{"id":63554,"date":"2012-09-12T22:38:29","date_gmt":"2012-09-12T21:38:29","guid":{"rendered":"http:\/\/www.visit-ulcinj.com\/blog\/?p=63554"},"modified":"2012-09-12T22:38:29","modified_gmt":"2012-09-12T21:38:29","slug":"lidhja-demokratike-ne-mz-shenoi-22-vjetorin-e-themelimit-te-vet-video","status":"publish","type":"post","link":"https:\/\/www.visit-ulcinj.com\/blog\/2012\/09\/12\/lidhja-demokratike-ne-mz-shenoi-22-vjetorin-e-themelimit-te-vet-video\/","title":{"rendered":"Lidhja Demokratike n\u00eb MZ, sh\u00ebnoi 22 vjetorin e themelimit t\u00eb vet – Video"},"content":{"rendered":"

\"\"<\/a>Ashtu si edhe e kishin paralajm\u00ebruar, n\u00eb m\u00ebnyr\u00eb modeste e pa pomp\u00eb, Lidhja demokratike n\u00eb Mal t\u00eb Zi, sh\u00ebnoi 22 vjetorin e themelimit, n\u00eb koktejin e rastit, n\u00eb restorantin \u201cVerdi\u201d. N\u00eb k\u00ebt\u00eb tubim ishin t\u00eb pranish\u00ebm udh\u00ebheq\u00ebsit m\u00eb t\u00eb lart\u00eb t\u00eb k\u00ebsaj partie, udh\u00ebheq\u00ebsit e deg\u00ebve t\u00eb saj, si dhe an\u00ebtaret e Kryesis\u00eb s\u00eb Deg\u00ebs Mal\u00ebsis\u00eb. Paraprakisht, kreu partiak kishte mbajtur mbledhjen e rregullt t\u00eb Kryesis\u00eb kushtuar zgjedhjeve parlamentare dhe p\u00ebrgatitjes s\u00eb k\u00ebsaj partie p\u00ebr t\u00eb marr\u00eb pjes\u00eb n\u00eb to. T\u00eb pranishmit n\u00eb koktej, n\u00eb em\u00ebr t\u00eb sht\u00ebpiakut i p\u00ebrsh\u00ebndeti Nikoll\u00eb Camaj, kryetar i Deg\u00ebs s\u00eb Mal\u00ebsis\u00eb, kurse fjal\u00ebn p\u00ebrsh\u00ebndet\u00ebse e pati kryetari i LDn\u00ebMZ, z. Mehmet Bardhi. Q\u00eb t\u00eb dy p\u00ebrsh\u00ebndeten t\u00eb pranishmit, an\u00ebtar\u00ebt dhe mysafir\u00ebt dhe, mbi t\u00eb gjitha fal\u00ebnderuan p\u00ebrkrah\u00ebsit dhe aktivist\u00ebt e k\u00ebsaj partie t\u00eb cil\u00ebt tash 22 vite u q\u00ebndruan besnik orientimeve programore t\u00eb saj, por edhe aktivist\u00ebt e rijn\u00eb q\u00eb jan\u00eb ky\u00e7 k\u00ebtij subjekti gjegj\u00ebsisht Deg\u00ebs s\u00eb Mal\u00ebsis\u00eb, t\u00eb cil\u00ebt shohin n\u00eb LD subjektin m\u00eb autentik shqiptar n\u00eb Mal t\u00eb Zi.<\/p>\n

Nga fjal\u00ebt e rastit u d\u00ebgjua d\u00ebshira q\u00eb p\u00ebrvjetorin e ardhsh\u00ebm ta sh\u00ebnojm\u00eb n\u00eb Komun\u00ebn e plot\u00eb t\u00eb Mal\u00ebsis\u00eb, por edhe shpresat se edhe n\u00eb k\u00ebt\u00eb pjes\u00eb t\u00eb Ballkanit do t\u00eb fryjn\u00eb er\u00ebrat e nj\u00eb demokracie t\u00eb plot\u00eb e t\u00eb v\u00ebrtet\u00eb, ku shqiptar\u00ebt do ta ken\u00eb vendin e merituar. M\u00eb gjer\u00ebsisht u fol p\u00ebr aktivitete konkrete lidhur me realizimin e projektit t\u00eb komun\u00ebs s\u00eb plot\u00eb t\u00eb Tuzit, u fol edhe p\u00ebr zgjedhjet e ardhshme parlamentare e q\u00eb me ligjin e ri zgjedhor shqiptar\u00ebve ua v\u00ebshtir\u00ebsojn\u00eb pjes\u00ebmarrjen n\u00eb parlament e k\u00ebshtu me radh\u00eb.
