{"id":58561,"date":"2012-03-23T19:45:17","date_gmt":"2012-03-23T18:45:17","guid":{"rendered":"http:\/\/www.visit-ulcinj.com\/blog\/?p=58561"},"modified":"2012-03-26T06:21:03","modified_gmt":"2012-03-26T05:21:03","slug":"nazif-cungu-kerkon-partner-per-investime-ne-hotel-lido-ulqin","status":"publish","type":"post","link":"https:\/\/www.visit-ulcinj.com\/blog\/2012\/03\/23\/nazif-cungu-kerkon-partner-per-investime-ne-hotel-lido-ulqin\/","title":{"rendered":"Nazif Cungu k\u00ebrkon partner p\u00ebr investime n\u00eb Hotel Lido Ulqin"},"content":{"rendered":"

\"\"<\/a>T\u00eb nderuar qytetar\u00eb,<\/p>\n

Duke vazhduar tentativat p\u00ebr realizimin e p\u00ebrcaktimit ton\u00eb strategjik p\u00ebr krijimin e kushteve p\u00ebr investime dhe t\u00ebrheqjen e investitor\u00ebve nga vendi dhe jasht\u00eb, dje kam pasur nj\u00eb takim me drejtorin ekzekutiv t\u00eb kompanis\u00eb Capital Estate \u2013 Budva, q\u00eb \u00ebsht\u00eb pronar i hotelit Lido n\u00eb Plazhin e madh.<\/p>\n

 <\/p>\n

Negociatat tona te m\u00ebhershme me Qeverin\u00eb e Malit te Zi, kan\u00eb shkuar n\u00eb drejtim t\u00eb krijimit t\u00eb ambientit t\u00eb p\u00ebrshtatsh\u00ebm q\u00eb ky investitor t\u00eb investoj\u00eb n\u00eb nd\u00ebrtimin e hotelit Lido n\u00eb Ulqin, dhe kam pritur q\u00eb drejtori do t\u00eb m\u00eb njoftoj\u00eb p\u00ebr p\u00ebrgatitjet p\u00ebr fillimin e nd\u00ebrtimit t\u00eb k\u00ebtij hoteli.<\/p>\n

 <\/p>\n

Nd\u00ebrkoh\u00eb drejtori<\/strong> ka ardhur t\u00eb m\u00eb njoftoj\u00eb p\u00ebr shtyrjen e dat\u00ebs s\u00eb fillimit t\u00eb nd\u00ebrtimit dhe at\u00eb p\u00ebr kat\u00ebr vite, duke theksuar si shkak kryesor problemet ekologjike, p\u00ebrkat\u00ebsisht ndikimin e Porto Milen\u00ebs n\u00eb gjendjen ekologjike n\u00eb k\u00ebt\u00eb pjes\u00eb t\u00eb Plazhit t\u00eb madh.<\/p>\n

 <\/p>\n

Bindjet e mia<\/strong> dhe garancit\u00eb q\u00eb p\u00ebr nj\u00eb koh\u00eb me t\u00eb shkurt\u00ebr nga koha e nevojshme p\u00ebr nd\u00ebrtimin e hotelit do t\u00eb zgjidhim \u00e7\u00ebshtjen e ndotjes s\u00eb Porto Milen\u00ebs dhe insistimit p\u00ebr realizimin e obligimeve t\u00eb tyre q\u00eb jan\u00eb n\u00eb lidhje me nd\u00ebrtimin, q\u00eb kan\u00eb marr\u00eb me kontrat\u00ebn p\u00ebr blerjen e hotelit, nuk kan\u00eb qen\u00eb t\u00eb mjaftueshme q\u00eb investitori t\u00eb ndryshoj\u00eb mendimin e tij.<\/p>\n

\"\"<\/a><\/p>\n

Kam shprehur<\/strong> gatishm\u00ebrin\u00eb p\u00ebr n\u00ebnshkrimin e kontrat\u00ebs ku do t\u00eb garantojm\u00eb q\u00eb rregullimi i Porto Milen\u00ebs do t\u00eb p\u00ebrfundoj\u00eb para p\u00ebrfundimit t\u00eb nd\u00ebrtimit t\u00eb hotelit, duke pasur parasysh q\u00eb vet\u00eb p\u00ebrfaq\u00ebsuesi i investitorit ka deklaruar q\u00eb nd\u00ebrtimi i hotelit do t\u00eb zgjas\u00eb s\u00eb paku kat\u00ebr vite.<\/p>\n

