{"id":65940,"date":"2012-11-20T17:37:59","date_gmt":"2012-11-20T16:37:59","guid":{"rendered":"http:\/\/www.visit-ulcinj.com\/blog\/?p=65940"},"modified":"2012-11-24T07:51:18","modified_gmt":"2012-11-24T06:51:18","slug":"ne-nje-flamur-te-pandare-video","status":"publish","type":"post","link":"https:\/\/www.visit-ulcinj.com\/blog\/2012\/11\/20\/ne-nje-flamur-te-pandare-video\/","title":{"rendered":"N\u00eb nj\u00eb Flamur t\u00eb pandar\u00eb (video)"},"content":{"rendered":"

\"\"<\/a>Nj\u00eb k\u00ebng\u00eb p\u00ebr flamurin. Nj\u00eb k\u00ebng\u00eb me pes\u00eb k\u00ebng\u00ebtar\u00eb nga t\u00eb gjitha trevat e Shqip\u00ebris\u00eb. Nj\u00eb k\u00ebng\u00eb si nj\u00eb himn i dyt\u00eb. Nj\u00eb k\u00ebng\u00eb q\u00eb t\u00eb \u00e7on nga Kosova, n\u00eb Maqedoni, Mal t\u00eb Zi, Tiran\u00eb dhe Cam\u00ebri.<\/p>\n

Ndoshta \u00ebsht\u00eb unike, por dhe me nj\u00eb tekst dhe muzik\u00eb q\u00eb jan\u00eb n\u00eb unison me z\u00ebrat e k\u00ebng\u00ebtar\u00ebve. Pik\u00ebrisht n\u00eb vigjilje t\u00eb 100-vjetorit t\u00eb Shpalljes s\u00eb Pavar\u00ebsis\u00eb del nj\u00eb k\u00ebng\u00eb q\u00eb p\u00ebr\u00e7on er\u00ebn e mir\u00eb t\u00eb t\u00eb qenit nj\u00eb komb, por jo nj\u00eb shtet. Ndaj dhe k\u00ebnga titullohet \u201cN\u00eb nj\u00eb flamur t\u00eb pandar\u00eb\u201d\u009d.<\/p>\n

Kjo duhet t\u00eb jet\u00eb e ardhmja e shqiptar\u00ebve, t\u00eb gjith\u00eb n\u00ebn nj\u00eb flamur. Historikisht k\u00ebshtu kan\u00eb qen\u00eb me flamurin e Sk\u00ebnderbeut n\u00eb \u00e7do kuvend, luft\u00eb, apo moment historik. P\u00ebrderisa kemi nj\u00eb gjak, nj\u00eb gjuh\u00eb, t\u00eb nj\u00ebjtat doke dhe zakone, pse t\u00eb jemi me flamur t\u00eb ndrysh\u00ebm? Ja \u00e7far\u00eb than\u00eb ata:<\/p>\n

