{"id":66293,"date":"2012-12-01T07:06:20","date_gmt":"2012-12-01T06:06:20","guid":{"rendered":"http:\/\/www.visit-ulcinj.com\/blog\/?p=66293"},"modified":"2012-12-01T07:09:29","modified_gmt":"2012-12-01T06:09:29","slug":"krijohet-kuvendi-kombetar-i-njesive-vendore-shqiptare-foto","status":"publish","type":"post","link":"https:\/\/www.visit-ulcinj.com\/blog\/2012\/12\/01\/krijohet-kuvendi-kombetar-i-njesive-vendore-shqiptare-foto\/","title":{"rendered":"Krijohet Kuvendi Komb\u00ebtar i Nj\u00ebsive Vendore Shqiptare + Foto"},"content":{"rendered":"

\"\"<\/a>Krahas ngritjes s\u00eb flamurit n\u00eb Tiran\u00eb, nga sot 26 n\u00ebntori do t\u00eb kujtohet edhe si dita e vendimit p\u00ebr krijimin e Kuvendit Komb\u00ebtar t\u00eb Nj\u00ebsive Vendore Shqiptare. Krijimi i kuvendit u formalizua sot me miratimin e t\u00eb zgjedhurve vendor\u00eb nga Shqip\u00ebria, Kosova, Maqedonia, Mali i zi e Presheva.<\/p>\n

“Uroj q\u00eb kjo dat\u00eb e r\u00ebnd\u00ebsishme p\u00ebr qytetin e Tiran\u00ebs, t\u00eb kthehet n\u00eb nj\u00eb dat\u00eb p\u00ebr t\u2019u mbajtur mend edhe p\u00ebr qytetar\u00ebt q\u00eb ne p\u00ebrfaq\u00ebsojm\u00eb sot rreth k\u00ebsaj tavoline, duke i dh\u00ebn\u00eb sot aprovimin formal nj\u00eb prej iniciativave q\u00eb kemi diskutuar s\u00eb bashku k\u00ebtu n\u00eb Tiran\u00eb por edhe n\u00eb Prishtin\u00eb, n\u00eb Tetov\u00eb, n\u00eb Preshev\u00eb, n\u00eb Ulqin dhe kudo tjet\u00ebr, n\u00eb Gjakov\u00eb, at\u00eb t\u00eb themelimit t\u00eb Kuvendit Komb\u00ebtar t\u00eb Nj\u00ebsive Vendore Shqiptare. Nj\u00eb kuvend i p\u00ebrhersh\u00ebm, i organizuar sipas p\u00ebrvojave m\u00eb t\u00eb mira nd\u00ebrkomb\u00ebtare, evropiane e q\u00eb do t\u00eb sh\u00ebrbej\u00eb p\u00ebr t\u00eb \u00e7uar sa m\u00eb p\u00ebrpara, praktikat m\u00eb t\u00eb mira t\u00eb mir\u00ebqeverisjes lokale dhe njehsimin komb\u00ebtar, pavar\u00ebsisht se ku jetojn\u00eb qytetar\u00ebt tan\u00eb, caktimin e nj\u00eb sekretariati p\u00ebr t\u00eb ndjekur aktualizimin e k\u00ebsaj iniciative dhe nisjen pa vones\u00eb t\u00eb nj\u00eb kalendari, i cili do t\u00eb na afroj\u00eb m\u00eb shum\u00eb me nj\u00ebri – tjetrin, do t\u00eb b\u00ebj\u00eb t\u00eb m\u00ebsojm\u00eb m\u00eb shum\u00eb nga p\u00ebrvojat e nj\u00ebri – tjetrit, t\u00eb ndihmojm\u00eb p\u00ebr t\u00eb zgjidhur probleme t\u00eb p\u00ebrbashk\u00ebta apo t\u00eb p\u00ebrve\u00e7me, q\u00eb gjithsecili prej nesh ka dhe me t\u00eb cilat ballafaqohet, si\u00e7 ballafaqohen qytetet dhe qytetar\u00ebt tan\u00eb dhe t\u00eb \u00e7ojm\u00eb p\u00ebrpara n\u00ebp\u00ebrmjet k\u00ebsaj ndjesie t\u00eb ribashkimit komb\u00ebtar, aspirat\u00ebn e qytetar\u00ebve tan\u00eb p\u00ebr identitet evropian dhe p\u00ebr bashkim n\u00eb Bashkimin Evropian” \u2013 theksoi Kreu i Bashkis\u00eb Lulzim Basha.<\/p>\n