 <\/p>\n

Po ashtu kam theksuar q\u00eb si komun\u00eb jemi t\u00eb gatsh\u00ebm q\u00eb Kuvendit t\u00eb Komun\u00ebs s\u00eb Ulqinit t\u2019i propozojm\u00eb q\u00eb p\u00ebr komunalet p\u00ebr Capital Estate \u2013 Budva dhe p\u00ebr investitor\u00eb t\u00eb tjer\u00eb serioz t\u00eb cil\u00ebt vendosin q\u00eb investimet t\u2019i fillojn\u00eb k\u00ebt\u00eb vit, t\u00eb aprovohet vendimi me \u00e7mim q\u00eb do t\u00eb ishte m\u00eb i ul\u00ebt nga \u00e7mimi q\u00eb ka qen\u00eb n\u00eb fuqi n\u00eb dit\u00ebn e n\u00ebnshkrimit t\u00eb kontrat\u00ebs p\u00ebr privatizim, dmth m\u00eb e ul\u00ebt se 65 EUR, e jo 250 EUR si\u00e7 parashihet me Vendimin e komun\u00ebs qe ashte n\u00eb fuqi.<\/p>\n

 <\/p>\n

P\u00ebrfaq\u00ebsuesin e investitorit<\/strong> po ashtu e kam njoftuar p\u00ebr gatishm\u00ebrin\u00eb e Qeveris\u00eb s\u00eb Malit t\u00eb Zi q\u00eb t\u00eb n\u00ebnshkruaj aneks kontrat\u00eb me t\u00eb cil\u00ebn do t\u00eb garantohej rregullimi i Porto Milen\u00ebs.<\/p>\n

Duke pasur parasysh q\u00eb dokemntet planifikuese p\u00ebr lokalitetin e hotelit Lido jan\u00eb miratuar n\u00eb vitin 2010 dhe nuk ka kurrfar\u00eb pengesash q\u00eb t\u00eb fillohet me p\u00ebrgatitjet p\u00ebr nd\u00ebrtimin e hotelit, vler\u00ebsojm\u00eb q\u00eb investitori n\u00eb k\u00ebto momente nuk \u00ebsht\u00eb i interesuar p\u00ebr realizimin e k\u00ebtij investime.<\/p>\n

 <\/p>\n

P\u00ebr arsyet e m\u00ebsip\u00ebrme i kam d\u00ebrguar nj\u00eb shkres\u00eb Qeveris\u00eb s\u00eb Malit t\u00eb Zi ku i b\u00ebj apel q\u00eb t\u00eb anuloj\u00eb kontrat\u00ebn me kompanin\u00eb Capitat Estate \u2013 Budva dhe t\u00eb filloj\u00eb procedur\u00ebn p\u00ebr gjetjen e partnerit t\u00eb ri p\u00ebr k\u00ebt\u00eb lokalitet, q\u00eb \u00ebsht\u00eb nj\u00eb nd\u00ebr m\u00eb atraktiv\u00ebt n\u00eb bregdet.<\/p>\n

\"\"<\/a><\/p>\n

Respektojm\u00eb vendimin e kompanis\u00eb Capital Estate, si\u00e7 na kan\u00eb njoftuar q\u00eb n\u00eb vend n\u00eb Ulqin t\u00eb fillojn\u00eb nd\u00ebrtimin e hotelit n\u00eb Be\u00e7iq af\u00ebr Budv\u00ebs dhe i d\u00ebshirojm\u00eb shum\u00eb sukses n\u00eb pun\u00ebn e tyre.<\/p>\n

 <\/p>\n

Nj\u00ebkoh\u00ebsisht k\u00ebrkojm\u00eb q\u00eb urgjentisht t\u00eb nd\u00ebrmarrin masa q\u00eb vizuelisht t\u00eb mbrojn\u00eb lokacionin e hotelit Grand Lido dhe Lido bungallou q\u00eb g\u00ebrmadhat e hotelit dhe vilat mos t\u00eb prishin ambientin n\u00eb k\u00ebt\u00eb pjes\u00eb t\u00eb Plazhit t\u00eb madh\u00a0 me cka jane vite me radh duke larguar mysafir\u00ebt prej k\u00ebtij ambient te mrekullueshem.<\/p>\n

Komuna e Ulqinit<\/strong>
\n\n\t\t