{"id":56362,"date":"2012-01-26T12:44:19","date_gmt":"2012-01-26T11:44:19","guid":{"rendered":"http:\/\/www.visit-ulcinj.com\/blog\/?p=56362"},"modified":"2012-01-29T17:44:29","modified_gmt":"2012-01-29T16:44:29","slug":"vizita-e-kryeministrit-berisha-ne-ulqin-video","status":"publish","type":"post","link":"https:\/\/www.visit-ulcinj.com\/blog\/2012\/01\/26\/vizita-e-kryeministrit-berisha-ne-ulqin-video\/","title":{"rendered":"Vizita e Kryeministrit Berisha n\u00eb Ulqin – Video"},"content":{"rendered":"

\"\"<\/a>P\u00ebr ma shum Fotografi\u00a0 kliko Komuna E Ulqinit Facebook<\/a><\/strong><\/p>\n

Vizita e Kryeministrit Berisha u p\u00ebrmbyll dje me nj\u00eb vizit\u00eb n\u00eb Ulqin ku u prit dhe ku zhvilloj\u00eb nj\u00eb takim me kryetarin e Komun\u00ebs s\u00eb Ulqinit z. Nazif Cungu n\u00eb ora 18:30.<\/p>\n

Gjat\u00eb vizit\u00ebs s\u00eb tij zyrtare n\u00eb Mal t\u00eb Zi, Kryeministri Berisha u ndal pasditen e djeshme n\u00eb Komun\u00ebn e Ulqinit. Kryeministri Berisha u prit fillimisht nga kryetari i Komun\u00ebs z. Nazif Cungu dhe m\u00eb pas, zhvilloi nj\u00eb takim me p\u00ebrfaq\u00ebsues e Komun\u00ebs s\u00eb Ulqinit.<\/p>\n

\"\"<\/a><\/p>\n

Kryetari i komun\u00ebs, s\u00eb bashku me p\u00ebrfaq\u00ebsuesit e Komun\u00ebs s\u00eb Ulqinit, i uruan mir\u00ebseardhjen Kryeministri Berisha dhe u shpreh\u00ebn se vizita e tij n\u00eb Ulqin \u00ebsht\u00eb nj\u00eb respekt dhe nder i madh p\u00ebr t\u00eb gjith\u00eb banor\u00ebt.<\/p>\n

Kryetari i Ulqinit Nazif Cungu shprehu k\u00ebnaq\u00ebsin e madhe q\u00eb kryeministri shqiptar viziton qytetin e vjet\u00ebr t\u00eb Ulqinit.<\/p>\n

Nga ana e tij, Kryeministri Berisha i vler\u00ebsoi ata p\u00ebr kontributin e jasht\u00ebzakonsh\u00ebm n\u00eb \u00e7\u00ebshtjen shqiptare, n\u00eb t\u00eb gjitha koh\u00ebrat. Gjithashtu, Kryeministri Berisha u shprehu atyre mb\u00ebshtetje nga ana e Shqip\u00ebris\u00eb, n\u00eb \u00e7do p\u00ebrpjekje p\u00ebr t\u00eb ruajtur dhe zhvilluar identitetin e tyre komb\u00ebtar, kulturor, si dhe n\u00eb \u00e7do p\u00ebrpjekje p\u00ebr nj\u00eb shkollim m\u00eb t\u00eb mir\u00eb p\u00ebr ta.<\/p>\n

Shqip\u00ebria vler\u00ebson progresin e ndjesh\u00ebm dhe real, q\u00eb shqiptar\u00ebt, me t\u00eb drejtat dhe lirit\u00eb e tyre minoritare e njer\u00ebzore, q\u00eb kan\u00eb b\u00ebr\u00eb n\u00eb Malin e Zi. Vler\u00ebson dialogun konstant, konstruktiv, q\u00eb ato kan\u00eb me qeverin\u00eb dhe forcat e tjera politike t\u00eb k\u00ebtij vendi. Ne kemi bindje t\u00eb p\u00ebrbashk\u00ebt se marr\u00ebdh\u00ebniet mes dy vendeve tona jan\u00eb dhe do t\u00eb b\u00ebhen gjithnj\u00eb e m\u00eb shum\u00eb nj\u00eb model i shk\u00eblqyer bashk\u00ebpunimi dhe miq\u00ebsie n\u00eb rajonin ton\u00eb.<\/p>\n

