{"id":64362,"date":"2012-10-05T19:15:54","date_gmt":"2012-10-05T18:15:54","guid":{"rendered":"http:\/\/www.visit-ulcinj.com\/blog\/?p=64362"},"modified":"2012-10-05T19:35:39","modified_gmt":"2012-10-05T18:35:39","slug":"interviste-me-fatmir-gjekenbartes-i-listes-se-koalicionit-shqiptar-numer-7-ne-listen-zgjedhore","status":"publish","type":"post","link":"https:\/\/www.visit-ulcinj.com\/blog\/2012\/10\/05\/interviste-me-fatmir-gjekenbartes-i-listes-se-koalicionit-shqiptar-numer-7-ne-listen-zgjedhore\/","title":{"rendered":"Intervist\u00eb me Fatmir Gjek\u00ebn,bart\u00ebs i list\u00ebs s\u00eb Koalicionit shqiptar,num\u00ebr 7 n\u00eb list\u00ebn zgjedhore"},"content":{"rendered":"

\"\"<\/a>7 pyetje z. Fatmir Gjeka,bart\u00ebs i list\u00ebs s\u00eb Koalicionit shqiptar, num\u00ebr 7 n\u00eb list\u00ebn zgjedhore<\/strong><\/p>\n

\u201cJEMI BASHK\u00cb\u201d, P\u00cbR T\u00cb FOLUR ME NJ\u00cb Z\u00cb<\/strong><\/p>\n

Gjeka:Vota e shqiptar\u00ebve p\u00ebr ne \u00ebsht\u00eb e shenjt\u00eb dhe obligim moral,njer\u00ebzor dhe mbi t\u00eb gjitha komb\u00ebtar\u00a0 p\u00ebr nj\u00eb cil\u00ebsi m\u00eb t\u00eb mir\u00eb ekonomike,qytetare dhe nacionale n\u00eb Mal t\u00eb Zi.Do t\u00eb jemi pjes\u00ebmarr\u00ebs n\u00eb edicionin e ardh\u00ebm t\u00eb Parlamentit t\u00eb Malit t\u00eb Zi.<\/strong><\/p>\n

SHPI:<\/strong>Z Gjeka, Koalicionin shqiptar,Lidhja Demokratike n\u00eb Mal t\u00eb Zi, Partia Demokratike dhe Alternativa Shqiptare,shqiptar\u00ebt, duke filluar nga Ulqini e deri n\u00eb Rozhaj\u00eb, po e vler\u00ebsojn\u00eb si frym\u00eb t\u00eb re politike t\u00eb shqiptar\u00ebve n\u00eb Malin e Zi.Si e shihni ju k\u00ebt\u00eb ?
\n\"\"<\/a><\/p>\n

GJEKA:<\/strong>,Vet\u00eb motoja jon\u00eb \u201cJEMI BASHK\u00cb\u201d d\u00ebshmon\u00a0 qart\u00eb se ne duam t\u00eb flasim me nj\u00eb z\u00eb me partit\u00eb tjera shqiptare q\u00eb do t\u00eb b\u00ebhemi parlamentare n\u00eb Kuvendin e Mal t\u00eb Zi p\u00ebr ta p\u00ebrfaq\u00ebsuar denj\u00ebsisht popullin shqiptar ashtu si\u00e7 e meriton.Ai p\u00ebrfaq\u00ebsim nuk duhet t\u00eb b\u00ebhet n\u00eb m\u00ebnyr\u00eb parciale, si\u00e7 ka ndodhur deri m\u00eb tash.As vet\u00eb politikan\u00ebt shqiptar\u00eb nuk e kan\u00eb ditur se \u00e7far\u00eb duan, meq\u00eb k\u00ebrkesat nuk kan\u00eb qen\u00eb unike.,as t\u00eb p\u00ebrfshira n\u00eb nj\u00eb dokument.<\/p>\n

