{"id":51619,"date":"2011-10-03T18:19:27","date_gmt":"2011-10-03T17:19:27","guid":{"rendered":"http:\/\/www.visit-ulcinj.com\/blog\/?p=51619"},"modified":"2011-10-11T15:03:38","modified_gmt":"2011-10-11T14:03:38","slug":"knsh-ne-mzorganizoi-simpoziumin-shkencor-nderkombetar-ne-ulqin-vide","status":"publish","type":"post","link":"https:\/\/www.visit-ulcinj.com\/blog\/2011\/10\/03\/knsh-ne-mzorganizoi-simpoziumin-shkencor-nderkombetar-ne-ulqin-vide\/","title":{"rendered":"KNSH n\u00eb MZ,organizoi Simpoziumin shkencor nd\u00ebrkomb\u00ebtar n\u00eb Ulqin – Video"},"content":{"rendered":"

\"\"<\/a>K\u00ebshilli Nacional i Shqiptar\u00ebve n\u00eb Malin e Zi organizoi t\u00eb diel\u00ebn Simpoziumin shkencor\u00a0nd\u00ebrkomb\u00ebtar me tem\u00eb \u201cLet\u00ebrsia gojore dhe identiteti komb\u00ebtar shqiptar\u201d<\/strong><\/p>\n

Kontribut p\u00ebr studimet dhe kultur\u00ebn shqiptare<\/strong><\/p>\n

Studiues nga t\u00eb gjitha trevat shqiptare\u00a0kan\u00eb marr\u00eb pjes\u00eb t\u00eb diel\u00ebn n\u00eb Simpoziumin\u00a0shkencor nd\u00ebrkomb\u00ebtar t\u00eb organizuar\u00a0nga K\u00ebshilli Nacional i Shqiptar\u00ebve n\u00eb\u00a0Malin e Zi, me tem\u00eb \u201cLet\u00ebrsia gojore dhe\u00a0identiteti komb\u00ebtar shqiptar\u201d, q\u00eb u mbajt\u00a0n\u00eb hotelin \u201cMediteran\u201d n\u00eb Ulqin.\u00a0Kryetari i KNSH-s\u00eb Tahir Tahiri, n\u00eb fjal\u00ebn\u00a0p\u00ebrsh\u00ebndet\u00ebse ka th\u00ebn\u00eb se \u00ebsht\u00eb nj\u00eb privilegj\u00a0q\u00eb ky simpozium mbahet n\u00eb Ulqin,\u00a0\u201cn\u00eb k\u00ebt\u00eb qytet sa madh\u00ebshtor me bukurit\u00eb\u00a0dhe resurset e veta, aq edhe krenar\u00a0me lasht\u00ebsin\u00eb e tij\u201d.\u00a0Ai ka fal\u00ebnderuar studiuesit pjes\u00ebmarr\u00ebs\u00a0p\u00ebr ndihmes\u00ebn e tyre p\u00ebr kultu\u00ebn komb\u00ebtare.\u00a0\u201cJemi t\u00eb nderuar q\u00eb kemi rastin t\u00eb d\u00ebgjojm\u00eb\u00a0kumtesa shkencore nga studiuesit m\u00eb\u00a0t\u00eb spikatur t\u00eb let\u00ebrsis\u00eb dhe fush\u00ebs s\u00eb identitetit\u00a0komb\u00ebtar shqiptar\u201d, ka th\u00ebn\u00eb Tahiri. Kryetari i K\u00ebshillit organizues t\u00eb Simpoziumit,\u00a0mr. Ismail Doda, ka th\u00ebn\u00eb se ky \u00ebsht\u00eb\u00a0tubimi i par\u00eb shkencor n\u00eb Malin e Zi q\u00eb\u00a0i kushtohet folklorit shqiptar, p\u00ebrkat\u00ebsisht\u00a0let\u00ebrsis\u00eb gojore dhe si i till\u00eb i pari\u00a0mbar\u00ebkomb\u00ebtar me tem\u00ebn bosht \u201cLet\u00ebrsia\u00a0gojore dhe identiteti komb\u00ebtar shqiptar\u201d.