{"id":5343,"date":"2008-11-03T12:06:52","date_gmt":"2008-11-03T17:06:52","guid":{"rendered":"http:\/\/www.visit-ulcinj.com\/blog\/?p=5343"},"modified":"2008-11-03T13:24:14","modified_gmt":"2008-11-03T18:24:14","slug":"dorela-hysa-kurorezohet-si-supermodelja-shqiptare-video","status":"publish","type":"post","link":"https:\/\/www.visit-ulcinj.com\/blog\/2008\/11\/03\/dorela-hysa-kurorezohet-si-supermodelja-shqiptare-video\/","title":{"rendered":"Dorela Hysa kurorezohet si supermodelja shqiptare + Video"},"content":{"rendered":"
\"Dorela<\/a>

Dorela Hysa<\/p><\/div>\n

Nj\u00eb 15-vje\u00e7are \u00ebsht\u00eb fituesja e edicionit t\u00eb kat\u00ebrt t\u00eb spektaklit \u201cSupermodel of the World Albania\u201d. Dorela Hysa, vajza nga Tirana, \u00ebsht\u00eb p\u00ebrzgjedhur mes 15 konkurrenteve t\u00eb tjera, n\u00eb nj\u00eb spektak\u00ebl madh\u00ebshtor t\u00eb organizuar mbr\u00ebmjen e s\u00eb shtun\u00ebs nga \u201cTop Channel\u201d. Pas k\u00ebsaj fitoreje, p\u00ebr Dorela Hys\u00ebn nis rruga e \u00ebndrr\u00ebs s\u00eb saj drejt pasarelave t\u00eb m\u00ebdha bot\u00ebrore t\u00eb mod\u00ebs. Vajza \u00ebsht\u00eb zgjedhur mes konkurrenteve t\u00eb tjera nga p\u00ebrfaq\u00ebsuesja e Ford Agency, Melissa Flores, e cila ka qen\u00eb n\u00eb Shqip\u00ebri, p\u00ebr t\u00eb ndjekur nga af\u00ebr modelet. Dorela do t\u00eb jet\u00eb vajza q\u00eb do t\u00eb p\u00ebrfaq\u00ebsoj\u00eb Shqip\u00ebrin\u00eb n\u00eb \u201cSupermodel of the World\u201d, nj\u00eb konkurs q\u00eb k\u00ebt\u00eb vit zhvendoset nga Amerika n\u00eb Budva t\u00eb Malit t\u00eb Zi. Hysa do t\u00eb p\u00ebrfaq\u00ebsoj\u00eb Shqip\u00ebrin\u00eb, n\u00eb nj\u00eb konkurrim mes 50 vajzave t\u00eb tjera q\u00eb vijn\u00eb nga vende t\u00eb ndryshme t\u00eb bot\u00ebs, n\u00eb nj\u00eb spektak\u00ebl q\u00eb do t\u00eb organizohet n\u00eb janar t\u00eb vitit 2009. \u201cNe do t\u00eb d\u00ebshironim t\u00eb fitonim, por, gjithsesi, e r\u00ebnd\u00ebsishme \u00ebsht\u00eb q\u00eb bukuria shqiptare p\u00ebrfaq\u00ebsohet n\u00eb nj\u00eb konkurs nd\u00ebrkomb\u00ebtar t\u00eb mod\u00ebs. K\u00ebt\u00eb vit \u201cSupermodel of the World\u201d organizohet af\u00ebr Shqip\u00ebris\u00eb, n\u00eb Budva t\u00eb Malit t\u00eb Zi dhe nj\u00eb pjes\u00eb e mir\u00eb kan\u00eb mund\u00ebsi t\u00eb udh\u00ebtojn\u00eb p\u00ebr ta par\u00eb nga af\u00ebr\u201d, shprehet producenti Fadil Berisha, i cili edhe k\u00ebt\u00eb vit ka mb\u00ebrritur n\u00eb Tiran\u00eb p\u00ebr t\u00eb b\u00ebr\u00eb setet fotografike me vajzat pjes\u00ebmarr\u00ebse. Konkurrentet, t\u00eb cilat e shohin k\u00ebt\u00eb aktivitet si nj\u00eb trampolin\u00eb drejt bot\u00ebs s\u00eb mod\u00ebs, kan\u00eb qen\u00eb nga mosha 14 – 19-vje\u00e7are dhe vinin kryesisht nga kryeqyteti. N\u00eb ndryshim nga edicionet e m\u00ebparshme, k\u00ebt\u00eb vit spektakli ka mbajtur t\u00ebr\u00ebsisht firm\u00ebn shqiptare. I gjith\u00eb stafi realizues i k\u00ebtij konkursi prestigjioz, ka qen\u00eb shqiptar. P\u00ebrvoja e fituar nga vitet e m\u00ebparshme, i ka lejuar t\u00eb sjellin nj\u00eb spektak\u00ebl n\u00eb parametrat bashk\u00ebkohor\u00eb. Regjia i \u00ebsht\u00eb besuar Bojken Lakos, i cili tashm\u00eb ka disa eksperienca n\u00eb organizimet e spektakleve n\u00eb \u201cTop Channel\u201d, prezantimi Arbana Osmanit, stiliste ka qen\u00eb Rovena Agolli, me grimin e Lili Ismailit. Nd\u00ebrsa ajo q\u00eb \u00ebsht\u00eb p\u00ebrkujdesur p\u00ebr paraqitjen skenike t\u00eb vajzave, m\u00ebnyr\u00ebn se si t\u00eb ecin n\u00eb pasarel\u00eb e p\u00ebr gjith\u00eb koreografin\u00eb, ka qen\u00eb Zana Krasniqi, supermodelja e par\u00eb shqiptare. Tre vite m\u00eb par\u00eb, ajo do t\u00eb provonte p\u00ebr s\u00eb pari emocionet e k\u00ebsaj pasarele, dhe tashm\u00eb, me eksperienc\u00ebn e fituar, \u00ebsht\u00eb munduar t\u00eb krijoj\u00eb nj\u00eb koreografi q\u00eb ajo e quan \u201ct\u00eb thjesht\u00eb, por edhe spektakolare\u201d.<\/p>\n\n\t\t