\"\"<\/a>Un\u00eb , si kryetari i Partis\u00eb Demokratike, bart\u00ebs i list\u00ebs edhe deputet i ardhsh\u00ebm n\u00eb Kuvendin e Malit t\u00eb Zi,brenda nj\u00eb afati t\u00eb shkurt\u00ebr do t\u00eb k\u00ebrkoj nga partner\u00ebt e Koalicionit shqiptar,t\u00eb inicojm\u00eb hartimin e nj\u00eb Platform\u00eb politike p\u00ebr zgjidhjen dhe definimin e statusit, p\u00ebrfaq\u00ebsimin proporcional n\u00eb organet shtet\u00ebrore dhe lokale t\u00eb popullit shqiptar n\u00eb Mal t\u00eb Zi, konform Kushtetut\u00ebs s\u00eb Malit t\u00eb Zi dhe Ligjit mbi t\u00eb drejtat dhe lirit\u00eb e njeriut dhe konventave nd\u00ebrkomb\u00ebtare.Platforma, do t\u00eb ishte produkt i p\u00ebrbashk\u00ebt i t\u00eb gjitha subjekteve politike\u00a0 parlamentare q\u00eb p\u00ebrfaq\u00ebsohen n\u00eb K\u00ebshillin Nacional t\u00eb Shqiptar\u00ebve n\u00eb Mal t\u00eb Zi .Mendoj se nuk ka asnj\u00eb t\u00eb keqe q\u00eb n\u00eb hartimin e k\u00ebtij dokumenti t\u00eb p\u00ebrfshihen edhe intelektual\u00ebt shqiptar\u00eb n\u00eb Mal t\u00eb Zi.<\/p>\n

SHPI:Subjektet politike parlamentare deri m\u00eb tash,rrall\u00ebher\u00eb kan\u00eb folur me nj\u00eb z\u00eb ,sidomos n\u00eb Parlament.Si t\u00eb tejkalohet ky veprim?<\/strong><\/p>\n

GJEKA<\/strong>:P\u00ebr projektet e r\u00ebnd\u00ebsishme p\u00ebr shqiptar\u00ebt n\u00eb Mal t\u00eb Zi,fillimisht duhet t\u00eb harmonizojm\u00eb q\u00ebndrimet tona mes nesh, e pastaj t`i prezantojm\u00eb n\u00eb Kuvendin e Malit t\u00eb Zi,n\u00eb Tiran\u00eb e Prishtin\u00eb , si dhe para faktorit nd\u00ebrkomb\u00ebtar.Pra,hapat ton\u00eb t\u00eb par\u00eb duhet t\u00eb jen\u00eb integrimet mes nesh.\u00cbsht\u00eb pun\u00eb joserioze edhe nuk sjell rezultatet e d\u00ebshiruara n\u00ebse sejcila list\u00eb shqiptare konkuruese n\u00eb zgjedhjet e 14 tetorit,resurset e privatizuara ekonomike,brezin e bregut t\u00eb detit,statusin e Komun\u00ebs s\u00eb Mal\u00ebsis\u00eb me qend\u00ebr n\u00eb Tuz,nd\u00ebrtimet e jasht\u00ebligjshme rreth lumit Buna dhe\u00a0 statusi i vaneve n\u00eb liqenin e Shkodr\u00ebs n\u00eb trev\u00ebn e Kraj\u00ebs,pikat kufitare me Shqip\u00ebrin\u00eb,toponimet autoktone n\u00eb trevat e banuara me shqiptar\u00eb,p\u00ebrdorimi institucional i gjuh\u00ebs amtare shqipe,bashk\u00ebpunimi me bashk\u00ebkombasit n\u00eb m\u00ebrgim,p\u00ebrfaq\u00ebsimi proporcional i shqiptar\u00ebve n\u00eb instancat shtet\u00ebrore dhe lokale,vemendja e posa\u00e7me pun\u00ebsimit t\u00eb t\u00eb rinjve me diplom\u00eb univeristeti dhe tituj tjer\u00eb shkencor\u00eb,por jo mbi bazat partiake.K\u00ebto , sigurisht edhe shum\u00eb \u00e7\u00ebshtje tjera q\u00eb do t\u00eb propozoheshin nga p\u00ebrfaq\u00ebsuesit tjer\u00eb politik\u00eb shqiptar\u00eb,do t\u00eb p\u00ebrmblidheshin edhe do t\u00eb profilizoheshin n\u00eb nj\u00eb k\u00ebrkesat e shqiptar\u00ebve n\u00eb Malin e Zi.<\/p>\n

SHPI:Turizmi dhe bujq\u00ebsia jan\u00eb dy hallkat m\u00eb me perspektiv\u00eb edhe p\u00ebr shqiptar\u00ebt n\u00eb Malin e Zi.Si e sheh Koalicioni shqiptar k\u00ebt\u00eb mund\u00ebsi?<\/strong><\/p>\n