Fjala e plot\u00eb e Kryetarit t\u00eb Bashkis\u00eb Lulzim Basha:<\/p>\n

\u201cT\u00eb nderuar kryetar\u00eb t\u00eb nj\u00ebsive vendore, t\u00eb bashkive dhe komunave;<\/p>\n

Zoti kryetar i Komun\u00ebs s\u00eb Prishtin\u00ebs, Profesor, Doktor Isa Mustafa, z. kryetar i Komun\u00ebs s\u00eb Tetov\u00ebs, Profesor Doktor z. Sadi Bexheti, z. kryetar i Komun\u00ebs s\u00eb Gostivarit, z. Kryetar i Komun\u00ebs s\u00eb Strug\u00ebs, i Komun\u00ebs s\u00eb Dibr\u00ebs s\u00eb Madhe, i Komun\u00ebs s\u00eb Prizrenit, i Komun\u00ebs s\u00eb Pej\u00ebs, i Komun\u00ebs s\u00eb Gjilanit, t\u00eb Komun\u00ebs s\u00eb Ferizait, t\u00eb Komun\u00ebs s\u00eb Podujev\u00ebs, z. Avni Kastrati, i Komun\u00ebs s\u00eb Mitrovic\u00ebs, zoti kryetar i Komun\u00ebs s\u00eb Ulqinit, z. Nazif Cungu, z. Kryetar i Komun\u00ebs s\u00eb Preshev\u00ebs, z. Rahmi Mustafa;<\/p>\n

I nderuar zoti Kryetar i K\u00ebshillit Bashkiak t\u00eb Tiran\u00ebs, zot\u00ebrinj deputet\u00eb t\u00eb Qarkut t\u00eb Tiran\u00ebs, z. Kryetar Shp\u00ebtim Idrizi, i Partis\u00eb p\u00ebr Drejt\u00ebsi, Integrim dhe Unitet, z. Kryetar i L\u00ebvizjes p\u00ebr Zhvillim Komb\u00ebtar, z. Dashamir Shehu, z. Kryetar i Partis\u00eb Republikane Fatmir Mehdiu;<\/p>\n

I nderuar mik i ve\u00e7ant\u00eb z. Destani, Nazif Destani;<\/p>\n

T\u00eb nderuar p\u00ebrfaq\u00ebsues t\u00eb familjeve q\u00eb ngrit\u00ebn flamurin n\u00eb Tiran\u00eb, sot 100 vjet m\u00eb par\u00eb;<\/p>\n

T\u00eb nderuar t\u00eb ftuar!<\/p>\n

Nj\u00eb emocion i ve\u00e7ant\u00eb p\u00ebr mua sot q\u00eb i mikpres n\u00eb k\u00ebt\u00eb drek\u00eb, q\u00eb i paraprin nj\u00eb ngjarje t\u00eb ve\u00e7ant\u00eb p\u00ebr k\u00ebt\u00eb dit\u00eb historike, p\u00ebr qytetin ton\u00eb, at\u00eb t\u00eb shpalosjes s\u00eb monumentit t\u00eb Shqiponj\u00ebs Komb\u00ebtare, shqiponj\u00ebs q\u00eb i ka bashkuar shqiptar\u00ebt nd\u00ebr shekuj, q\u00eb ka qen\u00eb p\u00ebr ta nj\u00eb nga tre tiparet dallues, p\u00ebrpos gjuh\u00ebs dhe gjakut, p\u00ebr t\u00eb cilin ka derdhur gjak dhe me cil\u00ebn jan\u00eb krenar\u00eb dhe krenohen edhe sot. Kam k\u00ebnaq\u00ebsin\u00eb e ve\u00e7ant\u00eb, q\u00eb k\u00ebt\u00eb ta b\u00ebjm\u00eb n\u00eb pranin\u00eb e personaliteteve t\u00eb shquara t\u00eb t\u00eb zgjedhurve vendor\u00eb, q\u00eb p\u00ebrfaq\u00ebsojn\u00eb t\u00eb gjith\u00eb trevat shqiptare sot, n\u00eb tokat tona st\u00ebrgjyshore, n\u00eb Ballkan.<\/p>\n