Kryeministri Berisha n\u00eb fjal\u00ebn e tij para gazetareve falenderoi mikprit\u00ebsit p\u00ebr pritjen v\u00ebllaz\u00ebrore q\u00eb ja b\u00ebri kryetari i Ulqinit z.Nazif Cungu.<\/p>\n

\"\"<\/a><\/p>\n

Kryeministri Berisha zhvillon nj\u00eb vizit\u00eb n\u00eb Ulqin <\/strong><\/p>\n

Gjat\u00eb vizit\u00ebs zyrtare q\u00eb zhvilloi n\u00eb Mal t\u00eb Zi, kryeministri Berisha vizitoi Ulqinin ku u prit nga kryetari i Komun\u00ebs z. Nazif Cungu.<\/p>\n

P\u00ebr t\u00eb pritur dhe p\u00ebrsh\u00ebndetur kryeministrin Berisha kishin dal\u00eb edhe shum\u00eb qytetar\u00eb t\u00eb Ulqinit. N\u00eb p\u00ebrfundim t\u00eb takimit t\u00eb zhvilluar n\u00eb ambientet e komun\u00ebs s\u00eb Ulqinit, ku kryeministri pati rastin t\u00eb shk\u00ebmbej\u00eb mendime me drejtues t\u00eb komun\u00ebs dhe p\u00ebrfaq\u00ebsues politik n\u00eb k\u00ebshillin e k\u00ebsaj komune, ai dhe kryetari i komun\u00ebs zoti Cungu dhan\u00eb nga nj\u00eb prononcim p\u00ebr mediat. Takimi n\u00eb qytetin e Ulqinit p\u00ebrfundoi me nj\u00eb vizit\u00eb t\u00eb kryeministrit n\u00eb qendr\u00ebn e qytetit dhe n\u00eb Kalan\u00eb e lasht\u00eb t\u00eb tij.<\/p>\n

N\u00eb prononcimin p\u00ebr mediat Kryetari Cungu u shpreh:<\/p>\n

\u201cSot pata k\u00ebnaq\u00ebsin\u00eb dhe nderin e ve\u00e7ant\u00eb q\u00eb t\u00eb mir\u00ebpres kryeministrin e Shqip\u00ebris\u00eb n\u00eb sht\u00ebpin\u00eb ton\u00eb qytetin shekullor. Dy dekada m\u00eb par\u00eb ka qen\u00eb e paimagjinueshme q\u00eb kufiri, i cili gjendet pak kilomet\u00ebr prej k\u00ebtu do t\u00eb shnd\u00ebrrohej n\u00eb formalitet si sot, do t\u00eb mund t\u00eb komunikojm\u00eb lirisht si sot dhe ne do t\u00eb mund t\u00eb shijojm\u00eb vizit\u00ebn e t\u00eb dy pal\u00ebve t\u00eb qeveris\u00eb s\u00eb Tiran\u00ebs.<\/p>\n

Ju Shk\u00eblqesi, keni luajtur nj\u00eb rol ky\u00e7 n\u00eb rr\u00ebzimin e komunizmit, n\u00eb nxjerrjen nga izolimi t\u00eb Shqip\u00ebris\u00eb dhe n\u00eb rivendosjen e komunikimit t\u00eb shteteve fqinj ku jetojn\u00eb shqiptar\u00ebt, prandaj n\u00eb em\u00ebr t\u00eb t\u00eb gjith\u00eb shqiptar\u00ebve t\u00eb Malit t\u00eb Zi dhe t\u00eb diaspor\u00ebs un\u00eb ju falenderoj p\u00ebrzem\u00ebrsisht dhe ju shpreh mir\u00ebnjohjen m\u00eb t\u00eb thell\u00eb.<\/p>\n