Enkelejda Arifi: N\u00eb nj\u00eb prononcim p\u00ebr gazet\u00ebn Telegraf, p\u00ebr k\u00ebng\u00ebn m\u00eb t\u00eb re k\u00ebng\u00ebtarja Enlelejda Arifi u shpreh: Ishte nj\u00eb surpriz\u00eb p\u00ebr mua kur m\u00eb ofruan k\u00ebt\u00eb k\u00ebng\u00eb. Kjo ka shum\u00eb arsye, por vet\u00eb fakti q\u00eb p\u00ebr k\u00ebt\u00eb k\u00ebng\u00eb jan\u00eb mbledhur k\u00ebng\u00ebtar\u00eb nga t\u00eb gjitha trevat e Shqip\u00ebris\u00eb nga Kosova n\u00eb Mal t\u00eb Zi dhe nga Maqedonia n\u00eb \u00c7am\u00ebri, komentet jan\u00eb t\u00eb tep\u00ebrta. Kjo k\u00ebng\u00eb \u00ebsht\u00eb e vetmja n\u00eb llojin e vet\u00eb. Realizimet e klipit n\u00eb t\u00eb kat\u00ebr an\u00ebt, ku trojet jan\u00eb t\u00eb banuara nga bashk\u00ebkomb\u00ebsit tan\u00eb tregon at\u00eb q\u00eb k\u00ebnga ka nj\u00eb dimension t\u00eb v\u00ebrtet\u00eb komb\u00ebtar, ku secila krahin\u00eb ka p\u00ebrfaq\u00ebsuesit e vet\u00eb. Ndoshta \u00ebsht\u00eb e vetmja k\u00ebng\u00eb shqiptare, ku k\u00ebndojn\u00eb nj\u00eb her\u00ebsh 5 k\u00ebng\u00ebtar\u00eb me dialekte t\u00eb ndryshme dhe nga pozicione t\u00eb ndryshme gjeografike, por gjithmon\u00eb brenda nj\u00eb kombi. Por nj\u00eb vend ka ngelur pa u filmuar direkt ajo \u00ebsht\u00eb \u00c7am\u00ebria ime, ajo \u00c7am\u00ebri q\u00eb m\u00eb b\u00ebn t\u00eb ndihem krenare dhe pse e plagosur. Megjithat\u00eb qenia ime si \u00c7ame n\u00eb k\u00ebt\u00eb k\u00ebng\u00eb e plot\u00ebson at\u00eb boshll\u00ebk. Mund t\u00eb them se klipet jan\u00eb realizuar n\u00eb m\u00ebnyr\u00eb shum\u00eb profesionale. Por deri tek k\u00ebnga tek klipet nuk do t\u00eb vinim n.q.s nuk do t\u00eb ishin autori i tekstit Agim Do\u00e7i dhe kompozitori Edmond Zhulali. Ishte nisma e tyre, krijimi i tyre, ideja e tyre e bukur q\u00eb ne u mblodh\u00ebm t\u00eb pest\u00eb (ose m\u00eb mir\u00eb na mblodh\u00ebn t\u00eb pest\u00ebve p\u00ebr t\u00eb realizuar k\u00ebt\u00eb klip t\u00eb rrall\u00eb). Me k\u00ebT\u00eb k\u00ebng\u00ebn duam Tu urojm\u00eb t\u00eb gjith\u00eb shqiptar\u00ebve g\u00ebzuar 100-vjetorin e shpalljes s\u00eb Pavar\u00ebsis\u00eb. P\u00ebr mua ky klip mbete nga realizimet m\u00eb t\u00eb bukura t\u00eb jet\u00ebs sime jo vet\u00ebm, sepse punuam pa dimensione kohore dhe me p\u00ebrkushtim, por kryesorja se nj\u00eb k\u00ebng\u00eb e till\u00eb n\u00eb nj\u00eb dit\u00eb t\u00eb till\u00eb kan\u00eb shum\u00eb kuptime dhe kan\u00eb shum\u00eb mesazhe. Ky 100-vjetor \u00ebsht\u00eb i pap\u00ebrs\u00ebritsh\u00ebm dhe ka nj\u00eb simbolik tep\u00ebr t\u00eb ve\u00e7ant\u00eb, ku shihet nj\u00eb angazhim total i shtetit dhe i cdo krijuesi p\u00ebr t\u00eb dh\u00ebn\u00eb maksimalen.<\/p>\n

