{"id":46949,"date":"2011-05-26T19:55:52","date_gmt":"2011-05-26T18:55:52","guid":{"rendered":"http:\/\/www.visit-ulcinj.com\/blog\/?p=46949"},"modified":"2011-05-26T19:59:48","modified_gmt":"2011-05-26T18:59:48","slug":"mali-i-zi-mund-te-loboje-per-kosoven","status":"publish","type":"post","link":"https:\/\/www.visit-ulcinj.com\/blog\/2011\/05\/26\/mali-i-zi-mund-te-loboje-per-kosoven\/","title":{"rendered":"Mali i Zi mund t\u00eb loboj\u00eb p\u00ebr Kosov\u00ebn – Video"},"content":{"rendered":"

\"\"<\/a>Prishtin\u00eb, 26 maj – Presidentja e Republik\u00ebs s\u00eb Kosov\u00ebs, zonja Atifete Jahjaga priti sot n\u00eb takim Ministrin e Pun\u00ebve t\u00eb Jashtme dhe Integrimeve Evropiane t\u00eb Republik\u00ebs s\u00eb Malit t\u00eb Zi, Milan Ro\u00e7en, me t\u00eb cilin diskutoi p\u00ebr nj\u00eb varg \u00e7\u00ebshtjesh rreth marr\u00ebdh\u00ebnieve n\u00eb mes t\u00eb dy vendeve tona dhe zhvillimet e p\u00ebrgjithshme n\u00eb rajon.
\nPresidentja Jahjaga shprehu n\u00eb takim k\u00ebnaq\u00ebsin\u00eb p\u00ebr marr\u00ebdh\u00ebniet e mira nd\u00ebrmjet Republik\u00ebs s\u00eb Kosov\u00ebs dhe Republik\u00ebs s\u00eb Malit t\u00eb Zi, duke theksuar se dy marr\u00ebveshjet e n\u00ebnshkruara sot, jan\u00eb n\u00eb funksion t\u00eb thellimit t\u00eb bashk\u00ebpunimit dhe t\u00eb gjetjes s\u00eb zgjidhjeve p\u00ebr pasojat q\u00eb ka l\u00ebn\u00eb lufta.
\nAjo shprehu fal\u00ebnderimin p\u00ebr faktin se Mali i Zi \u00ebsht\u00eb nga shtetet e para q\u00eb e njohu pavar\u00ebsin\u00eb e Kosov\u00ebs, gj\u00eb q\u00eb ka simbolik\u00ebn e saj, sepse t\u00eb dyja vendet paraqesin p\u00ebrfundimin e\u00a0 shp\u00ebrb\u00ebrjes s\u00eb ish-Jugosllavis\u00eb.
\nPresidentja Jahjaga theksoi se institucionet e Republik\u00ebs s\u00eb Kosov\u00ebs i japin p\u00ebrkrahje t\u00eb plot\u00eb nism\u00ebs p\u00ebr p\u00ebrkufizimin e vij\u00ebs kufitare nd\u00ebrmjet Republik\u00ebs s\u00eb Kosov\u00ebs dhe Republik\u00ebs s\u00eb Malit t\u00eb Zi, si dhe nism\u00ebs q\u00eb t\u00eb hapet pika kufitare n\u00eb \u00c7akor dhe q\u00eb t\u00eb dy pikat kufitare nd\u00ebrmjet Kosov\u00ebs dhe Mali t\u00eb Zi t\u00eb jen\u00eb pika kufitare t\u00eb p\u00ebrbashk\u00ebta.
\n\u201cRruga e p\u00ebrbashk\u00ebt e vendeve tona \u00ebsht\u00eb rruga e integrimeve euroatlantike, an\u00ebtar\u00ebsimi n\u00eb BE dhe n\u00eb NATO. N\u00eb k\u00ebt\u00eb rrug\u00eb duhet t\u00eb bashk\u00ebpunojm\u00eb dhe t\u00eb ndihmojm\u00eb nj\u00ebri-tjetrin, sepse e ardhmja e gjith\u00eb rajonit \u00ebsht\u00eb n\u00eb Evrop\u00eb\u201d, tha presidentja Jahjaga.
\n\u201cPresim, si deri m\u00eb tash, q\u00eb Mali i Zi t\u00eb angazhohet dhe t\u00eb ndihmoj\u00eb Kosov\u00ebn n\u00eb an\u00ebtar\u00ebsimin e saj n\u00eb organizatat rajonale si dhe q\u00eb Mali i Zi t\u00eb loboj\u00eb p\u00ebr njohjen e pavar\u00ebsis\u00eb s\u00eb Kosov\u00ebs tek vendet mike t\u00eb saj dhe sidomos tek vendet e painkuadruara\u201d, vijoi ajo.
\nPresidentja Jahjaga gjithashtu theksoi se \u00ebsht\u00eb n\u00eb interesin e t\u00eb dyja vendeve q\u00eb t\u00eb intensifikojn\u00eb bashk\u00ebpunimin n\u00eb t\u00eb gjitha fushat, edhe ekonomike edhe kulturore, sepse kjo e ndihmon prosperitetin e t\u00eb dyja vendeve.
\nMinistri Ro\u00e7en, pasi uroi Presidenten Jahjaga p\u00ebr zgjedhjen n\u00eb detyr\u00ebn e saj, tha se zgjedhja e saj paraqet zhvillim me r\u00ebnd\u00ebsi jo vet\u00ebm p\u00ebr Kosov\u00ebn dhe Ballkanin, por edhe m\u00eb gjer\u00eb.
\nAi theksoi se marr\u00ebdh\u00ebniet mes Kosov\u00ebs dhe Malit t\u00eb Zi jan\u00eb shum\u00eb t\u00eb mira dhe k\u00ebto marr\u00ebdh\u00ebnie do t\u00eb zhvillohen dhe konkretizohen edhe m\u00eb tej. Gjithashtu, ai u shpreh se do t\u00eb vazhdohet tradita e mir\u00eb e miq\u00ebsis\u00eb mes t\u00eb dy vendeve. N\u00eb k\u00ebt\u00eb plan, ai theksoi se pjes\u00ebtar\u00ebt e pakicave jan\u00eb ur\u00eb e mir\u00eb lidh\u00ebse mes popujve.
\nMinistri Ro\u00e7en gjithashtu theksoi se vendi i tij do t\u2019i ndaj\u00eb me Kosov\u00ebn p\u00ebrvojat e rrug\u00ebtimit drejt Bashkimit Evropian dhe NATO-s.<\/p>\n

KOHA NET
\n\n\t\t