{"id":6575,"date":"2008-11-24T10:46:57","date_gmt":"2008-11-24T15:46:57","guid":{"rendered":"http:\/\/www.visit-ulcinj.com\/blog\/?p=6575"},"modified":"2008-11-25T21:16:19","modified_gmt":"2008-11-25T20:16:19","slug":"udsh-shenon-diten-e-formimitm%e2%80%99i-gezofsh-15-pranvera","status":"publish","type":"post","link":"https:\/\/www.visit-ulcinj.com\/blog\/2008\/11\/24\/udsh-shenon-diten-e-formimitm%e2%80%99i-gezofsh-15-pranvera\/","title":{"rendered":"UDSH sh\u00ebnon dit\u00ebn e formimit,M\u2019i g\u00ebzofsh 15 pranvera"},"content":{"rendered":"

\"\"<\/a>M\u2019i g\u00ebzofsh 15 pranvera<\/strong>
\nKoha do t\u00eb d\u00ebshmoj\u00eb se UDSH, me nj\u00eb program realist e pragmatik, t\u00eb bazuar mbi standarde demokratike europiane t\u00eb demokracive shum\u00ebnacionale, mbi t\u00eb gjitha me nj\u00eb veprim t\u00eb sinqert\u00eb e transparent do t`ia dal\u00eb ta kthej\u00eb n\u00eb binar\u00eb t\u00eb duhur trenin e aspiratave legjitime p\u00ebr faktorizimin e shqiptar\u00ebve dhe p\u00ebr p\u00ebrmir\u00ebsimin e pozit\u00ebs s\u00eb tyre n\u00eb Mal t\u00eb Zi.
\nM\u00eb 21 n\u00ebntor 1993 \u00ebsht\u00eb themeluar partia e dyt\u00eb e shqiptar\u00ebve n\u00eb Mal t\u00eb Zi, Unioni Demokratik i Shqiptar\u00ebe. Mospajtimet n\u00eb udh\u00ebheqjen e partis\u00eb s\u00eb par\u00eb, LD n\u00eb MZ, d\u00ebshtimi i saj n\u00eb zgjedhjet parlamentare t\u00eb vitit 1992, pas p\u00ebrkrahjes plebishitare q\u00eb e kishte fituar n\u00eb zgjedhjet e para t\u00eb vitit 1990, sjelljet dhe hapat simptomatik\u00eb aventurier\u00eb, kok\u00ebfort\u00ebsia dhe mosp\u00ebrfillja e kritik\u00ebs s\u00eb brendshme, kan\u00eb b\u00ebr\u00eb q\u00eb nj\u00eb pjes\u00eb e lider\u00ebve t\u00eb LD n\u00eb MZ, n\u00eb krye me profesorin e dalluar e partiotin e kulluar, t\u00eb ndjerin Bajram Rexha, t\u00eb vendos\u00eb t\u00eb themeloj\u00eb partin\u00eb e re UDSH.
\nKoha do t\u00eb d\u00ebshmoj\u00eb se UDSH, me nj\u00eb program realist e pragmatik, t\u00eb bazuar mbi standarde demokratike europiane t\u00eb demokracive shum\u00ebnacionale, mbi t\u00eb gjitha me nj\u00eb veprim t\u00eb sinqert\u00eb e transparent do t`ia dal\u00eb ta kthej\u00eb n\u00eb binar\u00eb t\u00eb duhur trenin e aspiratave legjitime p\u00ebr faktorizimin e shqiptar\u00ebve dhe p\u00ebr p\u00ebrmir\u00ebsimin e pozit\u00ebs s\u00eb tyre n\u00eb Mal t\u00eb Zi, por edhe p\u00ebr kontributin n\u00eb ngjarjet m\u00eb t\u00eb r\u00ebnd\u00ebsishme t\u00eb koh\u00ebs, n\u00eb Mal t\u00eb Zi e n\u00eb Rajon.
\nUDSH b\u00ebhet parti parlamentare n\u00eb vitin 1996 dhe k\u00ebt\u00eb status vazhdon ta ruaj\u00eb edhe sot.
\nKjo i ka mund\u00ebsuar q\u00eb projektet e tij dhe m\u00ebnyra e zb\u00ebrthimit t\u00eb tyre n\u00eb opinion, ta b\u00ebjn\u00eb subjekt t\u00eb pakap\u00ebrcyesh\u00ebm n\u00eb t\u00eb gjitha debatat e brenshme apo nd\u00ebrkomb\u00ebtare p\u00ebr pozit\u00ebn dhe statusin e shqiptar\u00ebve n\u00eb Mal t\u00eb Zi.
