{"id":66283,"date":"2012-12-01T06:41:09","date_gmt":"2012-12-01T05:41:09","guid":{"rendered":"http:\/\/www.visit-ulcinj.com\/blog\/?p=66283"},"modified":"2012-12-03T08:55:16","modified_gmt":"2012-12-03T07:55:16","slug":"cungu-kjo-shqiponje-ka-fluturuar-dhe-do-te-fluturoje-edhe-ne-ulqin-video","status":"publish","type":"post","link":"https:\/\/www.visit-ulcinj.com\/blog\/2012\/12\/01\/cungu-kjo-shqiponje-ka-fluturuar-dhe-do-te-fluturoje-edhe-ne-ulqin-video\/","title":{"rendered":"Cungu: Kjo shqiponj\u00eb ka fluturuar dhe do t\u00eb fluturoj\u00eb edhe n\u00eb Ulqin – Video"},"content":{"rendered":"

\"\"<\/a>N\u00eb Tiran\u00eb u inauguruar sot Memoriali i Shqiponj\u00ebs, simbolit t\u00eb shqiptar\u00ebve, nj\u00eb projekt i financuar nga biznesmeni dhe veprimtari Lazim Destani. <\/strong><\/p>\n

N\u00eb ceremonin\u00eb e p\u00ebrurimit t\u00eb k\u00ebsaj vepre mor\u00ebn pjes\u00eb kryeministri i Shqip\u00ebris\u00eb Sali Berisha, 13 kryetar\u00eb t\u00eb komunave nga Kosova,\u00a0Maqedonia,\u00a0Mali i Zi dhe Lugina e Preshev\u00ebs, mes tyre kryetari i Prishtin\u00ebs, Tetov\u00ebs, Preshev\u00ebs, Gostivarit, Strug\u00ebs, Gjakov\u00ebs, Prizrenit, Mitrovic\u00ebs, Ulqinit, etj.<\/p>\n

Memoriali i Shqiponj\u00ebs u vendos n\u00eb zon\u00ebn e quajtur, rrethrrotullimi i Dogan\u00ebs, i cili nj\u00ebher\u00ebsh merr emrin sheshi \u201cShqiponja\u201d, nd\u00ebrsa shqiponja, 6 metra e lart\u00eb dhe me bazament kat\u00ebr metra do t\u00eb q\u00ebndroj\u00eb nga sot denj\u00ebsisht dhe krenare, n\u00eb qytetin e Tiran\u00ebs.<\/p>\n

Kryetari i Bashkis\u00eb s\u00eb Tiran\u00ebs Lulzim Basha\u00a0e ka cil\u00ebsuar shqiponj\u00ebn, simbol force, krenarie dhe lart\u00ebsie p\u00ebr shqiptar\u00ebt.<\/p>\n

\u201cSot jemi mbledhur k\u00ebtu shqiptarisht dhe solemnisht, nga \u00e7do k\u00ebnd ku flitet dhe jetohet shqip, p\u00ebr t\u00eb nderuar k\u00ebt\u00eb simbol t\u00eb kombit, n\u00eb 100 vjetorin e Pavar\u00ebsis\u00eb, k\u00ebt\u00eb simbol q\u00eb askush nuk e vrau dot n\u00eb shekuj, q\u00eb askush nuk e futi dot n\u00eb kafaz, q\u00eb askush nd\u00ebr ne nuk e harroi dhe nuk do ta harroj\u00eb n\u00eb jet\u00eb t\u00eb jet\u00ebve! Ky simbol i mungonte Tiran\u00ebs dhe sot vjen k\u00ebtu, n\u00eb k\u00ebt\u00eb 100 vjetor, derdhur n\u00eb \u00e7elik t\u00eb r\u00ebnd\u00eb, sepse sot\u00a0 jemi m\u00eb t\u00eb lir\u00eb dhe m\u00eb t\u00eb fort\u00eb se dje, sepse sot kjo shqiponj\u00eb n\u00eb fush\u00ebn e kuqe t\u00eb flamurit ton\u00eb, val\u00ebvitet m\u00eb e fort\u00eb dhe m\u00eb e lir\u00eb, kudo ku jetojn\u00eb shqiptar\u00ebt\u201d<\/p>\n