Ne pat\u00ebm sot nj\u00eb bised\u00eb frytdh\u00ebn\u00ebse mbi sfidat dhe problemet q\u00eb ne k\u00ebtu ballafaqohemi. Ne biseduam gjithashtu p\u00ebr mund\u00ebsit\u00eb q\u00eb ekzistojn\u00eb p\u00ebr t\u00eb lidhur me ngusht\u00eb komunitetin ton\u00eb me Republik\u00ebn e Shqip\u00ebris\u00eb, p\u00ebr hap\u00ebsirat q\u00eb ekzistojn\u00eb p\u00ebr t\u00eb nxitur bashk\u00ebpunimin n\u00eb \u00e7do sfer\u00eb publike. Ne fol\u00ebm p\u00ebr projekte konkrete infrastrukturore dhe kulturore. Kam k\u00ebnaq\u00ebsin\u00eb ti njoftoj qytetar\u00ebt e Komun\u00ebs s\u00eb Ulqinit se z. Sali Berisha, ka treguar nj\u00eb interes t\u00eb madh p\u00ebr problemet tona k\u00ebtu dhe ka shprehur gatishm\u00ebrin\u00eb e tij p\u00ebr t\u00eb na ndihmuar dhe mb\u00ebshtetur.<\/p>\n

Un\u00eb p\u00ebrfitova nga rasti p\u00ebr ta p\u00ebrg\u00ebzuar mysafirin ton\u00eb t\u00eb shquar, p\u00ebr arritjet e m\u00ebdha t\u00eb Shqip\u00ebris\u00eb n\u00eb k\u00ebto vite, si p\u00ebr shembull p\u00ebr hyrjen n\u00eb NATO apo p\u00ebr projektin madh\u00ebshtor t\u00eb Rrug\u00ebs s\u00eb Kombit. Ecja p\u00ebrpara e Shqip\u00ebris\u00eb, konsolidimi i ekonomis\u00eb dhe demokracis\u00eb s\u00eb saj dhe lart\u00ebsimi i imazhit t\u00eb saj n\u00eb aren\u00ebn nd\u00ebrkomb\u00ebtare ndikon n\u00eb m\u00ebnyr\u00eb t\u00eb drejtp\u00ebrdrejt\u00eb n\u00eb pozit\u00ebn e shqiptar\u00ebve brenda shtetit t\u00eb Malit t\u00eb Zi. Ne ndjekim me v\u00ebmendje \u00e7do zhvillim politik q\u00eb ndodh n\u00eb Shqip\u00ebri dhe shpresojm\u00eb q\u00eb v\u00ebshtir\u00ebsit\u00eb t\u00eb kalohen sa m\u00eb shpejt dhe se jubileu shekullor i shpalljes s\u00eb pavar\u00ebsis\u00eb t\u00eb stoliset me p\u00ebrfitimin e statusit t\u00eb kandidatit nga Bashkimit Evropian. P\u00ebrforcimi i marr\u00ebdh\u00ebnieve midis Shqip\u00ebris\u00eb dhe Malit t\u00eb Zi na g\u00ebzon pamas\u00eb dhe paraqet nj\u00eb d\u00ebshmi tjet\u00ebr q\u00eb t\u00eb dy k\u00ebto shtete e kan\u00eb vendin natyrsh\u00ebm n\u00eb Bashkimin Evropian.<\/p>\n

Zoti kryeminist\u00ebr ju falenderoj p\u00ebr k\u00ebt\u00eb vizit\u00eb\u201d.<\/p>\n