Dje, n\u00eb nj\u00eb ngjarje kulmore historike n\u00eb Shkup, i cili deri para pak dekadash mbante vendin e qytetit m\u00eb t\u00eb madh shqiptar\u00ebve, ne pam\u00eb se si ndjenjat e vet\u00ebndjesimit komb\u00ebtar, t\u00eb dashuris\u00eb p\u00ebr nj\u00ebri-tjetrin, simboleve tona komb\u00ebtare dhe p\u00ebrkushtimit ndaj amaneteve q\u00eb na ka l\u00ebn\u00eb historia shkuan edhe nj\u00ebher\u00eb n\u00eb pik\u00ebn e vlimit, duke i kujtuar brezave t\u00eb sotsh\u00ebm dhe t\u00eb ardhsh\u00ebm dhe gjith\u00eb fqinj\u00ebve, se kombi shqiptar \u00ebsht\u00eb nj\u00eb dhe i pandar\u00eb.<\/p>\n

N\u00ebse kufijt\u00eb shqiptar\u00eb t\u00eb nj\u00eb historie t\u00eb padrejt\u00eb nuk mund t\u00eb p\u00ebrb\u00ebjn\u00eb m\u00eb barriera ndar\u00ebse p\u00ebr bashkimin ton\u00eb ekonomik – kulturor, shpirt\u00ebror e n\u00eb t\u00eb gjitha rrafshet e tjera, duke respektuar identitetin dhe destinacionin ton\u00eb komb\u00ebtar, si qytetar\u00eb t\u00eb Bashkimit Evropian, pavar\u00ebsisht kufijve administrativ\u00eb q\u00eb na ndajn\u00eb, ky \u00ebsht\u00eb nj\u00eb p\u00ebrkushtim i madh, \u00ebsht\u00eb nj\u00eb bes\u00eblidhje e re shqiptare por tashm\u00eb jo vet\u00ebm p\u00ebr t\u00eb shp\u00ebtuar kombin ton\u00eb, por p\u00ebr t\u00eb \u00e7uar p\u00ebrpara nj\u00eb aspirat\u00eb, t\u00eb cil\u00ebn e ndajm\u00eb me t\u00eb gjith\u00eb fqinj\u00ebt tan\u00eb progresiv\u00eb q\u00eb k\u00ebrkojn\u00eb paqe dhe p\u00ebrparim. \u00cbsht\u00eb aspirata e integrimit evropian t\u00eb shqiptar\u00ebve dhe t\u00eb gjith\u00eb rajonit, ku shqiptar\u00ebt nga vet\u00eb historia jan\u00eb dhe do t\u00eb mbet\u00ebn pararoj\u00eb, sepse e shikojn\u00eb tek ky integrim p\u00ebrmbylljen e problematik\u00ebs shekullore t\u00eb cop\u00ebtimit t\u00eb kombit shqiptar. P\u00ebr ne, t\u00eb zgjedhurit vendor\u00eb kjo ka nj\u00eb dometh\u00ebnie t\u00eb ve\u00e7ant\u00eb, mund\u00ebsit\u00eb tona p\u00ebr t\u00eb kontribuar n\u00eb nj\u00eb komunikim m\u00eb t\u00eb p\u00ebrhersh\u00ebm, m\u00eb intensiv t\u00eb biznesit, t\u00eb artit, t\u00eb sportit dhe n\u00eb ve\u00e7anti t\u00eb qytetar\u00ebve q\u00eb p\u00ebrfaq\u00ebsojn\u00eb jan\u00eb shum\u00eb m\u00eb t\u00eb m\u00ebdha, nga sa kemi arritur deri m\u00eb sot.<\/p>\n

Dita jon\u00eb \u00ebsht\u00eb e madhe, p\u00ebr t\u00eb b\u00ebr\u00eb t\u00eb mundur q\u00eb n\u00eb rrafshin ekonomik, kulturor, sportiv, shpirt\u00ebror dhe ve\u00e7an\u00ebrisht njer\u00ebzor. Pra, qytetar\u00eb me qytetar\u00eb t\u00eb arrijm\u00eb t\u00eb shkrijm\u00eb p\u00ebrfundimisht mbeturinat dhe jehonat e kufijve, q\u00eb na kan\u00eb ndar\u00eb nd\u00ebr shekuj, t\u00eb shk\u00ebmbejm\u00eb p\u00ebrvojat m\u00eb t\u00eb mira t\u00eb mir\u00ebqeverisjes lokale, t\u00eb transparenc\u00ebs dhe sh\u00ebrbimit ndaj qytetar\u00ebve dhe t\u00eb jemi m\u00eb t\u00eb pranish\u00ebm n\u00eb qytetet, bashkit\u00eb, komunat dhe trevat e nj\u00ebri \u2013 tjetrit.<\/p>\n

