{"id":55909,"date":"2012-01-12T23:01:16","date_gmt":"2012-01-12T22:01:16","guid":{"rendered":"http:\/\/www.visit-ulcinj.com\/blog\/?p=55909"},"modified":"2012-01-12T23:10:53","modified_gmt":"2012-01-12T22:10:53","slug":"dielleza-ramaradica-dashiq-dhe-ibrahim-zogaj-me-te-miret","status":"publish","type":"post","link":"https:\/\/www.visit-ulcinj.com\/blog\/2012\/01\/12\/dielleza-ramaradica-dashiq-dhe-ibrahim-zogaj-me-te-miret\/","title":{"rendered":"Diell\u00ebza Rama,Radica Dashiq dhe Ibrahim Zogaj m\u00eb t\u00eb mir\u00ebt"},"content":{"rendered":"

\"\"<\/a>N\u00eb Ulqin, t\u00eb mart\u00ebn, m\u00eb 10 janar 2012 u mbajt vrapimi i par\u00eb nd\u00ebrkomb\u00ebtar rrugor \u201cUlqini 2012\u201d, n\u00eb organizimin e Komun\u00ebs s\u00eb Ulqinit, Federat\u00ebs s\u00eb Atletik\u00ebs t\u00eb Malit t\u00eb Zi dhe t\u00eb OJQ \u201cUlqini Sport\u201d.<\/p>\n

N\u00eb k\u00ebt\u00eb manifestim mor\u00ebn pjes\u00eb p\u00ebrfaq\u00ebsues t\u00eb atletik\u00ebs nga Mali i Zi, Shqip\u00ebria, Kosova dhe Serbia dhe sportist\u00eb nga tet\u00eb klube t\u00eb sporteve t\u00eb ndryshme nga Ulqini. N\u00eb mesin e pjes\u00ebmarr\u00ebsve ishin edhe an\u00ebtar\u00ebt e Klubit t\u00eb Karates\u00eb \u201cUlqini\u201d. Djemt\u00eb dhe vajzat garuan n\u00eb tri disiplina t\u00eb ndar\u00eb sipas grupmoshave.<\/p>\n

N\u00eb disiplin\u00ebn vrapim 800 m p\u00ebr vajza vendin e par\u00eb e zuri Diell\u00ebza Rama dhe me k\u00ebt\u00eb u kuror\u00ebzua me medalje t\u00eb art\u00eb. N\u00eb po t\u00eb nj\u00ebt\u00ebn disiplin\u00eb p\u00ebr djem medaljen e art\u00eb e mori Ibrahim Zogaj, nd\u00ebrsa n\u00eb disiplin\u00ebn vrapim 1500 m p\u00ebr vajza (senioret) e para doli Radica Dashiq. P\u00ebrve\u00e7 tyre, n\u00eb t\u00eb nj\u00ebjtat disiplina, Flaka Avdiu dhe Ena Kova\u00e7eviq u kuror\u00ebzuan me medalje t\u00eb argjendta.<\/p>\n

Ky \u00ebsht\u00eb edhe nj\u00eb sukses i an\u00ebtar\u00ebve t\u00eb Klubit t\u00eb karates\u00eb \u201cUlqini\u201d, sepse nga 6 medalje t\u00eb arta t\u00eb mundshme, tri mor\u00ebn an\u00ebtar\u00ebt e k\u00ebtij klubi, \u00e7ka d\u00ebshmon p\u00ebr p\u00ebrgatitjen e mir\u00eb sportive t\u00eb tyre jo vet\u00ebm n\u00eb sportin e karates\u00eb.<\/p>\n

Ceremonia e ndarjes s\u00eb medaljeve, diplomave dhe kupave u b\u00eb n\u00eb mbr\u00ebmje n\u00eb sall\u00ebn e Qendr\u00ebs p\u00ebr kultur\u00eb, ku p\u00ebrve\u00e7 k\u00ebsaj organizator\u00ebt ndan\u00eb mir\u00ebnjohje klubit m\u00eb t\u00eb mir\u00eb, sportistit m\u00eb t\u00eb mir\u00eb, sportistit m\u00eb p\u00ebrsektiv dhe pun\u00ebtorit m\u00eb t\u00eb mir\u00eb sportiv n\u00eb komun\u00ebn e Ulqinit p\u00ebr vitin 2011. Para klubit t\u00eb karates\u00eb \u201cUlqini\u201d, i cili n\u00eb baz\u00eb t\u00eb rezultateve u shpall klubi m\u00eb i mir\u00eb n\u00eb komun\u00ebn e Ulqinit p\u00ebr vitin 2011 mir\u00ebnjohjen e mori drejtori i marketingut Skender Tahiri.<\/p>\n

P\u00ebr organizimin e k\u00ebtij manifestimi meritat i takojn\u00eb pun\u00ebtorit sportiv Misho Causheviq.<\/p>\n

Foto dhe teksti nga Ruzhdi Rama Facebook<\/strong><\/a><\/p>\n\n\t\t