\u00a0GJEKA:<\/strong>T\u00eb gjitha viset shqiptare n\u00eb Mal t\u00eb Zi, p\u00ebrfshir\u00eb Ulqinin, An\u00ebn e Malit, Kraj\u00ebn, Mal\u00ebsin\u00eb, Plav\u00ebn, Gucin\u00eb, Vuthajt, Dacajt etj., kan\u00eb kushte optimale p\u00ebr zhvillimin e turizmit t\u00eb q\u00ebndruesh\u00ebm detar,lumor,malor.P\u00ebr k\u00ebt\u00eb arsye, Koalicioni Shqiptar k\u00ebrkon valorizimin e k\u00ebtyre potencialeve turistike.Ne propozojm\u00eb, si projekt ide, nd\u00ebrtimin e fshatrave turistike n\u00eb zonat ku ka panoram\u00eb magjike,objekte t\u00eb r\u00ebnd\u00ebsishme kulturore,bujq\u00ebsore,hortikultur\u00eb,mjedis t\u00eb paprekur etj.Ve\u00e7 k\u00ebsaj,Fusha e Ulqinit,ajo e Shtojit, An\u00ebs s\u00eb\u00eb Malit, arat n\u00eb Kraj\u00eb, treva fushore e Mal\u00ebsis\u00eb, viset malore n\u00eb Plav\u00eb dhe Rozhaj\u00eb, kan\u00eb tradit\u00eb t\u00eb prodhimeve bujq\u00ebsore t\u00eb cil\u00ebsis\u00eb s\u00eb lart\u00eb.Ministria e Bujq\u00ebsis\u00eb dhe Zhvillimit Rural duhet t\u00eb shtoj\u00eb buxhetin dhe t\u00eb stimuloj\u00eb bujq\u00ebsin\u00eb dhe blegtorin\u00eb n\u00eb mjediset e banuara me shqiptar\u00eb. Bletaria,si nj\u00eb resurs me perspektiv\u00eb n\u00eb mjediset rurale duhet p\u00ebrkrahur n\u00eb kuad\u00ebr t\u00eb zhvillimeve rajonale dhe nd\u00ebrkufitare.<\/p>\n

SHPI:Ju si person, e sidomos Koalicioni juaj k\u00ebrkon hapjen e pikave t\u00eb reja kufitare me Shqip\u00ebrin\u00eb, por edhe me Kosov\u00ebn.K\u00ebto projektide jan\u00eb p\u00ebrmendur edhe m\u00eb heret nga Qeveria e Malit t\u00eb Zi,por nuk jan\u00eb realizuar.Si do t u\u00a0 qaseni Ju k\u00ebtyre mund\u00ebsive? <\/strong><\/p>\n

\"\"<\/a>GJEKA:<\/strong>Koalicioni Shqiptar angazhohet q\u00eb rruga Plav\u00eb \u2013 Vermosh – Podgoric\u00eb, t\u00eb mos mbetet ide n\u00eb let\u00ebr. Kjo rrug\u00eb, nga Plava t\u00eb lidhet me De\u00e7anin, p\u00ebr t\u00eb siguruar nj\u00eb komunikim mes k\u00ebtyre komunave. Nd\u00ebrtimi i pik\u00ebs kufitare\u00a0 Hutaj (Kraj\u00eb) – Zogaj (Shkod\u00ebr), rihap segmentin e ri ekonomik\u00a0 mes dy zonave.Po ashtu, vendkalimi kufitar ekzistues Sukubin\u00eb – Muriqan t\u00eb sh\u00ebrbej\u00eb edhe p\u00ebr qarkullimin e mallrave n\u00eb t\u00eb dy an\u00ebt.<\/p>\n

SHPI:Koalicioni shqiptar e vler\u00ebson akt shum\u00eb t\u00eb r\u00ebnd\u00ebsish\u00ebm hapjen\u00a0 e Ambasad\u00ebs s\u00eb Malit t\u00eb Zi n\u00eb Kosov\u00eb,p\u00ebrkat\u00ebsisht t\u00eb Kosv\u00ebs n\u00eb Mal t\u00eb Zi.Mendoni se kjo zvarritje e p\u00ebrfaq\u00ebsive t\u00eb plota diplomatike mes dy vendeve ka pasoja? <\/strong><\/p>\n

GJEKA<\/strong> :Kujdes t\u00eb posa\u00e7\u00ebm Koalicioni Shqiptar do t\u2019i kushtoj\u00eb bashk\u00ebpunimit dhe kontakteve t\u00eb rregullta me autoritetet shtet\u00ebrore t\u00eb Shqip\u00ebris\u00eb e Kosov\u00ebs, si dhe me qendrat e tjera shqiptare. Ne k\u00ebrkojm\u00eb nga Podgorica zyrtare q\u00eb t\u00eb shk\u00ebmbej\u00eb ambasador\u00ebt me Prishtin\u00ebn, sepse midis dy shteteve kan\u00eb mbetur shum\u00eb \u00e7\u00ebshtje t\u00eb pazgjidhura q\u00eb nga koha e ish- shtetit jugosllav.<\/p>\n