\nTri kan\u00eb qen\u00eb shtyllat e programit politik t\u00eb UDSH-s\u00eb n\u00eb faz\u00ebn e deritashme t\u00eb proceseve demokratike n\u00eb Mal t\u00eb Zi e n\u00eb Rajon: Platforma p\u00ebr status t\u00eb ve\u00e7ant\u00eb t\u00eb shqiptar\u00ebve n\u00eb Mal t\u00eb Zi, kontributi p\u00ebr kauz\u00ebn num\u00ebr 1 t\u00eb shqitpar\u00ebve n\u00eb fundshekullin e shkuar dhe fillimin e k\u00ebtij shekulli – pavar\u00ebsin\u00eb e Kosov\u00ebs dhe kontributi p\u00ebr pavar\u00ebsin\u00eb e Malit t\u00eb Zi, q\u00eb rrethanat e kishin pozicionuar shum\u00eb t\u00eb r\u00ebnd\u00ebsishme edhe p\u00ebr pavar\u00ebsin\u00eb e Kosov\u00ebs.
\nDuhet th\u00ebn\u00eb se, n\u00eb k\u00ebto procese, UDSH \u00ebsht\u00eb sjellur ndryshe nga partit\u00eb e tjera shqiptare dhe koha do ta d\u00ebshmoj\u00eb se kush ka patur t\u00eb drejt\u00eb. Por, q\u00eb tani mund t\u00eb thuhet se, fal\u00eb angazhimeve politike dhe aft\u00ebsis\u00eb q\u00eb fjal\u00ebt t`i b\u00ebj\u00eb vepra, UDSH, n\u00eb k\u00ebt\u00eb periudh\u00eb, b\u00ebhet partia m\u00eb e fort\u00eb shqiptare, e cila b\u00ebn q\u00eb kontributi i shqiptar\u00ebve n\u00eb Mal t\u00eb Zi n\u00eb ruajtjen e stabilitetit dhe t\u00eb paqes n\u00eb Mal t\u00eb Zi, si dhe n\u00eb krijimin e logjistikave p\u00ebr marr\u00ebdh\u00ebnie t\u00eb reja nd\u00ebrmjet popujve e shteteve n\u00eb Ballkan, t\u00eb jet\u00eb shum\u00ebfish m\u00eb i madh se numri i tyre n\u00eb popullsin\u00eb e k\u00ebtushme.
\nPa p\u00ebrkrahjen e partive t\u00eb tjera shqiptare, ose me kund\u00ebrshtimin e tyre, UDSH, n\u00eb bashk\u00ebpunim me forcat demokratike n\u00eb Mal t\u00eb Zi dhe me faktorin nd\u00ebrkomb\u00ebtar, ia del t\u00eb realizoj\u00eb projekte t\u00eb r\u00ebnd\u00ebsishme q\u00eb p\u00ebrmir\u00ebsojn\u00eb pozit\u00ebn e shqiptar\u00ebve, si\u00e7 jan\u00eb:
\n– formimi i Ministris\u00eb p\u00ebr t\u00eb Drejtat e Pakicave,
\n– Ligji p\u00ebr p\u00ebrdorimin e simboleve komb\u00ebtare,
\n– Platforma p\u00ebr status t\u00eb ve\u00e7ant\u00eb t\u00eb shqiptar\u00ebve n\u00eb Mal t\u00eb Zi,
\n– spitali i par\u00eb i maternitetit n\u00eb Ulqin,
\n– pikat e reja kufitare me Republik\u00ebn e Shqip\u00ebris\u00eb (Muriqani e Vermosha),
\n– fakulteti i par\u00eb shqip n\u00eb Podgoric\u00eb,
\n– Komuna Urbane e Tuzit, si projekt-pilot i nj\u00eb faze kalimtare drejt komun\u00ebs s\u00eb plot\u00eb,
\n– Ligji p\u00ebr t\u00eb drejtat dhe lirit\u00eb e pakicave,
\n– Panairi i Librit n\u00eb Ulqin,
\n– Festivali i K\u00ebng\u00ebs p\u00ebr F\u00ebmij\u00eb n\u00eb Ulqin,
\n– finalizimi i qendrave t\u00eb kultur\u00ebs n\u00eb Ulqin e n\u00eb Tuz,
\n– zyrtarizimi i gjuh\u00ebs shqipe n\u00eb Komun\u00ebn e Plav\u00ebs\u2026.
