{"id":57534,"date":"2012-02-18T09:21:09","date_gmt":"2012-02-18T08:21:09","guid":{"rendered":"http:\/\/www.visit-ulcinj.com\/blog\/?p=57534"},"modified":"2012-02-18T09:21:49","modified_gmt":"2012-02-18T08:21:49","slug":"lulezimi-ne-periudhen-e-balshajve-mbi-te-kaluaren-e-ulqinit-5","status":"publish","type":"post","link":"https:\/\/www.visit-ulcinj.com\/blog\/2012\/02\/18\/lulezimi-ne-periudhen-e-balshajve-mbi-te-kaluaren-e-ulqinit-5\/","title":{"rendered":"Lul\u00ebzimi n\u00eb periudh\u00ebn e Balshajve – Mbi t\u00eb kaluar\u00ebn e Ulqinit (5)"},"content":{"rendered":"

\"\"<\/a>Prof. Dr. Ruzhdi Ushaku<\/strong><\/p>\n

Deri n\u00eb vitin 1423, pra gjat\u00eb sundimit t\u00eb\u00a0dinastis\u00eb s\u00eb princ\u00ebrve Balshaj, qyteti i\u00a0Ulqinit ka r\u00ebnd\u00ebsi politike dhe kulturore\u00a0e cila rritet sidomos pas shpartallimit t\u00eb\u00a0Rashk\u00ebs.\u00a0N\u00eb koh\u00ebn e sundimit t\u00eb Gjergj Stres (Strasimir)\u00a0Balsh\u00ebs (1385-1405), i cili vdiq dhe\u00a0u varros n\u00eb Ulqin, qyteti b\u00ebhet qend\u00ebr\u00a0e princ\u00ebrve t\u00eb familjes s\u00eb bujar\u00ebve shqiptar\u00eb\u00a0Balshajve, kurse vet\u00eb Gjergj Stresi\u00a0(Strasimiri) njihet si \u201czot i Zet\u00ebs dhe i\u00a0Bregdetit\u201d e dubrovnikasit (raguzasit) e\u00a0konsideronin si \u201cPrinc i Ulqinit\u201d.
\nM\u00eb her\u00ebt, prej koh\u00ebs s\u00eb Nemanjit\u00ebve,\u00a0e m\u00eb von\u00eb edhe t\u00eb Balshajve, datojn\u00eb\u00a0monedhat e bronzit dhe t\u00eb argjendit me\u00a0motive t\u00eb ndryshme.
\n\"\"<\/a>
\nNga koha e Balshajve jan\u00eb t\u00eb njohura\u00a0monedha, ku n\u00eb nj\u00ebr\u00ebn faqe figurojn\u00eb\u00a0motive t\u00eb mburoj\u00ebs dhe kok\u00ebs s\u00eb ujkut\u00a0me nofulla t\u00eb hapura. Mbase motivi i ujkut\u00a0mund t\u00eb sh\u00ebrbej\u00eb edhe si mb\u00ebshtetje\u00a0p\u00ebr vazhdim\u00ebsin\u00eb e pranis\u00eb s\u00eb totemit\u00a0t\u00eb ujkut nga koha antike dhe p\u00ebr tez\u00ebn\u00a0se emri i Ulqinit t\u00eb lasht\u00eb shpjegohet i prejardhur nga emri i ujkut, tez\u00eb t\u00eb cil\u00ebn\u00a0e kemi p\u00ebrkrahur edhe ne, dhe n\u00eb funksion\u00a0t\u00eb s\u00eb cil\u00ebs shtojm\u00eb edhe t\u00eb dh\u00ebn\u00ebn\u00a0paraprake.<\/p>\n