Nga ana e tij kryeministri Berisha u shpreh:<\/p>\n

\u201cI nderuar zoti Kryetar i Komun\u00ebs s\u00eb Ulqinit,<\/p>\n

S\u00eb pari d\u00ebshiroj t\u2019ju p\u00ebrsh\u00ebndes p\u00ebrzem\u00ebrsisht, p\u00ebr k\u00ebt\u00eb pritje v\u00ebllaz\u00ebrore. T\u2019ju p\u00ebrg\u00ebzoj ju zoti Kryetar p\u00ebr gjith\u00eb p\u00ebrpjekjet dhe projektet e m\u00ebdha, ambiciet e shk\u00eblqyera pozitive, p\u00ebr zhvillimin e k\u00ebsaj komune, nj\u00ebrin prej qyteteve m\u00eb t\u00eb lashta t\u00eb kombit shqiptar\u00eb. Nj\u00ebrin prej perlave m\u00eb t\u00eb bukura turistike t\u00eb Malit t\u00eb Zi, por dhe t\u00eb Rajonit, i njohur n\u00eb Europ\u00eb dhe m\u00eb gjer\u00eb p\u00ebr bukurit\u00eb, mikpritjen dhe sh\u00ebrbimet e shk\u00eblqyera q\u00eb ju ofron turizmi.<\/p>\n

Un\u00eb sot kam pasur nj\u00eb dit\u00eb vizite zyrtare, takimesh intensive, miq\u00ebsore, me zyrtar\u00ebt m\u00eb t\u00eb lart\u00eb t\u00eb Malit t\u00eb Zi, Kryeministrin Luksi\u00e7, Presidentin e vendit Filip Vujanovi\u00e7, me mikun tim t\u00eb vjet\u00ebr Milo Dukanovi\u00e7, N\u00ebnkryetarin e Parlamentit dhe duhet t\u2019ju garantoj se n\u00eb t\u00eb gjitha k\u00ebto takime \u00ebsht\u00eb d\u00ebshmuar nj\u00eb vullnet i p\u00ebrbashk\u00ebt, p\u00ebr t\u00eb b\u00ebr\u00eb gjith\u00e7ka q\u00eb t\u00eb intensifikojm\u00eb marr\u00ebdh\u00ebniet midis dy vendeve tona. N\u00eb k\u00ebt\u00eb kontekst nuk ka dyshim, q\u00eb n\u00eb k\u00ebt\u00eb p\u00ebrpjekje, turizmi dhe potenciali turistik i Ulqinit z\u00eb nj\u00eb vend t\u00eb ve\u00e7ant\u00eb. Diskutuam sot me kryeministrin, p\u00ebr nj\u00eb aksion t\u00eb p\u00ebrbashk\u00ebt n\u00eb Bun\u00eb, p\u00ebr thellimin e saj, n\u00eb m\u00ebnyr\u00eb q\u00eb turist\u00ebt t\u00eb mund t\u00eb organizojn\u00eb ture nga Ulqini, nga Tivari, nga Shkodra, n\u00eb Bun\u00eb n\u00eb liqen deri tek Vir Pazar, n\u00eb m\u00ebnyr\u00eb q\u00eb pasurit\u00eb e m\u00ebdha t\u00eb Ulqinit, Shkodr\u00ebs dhe Rajonit, tu beh\u00ebn disponib\u00ebl turist\u00ebve nga mbar\u00eb Bota.<\/p>\n

Zoti kryetar,<\/p>\n

Un\u00eb ju garantoj ju, se qeveria do t\u00eb mb\u00ebshtes\u00eb fuqishme ,t\u00eb gjitha p\u00ebrpjekjet tuaja p\u00ebr arsimimin, p\u00ebr edukimin, p\u00ebr zhvillimin e m\u00ebtejsh\u00ebm t\u00eb kultur\u00ebs komb\u00ebtare n\u00eb k\u00ebt\u00eb qytet dhe n\u00eb k\u00ebto treva. P\u00ebr restaurimin e monumenteve t\u00eb kultur\u00ebs, n\u00eb shkollat e larta t\u00eb vendit, student\u00ebt do t\u00eb mund t\u00eb p\u00ebrzgjedhin deg\u00ebt q\u00eb duan dhe jam i bindur se n\u00eb nj\u00eb t\u00eb ardhme jo t\u00eb larg\u00ebt, nj\u00eb infrastruktur\u00eb e re moderne do t\u00eb l\u00ebshoj\u00eb shtat, q\u00eb do t\u00eb nj\u00ebsoj\u00eb pothuajse, do ti b\u00ebj\u00eb nj\u00eb ansamb\u00ebl t\u00eb p\u00ebrbashk\u00ebt turistik, Ulqinin, Velipoj\u00ebn, Sh\u00ebngjinin.<\/p>\n

