{"id":52384,"date":"2011-10-28T08:14:06","date_gmt":"2011-10-28T07:14:06","guid":{"rendered":"http:\/\/www.visit-ulcinj.com\/blog\/?p=52384"},"modified":"2011-10-29T19:36:28","modified_gmt":"2011-10-29T18:36:28","slug":"kryeministri-i-malit-te-zi-igor-llukshiq-priti-ismail-kadaren","status":"publish","type":"post","link":"https:\/\/www.visit-ulcinj.com\/blog\/2011\/10\/28\/kryeministri-i-malit-te-zi-igor-llukshiq-priti-ismail-kadaren\/","title":{"rendered":"Kryeministri i Malit t\u00eb Zi Igor Llukshiq priti Ismail Kadaren"},"content":{"rendered":"

\"\"<\/a>Podgoric\u00eb, 28 tetor – Shkrimtari i njohur shqiptar, Ismail Kadare, dhe kryeministri i Malit t\u00eb Zi, Igor Lukshiq, jan\u00eb pajtuar se vendet ballkanike duhet t\u00eb bashk\u00ebpunojn\u00eb n\u00eb t\u00eb gjitha fushat, n\u00eb frym\u00ebn parimeve t\u00eb Unionit Evropian. Kjo, me q\u00ebllim q\u00eb t\u00eb shfryt\u00ebzohet potenciali q\u00eb kan\u00eb njer\u00ebzit n\u00eb Ballkan.<\/p>\n

I pari i Qeveris\u00eb malazeze, ka pritur t\u00eb enjten n\u00eb nj\u00eb takim shkrimtarin me nam. \u201cDy gjuh\u00eb – nj\u00eb lib\u00ebr\u201d – projekt kulturor nd\u00ebrkomb\u00ebtar i organizuar nga organizata joqeveritare \u201cProStory\u201d nga Podgorica dhe Universiteti \u201cLuigj Gurakuqi\u201d nga Shkodra – \u00ebsht\u00eb sebep i vizit\u00ebs s\u00eb Kadares\u00eb n\u00eb kryeqytetin malazias. Arsye kryesore ka qen\u00eb edhe promovimi i vepr\u00ebs s\u00eb par\u00eb t\u00eb Kadares\u00eb t\u00eb p\u00ebrkthyer n\u00eb gjuh\u00ebn malazeze.<\/p>\n

Sipas nj\u00eb komunikate t\u00eb Qeveris\u00eb s\u00eb Malit t\u00eb Zi, kryeministri malazias ka mir\u00ebpritur vizit\u00ebn e Kadares\u00eb n\u00eb Podgoric\u00eb dhe pjes\u00ebmarrjen e tij n\u00eb projektin q\u00eb afron dy popuj dhe dy kultura. N\u00eb takim ka qen\u00eb i pranish\u00ebm edhe ministri p\u00ebr Mbrojtjen e t\u00eb Drejtave t\u00eb Njeriut dhe t\u00eb Pakicave i Malit t\u00eb Zi, Ferhat Dinosha.<\/p>\n

Lukshiq ka potencuar marr\u00ebdh\u00ebniet e mira fqinj\u00ebsore midis Malit t\u00eb Zi dhe Shqip\u00ebris\u00eb dhe respektimin diversitetit kulturor.<\/p>\n

\u201cKy takim \u00ebsht\u00eb nj\u00eb porosi e mir\u00eb kontribut n\u00eb respektimin midis popujve\u201d, citohet t\u00eb ket\u00eb th\u00ebn\u00eb kryeministri Lukshiq.<\/p>\n

Kadare ka th\u00ebn\u00eb se i g\u00ebzohet faktit q\u00eb Mali i Zi e Shqip\u00ebria kan\u00eb marr\u00ebdh\u00ebnie t\u00eb mira q\u00eb, sipas tij, nuk \u00ebsht\u00eb e leht\u00eb n\u00eb Ballkan.<\/p>\n

T\u00eb enjten von\u00eb, ai ka qen\u00eb mysafir librarin\u00eb e njohur t\u00eb kryeqendr\u00ebs malazeze, \u201cKerver\u201d n\u00eb Podgoric\u00eb n\u00eb nj\u00eb mbr\u00ebmje letrare. Regjisori i njohur boshnjak, Dino Mustafiq, nga Sarajeva, i cili, sipas romanit \u201cGjenerali i ushtris\u00eb s\u00eb vdekur\u201d t\u00eb Kadares\u00eb ka v\u00ebn\u00eb n\u00eb sken\u00eb shfaqjen me t\u00eb nj\u00ebjtin em\u00ebr n\u00eb Teatrin Shqiptar n\u00eb Shkup – ka folur p\u00ebr krijimtarin\u00eb e tij. Protagonist i debatit publik ka qen\u00eb edhe vet\u00eb Kadare kur \u00ebsht\u00eb debatuar p\u00ebr p\u00ebrkthimet n\u00eb Shqip\u00ebri e Mal t\u00eb Zi.<\/p>\n

Mbr\u00ebmjes letrare i ka paraprir\u00eb promovimi i vepr\u00ebs s\u00eb par\u00eb t\u00eb Kadares\u00eb t\u00eb p\u00ebrkthyer n\u00eb gjuh\u00ebn malazeze, \u201cKronik\u00eb n\u00eb gur\u201d q\u00eb n\u00eb gjuh\u00ebn malazeze – p\u00ebrkthyer nga Smajl Smaka dhe Varja Gjukiq – mban titullin \u201cPad kamenog grada\u201d.<\/p>\n

Projekti \u201cDy gjuh\u00eb – nj\u00eb lib\u00ebr\u201d menaxhohet nga delegacioni i bashkuar europian i Malit t\u00eb Zi dhe Agjencia p\u00ebr Zhvillimin Rajonal n\u00eb Shqip\u00ebri. Projekti ka si q\u00ebllim futjen e komunikimit t\u00eb ri dhe afatgjat\u00eb n\u00eb mes dy kulturave, p\u00ebrmir\u00ebsimin e gjendjes kulturore, sociale dhe ekonomike n\u00eb zonat kufitare.<\/p>\n

KOHA NET
\n\n\t\t