{"id":66144,"date":"2012-11-28T08:32:33","date_gmt":"2012-11-28T07:32:33","guid":{"rendered":"http:\/\/www.visit-ulcinj.com\/blog\/?p=66144"},"modified":"2012-11-30T15:44:14","modified_gmt":"2012-11-30T14:44:14","slug":"flamujt-kuqezi-pushtojne-ulqinin-video","status":"publish","type":"post","link":"https:\/\/www.visit-ulcinj.com\/blog\/2012\/11\/28\/flamujt-kuqezi-pushtojne-ulqinin-video\/","title":{"rendered":"Flamujt kuqezi \u201cpushtojn\u00eb\u201d Ulqinin – Video"},"content":{"rendered":"

Trojet Shqiptare Ulqini,Tuzi, Plava, Gucia, Rozhaja sfidojn\u00eb ligjin malazez
\n\"\"<\/a>
\n<\/strong><\/p>\n

Prej disa dit\u00ebsh, shqiptar\u00ebt e Malit t\u00eb Zi kan\u00eb nisur festimet p\u00ebr 100-vjetorin e pavar\u00ebsis\u00eb. Ulqini, Tuzi, Plava, Gucia, Rozhaja jan\u00eb veshur kuqezi, duke sfiduar edhe ligjin e miratuar pak muaj m\u00eb par\u00eb nga Parlamenti malazez, q\u00eb ndalon mbajtjen e flamurit n\u00eb vende publike. Nd\u00ebrkaq, aktivitete t\u00eb ndryshme ndjekin nj\u00ebra-tjetr\u00ebn n\u00eb kujtim e nderim t\u00eb kombit shqiptar. E vetmja mund\u00ebsi p\u00ebr t\u00eb kuptuar se ke hyr\u00eb n\u00eb territorin malazez \u00ebsht\u00eb pika kufitare, pasi vendosja e flamujve kuqezi n\u00eb \u00e7do sht\u00ebpi n\u00eb fshatrat e komunat shqiptare t\u00eb krijon p\u00ebrshtypjen se je n\u00eb Shqip\u00ebri.<\/p>\n

\"\"<\/a>Gjithashtu, komuniteti shqiptar n\u00eb Mal t\u00eb Zi \u00ebsht\u00eb p\u00ebrfshir\u00eb n\u00eb aktivitete masive, ku vet\u00ebm gjat\u00eb dit\u00ebs s\u00eb djeshme jan\u00eb mbledhur 100 rr\u00ebnj\u00eb ullinj p\u00ebr 100-vjetorin e pavar\u00ebsis\u00eb, \u00ebsht\u00eb \u00e7elur nj\u00eb ekspozit\u00eb me foto dhe piktura dhe \u00ebsht\u00eb mbajtur nj\u00eb mbr\u00ebmje gala nga student\u00ebt e Ulqinit q\u00eb studiojn\u00eb n\u00eb Universitetin e Prishtin\u00ebs. Deputeti i shqiptar\u00ebve n\u00eb Mal t\u00eb Zi, Genc Nimanbegu, shprehet se ky 100-vjetor po festohet ndryshe, pasi fal\u00eb K\u00ebshillit Nacional t\u00eb Shqiptar\u00ebve, t\u00eb gjitha partit\u00eb politike shqiptare n\u00eb Mal t\u00eb Zi po festojn\u00eb s\u00eb bashku. Ndon\u00ebse Parlamenti i Malit t\u00eb Zi, disa muaj m\u00eb par\u00eb ka nxjerr\u00eb nj\u00eb ligj q\u00eb ndalon mbajtjen e flamurit n\u00eb vende publike shqiptar\u00ebt n\u00eb Mal t\u00eb Zi kan\u00eb sfiduar k\u00ebt\u00eb ligj, duke u treguar t\u00eb gjith\u00ebve ndjenj\u00ebn dhe krenarin\u00eb e t\u00eb qenurit shqiptar. Ashtu si shqiptar\u00ebt n\u00eb Kosov\u00eb e Maqedoni, edhe shqiptar\u00ebt n\u00eb Malin e Zi, tashm\u00eb jan\u00eb duke festuar 100-vjetorin e Pavar\u00ebsis\u00eb s\u00eb Shqip\u00ebris\u00eb. Por, kjo fest\u00eb jo vet\u00ebm q\u00eb ka bashkuar t\u00eb gjith\u00eb shqiptar\u00ebt k\u00ebtu, por ka b\u00ebr\u00eb q\u00eb ato t\u00eb duken m\u00eb t\u00eb shumt\u00eb e m\u00eb kuqezi se asnj\u00ebher\u00eb m\u00eb par\u00eb.
\n\"\"<\/a><\/p>\n

Sakaq, p\u00ebr t\u00eb gjith\u00eb shqiptar\u00ebt q\u00eb do t\u00eb vijn\u00eb n\u00eb Shqip\u00ebri p\u00ebr t\u00eb ndjekur festimet e 100-vjetorit t\u00eb pavar\u00ebsis\u00eb, m\u00ebsohet se jan\u00eb marr\u00eb masat n\u00eb pikat kufitare.<\/p>\n

Jan\u00eb marr\u00eb masat p\u00ebr t\u00eb normalizuar situat\u00ebn edhe p\u00ebr l\u00ebvizjen e mjeteve p\u00ebr q\u00ebllime tregtare n\u00eb t\u00eb dyja an\u00ebt e kufirit. \u201cGjat\u00eb 24 or\u00ebve t\u00eb fundit kan\u00eb hyr\u00eb n\u00eb Shqip\u00ebri p\u00ebrmes dogan\u00ebs s\u00eb Morinit 4700 shtetas t\u00eb huaj me 780 mjete dhe 680 shtetas shqiptar\u00eb me 320 mjete\u201d, pohojn\u00eb burime t\u00eb drejtoris\u00eb rajonale t\u00eb kufirit. Sipas t\u00eb nj\u00ebjtave burime, rezulton se gjat\u00eb 24 or\u00ebve t\u00eb fundit kan\u00eb hyr\u00eb nga Shqip\u00ebria n\u00eb Kosov\u00eb rreth 2300 shtetas t\u00eb huaj me 380 mjete dhe 570 shtetas shqiptar\u00eb me 280 mjete. A. Hoti<\/strong><\/p>\n

Gazeta SHQIP<\/strong><\/p>\n

\n\t\t