{"id":65661,"date":"2012-11-13T21:51:06","date_gmt":"2012-11-13T20:51:06","guid":{"rendered":"http:\/\/www.visit-ulcinj.com\/blog\/?p=65661"},"modified":"2012-11-13T21:51:06","modified_gmt":"2012-11-13T20:51:06","slug":"shtjefen-ivezaj-dhe-muzeu-personal-me-30-shekuj-histori-video","status":"publish","type":"post","link":"https:\/\/www.visit-ulcinj.com\/blog\/2012\/11\/13\/shtjefen-ivezaj-dhe-muzeu-personal-me-30-shekuj-histori-video\/","title":{"rendered":"Shtjef\u00ebn Ivezaj dhe Muzeu personal me 30 shekuj histori – Video"},"content":{"rendered":"

Dhjet\u00eb vite m\u00eb par\u00eb, n\u00eb trojet etnike shqiptare t\u00eb Malesis\u00eb s\u00eb Madhe, n\u00eb Tuz, do t\u00eb ngrihej nj\u00eb muze q\u00eb pa frike mund t\u00eb quhet nj\u00eb monument autoktonie q\u00eb pershkruan rreth tre mij\u00eb vjet histori. <\/strong>
\n\"\"<\/a><\/p>\n

N\u00eb k\u00ebt\u00eb muze tani gjenden materiale qindravje\u00e7are nga jeta, puna, tradita dhe shpirti i pasur i mal\u00ebsor\u00ebve.<\/p>\n

K\u00ebt\u00eb vler\u00eb materiale e shpirt\u00ebrore t\u00eb popullit t\u00eb vet\u00eb n\u00eb m\u00ebnyr\u00eb t\u00eb ve\u00e7ant\u00eb \u00ebsht\u00eb duke e ruajtur Shtjef\u00ebn Ivezaj, me profesion fotograf, kurse me pasion etnograf.<\/p>\n

Aty ruhen nga pluhuri i harres\u00ebs shum\u00eb vegla sht\u00ebpiake, vegla pune, vegla p\u00ebr bujq\u00ebsi e blegtori, orendi, vegla muzikore, arm\u00eb, veshje popullore e gj\u00ebra t\u00eb tjera\u00a0 t\u00eb vjetra, por t\u00eb r\u00ebnd\u00ebsishme nga etnokultura.<\/p>\n

I gjith\u00eb ky material i strehuar n\u00eb k\u00ebt\u00eb muze \u00ebsht\u00eb rezultat i pun\u00ebs s\u00eb palodhshme\u00a0 m\u00eb shum\u00eb se 35-vje\u00e7are t\u00eb k\u00ebtij adhuruesi e koleksionisti t\u00eb madh t\u00eb etnokultur\u00ebs son\u00eb.<\/p>\n

Do t\u00eb duheshin libra t\u00eb t\u00ebr\u00eb p\u00ebr t\u00eb rreshtuar historit\u00eb e k\u00ebtyre objekteve q\u00eb nuk kan\u00eb t\u00eb num\u00ebruar brenda asaj sht\u00ebpie, t\u00eb v\u00ebn\u00eb ndan\u00eb mureve dhe n\u00eb tok\u00eb, secila ka nj\u00eb histori interesante, q\u00eb t\u00eb shpien n\u00eb vitet e hershme t\u00eb jetes\u00ebs s\u00eb Mal\u00ebsis\u00eb.<\/p>\n

P\u00ebrve\u00e7 objekteve me vlera t\u00eb rralla n\u00eb k\u00ebt\u00eb muze gjenden edhe element\u00eb t\u00eb \u00e7uditsh\u00ebm, si\u00e7 \u00ebsht\u00eb nj\u00eb kasafort\u00eb e ish-burgut fam\u00ebkeq t\u00eb Jusovac\u00ebs.<\/p>\n

Shtjef\u00ebn Ivezaj ka sakrifikuar gjith\u00e7ka n\u00eb em\u00ebr t\u00eb muzeut. Dhe vitet e pleq\u00ebris\u00eb s\u00eb bashku me bashk\u00ebshorten aty-aty n\u00eb mosh\u00eb, ka preferuar t\u2019i kaloj\u00eb me sakrific\u00eb.<\/p>\n

Sht\u00ebpin\u00eb nj\u00ebkat\u00ebshe me kat\u00ebr dhoma komode, prej vitesh nuk e p\u00ebrdor p\u00ebr t\u2019u rehatuar n\u00eb dit\u00ebt q\u00eb kalon aty, por ia ka l\u00ebn\u00eb relikeve t\u00eb vjetra.<\/p>\n

Shtjefniti \u00ebsht\u00eb i pari fotograf n\u00eb koh\u00ebn e Titos n\u00eb Tuz, kur biznesi i tij prej zejtari t\u00eb rrall\u00eb, e kishte em\u00ebrtimin vet\u00ebm n\u00eb shqip, nj\u00eb reklam\u00eb q\u00eb e mban aty ndan\u00eb oborrit muze \u201cFoto Ivezaj\u201d!<\/p>\n

Por, dhe mbledh\u00ebsi i par\u00eb si etnograf audodidakt; i pari bibliotekar q\u00eb ka mundur t\u00eb mbledh\u00eb e t\u00eb sistemoj\u00eb n\u00eb nj\u00ebr\u00ebn prej dhomave plot literatur\u00eb n\u00eb shqip, anglisht, serbisht e gjermanisht ku m\u00eb s\u00eb tep\u00ebrmi jan\u00eb mbledhur libra d\u00ebshmi ku t\u00eb huajt flasin p\u00ebr shqiptar\u00ebt.<\/p>\n

E gjith\u00eb kjo pun\u00eb p\u00ebrve\u00e7 indiferenc\u00ebs s\u00eb institucioneve shqiptare dhe malazez\u00ebse ka marr\u00eb shum\u00eb vler\u00ebsime.<\/p>\n

Shtjef\u00ebn Ivezaj mban shum\u00eb dekorata, t\u00eb dh\u00ebna q\u00eb nga ish-udh\u00ebheq\u00ebsi i Jugosllavis\u00eb, Tito, e deri tek titulli \u201cambasador i paqes\u201d.<\/p>\n

Dhjet\u00eb vite muze mbajn\u00eb brenda rreth tridhjet\u00eb shekuj histori qytetrimi , ndertimi e zhvillimi, por shpesh edhe mbijetese.<\/p>\n

Kjo \u00ebsht\u00eb risia m\u00eb e madhe me t\u00eb cilen ndeshet \u00e7do vizitor i muzeut etnografik te Malesis\u00eb, q\u00eb sa m\u00eb shum\u00eb vite t\u00eb kalojne aq m\u00eb shum\u00eb do t\u00eb shndris\u00eb si meteor i shqiptaris\u00eb.<\/p>\n

TOP CHANNEL<\/strong><\/p>\n

Shtjef\u00ebn Ivezaj – Muzeu Etnografik i Malesise Facebook<\/a><\/h3>\n

\n\t\t