{"id":38062,"date":"2010-10-05T11:46:14","date_gmt":"2010-10-05T09:46:14","guid":{"rendered":"http:\/\/www.visit-ulcinj.com\/blog\/?p=38062"},"modified":"2010-10-31T21:03:54","modified_gmt":"2010-10-31T19:03:54","slug":"shume-turiste-po-vazhdojne-pushimet-ne-ulqin","status":"publish","type":"post","link":"https:\/\/www.visit-ulcinj.com\/blog\/2010\/10\/05\/shume-turiste-po-vazhdojne-pushimet-ne-ulqin\/","title":{"rendered":"Shum\u00eb turist\u00eb po vazhdojn\u00eb pushimet n\u00eb Ulqin"},"content":{"rendered":"

\"\"<\/a>Edhe pse ka kaluar gjysma e muajit shtator, n\u00eb plazhet e Ulqinit po vazhdojn\u00eb pushimet shum\u00eb turist\u00eb nga shtete t\u00eb ndryshme, pa munguar edhe ata nga Kosova. Aty takuam edhe shum\u00eb turist\u00eb nga Gjermania, Hungaria, e vende t\u00eb tjera.<\/p>\n

Edhe k\u00ebt\u00eb fundjav\u00eb shum\u00eb turist\u00eb nga Kosova po pushojn\u00eb e qet\u00ebsohen n\u00eb bregdetin e Ulqinit nga vapa e madhe dhe puna e p\u00ebrditshme q\u00eb b\u00ebn\u00eb. Me t\u00eb zbardhur dita, turist\u00ebt kush m\u00eb her\u00ebt e kush m\u00eb von\u00eb, ia m\u00ebsyjn\u00eb plazhit Rana q\u00eb n\u00eb qytet quhet plazhi vog\u00ebl dhe tek plazhi i Shtoit, q\u00eb nd\u00ebr turist\u00ebt quhet plazhi i madh, edhe pse tashm\u00eb pronar\u00ebt e plazheve dhe lokaleve kan\u00eb nisur t\u00eb largojn\u00eb nga deti shtret\u00ebrit t\u00eb mbuluara me mbuloja n\u00eb forma ombrellash t\u00eb llojllojshme. Po ashtu shum\u00eb lokale kan\u00eb nisur t\u00eb mbyllen. Por temperaturat e nxehta kan\u00eb b\u00ebr\u00eb q\u00eb sivjet sezona turistike t\u00eb jet\u00eb m\u00eb e gjat\u00eb. Thuajse edhe muaji tetor ka qen\u00eb plot\u00eb me turist\u00eb. P\u00ebrve\u00e7 r\u00ebr\u00ebs s\u00eb detit p\u00ebr pushuesit e vet\u00eb ofron edhe ujin dhe plazhin e liqenit t\u00eb qytetit t\u00eb vjet\u00ebr t\u00eb Shasi-t. Ulqini, ka nj\u00eb vij\u00eb bregdetare prej 32.7 kilometrave, prej t\u00eb cilave 18.10 kilometra jan\u00eb t\u00eb volitshme p\u00ebr plazh.<\/p>\n

\"\"<\/a>Nj\u00ebri nd\u00ebr hotelet m\u00eb t\u00eb njohura n\u00eb Ulqin Hoteli \u201cMediteran\u201d, i cili gjendet pak metra lart plazhit Rana, k\u00ebto dit\u00eb kishte nj\u00eb num\u00ebr t\u00eb mjaftuesh\u00ebm t\u00eb turist\u00ebve kryesisht t\u00eb huaj.<\/p>\n

Turist\u00ebt nis\u00ebn \u00e7do dit\u00eb drejt plazhit t\u00eb vog\u00ebl, i cili duket si\u00a0n\u00eb shuplak\u00eb dore nga Hotel \u201cMediteran\u201d, ata posa shkoj\u00eb n\u00eb plazh vendosen n\u00eb shtret\u00ebr, p\u00ebr t\u00eb ikur nga vapa.<\/p>\n

Val\u00ebt e detit t\u00eb p\u00ebrkrahura nga era, l\u00ebviznin ujin drejt bregut, dukej sikur trazonin detin, derisa shum\u00eb turist\u00eb pushonin n\u00eb r\u00ebr\u00ebn p\u00ebrskaj e disa t\u00eb tjera b\u00ebnin not\u00eb n\u00eb det. Bregdetin e Ulqinit nuk mjafton vet\u00ebm ta shoh\u00ebsh, por edhe ta p\u00ebrjetosh. Shum\u00eb turist\u00eb shkojn\u00eb t\u00eb pushojn\u00eb, t\u00eb tjer\u00eb mundohen q\u00eb t\u00eb nd\u00ebrrojn\u00eb ngjyrat nga e bardha n\u00eb t\u00eb zez\u00eb. Plazhet n\u00eb fjal\u00eb ishin m\u00eb t\u00eb pastra.<\/p>\n

Erika Blaziq, drejtoresh e Hotelit \u201cMediteran\u201d, tha p\u00ebr agjencin\u00eb e lajmeve \u201cKosova Info\u201d se gjat\u00eb k\u00ebtij viti kan\u00eb pasur num\u00ebr rekord t\u00eb vizitor\u00ebve. \u201cSezona turistike 2010 p\u00ebr ne si hotel ka qen\u00eb shum\u00eb e suksesshme duke shpresuar se vitin tjet\u00ebr do t\u00eb korrim suksese t\u00eb reja. Hoteli jon\u00eb ofron kushte\u00a0komode p\u00ebr turist\u00ebt. N\u00eb pes\u00eb vilat e hotelit jan\u00eb 100 dhoma ku mund t\u00eb akomodohen rreth 300 turist\u00eb\u201d, tha drejtoresha e Hotelit \u201cMediteran\u201d Erika Blazhiq.
\nKlient\u00ebt e k\u00ebtij hoteli kan\u00eb shikim t\u00eb thell\u00eb kah Deti Adriatik dhe pjes\u00ebn m\u00eb arg\u00ebtuese\u00a0t\u00eb Ulqinit. Hoteli ka apartamente t\u00eb bukura me t\u00eb gjith\u00eb infrastruktur\u00ebn p\u00ebrcjell\u00ebse q\u00eb i duhet turist\u00ebve. \u201cGjat\u00eb vitit do t\u00eb b\u00ebhen investime\u00a0n\u00eb p\u00ebrmir\u00ebsimin e kushteve dhe futjen n\u00eb funksion edhe nj\u00eb apartament tjet\u00ebr dhe do t\u00eb ket\u00eb riparime t\u00eb m\u00ebdha\u201d, tha drejtoresha e Hotel \u201cMediteranit\u201d.<\/p>\n

T\u2019i informojm\u00eb qytetar\u00ebt se ky hotel \u00ebsht\u00eb privatizuar\u00a0nga biznesmeni shqiptaro-amerikan Isa Beqoviq i cili ka premtuar se do t\u00eb nd\u00ebrtoj hotele me pes\u00eb yje, por ka ngecje n\u00eb dh\u00ebnien e lejes nd\u00ebrtimore.<\/p>\n

Besim <\/strong>TOSKA
\nKosova.info<\/strong><\/strong>
\n\n\t\t