{"id":51280,"date":"2011-09-23T15:11:40","date_gmt":"2011-09-23T14:11:40","guid":{"rendered":"http:\/\/www.visit-ulcinj.com\/blog\/?p=51280"},"modified":"2011-09-25T20:16:33","modified_gmt":"2011-09-25T19:16:33","slug":"rrezart-cungu-fitues-i-turneut","status":"publish","type":"post","link":"https:\/\/www.visit-ulcinj.com\/blog\/2011\/09\/23\/rrezart-cungu-fitues-i-turneut\/","title":{"rendered":"Rrezart Cungu, fitues i turneut"},"content":{"rendered":"

\"\"<\/a>Tenisti i ri ulqinak, Rrezart Cungu, vazhdon\u00a0t\u00eb arrij\u00eb fitore t\u00eb reja n\u00eb tenis. Ky tenist,\u00a0bart\u00ebs i titullit t\u00eb tenistit m\u00eb t\u00eb mir\u00eb n\u00eb Mal t\u00eb\u00a0Zi p\u00ebr vitin e kaluar, deri n\u00eb mosh\u00ebn 12 vje\u00e7,\u00a0shk\u00eblqeu edhe n\u00eb turneun dyditor t\u00eb tenisit,\u00a0i cili u mbajt fundjav\u00ebn q\u00eb lam\u00eb pas n\u00eb Ulqin.\u00a0Cungu para publikut t\u00eb vet e arsyetoi rolin e\u00a0favoritit dhe vitrin\u00ebs s\u00eb tij t\u00eb trofeve i shtoi\u00a0edhe nj\u00eb kup\u00eb, duke triumfuar bindsh\u00ebm n\u00eb\u00a0dy sete ndaj kund\u00ebrshtarit Vladimir Boshkoviq\u00a0nga Nikshiqi me rezultatin 6:2 dhe 6:1.\u00a0Q\u00eb n\u00eb fillim t\u00eb k\u00ebsaj ndeshjeje, Rrezarti u\u00a0shfaq n\u00eb form\u00ebn e tij m\u00eb t\u00eb mir\u00eb dhe nuk i lejoi\u00a0kund\u00ebrshtarit asnj\u00eb shans p\u00ebr fitore, edhe\u00a0pse n\u00eb gjysm\u00ebfinale ishte lodhur shum\u00eb n\u00eb\u00a0ndeshjen me tenistin Bodin Aleksiq nga\u00a0Budva, t\u00eb cilin pas gati tri or\u00eb loj\u00eb arriti ta\u00a0fitoj\u00eb me rezultat tep\u00ebr t\u00eb ngusht\u00eb 6:4,\u00a06:7, 7:6. Aleksiq \u00ebsht\u00eb par\u00eb nga publiku q\u00eb\u00a0t\u00eb derdh\u00eb lot n\u00eb fund t\u00eb k\u00ebsaj p\u00ebrballje me\u00a0Cungun.\u00a0Deri m\u00eb tani Cungu ka triumfuar n\u00eb disa\u00a0turne n\u00eb kategorin\u00eb deri n\u00eb 12 vje\u00e7, nd\u00ebr\u00a0t\u00eb cil\u00ebt ve\u00e7ojm\u00eb: turneun \u201cNada\u201d n\u00eb klubin\u00a0\u201cDiplomatik\u201d, KT \u201cBellevue\u201d- Ulqin, \u201cBudva\u00a0Open\u201d n\u00eb klubin KT \u201cBudva\u201d, KT \u201cBar\u201d dhe turneun\u00a0dim\u00ebror t\u00eb Malit t\u00eb Zi n\u00eb KT \u201cEminent\u201d\u00a0n\u00eb Podgoric\u00eb. Nd\u00ebrkaq n\u00eb kategorin\u00eb deri n\u00eb 14 vje\u00e7 ka z\u00ebn\u00eb vendin e par\u00eb n\u00eb turneun\u00a0\u201cKotor Open\u201d n\u00eb Kotorr, vendin e dyt\u00eb n\u00eb\u00a0turneun \u201cSrna Cup\u201d n\u00eb Nikshiq etj. K\u00ebto dhe\u00a0rezultatet e tjera t\u00eb k\u00ebtij tenisti d\u00ebshmojn\u00eb\u00a0se fjala \u00ebsht\u00eb p\u00ebr nj\u00eb talent, i cili, n\u00ebse vazhdon\u00a0me ritmin e deritash\u00ebm, i hapen shtigje\u00a0t\u00eb reja n\u00eb rrug\u00ebn t\u00eb tenisit. Cungu gjat\u00eb\u00a0dy viteve q\u00eb ushtron tenisin prezentoi n\u00eb\u00a0m\u00ebnyr\u00ebn m\u00eb t\u00eb mir\u00eb t\u00eb mundshme jo vet\u00ebm\u00a0veten e tij dhe klubin \u201cBellevue\u201d, por promovoi\u00a0edhe qytetin e tij t\u00eb lindjes – Ulqinin.\u00a0N\u00eb konkurrenc\u00ebn e vajzave fituese e k\u00ebtij turneu, n\u00eb t\u00eb cilin mor\u00ebn pjes\u00eb 37 tenist\u00eb\u00a0(11 vajza dhe 26 djem) nga Mali i Zi dhe\u00a0Shqip\u00ebria deri n\u00eb mosh\u00ebn 14 vje\u00e7, u shpall\u00a0Emilija Obradoviq nga Herceg Novi e cila n\u00eb\u00a0finale ishte m\u00eb e mir\u00eb se Itana Pejoviq nga\u00a0Podgorica, me rezultat 6:2-6:0. Nga KT \u201cBellevue\u201d\u00a0n\u00eb k\u00ebt\u00eb turne garuan Aksa Muratoviq,\u00a0Selma Mujiq, Anja Martinoviq, Kristina\u00a0Junkoviq, Fjolla Brisku, Emina Nimanbegu,\u00a0Haris Sarvan, Edin Sarvan, Kenan Nimanbegu,\u00a0Arijan Marini, Benijamin Dobarxhiq, Nermin\u00a0Hoxha, Genc Selita dhe Rrezart Cungu.
\n\"\"<\/a>
\nKT \u201cBellevue\u201d edhe k\u00ebsaj radhe u d\u00ebshmua\u00a0se \u00ebsht\u00eb nikoqir i mir\u00eb dhe organizator i suksessh\u00ebm\u00a0i turneve, gj\u00eb t\u00eb cil\u00ebn e ka v\u00ebrtetuar\u00a0sidomos n\u00eb Turneun e Par\u00eb Evropian \u201cCungu\u00a0Open 2011\u201d.\u00a0Menaxheri i k\u00ebtij klubi, Avdulla Dervishi,\u00a0duke u shprehur i k\u00ebnaqur me organizimin,\u00a0numrin e pjes\u00ebmarr\u00ebsve, cil\u00ebsin\u00eb e\u00a0tenisit t\u00eb treguar n\u00eb fush\u00eb dhe me publikun,\u00a0paraljm\u00ebron se m\u00eb 8-9 tetor n\u00eb Ulqin do t\u00eb\u00a0organizohet turneu tradicional p\u00ebr veteran\u00eb.<\/p>\n

Gjek\u00eb Gjonaj<\/strong>
\nKoha Javore
\n\n\t\t