{"id":39107,"date":"2010-11-02T13:01:50","date_gmt":"2010-11-02T11:01:50","guid":{"rendered":"http:\/\/www.visit-ulcinj.com\/blog\/?p=39107"},"modified":"2010-11-02T13:01:50","modified_gmt":"2010-11-02T11:01:50","slug":"klubi-i-karatese-ulqini-me-i-miri","status":"publish","type":"post","link":"https:\/\/www.visit-ulcinj.com\/blog\/2010\/11\/02\/klubi-i-karatese-ulqini-me-i-miri\/","title":{"rendered":"Klubi i karates\u00eb Ulqini m\u00eb i miri"},"content":{"rendered":"

\"\"<\/a>Klubi i karates\u00eb \u201cUlqini\u201d mori pjes\u00eb n\u00eb turneun e v nd\u00ebrkomb\u00ebtar \u201cKatana Open 2010\u201d<\/strong><\/p>\n

T\u00eb shtun\u00ebn, m\u00eb 30 tetor 2010 n\u00eb Gjilan t\u00eb Kosov\u00ebs u mbajt Turneu i 5-t\u00eb nd\u00ebrkomb\u00ebtar i karates\u00eb \u201cKatana Open 2010\u201d, n\u00eb t\u00eb cilin mor\u00ebn pjes\u00eb garues nga Shqip\u00ebria, Serbia, Maqedonia, Bosnja e Hercegovina, Lugina e Preshev\u00ebs, Kosova dhe ne nga Ulqini.
\nTurneu u organizua n\u00eb nj\u00eb nivel t\u00eb lart\u00eb nga klubi vendas i karates\u00eb \u201cDardania\u201d, nd\u00ebrsa konkurrenca ishte mjaft e fort\u00eb.<\/p>\n

Klubi i Karates\u00eb \u201cUlqini\u201d n\u00eb k\u00ebt\u00eb turne nd\u00ebrkomb\u00ebtar u shpall klubi m\u00eb i mir\u00eb i turneut duke u renditur n\u00eb vend t\u00eb par\u00eb n\u00eb renditjen e p\u00ebrgjithshme.<\/p>\n

Klubi i Karates\u00eb \u201cUlqini\u201d mori pjes\u00eb me 20 garues, t\u00eb cil\u00ebt triumfuan n\u00eb t\u00eb gjitha disiplinat ku mor\u00ebn pjes\u00eb. Ata u kuror\u00ebzuan me gjithsej 25 medalje: 16 t\u00eb arta, 3 t\u00eb argjendta, 6 t\u00eb bronzta dhe 11 kupa. T\u00eb gjith\u00eb garuesit e k\u00ebtij klubi q\u00eb mor\u00ebn pjes\u00eb n\u00eb turne u kuror\u00ebzuan me medalje, \u00e7ka d\u00ebshmon p\u00ebr p\u00ebrgatitjen dhe nivelin e lart\u00eb t\u00eb tyre.<\/p>\n

Garuesit m\u00eb t\u00eb mir\u00eb t\u00eb klubit n\u00eb k\u00ebt\u00eb turne ishin Albion Duraku dhe Diell\u00ebza Rama, t\u00eb cil\u00ebt u kuror\u00ebzuan me nga dy medalje t\u00eb arta. Garuesi m\u00eb atraktiv ishte Ensar Marshiq, i cili fitoi 4 luft\u00ebra, duke qen\u00eb garuesi m\u00eb i mir\u00eb n\u00eb luft\u00ebra dhe m\u00eb atraktiv i klubit n\u00eb k\u00ebt\u00eb gar\u00eb. P\u00ebr t\u00eb shfaq\u00ebn interesim edhe mediat e pranishme n\u00eb gar\u00eb, t\u00eb cilat edhe e intervistuan.<\/p>\n