\u00a0Sipas tij, \u201cnd\u00ebrprerja e mbajtjes s\u00eb Seminarit\u00a0Nd\u00ebrkomb\u00ebtar \u2018Shkodra nd\u00ebr shekuj\u2019\u00a0pas vitit 2005, shkaktoi zbraz\u00ebti n\u00eb k\u00ebt\u00eb\u00a0l\u00ebmi\u201d.\u00a0Doda ka theksuar se me kompetenc\u00eb\u00a0shkencore dhe p\u00ebrkushtim n\u00eb k\u00ebt\u00eb simpozium\u00a0shtrohen dhe shqyrtohen dukuri\u00a0shum\u00ebdimensionale rreth nj\u00eb teme dhe\u00a0q\u00ebllimi t\u00eb p\u00ebrbashk\u00ebt.\u00a0\u201cJemi nj\u00eb komb, kemi nj\u00eb kultur\u00eb, nj\u00eb histori,\u00a0nj\u00eb let\u00ebrsi dhe \u00e7do element t\u00eb p\u00ebrbashk\u00ebt\u00a0p\u00ebr identitetin ton\u00eb komb\u00ebtar. Ky\u00a0\u00ebsht\u00eb edhe pik\u00ebsynimi i qart\u00eb i organizimit\u00a0dhe mbajtjes s\u00eb k\u00ebtij simpoziumi shkencor\u00a0nd\u00ebrkomb\u00ebtar\u201d, ka vijuar ai.\u00a0T\u00eb gjith\u00eb studiuesit pjes\u00ebmarr\u00ebs e kan\u00eb\u00a0vler\u00ebsuar r\u00ebnd\u00ebsin\u00eb e organizimit t\u00eb simpoziumit\u00a0p\u00ebr studimet dhe kultur\u00ebn shqiptare\u00a0n\u00eb p\u00ebrgjith\u00ebsi.\u00a0Prof. Dr. Miaser Dibra, drejtoresh\u00eb e Institutit\u00a0t\u00eb Antropologjis\u00eb Kulturore dhe Studimit\u00a0t\u00eb Artit n\u00eb Qendr\u00ebn e Studimeve Albanologjike n\u00eb Tiran\u00eb, ka th\u00ebn\u00eb se Instituti\u00a0mb\u00ebshtet organizimin e k\u00ebtij simpoziumi,\u00a0sepse si\u00e7 ka th\u00ebn\u00eb ajo, \u201c\u00ebsht\u00eb detyra jon\u00eb,\u00a0objektivi yn\u00eb, puna jon\u00eb e p\u00ebrditshme p\u00ebr\u00a0t\u00eb mbrojtur identitetin ton\u00eb komb\u00ebtar, p\u00ebr\u00a0ta studiuar at\u00eb, p\u00ebr ta par\u00eb n\u00eb raport me\u00a0vendet e tjera t\u00eb Ballkanit, t\u00eb rajonit dhe t\u00eb\u00a0bot\u00ebs\u201d.\u00a0Sipas saj, tema e simpoziumit \u00ebsht\u00eb me\u00a0shum\u00eb interes.\u00a0\u201cPopulli shqiptar e mbron identitetin e\u00a0tij vet\u00eb kudo q\u00eb \u00ebsht\u00eb. \u00cbsht\u00eb krenar p\u00ebr\u00a0prejardhjen e vet, \u00ebsht\u00eb krenar p\u00ebr emrin\u00a0shqiptar, kudo ku ai jeton. Kufijt\u00eb gjeopolitik\u00eb\u00a0nuk jan\u00eb t\u00eb r\u00ebnd\u00ebsish\u00ebm dhe jan\u00eb\u00a0t\u00eb vonsh\u00ebm n\u00eb raport me vjet\u00ebrsin\u00eb mij\u00ebravje\u00e7are\u00a0q\u00eb kemi ne si popull k\u00ebtu. N\u00eb\u00a0k\u00ebt\u00eb kuptim, ne mbrojm\u00eb nj\u00ebri tjetrin, studiojm\u00eb\u00a0p\u00ebr t\u00eb dhe jemi nj\u00eb etni e unifikuar\u00a0shpirt\u00ebrisht dhe kemi nj\u00eb identitet t\u00eb p\u00ebrbashk\u00ebt\u201d,\u00a0ka th\u00ebn\u00eb Dibra.