\nKryetari i LD n\u00eb MZ Mehmet Bardhi, duke i p\u00ebrsh\u00ebndetur an\u00ebtaret e kryesis\u00eb s\u00eb LD-s\u00eb, an\u00ebtaret e Kryesis\u00eb s\u00eb Deg\u00ebs Mal\u00ebsis\u00eb, ku u mbajt takimi, shprehi pak\u00ebnaq\u00ebsi me t\u00eb arriturat n\u00ebrealizimin e k\u00ebrkesave t\u00eb shqiptareve ne Mal te Zi, E nj\u00eb prej atyre k\u00ebrkesave \u00ebsht\u00eb themelimi i Komun\u00ebs s\u00eb Tuzit. Ai shtoi se nuk jan\u00eb t\u00eb k\u00ebnaqur me rezultate q\u00eb kan\u00eb b\u00ebr\u00eb deri me tani, por q\u00eb kan\u00eb arrit q\u00eb n\u00eb zgjedhjet e para shum\u00eb partiake t\u00eb jen\u00eb n\u00eb t\u00eb gjitha komunat ku jan\u00eb shqiptar\u00ebt autokton\u00eb e q\u00eb sa i p\u00ebrket LDn\u00ebMZ jan\u00eb ball\u00eb hapt\u00eb gjithkund ku shkojn\u00eb pasi q\u00eb ata as p\u00ebr nj\u00eb vend punet, as p\u00ebr nj\u00eb funksion, as p\u00ebr nj\u00eb thes \u00e7imento e as p\u00ebr nj\u00eb met\u00ebr asfalt, nuk e kan\u00eb nd\u00ebrruar programin e tyre dhe nuk i kan\u00eb shit interesat e tyre komb\u00ebtare. Sipas Bardhit ata gjithmon\u00eb u kan\u00eb dal zot interesave t\u00eb shqiptar\u00ebve e me qen\u00eb se shqiptaret jan\u00eb n\u00eb token e tyre ata edhe duhet t\u00eb qeverisin me t\u00eb mirat e tyre ekonomike, por nj\u00ebkoh\u00ebsisht edhe t\u00eb jen\u00eb subjekt politik q\u00eb t\u00eb p\u00ebrfaq\u00ebsojn\u00eb shqiptar\u00ebt n\u00eb institucionet e ndryshme sot n\u00eb MZ.
\nEdhe Kryetari i Deg\u00ebs s\u00eb Mal\u00ebsis\u00eb Nikoll\u00eb Camaj, duke i p\u00ebrsh\u00ebndetur an\u00ebtaret e Lidhjes Demokratike, an\u00ebtaret e Kryesis\u00eb Partis\u00eb dhe Kryesis\u00eb s\u00eb Deg\u00ebs, an\u00ebtaret e Deg\u00ebs nga Plava, miqt\u00eb dhe dashamiret e \u00e7\u00ebshtjes komb\u00ebtare , adhuruesit e vepr\u00ebs s\u00eb Lidhjes Demokratike, shtoi se p\u00ebrvjetori k\u00ebsaj her\u00eb \u00ebsht\u00eb organizuar n\u00eb m\u00ebnyr\u00eb mjaft modeste, pasi q\u00eb kan\u00eb pas nj\u00eb mbledhje pune, por q\u00eb e kan\u00eb par\u00eb t\u00eb arsyeshme q\u00eb t\u00eb takohen dhe, n\u00eb k\u00ebt\u00eb m\u00ebnyre, t\u00eb mos e kalojn\u00eb k\u00ebt\u00eb dat\u00eb pa sh\u00ebnuar, meqen\u00ebse n\u00eb mendjen, z\u00ebmr\u00ebn dhe n\u00eb memorien e t\u00eb gjith\u00eb neve \u00ebsht\u00eb ngulitur kjo dat\u00eb, \u00ebsht\u00eb ngritur ky em\u00ebr, dhe se fati yn\u00eb politik , por edhe i jet\u00ebs dhe i familjeve tona \u00ebsht\u00eb rr\u00ebnj\u00ebsisht i lidhur me k\u00ebt\u00eb subjekt.