N\u00eb disiplinat individuale me medalje dhe kupa u kuror\u00ebzuan: Diell\u00ebza Rama – dy medalje t\u00eb arta dhe dy kupa , Eliza Salihu, Ensar Marshiq, Xhemale Elezi, Gentiana Kuqi, Antigona Rama dhe Albion Duraku – nga nj\u00eb t\u00eb art\u00eb dhe nj\u00eb kup\u00eb; nga nj\u00eb medalje t\u00eb art\u00eb n\u00eb luft\u00ebrat ekipore fituan\u00a0 Xhenis Rexhepi, Behlul Peroviq, Edin Kraja, Albion Duraku t\u00eb gjenerat\u00ebs 1996, 1995, 1994, nd\u00ebrsa n\u00eb gjenerat\u00ebn e senior\u00ebve me medalje t\u00eb arta u kuror\u00ebzuan Kreshnik Tahiri, Viktor Curoviq, Dardan Ceka dhe Allmir Hajdari. Me disa medalje t\u00eb argjendta dhe t\u00eb bronzta u shp\u00ebrblyen edhe Lavdim Tula, Mark Daboviq, Admir Luka, Jeton Luka, Hantie Ibro\u00e7i dhe Nderim Cuca.<\/p>\n

N\u00eb k\u00ebt\u00eb gar\u00eb ishin t\u00eb pranish\u00ebm edhe an\u00ebtar\u00ebt e Kryesis\u00eb s\u00eb klubit Nexhat Sukaliqi, Muzafer Salihu, Skender Tahiri, si dhe trajner\u00ebt Kujtim Sukaliqi dhe Ruzhdi Rama. T\u00eb gjith\u00eb nuk e fshehin k\u00ebnaq\u00ebsin\u00eb p\u00ebr rezultatet e arrituara.<\/p>\n

-Jemi m\u00eb se t\u00eb k\u00ebnaqur me rezultatin e arritur dhe me k\u00ebt\u00eb p\u00ebrfaq\u00ebsim t\u00eb denj\u00eb t\u00eb qytetit ton\u00eb n\u00eb k\u00ebt\u00eb turne nd\u00ebrkomb\u00ebtar t\u00eb nj\u00eb niveli t\u00eb lart\u00eb. Shpresojm\u00eb se ky rezultat do t\u00eb sh\u00ebrbej\u00eb si apel p\u00ebr t\u00eb gjith\u00eb qytetar\u00ebt dhe institucionet q\u00eb t\u00eb ndihmohet sporti, sepse reklama m\u00eb e mir\u00eb e qytetit b\u00ebhet me sport dhe kultur\u00eb.<\/p>\n

Trajner\u00ebt e KK \u201cUlqini\u201d fal\u00ebnderojn\u00eb\u00a0 sponsor\u00ebt q\u00eb mund\u00ebsuan pjes\u00ebmarrjen e klubit n\u00eb Turneun \u201cKatana Open 2010\u201d – restorantin \u201cCorona\u201d, burektoren \u201cPelivan\u201d, udh\u00ebheq\u00ebsin\u00eb e Klubit, e posa\u00e7\u00ebrisht kryetarin e klubit zot\u00ebri Loro Nrekiqin dhe trajnerin m\u00eb t\u00eb vjet\u00ebr n\u00eb komun\u00ebn ton\u00eb, m\u00ebsuesin ton\u00eb t\u00eb karates\u00eb Gjergj Daboviqin, t\u00eb cil\u00ebt n\u00eb vazhdim\u00ebsi po japin kontributin e tyre p\u00ebr zhvillimin e klubit dhe t\u00eb sportit t\u00eb karates\u00eb n\u00eb p\u00ebrgjith\u00ebsi n\u00eb komun\u00ebn e Ulqinit e m\u00eb gj\u00ebr\u00eb.
\nAta fal\u00ebnderojn\u00eb po ashtu organizatorin Maliq Maliqi p\u00ebr mikpritjen e ve\u00e7ant\u00eb q\u00eb i b\u00ebri ekipit t\u00eb KK \u201cUlqini\u201d n\u00eb Gjilan.<\/p>\n

Sh\u00ebrbimi informativ i klubit t\u00eb karates\u00eb \u201cUlqini\u201d
\n\n\t\t