T\u00eb koh\u00ebs s\u00eb Balshajve, p\u00ebrve\u00e7 kok\u00ebs s\u00eb\u00a0ujkut q\u00eb figuron n\u00eb monedhat p\u00ebrkat\u00ebse,\u00a0kemi edhe monedha t\u00eb tjera t\u00eb farkuara\u00a0n\u00eb Ulqin, t\u00eb quajtura follar\u00eb, p\u00ebr t\u00eb cilat\u00a0vlen t\u00eb ceket konkluzioni i K\u00ebshillit t\u00eb\u00a0Vog\u00ebl t\u00eb Raguz\u00ebs nga viti 1386, sipas t\u00eb\u00a0cilit i mund\u00ebsohej Ulqinit t\u00eb farkonte follar\u00ebt\u00a0e tij (\u2026) quod idem de Dulcinio possint\u00a0facere fier cuneos folalorum suorum\u00a0q\u00eb l\u00eb t\u00eb n\u00ebnkuptohet se monedhat farkoheshin\u00a0gjetiu, pra edhe m\u00eb her\u00ebt. K\u00ebtu\u00a0po i paraqesim disa prej tyre ku pasqyrohen\u00a0motivet me Sh\u00ebn M\u00ebrin\u00eb e Jezusin,\u00a0Qengjin e Zotit, pastaj k\u00ebshtjell\u00ebn e Ulqinit\u00a0dhe disa t\u00eb tjera t\u00eb gjetura n\u00eb Shas,\u00a0me motive t\u00eb ndryshme.\u00a0Gati t\u00eb gjitha llojet e follarit t\u00eb Ulqinit n\u00eb\u00a0revers kan\u00eb figur\u00ebn e Sh\u00ebn M\u00ebris\u00eb, por\u00a0\u00ebsht\u00eb e njohur edhe seria e atyre me\u00a0Qengjin dhe Hyjin q\u00eb i takojn\u00eb Ulqinit,\u00a0gj\u00eb q\u00eb v\u00ebrehet edhe n\u00eb mbishkrimet Dulcigno,\u00a0Dulcino, p\u00ebrkat\u00ebsisht Agnus dei\u00a0Dulcinii.
\n\"\"<\/a><\/p>\n

Monedha me motive nga k\u00ebshtjella e Ulqinit del me tri kulla (m\u00eb e larta n\u00eb mes),\u00a0dhe porta e madhe n\u00eb t\u00eb cil\u00ebn shihet\u00a0druri mes dy gjyleve. N\u00eb n\u00ebnllojin e dyt\u00eb\u00a0dallohet figura e njeriut me duar t\u00eb shtrira.\u00a0N\u00eb k\u00ebto dy lloje monedhash figuron\u00a0emri i qytetit t\u00eb Ulqinit CIVI(TAS)- (D)VLCINII,\u00a0p\u00ebrkat\u00ebsisht CIVITA DVLCIGNII.<\/p>\n

Sa i takon vet\u00eb familjes bujare t\u00eb Balshajve\u00a0do t\u00eb cekim edhe t\u00eb dh\u00ebn\u00ebn interesante,\u00a0p\u00ebr t\u00eb cil\u00ebn b\u00ebn fjal\u00eb edhe Rovinski,\u00a0sipas t\u00eb cilit at\u00eb e ndeshim edhe te\u00a0Barleti. Ky i fundit, disa vojvod\u00eb q\u00eb i ndihmonin\u00a0i pandeh shqiptar\u00eb si vijon: \u201cInter\u00a0eos et Georgius Stresius nepos venit, Balsae\u00a0filius (N\u00eb mesin e tyre erdhi edhe nipi\u00a0Gjergj Stresi, i biri i Balsh\u00ebs. R. U.).\u00a0Edhe para Balshajve, Ulqini dallohet si\u00a0qend\u00ebr e r\u00ebnd\u00ebsishme tregtare, financiare,\u00a0kulturore, me Kuvendin e Qytetit me\u00a0statutin e vet, me pun\u00ebtorit\u00eb e skalit\u00ebsve,\u00a0t\u00eb njohura nga shekulli IX. Mir\u00ebpo, edhe\u00a0n\u00eb koh\u00ebn e sundimit t\u00eb tyre, Ulqini p\u00ebrjetoi\u00a0nj\u00eb lul\u00ebzim t\u00eb plot\u00eb. N\u00eb portin e Ulqinit\u00a0qarkullonin detar\u00eb, tregtar\u00eb e financier\u00eb,\u00a0jo vet\u00ebm nga Raguza (Dubrovniku)\u00a0e Venediku, por edhe nga qytete t\u00eb ndryshme\u00a0t\u00eb Evrop\u00ebs. Nga kjo qend\u00ebr \u00ebsht\u00eb\u00a0eksportuar sidomos druri dhe kripa,\u00a0kurse importuar kryesisht tekstili.<\/p>\n

