{"id":61647,"date":"2012-06-14T17:46:41","date_gmt":"2012-06-14T16:46:41","guid":{"rendered":"http:\/\/www.visit-ulcinj.com\/blog\/?p=61647"},"modified":"2012-06-14T17:51:55","modified_gmt":"2012-06-14T16:51:55","slug":"festa-ditet-e-shen-ndout-ne-bratice-u-kremtua-me-aktivitete-sportive-dhe-kulturore","status":"publish","type":"post","link":"https:\/\/www.visit-ulcinj.com\/blog\/2012\/06\/14\/festa-ditet-e-shen-ndout-ne-bratice-u-kremtua-me-aktivitete-sportive-dhe-kulturore\/","title":{"rendered":"Festa “Dit\u00ebt e Sh\u00ebn Ndout” n\u00eb Bratic\u00eb u kremtua me aktivitete sportive dhe kulturore"},"content":{"rendered":"

Me rastin e fest\u00ebs s\u00eb Sh\u00ebn Ndout, pajtorit t\u00eb Kish\u00ebs Katolike n\u00eb Bratic\u00eb, p\u00ebr her\u00eb t\u00eb par\u00eb kjo fest\u00eb u kremtua n\u00eb m\u00ebnyr\u00eb m\u00eb t\u00eb ve\u00e7ant\u00eb, me organizimin e nj\u00eb mori aktivitetesh sportive dhe kulturore, q\u00eb gjaten nga data 6-13 qershor.
\n\"\"<\/a><\/p>\n

Manifestimi filloi t\u00eb h\u00ebn\u00ebn, m\u00eb 6 qershor, me turneun n\u00eb futboll ku mor\u00ebn pjes\u00eb 12 ekipe nga treva e Ulqinit. Turneu p\u00ebrfundoi t\u00eb enjten, me finalen nd\u00ebrmjet ekipeve \u201cLali Comerc\u201d dhe \u201cKllezna\u201d, e cila u fitua nga ekipi \u201cLali Comerc\u201d. Turneu kishte q\u00ebllim bamir\u00ebsie dhe nj\u00eb pjes\u00eb e shum\u00ebs s\u00eb t\u00eb hollave t\u00eb grumbulluara nga turneu u nda p\u00ebr dy familje n\u00eb nevoj\u00eb. Po t\u00eb enjten n\u00eb mbr\u00ebmje, n\u00eb sheshin e Sh\u00ebn Ndout n\u00eb Bratic\u00eb, u zhvillua gara me bi\u00e7ikleta, ku fitues doli Aleksand\u00ebr Marnikoviq. Gara sh\u00ebrbeu edhe si nxitje p\u00ebr hedhjen e ides\u00eb p\u00ebr themelimin e nj\u00eb klubi t\u00eb bi\u00e7iklist\u00ebve.<\/p>\n

T\u00eb premten dhe t\u00eb shtun\u00ebn, n\u00eb Plazhin \u201cToni Grill\u201d u mbajt turneu n\u00eb volejboll n\u00eb ran\u00eb, ku mor\u00ebn pjes\u00eb dhjet\u00eb ekipe. Konkurrenca p\u00ebr vendin e par\u00eb ishte tejet e fort\u00eb, p\u00ebr shkak se n\u00eb turne mor\u00ebn pjes\u00eb ekipe nga Tivari dhe Podgorica. Turneun e fitoi ekipi \u201cBlack Memba\u201d nga Tivari.
\n\"\"<\/a><\/p>\n

Po n\u00eb mbr\u00ebmj\u00ebn e s\u00eb shtun\u00ebs, n\u00eb sheshin Sh\u00ebn Ndou n\u00eb Bratic\u00eb, n\u00eb ambient t\u00eb hapur u organizua turneu n\u00eb shah dhe skamil. N\u00eb turne mor\u00ebn pjes\u00eb 12 shahist\u00eb profesionist\u00eb nga rrethinat e Ulqinit, n\u00ebn p\u00ebrkujdesjen e shahistit t\u00eb njohur Gani Bisha. Garat ishin t\u00eb forta dhe deri n\u00eb or\u00ebt e vona t\u00eb mesnat\u00ebs nuk dihej fituesi. Ishte kjo nj\u00eb mbr\u00ebmje v\u00ebllaz\u00ebrore dhe miq\u00ebsore.<\/p>\n

Dit\u00ebn e diel, n\u00eb vigjilje t\u00eb fest\u00ebs s\u00eb Sh\u00ebn Ndout, t\u00eb gjitha rrug\u00ebt t\u00eb \u00e7onin p\u00ebr Bratic\u00eb. Sheshi i Sh\u00ebn Ndout, ishte p\u00ebrs\u00ebri vendi i takimit, ku n\u00eb mbr\u00ebmje u mbajt Mesha e Shenjt\u00eb, e cila u drejtua nga Don Palush Gjinaj, famullitar i Kish\u00ebs n\u00eb Sh\u00ebn Gjergj dhe Kllez\u00ebn. Pas mesh\u00ebs jehuan tingujt e k\u00ebng\u00ebs dhe vallet nga grupet e ndryshme nga Shkodra, Shtoji, Shestani. Nuk munguan k\u00ebng\u00ebt e k\u00ebnduara nga k\u00ebng\u00ebtaret e reja Rita Lulgjuraj, Vera Barlloviq dhe Barbara Shkreli. Pas programit u shtrua nj\u00eb koktej v\u00ebllaz\u00ebror nga familjet e famullis\u00eb.<\/p>\n

\"\"<\/a><\/p>\n

Manifestimi \u201cDit\u00ebt e Sh\u00ebn Ndout\u201d u mbyll m\u00eb 13 qershor, dit\u00ebn e fest\u00ebs, me mesh\u00ebn qendrore t\u00eb udh\u00ebhequr nga meshtari Don Pal Tunaj nga Kosova. Kjo veprimtari do t\u00eb hyj\u00eb n\u00eb kalendarin e manifestimeve tradicionale q\u00eb do t\u00eb mbahen n\u00eb Ulqin.<\/p>\n

Gabriel Grabanica Facebook<\/strong><\/a><\/p>\n

\n\t\t