Kastriot Tusha: Kur m\u00eb than\u00eb se do jem pjes\u00eb e k\u00ebsaj k\u00ebnge e ndjeva veten t\u00eb lumturuar. Kushdo q\u00eb do ta d\u00ebgjoj\u00eb k\u00ebt\u00eb k\u00ebng\u00eb do t\u00eb ket\u00eb po ato emocione si ne, se vet\u00eb titulli i k\u00ebng\u00ebs e shpreh shum\u00eb qart\u00eb mesazhin. \u201cN\u00eb nj\u00eb flamur t\u00eb pandar\u00eb\u201d\u009d ka p\u00ebr brenda at\u00eb pjes\u00eb t\u00eb historis\u00eb q\u00eb Europa i ka borxh tok\u00ebs arb\u00ebrore. Ideator\u00ebt e k\u00ebsaj k\u00ebng\u00eb poeti Agim Do\u00e7i dhe kompozitori Edmond Zhulali, n\u00eb bashk\u00ebpunim me njeri-tjetrin po nxjerrin n\u00eb drit\u00eb nj\u00eb vep\u00ebr me p\u00ebrmasa komb\u00ebtare q\u00eb ndoshta do t\u00eb kthehet n\u00eb nj\u00eb himn t\u00eb dyt\u00eb. Titulli, vargjet, muzika, pjes\u00ebmarrja e disa k\u00ebng\u00ebtar\u00ebve nga t\u00eb gjitha trevat e Shqip\u00ebris\u00eb e b\u00ebjn\u00eb k\u00ebt\u00eb k\u00ebng\u00eb nj\u00eb monument t\u00eb ri n\u00eb dit\u00ebn e madhe t\u00eb Pavar\u00ebsis\u00eb. \u00ebsht\u00eb hera e par\u00eb q\u00eb realizohet n\u00eb k\u00ebt\u00eb m\u00ebnyr\u00eb nj\u00eb kompozim k\u00ebnge, ku marrin pjes\u00eb 5 k\u00ebng\u00ebtar\u00eb. T\u00eb gjith\u00eb t\u00eb ve\u00e7ant\u00eb, me z\u00ebra krejt karakteristik\u00eb q\u00eb i p\u00ebrkasin t\u00eb gjith\u00eb trevave nga jugu n\u00eb veri nga lindja n\u00eb per\u00ebndim. Si risi do t\u00eb thosha \u00ebsht\u00eb dhe z\u00ebri karakteristik i Enkeljeda Allushit (Arifi) e cila p\u00ebrfaq\u00ebson krahin\u00ebn e \u00c7am\u00ebris\u00eb. Ishte nj\u00eb gjetje kjo e kompozitorit dhe poetit, pasi kjo vajz\u00eb ka nj\u00eb z\u00eb karakteristik \u00c7am dhe dihen tashm\u00eb k\u00ebng\u00ebt e saj t\u00eb bujshme p\u00ebr \u00c7am\u00ebrin\u00eb martire. K\u00ebnga shpreh qart\u00eb at\u00eb d\u00ebshir\u00eb, etje, k\u00ebrkes\u00eb t\u00eb t\u00eb gjith\u00eb bashk\u00ebkomb\u00ebsve tan\u00eb, p\u00ebr t\u00eb qen\u00eb n\u00ebn nj\u00eb flamur, n\u00eb\u00abn flamurin kuq e zi t\u00eb Sk\u00ebnderbeut dhe t\u00eb Ismail Qemalit. K\u00ebnga e shpreh qart\u00eb mesazhin nj\u00eb mesazh q\u00eb vjen nga thell\u00ebsia e shekujve p\u00ebr tu b\u00ebr\u00eb realitet n\u00eb koh\u00ebt moderne.<\/p>\n