\n– ky\u00e7ja e p\u00ebrfaq\u00ebsuesve t\u00eb partis\u00eb shqiptare edhe n\u00eb p\u00ebrfaq\u00ebsit\u00eb diplomatike t\u00eb Malit t\u00eb Zi, pas pavar\u00ebsimit t\u00eb tij m\u00eb 2006,
\n– kontributi n\u00eb p\u00ebrmir\u00ebsimin e marr\u00ebdh\u00ebnieve fqinj\u00ebsore nd\u00ebrmjet Malit t\u00eb Zi e Shqip\u00ebris\u00eb,
\n– kontributi p\u00ebr njohjen e Kosov\u00ebs s\u00eb pavarur nga ana e Malit t\u00eb Zi\u2026.
\n– vendosja e partneritetit me qeverin\u00eb antimillosheviqiane t\u00eb Malit t\u00eb Zi\u2026
\nS`do mend se k\u00ebto dhe projekte t\u00eb tjera i b\u00ebjn\u00eb qesharak\u00eb z\u00ebrat q\u00eb ende d\u00ebgjohen se n\u00eb Mal t\u00eb Zi nuk na u paska b\u00ebr\u00eb asgj\u00eb p\u00ebr p\u00ebrmir\u00ebsimin e pozit\u00ebs s\u00eb shqiptar\u00ebve n\u00eb k\u00ebt\u00eb shtet.
\nPor, ato dalin nga subjektet t\u00eb cilat pas 18 vjet veprimi nuk kan\u00eb asgj\u00eb pas vetes ose nga ato t\u00eb cilave pas 16 viteve angazhime t\u00eb tjera u bie nd\u00ebrmend se \u00ebsht\u00eb koha t\u00eb shesin super-patriotiz\u00ebm.
\nHiq kontributet dhe projektet e sip\u00ebrp\u00ebrmendura t\u00eb UDSH-s\u00eb, \u00e7ka na mbeti?
\nEdhe kontributi i UDSH-s\u00eb p\u00ebr kauz\u00ebn num\u00ebr 1 \u00ebsht\u00eb i pakontestuesh\u00ebm.
\nKur po digjej Drenica, si parti qeveritare, UDSH organizon tubim p\u00ebrkrahjeje p\u00ebr aspiratat legjitime t\u00eb popullit t\u00eb Kosov\u00ebs, duke d\u00ebnuar dhun\u00ebn e regjimit policor t\u00eb diktatorit Millosheviq, duke th\u00ebn\u00eb se viktimat e Kosov\u00ebs jan\u00eb edhe tonat dhe se fitoret e saj do t\u00eb jen\u00eb edhe tonat. N\u00eb k\u00ebt\u00eb tubim t\u00eb marsit t\u00eb vitit 1998 \u00ebsht\u00eb d\u00ebgjuar edhe fjalia: “Or\u00ebt n\u00eb shkollat tona, meshat n\u00eb kishat tona, namazet n\u00eb xhamit\u00eb tona, m\u00ebngjezet n\u00eb sht\u00ebpit\u00eb tona duhet t\u00eb fillojn\u00eb me lutje p\u00ebr Kosov\u00ebn”. Dhe tjetra: “Mund t\u00eb ket\u00eb prap\u00eb dhun\u00eb, mund t\u00eb ket\u00eb prap\u00eb gjak, mund t\u00eb ket\u00eb prap\u00eb varre, por s`ka diktator as polici q\u00eb mund t\u00eb ndal\u00eb rrug\u00ebn e Kosovar\u00ebve p\u00ebr liri!”
\nPrononcime e deklarata t\u00eb ngjashme jan\u00eb d\u00ebgjuar nga p\u00ebrfaq\u00ebsuesi i UDSH-s\u00eb n\u00eb Parlamentin e Malit t\u00eb Zi edhe gjat\u00eb bombardimeve t\u00eb NATO-s, kur n\u00eb Mal t\u00eb Zi ndodheshin rreth 100 mij\u00eb shqiptar\u00eb t\u00eb d\u00ebbuar nga Kosova dhe kur t\u00eb tjer\u00ebt po heshtnin.
\nP\u00ebrfaq\u00ebsuesi i UDSH-s\u00eb jep dor\u00ebheqje nga Komisioni p\u00ebr hartimin e Kart\u00ebs Kushtetuese t\u00eb shtetit t\u00eb p\u00ebrbashk\u00ebt t\u00eb Serbis\u00eb e Malit t\u00eb Zi, kur ky kishte vendosur q\u00eb Preambula e saj ta quante Kosov\u00ebn \u201ckrahin\u00eb autonome t\u00eb Serbis\u00eb\u201d. – Nuk mund flitet p\u00ebr Kosov\u00ebn pa p\u00ebrfaq\u00ebsuesit legjitim\u00eb t\u00eb saj – kishte th\u00ebn\u00eb ai.