Kryeministri Sali Berisha ka uruar n\u00eb m\u00ebnyr\u00eb t\u00eb ve\u00e7ant\u00eb, n\u00eb p\u00ebrvjetorin e 100- t\u00eb Pavar\u00ebsis\u00eb t\u00eb rinjt\u00eb, q\u00eb t\u00eb fluturojn\u00eb pas shqiponj\u00ebs gjithnj\u00eb me dinjitet m\u00eb t\u00eb madh, m\u00eb t\u00eb lir\u00eb, m\u00eb t\u00eb bashkuar.<\/p>\n

\u201cJu uroj g\u00ebzuar qytetar\u00ebve t\u00eb Tiran\u00ebs, qytetar\u00ebve shqiptar\u00eb dhe shqiptar\u00ebve kudo q\u00eb ndodhen: \u201cG\u00ebzuar 28 n\u00ebntorin!\u201d. Le t\u00eb urojm\u00eb ne s\u00eb bashku, me p\u00ebrpjekje t\u00eb madhe, t\u00eb frym\u00ebzuar nga vepra e atyre q\u00eb b\u00ebn\u00eb t\u00eb mundur q\u00eb sot ne t\u00eb jemi t\u00eb lir\u00eb, t\u00eb punojm\u00eb p\u00ebr t\u00eb b\u00ebr\u00eb p\u00ebrfundimisht t\u00eb v\u00ebrtet\u00eb idealin m\u00eb sublim t\u00eb shqiptar\u00ebve, idealin e bashkimit komb\u00ebtar t\u00eb shqiptar\u00ebve kudo q\u00eb jan\u00eb! Le t\u2019u urojm\u00eb ne t\u00eb rinjve shqiptar\u00eb, q\u00eb t\u00eb fluturojn\u00eb pas shqiponj\u00ebs gjithnj\u00eb e m\u00eb lart, gjithnj\u00eb me dinjitet m\u00eb t\u00eb madh, m\u00eb t\u00eb lir\u00eb , m\u00eb t\u00eb bashkuar!\u201d<\/p>\n

Financuesi i k\u00ebsaj vepre madh\u00ebshtore Lazim Destani ka apeluar p\u00ebr bashkim kulturor, arsimor dhe ekonomik t\u00eb shqiptar\u00ebve:<\/strong><\/p>\n

\u201cSot, d\u00ebshira m\u00eb e madhe e \u00e7do shqiptari\u00a0 \u00ebsht\u00eb t\u00eb jemi t\u00eb bashkuar . Bashkimi \u00ebsht\u00eb proces q\u00eb ka filluar . Le ta p\u00ebrshpejtojm\u00eb bashkimin ton\u00eb arsimor, kulturor, ekonomik dhe n\u00eb t\u00eb gjitha fushat e tjera, p\u00ebr ta b\u00ebr\u00eb realitet \u00ebndrr\u00ebn e shum\u00ebpritur t\u00eb bashkimit komb\u00ebtar. Prandaj sa her\u00eb q\u00eb jan\u00eb n\u00eb pyetje interesat gjith\u00ebshqiptare, duhet t\u00eb jemi unik\u00eb e t\u00eb flasim me nj\u00eb z\u00eb\u201d<\/p>\n

Kryetari i komun\u00ebs s\u00eb Prishtin\u00ebs Isa Mustafa tha se sot shqiptar\u00ebt ndihen krenar\u00eb, p\u00ebr at\u00eb q\u00eb kan\u00eb arritur n\u00eb k\u00ebto 100 vite:<\/p>\n

\u201cSot, shqiptar\u00ebt kudo q\u00eb jan\u00eb t\u00eb gjith\u00eb, le t\u00eb jemi krenar\u00eb p\u00ebr t\u00eb arritur gjat\u00eb k\u00ebtij shekulli t\u00eb m\u00ebvet\u00ebsis\u00eb s\u00eb shtetit shqiptar! Sot Shqip\u00ebria \u00ebsht\u00eb shtet n\u00eb NATO, shtet i cili \u00ebsht\u00eb af\u00ebr integrimi t\u00eb Bashkimit Evropian\u00a0dhe un\u00eb jam shum\u00eb i bindur\u00a0dhe t\u00eb gjith\u00eb shqiptar\u00ebt e Kosov\u00ebs, se p\u00ebrmbyllja e suksesshme \u00a0e k\u00ebtij procesi\u00a0 do t\u00eb kremtohet kudo me t\u00eb nj\u00ebjtin entuziaz\u00ebm,\u00a0 si n\u00eb Shqip\u00ebri ashtu edhe n\u00eb Kosov\u00eb\u00a0 dhe n\u00eb viset e tjera shqiptare\u00a0 ku jetojn\u00eb shqiptar\u00ebt n\u00eb Maqedoni, Kosov\u00ebn lindore, \u00c7am\u00ebri, Mal t\u00eb Zi, n\u00eb diaspor\u00ebn ton\u00eb dhe anek\u00ebnd\u00a0 k\u00ebtij globi\u201d<\/p>\n