\"\"<\/a>Dokumentet e koh\u00ebs d\u00ebshmojn\u00eb se tregtar\u00ebt\u00a0e Venedikut e kan\u00eb pasur n\u00eb Ulqin edhe\u00a0konsullin e vet t\u00eb quajtur Benedikt Kontarino\u00a0t\u00eb cilit Gjergj Stresi i pat garantuar\u00a0lirin\u00eb e tregtis\u00eb me Ulqinin.\u00a0Nga kjo periudh\u00eb, p\u00ebrkat\u00ebsisht n\u00eb vitin\u00a01392-93, p\u00ebrmendet nj\u00eb episod sipas t\u00eb\u00a0cilit Republika e Venedikut drejton nj\u00eb eskuadril\u00eb\u00a0n\u00eb drejtim t\u00eb Ulqinit p\u00ebr t\u00eb marr\u00eb\u00a0n\u00eb mbrojtje bashk\u00ebshorten e Gjergjit,\u00a0Helen\u00ebn, p\u00ebr t\u00eb cil\u00ebn thuhet se ishte e bija\u00a0e princ Llazarit.\u00a0Gjat\u00eb shekullit XIV, n\u00eb pun\u00ebtorin\u00eb e Ulqinit\u00a0u formuan edhe skalit\u00ebsit e njohur\u00a0Mikeli, Gjergji dhe Radosh Gjoni, kurse n\u00eb\u00a0vitin 1397, Gjergj Stresi vepron n\u00eb rind\u00ebrtimin\u00a0e qytetit, duke angazhuar k\u00ebtu\u00a0edhe mjaft raguzian\u00eb dhe venedikas, si\u00a0mjesht\u00ebr t\u00eb njohur nd\u00ebrtimi. K\u00ebto projekte\u00a0t\u00eb filluara arkitekturale i vazhdon edhe\u00a0Balsha i III-t\u00eb. Mir\u00ebpo, p\u00ebrvoja jo e duhur\u00a0e k\u00ebtij t\u00eb fundit pati p\u00ebr pasoj\u00eb p\u00ebrfshirje\u00a0m\u00eb t\u00eb fuqishme t\u00eb Venedikut n\u00eb k\u00ebt\u00eb\u00a0truall.
\nBalsha i III-t\u00eb, megjithat\u00eb, arriti q\u00eb\u00a0n\u00eb vitin 1413 ta kthej\u00eb Ulqinin s\u00ebrish n\u00eb\u00a0duart e familjes Balshaj deri n\u00eb vitin 1421,\u00a0kur ky vdes dhe kur shuhet dinastia e\u00a0princ\u00ebrve Balshaj. Si gjurm\u00eb e koh\u00ebs s\u00eb\u00a0sundimit t\u00eb Balshajve n\u00eb k\u00ebt\u00eb qytet, ve\u00e7 tjerash, dallohet Kulla e Balshajve n\u00eb\u00a0pjes\u00ebn e sip\u00ebrme t\u00eb qytetit, kull\u00eb kjo q\u00eb\u00a0u rind\u00ebrtua disa her\u00eb dhe sot sh\u00ebrben si\u00a0muze-galeri.\u00a0Nga koha e Balshajve, p\u00ebrkat\u00ebsisht e\u00a0Gjergj Stresit, n\u00eb burimet historiografike\u00a0b\u00ebhet fjal\u00eb p\u00ebr fisnik\u00ebt venedikas q\u00eb udh\u00ebtuan\u00a0me galer\u00eb nga uj\u00ebrat e Dalmacis\u00eb\u00a0deri n\u00eb gryk\u00ebn e turbullt t\u00eb Bun\u00ebs\u00a0s\u00eb rrezikshme, me gumnat e saj prej r\u00ebre\u00a0dhe cektinat e k\u00ebtij lumi deri n\u00eb Sh\u00ebn Kollin\u00a0e asaj kohe.<\/p>\n