\nParaprakisht, gjat\u00eb nj\u00eb darke me disa an\u00ebtar\u00eb t\u00eb Komisionit, ai kishte braktisur tavolin\u00ebn kur pas saj ia kishte behur kryevras\u00ebsi i ushtris\u00eb s\u00eb Millosheviqit n\u00eb Kosov\u00eb, gjenerali Nebojsha Pavkoviq, tash banues i Hag\u00ebs. – Me t\u00eb till\u00eb un\u00eb nuk rri – i kishte th\u00ebn\u00eb ai shefit t\u00eb delegacionit malazez. Darka kishte qen\u00eb n\u00eb Beograd.
\nTash, disa q\u00eb asokohe nuk dukeshin asgj\u00ebkundi, pyesin se \u00e7ka ka b\u00ebr\u00eb UDSH-ja p\u00ebr Kosov\u00ebn! Ata harrojn\u00eb se n\u00eb vitrinat e UDSH-s\u00eb, p\u00ebr k\u00ebto dhe p\u00ebr shum\u00eb kontribute t\u00eb tjera, \u00ebsht\u00eb Medalja e Art\u00eb e Lidhjes s\u00eb Prizrenit, nga presidenti historik Ibrahim Rugova.
\nI vet\u00ebdijsh\u00ebm se pa epilogun fatlum t\u00eb kauz\u00ebs nr. 1 t\u00eb koh\u00ebs nuk mund t\u00eb flitet p\u00ebr realizime shqiptare, UDSH-ja shfryt\u00ebzon \u00e7do rast p\u00ebr ta ndihmuar sadopak k\u00ebt\u00eb.
\nN\u00eb vitin 1997 nj\u00eb lider u tha “Jo” politikave t\u00eb Millosheviqit. Millo Gjukanoviq e b\u00ebri publik angazhimin p\u00ebr pavar\u00ebsimin e Malit t\u00eb Zi partneritetin me t\u00eb, q\u00eb n\u00eb at\u00eb moment, UDSH e b\u00ebn imperativ t\u00eb veprimit politik. Ai n\u00eb vitin 1998 hyn n\u00eb Qeverin\u00eb t\u00eb cil\u00ebn e drejtonte partia e tij, n\u00eb \u00e7do takim me nd\u00ebrkomb\u00ebtar\u00ebt avancon politikat e tij, n\u00eb t\u00eb gjitha zgjedhjet presidenciale p\u00ebrkrah kandidaturat e partis\u00eb s\u00eb tij, nuk \u00e7on shum\u00eb pluhur p\u00ebr \u00e7\u00ebshtje m\u00eb t\u00eb vogla, as kur p\u00ebr k\u00ebt\u00eb ka arsye objektive\u2026 sepse po afrohej pavar\u00ebsia. Po afrohej Referendumi i pavar\u00ebsis\u00eb i 21 majit 2006. UDSH ka qen\u00eb e vetmja parti shqitpare q\u00eb ka marr\u00eb pjes\u00eb aktive n\u00eb fushat\u00ebn e Referendumit dhe p\u00ebrcillte me keqardhje thirrjet p\u00ebr bojkot ose pozicionimin asnjan\u00ebs t\u00eb partive t\u00eb tjera shqiptare. Por, pjes\u00eb aktive, p\u00ebr fat t\u00eb mir\u00eb mor\u00ebn edhe t\u00eb gjith\u00eb shqiptar\u00ebt me t\u00eb drejt\u00eb vote, t\u00eb cil\u00ebt me 21 maj kan\u00eb p\u00ebrkrahur pavar\u00ebsin\u00eb e Mali t\u00eb Zi.
\nMali i Zi i pavarur ka njohur m\u00eb 9 tetor, Kosov\u00ebn e pavarur, t\u00eb shpallur m\u00eb 17 shkurt t\u00eb k\u00ebtij viti.
\nK\u00ebshtu vulosen marr\u00ebdh\u00ebniet e reja n\u00eb Ballkan. UDSH-ja ka hise n\u00eb k\u00ebt\u00eb vul\u00eb. Andaj nga pozita e kryetarit t\u00eb tij, mund t`i them me krenari: M`I G\u00cbZOFSH 15 PRANVERA!
\nFerhat Dinosha
\nKoha Javore<\/strong><\/p>\n

\n\t\t