00ebm\u00a0do t\u00eb sh\u00ebrbejn\u00eb si nj\u00eb infuzion i mir\u00eb p\u00ebr buxhetet\u00a0e shum\u00eb qytetar\u00ebve t\u00eb Ulqinit pas kriz\u00ebs\u00a0financiare q\u00eb ka p\u00ebrfshir\u00eb Malin e Zi.\u00a0Ky sezon ka rikthyer po ashtu shpresat e ulqinak\u00ebve\u00a0te turizmi si dega kryesore ekonomike\u00a0nga e cila varet shum\u00eb zhvillimi i k\u00ebtij qyteti.<\/p>\n

I. Kallaba
\nKoha Javore
\n\n\t\t