M\u00eb von\u00eb, Balsha III do t\u00eb\u00a0transportoj\u00eb ver\u00ebn prej Ulqinit me lundra\u00a0n\u00ebp\u00ebr Bun\u00eb dhe liqe drejt t\u00eb quajturave\u00a0montanee, pra mal\u00ebsis\u00eb.\u00a0Si\u00e7 u pa m\u00eb lart dhe sipas pohimit t\u00eb\u00a0Rovinskit, p\u00ebr Balshajt kultura per\u00ebndimore\u00a0ishte m\u00eb e af\u00ebrt sesa ajo lindore,\u00a0dhe se krahas kultur\u00ebs shkrimore sllave\u00a0tek ta ekzistonte edhe ajo latine, gj\u00eb q\u00eb\u00a0v\u00ebrehet edhe te Nemanjit\u00ebt.\u00a0N\u00eb k\u00ebt\u00eb kontekst vlen t\u00eb ceket nj\u00eb sh\u00ebnim i studiuesit Boshkoviq (Boskovic, Ulcinj),\u00a0sipas t\u00eb cilit Ulqini kishte nj\u00eb kish\u00eb t\u00eb\u00a0nd\u00ebrtuar n\u00eb stilin romano-gotik ku gjendej\u00a0edhe nj\u00eb varr princ\u00ebror, q\u00eb ka gjasa\u00a0t\u00eb jet\u00eb ai i motr\u00ebs s\u00eb mbret\u00ebresh\u00ebs serbe\u00a0Helena dhe i familjes Balsha, me mbishkrimin\u00a0n\u00eb gjuh\u00ebn latine \u201chic iacet Zorzi Balschi\u00a0et sui eredes\u2026\u201d, q\u00eb do t\u00eb thot\u00eb \u201ck\u00ebtu\u00a0pushon Gjergj Balsha me trash\u00ebgimtar\u00ebt\u00a0e tij\u2026\u201d P\u00ebr ne k\u00ebtu ka r\u00ebnd\u00ebsi fakti se n\u00eb\u00a0fjal\u00ebn latine hic (k\u00ebtu), figuron h-ja nistore\u00a0q\u00eb shpesh mungon n\u00eb rrasat e varreve t\u00eb\u00a0k\u00ebsaj hap\u00ebsire, por \u00ebsht\u00eb ruajtur n\u00eb ndonj\u00eb\u00a0rras\u00eb t\u00eb Shasit.\u00a0P\u00ebr k\u00ebt\u00eb kish\u00eb Boshkoviq nuk p\u00ebrjashton\u00a0mund\u00ebsin\u00eb q\u00eb t\u00eb jet\u00eb katedralja e njohur\u00a0e Sh\u00ebn M\u00ebris\u00eb s\u00eb Ulqinit.
\nN\u00eb dy monedhat q\u00eb u atribuohen Balshajve,\u00a0n\u00eb nj\u00ebr\u00ebn an\u00eb figuron mburoja apo\u00a0sqyti me kok\u00ebn e ujkut me nofull t\u00eb hapur,\u00a0kurse mbi t\u00eb \u00ebsht\u00eb p\u00ebrkrenarja n\u00eb maj\u00eb t\u00eb\u00a0s\u00eb cil\u00ebs \u00ebsht\u00eb po ashtu koka e ujkut.<\/p>\n

 <\/p>\n

Koha Javore
\n\n\t\t