Qeveria ka marr\u00eb dhe do t\u00eb marr\u00eb porosi, ministrat p\u00ebrkat\u00ebs, q\u00eb krahas projektit t\u00eb thellimit t\u00eb Bun\u00ebs, edhe t\u00eb subvencionin fillimisht publik t\u00eb Crocierave , n\u00eb m\u00ebnyr\u00eb q\u00eb t\u00eb k\u00ebnaqim sa m\u00eb shum\u00eb turist\u00ebt, t\u00eb b\u00ebj\u00eb projektet e ur\u00ebs tjet\u00ebr, q\u00eb do t\u00eb lidh\u00eb Velipoj\u00ebn me an\u00ebn tjet\u00ebr t\u00eb Bun\u00ebs dhe me Ulqinin. Turist\u00ebt plazhin mund ta b\u00ebjn\u00eb n\u00eb Ulqin, kafen e pasdites mund ta shijojn\u00eb n\u00eb Velipoj\u00eb, ose dhe e kund\u00ebrta.<\/p>\n

Zoti kryetar.<\/p>\n

Shqiptar\u00ebt e Malit t\u00eb Zi, kan\u00eb pasur nj\u00eb rol t\u00eb ve\u00e7ant\u00eb, n\u00eb historin\u00eb komb\u00ebtare t\u00eb kombit shqiptar\u00eb. Ata kan\u00eb qen\u00eb me trim\u00ebrin\u00eb, burr\u00ebrin\u00eb, p\u00ebrpjekjet e tyre n\u00eb pararoj\u00eb, n\u00eb krye t\u00eb p\u00ebrpjekjeve t\u00eb shqiptar\u00ebve p\u00ebr pavar\u00ebsi dhe nuk \u00ebsht\u00eb e rastit. Ismail Qemali, n\u00eb Kuvendin e vet\u00ebm t\u00eb shqiptar\u00ebve q\u00eb ka marr\u00eb pjes\u00eb, \u00ebsht\u00eb Kuvendi i shqiptar\u00ebve t\u00eb Malit t\u00eb Zi, por kjo \u00ebsht\u00eb nj\u00eb histori e koh\u00ebs s\u00eb pavar\u00ebsis\u00eb. N\u00eb rast se kthehemi n\u00eb historin\u00eb moderne, ne jemi krenar\u00eb n\u00eb rolin q\u00eb kemi luajtur, n\u00eb mb\u00ebshtetje t\u00eb vendosur t\u00eb pavar\u00ebsis\u00eb t\u00eb vendit ku jetoni, t\u00eb pavar\u00ebsis\u00eb s\u00eb malit t\u00eb Zi.<\/p>\n

