{"id":65117,"date":"2012-10-27T07:36:01","date_gmt":"2012-10-27T06:36:01","guid":{"rendered":"http:\/\/www.visit-ulcinj.com\/blog\/?p=65117"},"modified":"2012-10-27T07:36:01","modified_gmt":"2012-10-27T06:36:01","slug":"onanta-spahiu-nje-ze-i-kultivuar-drejt-suksesit-te-sigurt","status":"publish","type":"post","link":"https:\/\/www.visit-ulcinj.com\/blog\/2012\/10\/27\/onanta-spahiu-nje-ze-i-kultivuar-drejt-suksesit-te-sigurt\/","title":{"rendered":"Onanta Spahiu: Nj\u00eb z\u00eb i kultivuar drejt suksesit t\u00eb sigurt"},"content":{"rendered":"

Flet p\u00ebr \u201cTelegraf\u201d, Onanta Spahiu, k\u00ebng\u00ebtarja beratase m\u00eb fam\u00eb nd\u00ebrkomb\u00ebtare.
\n\"\"<\/a><\/p>\n

Rrug\u00ebs s\u00eb muzik\u00ebs i ka hyr\u00eb q\u00eb e vog\u00ebl, ku n\u00eb disa festivale p\u00ebr f\u00ebmij\u00eb ka marr\u00eb edhe \u00e7mimin e par\u00eb. Pjes\u00ebmarrjet e saj n\u00eb eventet e ndryshme muzikore, por edhe jasht\u00eb kufijve t\u00eb Shqip\u00ebris\u00eb e b\u00ebn\u00eb at\u00eb t\u00eb njihet gjer\u00ebsisht, ku gazetat e ndryshme evropiane e kan\u00eb vler\u00ebsuar p\u00ebr z\u00ebrin e saj t\u00eb \u00ebmb\u00ebl. N\u00eb nj\u00eb intervist\u00eb p\u00ebr gazet\u00ebn \u201cTelegraf\u201d, Onanta Spahiu shpalos arritjet e saj t\u00eb deritanishme dhe angazhimet p\u00ebr t\u00eb ardhmen.<\/p>\n

Onanta, si u zbulua talenti juaj dhe si ka ecur jeta juaj artistike?<\/strong><\/p>\n

T\u00eb k\u00ebndoja, e kam pasur d\u00ebshir\u00eb q\u00eb n\u00eb mosh\u00eb t\u00eb vog\u00ebl. Ishin prind\u00ebrit e mi, ata q\u00eb m\u00eb angazhuan n\u00eb koncerte t\u00eb ndryshme q\u00eb zhvilloheshin n\u00eb qytetin tim. Pjes\u00ebmarrja e par\u00eb ka qen\u00eb n\u00eb festivalin e f\u00ebmij\u00ebve, n\u00eb Sht\u00ebpin\u00eb e Pionierit, ku me k\u00ebng\u00ebn \u201cPo troket adoleshenca\u201d, zura vendin e par\u00eb. Po n\u00eb k\u00ebt\u00eb vit mora pjes\u00eb n\u00eb festivalin q\u00eb u zhvillua n\u00eb Shkup t\u00eb Maqedonis\u00eb, ku mora vendin e tret\u00eb. M\u00eb pas n\u00eb mosh\u00ebn 13-vje\u00e7are mora pjes\u00eb n\u00eb \u201cTop Fest\u201d me k\u00ebng\u00ebn \u201cSa frik\u00eb kam\u201d. Duke vijuar m\u00eb tej me k\u00ebng\u00ebn \u201cDashuris\u00eb i erdhi vjeshta\u201d (shoq\u00ebruar me nj\u00eb videoklip), me t\u00eb cil\u00ebn isha pjes\u00ebmarr\u00ebse n\u00eb RTSH n\u00eb eventin \u201cNata e t\u00eb rinjve\u201d. M\u00eb pas jeta ime artistike vazhdoi m\u00eb tej n\u00eb \u201cTop Fest\u201d me nj\u00eb duet me k\u00ebng\u00ebtarin Ernis \u00c7ili, me titull \u201cFam\u00eb\u201d. Videoklipin e dyt\u00eb e kam b\u00ebr\u00eb p\u00ebr k\u00ebng\u00ebn \u201cM\u00eb fal\u201d.<\/p>\n

Si u realizua bashk\u00ebpunimi juaj me grupin rumun?<\/strong><\/p>\n

K\u00ebnga e shoq\u00ebruar me klip titullohet \u201cTouch me\u201d \u00ebsht\u00eb vler\u00ebsuar gjer\u00ebsisht n\u00eb Europ\u00eb, ku \u00ebsht\u00eb komentuar pozitivisht edhe bashk\u00ebpunimi me nj\u00eb nga pjes\u00ebtar\u00ebt e grupit \u201cDEEP SYSTEM\u201d. N\u00eb Rumani p\u00ebrve\u00e7 k\u00ebsaj po transmetohet gjithashtu edhe k\u00ebnga \u201cJina Stoeva\u201d. Videoklipin e k\u00ebsaj k\u00ebnge e kam realizuar n\u00eb plazhin e Velipoj\u00ebs.
\n\"\"<\/a><\/p>\n

Pjes\u00ebmarrja juaj e fundit, n\u00eb cilin kompeticion ka qen\u00eb?<\/strong><\/p>\n

P\u00ebr her\u00eb t\u00eb fundit kam marr\u00eb pjes\u00eb n\u00eb festivalin rinor \u201cHit fest\u201d, realizuar nga TVSH-ja. K\u00ebtu u paraqita dhe me k\u00ebng\u00ebn \u201cSonte\u201d (versioni shqip i k\u00ebng\u00ebs \u201cTouch me\u201d), k\u00ebng\u00eb, e cila u prit mir\u00eb nga publiku.<\/p>\n

Si e mendoni t\u00eb ardhmen tuaj?<\/strong><\/p>\n

P\u00ebr momentin kam primare shkoll\u00ebn, pasi k\u00ebt\u00eb vit do t\u00eb vazhdoj studimet e larta dhe jam n\u00eb ankth derisa t\u00eb sistemohem n\u00eb deg\u00ebn q\u00eb dua. Si synim p\u00ebr k\u00ebt\u00eb vit kam pjes\u00ebmarrjen n\u00eb Festivalin e RTSH.<\/p>\n

Nga\u00a0JULIAN XHELILI
\n