Selami Kolonja: Mbase e teproj, por dua t\u00eb them se kjo \u00ebsht\u00eb k\u00ebnga q\u00eb m\u00eb ka munguar. N.q.s do ta realizoja vet\u00ebm solo, s\u2019do t\u00eb kishte k\u00ebt\u00eb timb\u00ebr, s\u2019do t\u00eb kishte k\u00ebt\u00eb zjarr t\u00eb brendsh\u00ebm, s\u2019do t\u00eb kishte k\u00ebt\u00eb vullkan shqiptarizmi. Kur ma ofruan k\u00ebt\u00eb ide, k\u00ebt\u00eb muzik\u00eb dhe k\u00ebt\u00eb tekst u mrekullova. E ku ka m\u00eb dhurat\u00eb t\u00eb bukur q\u00eb mund ti b\u00ebsh flamurit t\u00ebnd n\u00eb k\u00ebt\u00eb100-vjetor? E ku ka simbolik m\u00eb t\u00eb bukur se sa rreshtat e tekstit dhe notat e muzik\u00ebs s\u00eb k\u00ebsaj k\u00ebnge aq m\u00eb tep\u00ebr q\u00eb k\u00ebng\u00ebtar\u00ebt jan\u00eb zgjedhur n\u00eb m\u00ebnyr\u00eb perfekt\u00eb dhe me nj\u00eb shtrirje gjeografike q\u00eb me t\u00eb v\u00ebrtet\u00eb plot\u00ebson m\u00eb s\u00eb miri k\u00ebng\u00ebn si shtrirje gjeografike. Askush se Do\u00e7i dhe Zhulali nuk mund ta realizonin n\u00eb k\u00ebt\u00eb m\u00ebnyr\u00eb nj\u00eb k\u00ebng\u00eb me t\u00eb v\u00ebrtet\u00eb interesante n\u00eb nj\u00eb dit\u00eb kaq t\u00eb sh\u00ebnuar. P\u00ebr mua kjo mbetet gjetja m\u00eb e bukur, apo realizmi m\u00eb kualitativ. N\u00eb k\u00ebt\u00eb k\u00ebng\u00eb jan\u00eb mbledhur n\u00eb z\u00eb, z\u00ebri i nd\u00ebrgjegjes komb\u00ebtare p\u00ebr \u00ebndrr\u00ebn e madhe t\u00eb shqiptar\u00ebve p\u00ebr t\u00eb qen\u00eb n\u00eb nj\u00eb flamur. Historia me ne \u00ebsht\u00eb treguar e padrejt\u00eb, pasi ajo na ka ndar\u00eb n\u00eb m\u00ebnyr\u00eb t\u00eb \u00e7uditshme n\u00eb 5 shtete kur kemi pasur dhe kemi nj\u00eb flamur. Ndoshta kjo k\u00ebng\u00eb n\u00eb k\u00ebt\u00eb 100-vjetor do t\u00eb jet\u00eb dhe nj\u00eb thirrje tjet\u00ebr p\u00ebr mbar\u00eb politik\u00ebn bot\u00ebrore q\u00eb kjo padrejt\u00ebsi t\u00eb vihet n\u00eb vend. Nj\u00eb komb duhet t\u00eb jet\u00eb n\u00eb nj\u00eb shtet aq m\u00eb tep\u00ebr q\u00eb \u00c7am\u00ebria dhe \u00c7am\u00ebt jan\u00eb krahina m\u00eb e n\u00ebp\u00ebrk\u00ebmbur q\u00eb ka njohur historia europiane. Ne kemi xhiruar kudo, ku ka shqiptar\u00eb, por vet\u00ebm n\u00eb \u00c7am\u00ebri jo.<\/p>\n

Video:<\/p>\n

K\u00ebnga titullohet: N\u00eb nj\u00eb flamur t\u00eb pandar\u00eb<\/p>\n

Teksti: Agim Doci<\/p>\n

Muzika dhe orkestrimi: Edmond Zhulali.<\/p>\n

K\u00ebndojn\u00eb<\/p>\n

Enkelejda Arifi (Cam\u00ebri)<\/p>\n

Ilir Shaqiri (Kosov\u00eb)<\/p>\n

Kastriot Tusha, (Shqip\u00ebri)<\/p>\n

Selami Kolonja, (Maqedoni)<\/p>\n

Nikoll\u00eb Nikprelaj, (Mal i Zi)<\/p>\n

Videoklipi \u00ebsht\u00eb realizuar nga VIDEOART p\u00ebr t\u00eb cilin \u00ebsht\u00eb filmuar n\u00eb Ulqin, Tuz, Tiran\u00eb , Durr\u00ebs, Vlor\u00eb, Strug\u00eb, Manastir, Prishtin\u00eb dhe Gjilan.\/Gazeta Express\/
\n