Ky vend, \u00ebsht\u00eb nj\u00eb vend mik p\u00ebr ne, \u00ebsht\u00eb nj\u00eb vend, q\u00eb ne jemi t\u00eb sigurt\u00eb, q\u00eb do t\u00eb nd\u00ebrtoj\u00eb nj\u00eb t\u00eb ardhme t\u00eb shk\u00eblqyer, por kontributi juaj \u00ebsht\u00eb nj\u00eb vler\u00eb shum\u00eb e madhe, n\u00eb miq\u00ebsin\u00eb dhe bashk\u00ebpunimin q\u00eb ne kemi sot me Malin e Zi. Ju, keni qen\u00eb nj\u00eb popullat\u00eb jo shum\u00eb numerike k\u00ebtu vitet e fundit, por keni luajtur rol shum\u00eb m\u00eb t\u00eb r\u00ebnd\u00ebsishme sesa \u00e7far\u00eb jeni n\u00eb proporcion me popullat\u00ebn, me vot\u00ebn tuaj , n\u00eb momentin historik kur ky komb, ky vend, u b\u00eb i pavarur dhe ka mbajtur q\u00ebndrime t\u00eb shk\u00eblqyera ndaj Kosov\u00ebs dhe ne jemi shum\u00eb mir\u00ebnjoh\u00ebs, sepse vendimet e k\u00ebtyre 10 viteve t\u00eb fundit t\u00eb qeveris\u00eb s\u00eb Malit t\u00eb Zi, kan\u00eb qene vendime t\u00eb burrave guximtar\u00eb, trima dhe n\u00eb interesin m\u00eb t\u00eb mir\u00eb t\u00eb paqes dhe stabilitetit n\u00eb Rajon. Ndaj edhe n\u00eb k\u00ebt\u00eb kontekst un\u00eb dua t\u00eb shpreh, nderimin dhe vler\u00ebsimin tim m\u00eb t\u00eb madh p\u00ebr ju dhe dua t\u00eb p\u00ebrsh\u00ebndes n\u00ebp\u00ebrmjet jush, t\u00eb gjith\u00eb qytetar\u00ebt e Ulqinit, t\u00eb qytetit dhe fshatrave dhe tu siguroj se do t\u00eb b\u00ebjm\u00eb gjith\u00e7ka, q\u00eb t\u00eb k\u00ebt\u00eb nj\u00eb bashk\u00ebpunim m\u00eb intensiv ashtu si\u00e7 e d\u00ebshironi, me Shkodr\u00ebn, me Tiran\u00ebn, me Shqip\u00ebrin\u00eb.<\/p>\n

Pyetje: Zoti Berisha a u bisedua sot me Podgoric\u00ebn zyrtare, lidhur me avancimin e shqiptar\u00ebve n\u00eb Mal t\u00eb Zi. Pak dit\u00eb m\u00eb par\u00eb n\u00eb Parlamentin e Malit t\u00eb Zi \u00ebsht\u00eb miratuar nj\u00eb ligj i ashtuquajtur p\u00ebr ruajtjen e rendit dhe qet\u00ebsis\u00eb, me nj\u00eb nen t\u00eb posa\u00e7\u00ebm, ju kufizohet m\u00ebnyra e p\u00ebrdorimit t\u00eb simboleve dhe flamurit. Kan\u00eb reaguar i gjith\u00eb spektri politik shqiptare dhe deputet\u00ebt shqiptare n\u00eb Parlamentin e Malit t\u00eb Zi?<\/p>\n

Kryeministri: Me miqt\u00eb diskutohet gjith\u00e7ka me njeri \u2013tjetrin dhe ju garantoj se ne kemi trajtuar t\u00eb gjitha problemet s\u00ebbashku. Mendimi im miq\u00ebsor \u00ebsht\u00eb ky; n\u00eb institucionet publike, \u00e7do vend rregullon me ligj p\u00ebrdorimin e simboleve edhe vendet me te lira n\u00eb Bot\u00eb, e kan\u00eb rregullin e tyre. P\u00ebr qytetar\u00ebt, dua t\u00eb jem shum\u00eb i sinqert\u00eb, n\u00eb m\u00ebnyr\u00ebn m\u00eb miq\u00ebsore theksoj se, shteti nuk duhet t\u00eb ket\u00eb asnj\u00eb lloj preokupimi dhe problemi me \u00e7far\u00eb simbolesh preferojn\u00eb apo p\u00eblqejn\u00eb ata. Individ\u00ebt jan\u00eb individ, sektori publik \u00ebsht\u00eb sektor publik dhe un\u00eb n\u00eb Shqip\u00ebri, ju garantoj se po t\u00eb kaloni, nj\u00eb sht\u00ebpi e shikoni me nj\u00eb flamur, sepse djali punon n\u00eb at\u00eb vend dhe ka nxjerre fitimet q\u00eb vjen dhe nd\u00ebrton sht\u00ebpin\u00eb dhe nj\u00eb sht\u00ebpi tjet\u00ebr ka nj\u00eb flamur tjet\u00ebr, por n\u00eb t\u00eb gjitha rastet flamujt jan\u00eb vet\u00ebm p\u00ebr t\u00eb nderuar dhe ne duhet t\u00eb nderojm\u00eb flamujt e nj\u00ebri-tjetrit, sepse jan\u00eb simbole t\u00eb sakrificave t\u00eb b\u00ebra p\u00ebr liri dhe dinjitet komb\u00ebtar n\u00eb \u00e7do vend.<\/p>\n