Uroj q\u00eb kjo dat\u00eb e r\u00ebnd\u00ebsishme p\u00ebr qytetin e Tiran\u00ebs, t\u00eb kthehet n\u00eb nj\u00eb dat\u00eb p\u00ebr t\u2019u mbajtur mend edhe p\u00ebr qytetar\u00ebt q\u00eb ne p\u00ebrfaq\u00ebsojm\u00eb sot rreth k\u00ebsaj tavoline, duke i dh\u00ebn\u00eb sot aprovimin formal, nj\u00eb prej iniciativave q\u00eb kemi diskutuar s\u00eb bashku k\u00ebtu n\u00eb Tiran\u00eb, por edhe n\u00eb Prishtin\u00eb, n\u00eb Tetov\u00eb, n\u00eb Preshev\u00eb, n\u00eb Ulqin dhe kudo tjet\u00ebr, n\u00eb Gjakov\u00eb, at\u00eb t\u00eb themelimit t\u00eb Kuvendit Komb\u00ebtar t\u00eb Nj\u00ebsive Vendore Shqiptare, nj\u00eb kuvend i p\u00ebrhersh\u00ebm, i organizuar sipas p\u00ebrvojave m\u00eb t\u00eb mira nd\u00ebrkomb\u00ebtare, evropiane e q\u00eb do t\u00eb sh\u00ebrbej\u00eb p\u00ebr t\u00eb \u00e7uar sa m\u00eb para, praktikat m\u00eb t\u00eb mira t\u00eb mir\u00ebqeverisjes lokale dhe njehsimin komb\u00ebtar, pavar\u00ebsisht se ku jetojn\u00eb qytetar\u00ebt tan\u00eb, caktimin e nj\u00eb sekretariati p\u00ebr t\u00eb ndjekur aktualizimin e k\u00ebsaj iniciative dhe nisjen pa vones\u00eb t\u00eb nj\u00eb kalendari, i cili do t\u00eb na afroj\u00eb m\u00eb shum\u00eb me nj\u00ebri – tjetrin, do t\u00eb b\u00ebj\u00eb t\u00eb m\u00ebsojm\u00eb m\u00eb shum\u00eb nga p\u00ebrvojat e nj\u00ebri – tjetrit, t\u00eb ndihmojm\u00eb p\u00ebr t\u00eb zgjidhur probleme t\u00eb p\u00ebrbashk\u00ebta apo t\u00eb p\u00ebrve\u00e7me, q\u00eb gjithsecili prej nesh ka dhe me t\u00eb cilat ballafaqohet, si\u00e7 ballafaqohen qytetet dhe qytetar\u00ebt tan\u00eb dhe t\u00eb \u00e7ojm\u00eb p\u00ebrpara n\u00ebp\u00ebrmjet k\u00ebsaj ndjesie t\u00eb ribashkimit komb\u00ebtar aspirat\u00ebn e qytetar\u00ebve tan\u00eb, p\u00ebr identitet evropian dhe p\u00ebr bashkim n\u00eb Bashkimin Evropian.<\/p>\n

Edhe nj\u00eb her\u00eb shpreh mir\u00ebnjohjen e thell\u00eb p\u00ebr ardhjen tuaj sot k\u00ebtu n\u00eb Tiran\u00eb, n\u00eb k\u00ebt\u00eb dit\u00eb t\u00eb ve\u00e7ant\u00eb p\u00ebr qytetin dhe p\u00ebr kryeqytetin e Tiran\u00ebs dhe uroj q\u00eb s\u00eb bashku me kremtimet e k\u00ebsaj dite t\u00eb 100 vjetorit t\u00eb ngritjes s\u00eb flamurit komb\u00ebtar n\u00eb Tiran\u00eb, q\u00eb i paraprin ngjarjes historike t\u00eb 28 n\u00ebntorit, shpalljes s\u00eb Pavar\u00ebsis\u00eb n\u00eb Vlor\u00eb, po k\u00ebshtu t\u00eb mund t\u00eb frym\u00ebzohemi dhe t\u00eb b\u00ebjm\u00eb detyr\u00ebn ton\u00eb karshi dekadave, n\u00eb 100 vjetorin q\u00eb po troket n\u00eb portat tona.<\/p>\n

Faleminderit dhe g\u00ebzuar !”<\/p>\n

Lulzim Basha –\u00a0<\/a> Facebook<\/strong><\/p>\n\n\t\t