\"\"<\/a><\/p>\n

Nazif Cungu, Kryetar i komun\u00ebs s\u00eb Ulqinit:<\/strong><\/p>\n

Ne sot, p\u00ebrulemi para atyre burrave dhe grave q\u00eb dhan\u00eb kontributin e tyre p\u00ebr lirin\u00eb dhe pavar\u00ebsin\u00eb e Shqip\u00ebris\u00eb dhe t\u00eb Kosov\u00ebs . \u00c7do shqiptar p\u00ebrcjell me krenari arritjet tuaja. Sot, m\u00eb shum\u00eb se kurr\u00eb kan\u00eb arsye t\u00eb punojn\u00eb dhe t\u00eb jen\u00eb m\u00eb optimist\u00eb, p\u00ebr nj\u00eb t\u00eb ardhme m\u00eb t\u00eb ndritur, duke kontribuar \u00e7do dit\u00eb e m\u00eb shum\u00eb n\u00eb vlerat dhe idealet tona komb\u00ebtare. \u00a0T\u2019i lem\u00eb pas vuajtjet dhe t\u00eb jet\u00eb ky 100 vjetor\u00a0 fillim i nj\u00eb ere t\u00eb re, \u00a0er\u00eb n\u00eb t\u00eb cil\u00ebn f\u00ebmij\u00ebt tan\u00eb nuk do t\u00eb njohin m\u00eb ndarje. Kjo shqiponj\u00eb ka fluturuar dhe do t\u00eb fluturoj\u00eb edhe n\u00eb Ulqin.<\/p>\n

Sadi Bexheti, Kryetar i Komun\u00ebs s\u00eb Tetov\u00ebs:<\/strong><\/p>\n

Shpreh k\u00ebnaq\u00ebsin\u00eb time t\u00eb thell\u00eb dhe t\u00eb gjith\u00eb qytetar\u00ebve t\u00eb Tetov\u00ebs q\u00eb sot, bashk\u00eb me ju, n\u00eb fest\u00ebn e madhe t\u00eb 100 vjetorit t\u00eb Pavar\u00ebsis\u00eb s\u00eb Shqip\u00ebris\u00eb do t\u00eb inaugurojm\u00eb n\u00eb \u00a0mesin e \u201cShqiponj\u00ebs\u201d, si simbol bashkimi e bashk\u00ebpunimi dhe si simbol i identitetit kulturor dhe politik dhe \u00a0historik t\u00eb shqiptar\u00ebve. Shqiponja mbetet si krye simbol, p\u00ebr t\u00eb gjith\u00eb hap\u00ebsirat shqiptare.<\/p>\n

Ragmi Mustafa, Kryetar i Komun\u00ebs s\u00eb Preshev\u00ebs:<\/strong><\/p>\n

Sjell mesazhin m\u00eb\u00a0\u00a0t\u00eb madh t\u00eb Lugin\u00ebs s\u00eb Preshev\u00ebs\u00a0\u00a0p\u00ebr festat e n\u00ebntorit, dit\u00ebn e Flamurit, dit\u00ebn e shpalljes s\u00eb Pavar\u00ebsis\u00eb s\u00eb Shqip\u00ebris\u00eb dhe festa t\u00eb tjera, p\u00ebr t\u00eb cilat do mblidhemi k\u00ebt\u00eb n\u00ebntor.\u00a0 Shqiponja \u00ebsht\u00eb nj\u00eb ikon\u00eb, \u00ebsht\u00eb simboli komb\u00ebtar i flamurit komb\u00ebtar\u00a0q\u00eb i identifikon shqiptar\u00ebt kudo q\u00eb jan\u00eb.(INA)<\/strong><\/p>\n

\n\t\t