\n\u2018\u2019Ne q\u00eb i kemi sh\u00ebrbyer k\u00ebtij subjektit tash m\u00eb se 22 vite me ngritje me ramje , me pozita e pa pozita me privilegje e me sakrifica, gjithsesi kemi \u00e7ka t\u00eb thomi. Duhet ditur se Lidhja Demokratike, n\u00eb gjith\u00eb jet\u00ebn e saj 22 vje\u00e7are ka pasur sfida t\u00eb shumta q\u00eb nga themelimi, kund\u00ebrshtar\u00eb, njer\u00ebz t\u00eb infiltruar, tentativa p\u00ebr ta shkat\u00ebrruar me themel q\u00eb nga themelimi. Besoj se struktura qe i ka sh\u00ebrbyer q\u00eb tash 22 vite, ka qen\u00eb e vet\u00ebdijshme gjith\u00eb atyre presioneve gjith\u00eb asaj trysni q\u00eb i \u00ebsht\u00eb b\u00ebr\u00eb k\u00ebtij subjekti. Megjithat\u00eb erdh\u00ebm t\u00eb gjith\u00eb s\u00eb bashku deri k\u00ebtu. Sot jemi p\u00ebrs\u00ebri para nj\u00eb sfide t\u00eb re, sepse zgjedhjet parlamentare n\u00eb frym\u00ebn e ligjit t\u00eb ri nuk jan\u00eb n\u00eb favor t\u00eb subjekteve nacionale, p\u00ebr aq m\u00eb pak t\u00eb nj\u00eb subjektit q\u00eb me fanatiz\u00ebm ka ruajt ato vlerat, prej t\u00eb cilave partit\u00eb tjera kan\u00eb hjekur dor\u00eb shpejte\u2019\u2019.
\nCamaj shtoi se ajo q\u00eb i g\u00ebzon Deg\u00ebn e Mal\u00ebsis\u00eb \u00ebsht\u00eb ky\u00e7ja e nj\u00eb numri t\u00eb konsideruesh\u00ebm t\u00eb rinjsh e t\u00eb rejash , shumica prej k\u00ebtyre me fakultet, nd\u00ebr ata dy vajza me fakultet, t\u00eb cil\u00ebt i kan\u00eb hetuar k\u00ebto vlera dhe se nuk kan\u00eb ardh\u00eb aty p\u00ebr emrin e kurrkujt, por vet\u00ebm p\u00ebr emrin e subjektit t\u00eb par\u00eb t\u00eb shqiptareve n\u00eb Mal t\u00eb Zi, p\u00ebr hir t\u00eb vlerave q\u00eb i ka kultivuar ky subjekt.
\nVlen t\u00eb ceket se Lidhja Demokratike ne Mal te Zi \u00ebsht\u00eb subjekti i par\u00eb nacional i shqiptar\u00ebve n\u00eb Mal t\u00eb Zi, q\u00eb u formua m\u00eb 09. 09.1990, n\u00eb Tuz, ku kryetar i Kuvendit themelues ishte zot\u00ebri Lek\u00eb Lulgjuraj.<\/p>\n

\u00a0\/ Albert Camaj\/<\/strong>
\n Lidhja Demokratike<\/a> Facebook
\n\n\t\t