Ne p\u00ebrkrahim fillimin e bisedimeve nd\u00ebrmjet Podgoric\u00ebs dhe Prishtin\u00ebs p\u00ebr zgjidhjen e \u00e7\u00ebshtjes s\u00eb pensionist\u00ebve t\u00eb Kosov\u00ebs, shtetas t\u00eb Malit t\u00eb Zi, dhe k\u00ebrkojm\u00eb p\u00ebrshpejtimin e hartimit t\u00eb marr\u00ebveshjes mes dy vendeve lidhur me k\u00ebt\u00eb problem.<\/p>\n

SHPI:Tash 22-vjet n\u00eb pluripartiz\u00ebm kultur\u00ebn e mir\u00ebfillt\u00eb shqiptare n\u00eb Malin e Zi e b\u00ebjn\u00eb organizatat joeveritare.\u00c7far\u00eb vendi i ka kushtuar koalicioni Juaj k\u00ebtij segment t\u00eb ve\u00e7ant\u00eb identifikues nacional p\u00ebr shqiptar\u00ebt n\u00eb Mal t\u00eb Zi?<\/strong><\/p>\n

GJEKA:<\/strong>N\u00eb fush\u00ebn e kultur\u00ebs, Koalicioni Shqiptar angazhohet p\u00ebr ruajtjen e vazhdim\u00ebsis\u00eb s\u00eb manifestimeve tradicionale kulturore t\u00eb shqiptar\u00ebve n\u00eb Mal t\u00eb Zi, tubimeve me karakter gjith\u00ebpopullor dhe konkurseve t\u00eb Fondit t\u00eb pakicave, t\u00eb Ministris\u00eb s\u00eb Kultur\u00ebs, t\u00eb\u00a0 komunave t\u00eb Ulqinit, Tivarit, Tuzit dhe Plav\u00ebs, p\u00ebr ndarjen e mjeteve financiare organizatave joqeveritare dhe subjekteve t\u00eb tjera p\u00ebr realizimin e projekteve t\u00eb tyre me substanc\u00eb nacionale shqiptare.
\n\"\"<\/a><\/p>\n

SHPI:Statusi i krijuesve shqiptar\u00eb q\u00eb krijojn\u00eb me dekada t\u00eb t\u00ebra n\u00eb Mal t\u00eb Zi ka mbetur i pazgjidhur as i vler\u00ebsuar.Si e shihni ju z.Gjeka k\u00ebt\u00eb?<\/strong><\/p>\n

GJEKA:<\/strong>Ne, bashk\u00eb me p\u00ebrfaq\u00ebsuesit e koalicioneve tjera shqiptare,n\u00eb Parlamentin e Malit t\u00eb Zi do t\u00eb inicojm\u00eb hartimin e Ligjit mbi statusin e krijuesit shqiptar n\u00eb Mal t\u00eb Zi, q\u00eb edhe ata t\u00eb g\u00ebzojn\u00eb t\u00eb drejtat e barabarta me koleg\u00ebt e kulturave tjera n\u00eb Mal t\u00eb Zi,sidomos t\u00eb drejt\u00ebn e konkurimit p\u00ebr \u00e7mimet shtetet\u00ebrore dhe titullin \u201cKrijues i shqaur kulturor\u201d si kusht i marrjes s\u00eb pensionit nacional q\u00eb\u00a0 ndan Ministria e kultur\u00ebs.<\/p>\n

Me q\u00ebllim t\u00eb p\u00ebrmir\u00ebsimit t\u00eb pozit\u00ebs s\u00eb femrave dhe t\u00eb rinjve n\u00eb shoq\u00ebri, Koalicioni Shqiptar angazhohet p\u00ebr pjes\u00ebmarrje m\u00eb t\u00eb madhe t\u00eb tyre n\u00eb jet\u00ebn politike – shoq\u00ebrore, sidomos n\u00eb nivelet e vendim-marrjes, dhe zhvillimin e programeve t\u00eb ve\u00e7anta p\u00ebr rinin\u00eb n\u00eb fush\u00ebn e kultur\u00ebs, artit, sportit.<\/p>\n

 <\/p>\n

Intervistoi:Sh\u00ebrbimi p\u00ebr informim- SHPI\u00a0 i PD<\/strong>
\n