\u00a0Prof. dr. Enver Mehmeti nga Universiteti i\u00a0Prishtin\u00ebs ka vler\u00ebsuar me shum\u00eb r\u00ebnd\u00ebsi\u00a0rrethanat e reja t\u00eb krijuara t\u00eb cilat mund\u00ebsojn\u00eb\u00a0q\u00eb studiuesit nga Kosova, Shqip\u00ebria,\u00a0Mali i Zi dhe Maqedonia t\u00eb tubohen dhe\u00a0t\u00eb punojn\u00eb t\u00eb papenguar n\u00eb afirmimin e\u00a0m\u00ebtutjesh\u00ebm dhe avancimin e studimeve\u00a0albanologjike. \u201cRrethanat e reja demokratike q\u00eb po krijohen\u00a0n\u00eb rajon na mbushin me shpres\u00eb\u00a0se n\u00eb t\u00eb ardhmen do t\u00eb krijohen mund\u00ebsi\u00a0dhe kushte edhe m\u00eb t\u00eb mira p\u00ebr studime\u00a0n\u00eb fushat albanologjike\u201d, ka theksuar ai.\u00a0P\u00ebr prof. dr. Zeqirja Nezirin nga Universiteti\u00a0i Shkupit, Ulqini dhe trevat e tjera shqiptare\u00a0n\u00eb Mal t\u00eb Zi kan\u00eb nj\u00eb tradit\u00eb t\u00eb lasht\u00eb\u00a0n\u00eb kultur\u00ebn shqiptare dhe kan\u00eb qen\u00eb\u00a0pjes\u00eb p\u00ebrb\u00ebr\u00ebse t\u00eb q\u00ebndres\u00ebs shqiptare\u00a0n\u00eb historin\u00eb shekullore kund\u00ebr t\u00eb gjith\u00eb\u00a0pushtuesve.\u00a0K\u00ebto t\u00eb gjitha, sipas tij, jan\u00eb trajtuar n\u00eb\u00a0k\u00ebng\u00ebt epike.\u00a0\u201cUlqini me krahinat p\u00ebrreth jan\u00eb ato vatra\u00a0q\u00eb kan\u00eb ruajtur tradit\u00ebn e k\u00ebndimit epik\u00a0dhe nd\u00ebr vatrat kryesore t\u00eb tradit\u00ebs shqiptare,\u00a0me t\u00eb cil\u00ebn ne krenohemi sot q\u00eb kemi\u00a0nj\u00eb k\u00ebndim t\u00eb lasht\u00eb, jemi nd\u00ebr popujt e\u00a0vet\u00ebm t\u00eb popujve t\u00eb Ballkanit q\u00eb kemi ruajtur\u00a0dhe kemi trash\u00ebguar n\u00eb aspektin oral,\u00a0pa e kodifikuar k\u00ebndimin epik, n\u00ebp\u00ebrmjet\u00a0rapsod\u00ebve dhe k\u00ebng\u00ebtar\u00ebve tan\u00eb\u201d, tha ai.\u00a0N\u00eb simpozium jan\u00eb prezantuar 18 kumtesa\u00a0q\u00eb trajtojn\u00eb probleme t\u00eb ndryshme\u00a0t\u00eb rolit dhe kontributit t\u00eb let\u00ebrsis\u00eb gojore\u00a0n\u00eb identitetin komb\u00ebtar shqiptar, t\u00eb cilat\u00a0pritet q\u00eb n\u00eb t\u00eb ardhmen t\u00eb botohen n\u00eb nj\u00eb\u00a0publikim t\u00eb posa\u00e7\u00ebm.<\/p>\n

I. Kallaba<\/strong>
\nKoha Javore
\n<\/strong>P\u00cbR TE SHIKUAR ME TEPER FOTOGRAFIA\u00a0 NGA TAHIR TAHIRI FACEBOOK<\/a><\/strong>
\n\n\t\t