Pyetje: Si e shikoni pozit\u00ebn e shqiptar\u00ebve n\u00eb Mal t\u00eb Zi?<\/p>\n

Kryeministri: Shqip\u00ebria vler\u00ebson realizimet e m\u00ebdha, q\u00eb shqiptar\u00ebt kan\u00eb arritur n\u00eb nj\u00eb dialog konstruktiv me autoritetet e Malit t\u00eb Z. Un\u00eb jam d\u00ebshmitar vet\u00eb i k\u00ebtyre arritjeve. Gjat\u00eb k\u00ebtyre 20 viteve un\u00eb kam ndjekur n\u00eb m\u00ebnyr\u00eb konstante k\u00ebt\u00eb progres dhe shqiptar\u00ebt n\u00eb Mal t\u00eb Zi, kan\u00eb merit\u00ebn, sepse jan\u00eb p\u00ebrpjekur p\u00ebr t\u00eb gjetur dhe kan\u00eb gjetur gjuh\u00ebn e mir\u00ebkuptimit me forcat e tjera politike dhe kan\u00eb sh\u00ebnuar rezultate t\u00eb prekshme t\u00eb pamohueshme. S\u00eb dyti, Mali i Zi, Shqip\u00ebria, kan\u00eb nj\u00eb projekt m\u00eb madhor dhe ky \u00ebsht\u00eb projekti Europian. Rendi Europian \u00ebsht\u00eb nj\u00eb rend i bazuar n\u00eb lir\u00eb dhe t\u00eb drejtat e qytetar\u00ebve. Un\u00eb po vij nga Podgorica dhe u ndala n\u00eb Tuz. Un\u00eb kam qen\u00eb atje 4 vjet m\u00eb par\u00eb, mendimi p\u00ebr Komun\u00ebn e Tuzit, \u00ebsht\u00eb absolutisht i ndrysh\u00ebm nga ai q\u00eb ishte 4 vjet m\u00eb par\u00eb. Pse kjo? Sepse edhe p\u00ebr Shqip\u00ebrin\u00eb edhe p\u00ebr Malin e Zi dhe p\u00ebr \u00e7do vend q\u00eb aspiron n\u00eb Bashkimin Europian, decentralizimi \u00ebsht\u00eb nj\u00eb proces jasht\u00ebzakonisht i r\u00ebnd\u00ebsish\u00ebm p\u00ebr konsolidimin e lirive dhe t\u00eb drejtave, k\u00ebshtu q\u00eb un\u00eb konsideroj se marr\u00ebdh\u00ebniet nd\u00ebr etnike n\u00eb Mal t\u00eb Zi kan\u00eb njohur zhvillime qart\u00ebsisht pozitive dhe i kan\u00eb realizuar k\u00ebto zhvillime n\u00eb m\u00ebnyr\u00ebn me t\u00eb qytet\u00ebruar.<\/p>\n

Pyetje: Kur shqiptar\u00ebt nga Mali i Zi do ta kalojn\u00eb kufirin me let\u00ebrnjoftim?<\/p>\n

Kryeministri: \u00cbsht\u00eb \u00e7\u00ebshtje e burokrat\u00ebve, por shpresoj q\u00eb t\u00eb mos zgjas\u00eb me shume se 5-6 jav\u00eb sa t\u00eb kaloj\u00eb n\u00eb parlament, \u00ebsht\u00eb \u00e7\u00ebshtje rendi dite parlamenti, s\u2019ka asnj\u00eb pengese tjet\u00ebr.<\/p>\n

Faleminderit.<\/p>\n

26\/01\/2012<\/strong><\/p>\n

Burimi: Keshilli i Ministrave.al<\/p>\n

Ndiqni Videon nga TV TEUTA<\/strong><\/p>\n