{"id":66456,"date":"2012-12-04T09:06:13","date_gmt":"2012-12-04T08:06:13","guid":{"rendered":"http:\/\/www.visit-ulcinj.com\/blog\/?p=66456"},"modified":"2012-12-04T09:06:13","modified_gmt":"2012-12-04T08:06:13","slug":"pirro-i-shmanget-zhurmes-se-koncertit-te-inves-100-vjetorin-e-feston-jashte","status":"publish","type":"post","link":"https:\/\/www.visit-ulcinj.com\/blog\/2012\/12\/04\/pirro-i-shmanget-zhurmes-se-koncertit-te-inves-100-vjetorin-e-feston-jashte\/","title":{"rendered":"Pirro i shmanget zhurm\u00ebs s\u00eb koncertit t\u00eb Inv\u00ebs, 100-vjetorin e feston jasht\u00eb"},"content":{"rendered":"

T\u00eb ndar\u00eb, q\u00eb bashkohen n\u00eb nj\u00eb eveniment n\u00eb karrierat e tyre muzikore. Kan\u00eb publikuar albumet e tyre n\u00eb t\u00eb nj\u00ebjt\u00ebn dit\u00eb, pik\u00ebrisht n\u00eb k\u00ebt\u00eb 100-vjetor Pavar\u00ebsie p\u00ebr Shqip\u00ebrin\u00eb. T\u00eb dyja albumet jan\u00eb publikuar nga \u201cSupersonic\u201d, q\u00eb do t\u00eb thot\u00eb se dy ish-bashk\u00ebshort\u00ebt kan\u00eb qen\u00eb n\u00eb dijeni t\u00eb albumit m\u00eb t\u00eb ri t\u00eb secilit. Ndoshta n\u00eb k\u00ebt\u00eb rast jan\u00eb bashkuar t\u00eb dy n\u00eb iden\u00eb, q\u00eb p\u00ebr t\u00eb b\u00ebr\u00eb edhe m\u00eb shum\u00eb buj\u00eb, ata t\u00eb mund t\u2019i publikonin n\u00eb nj\u00eb dit\u00eb albumet e reja, n\u00eb m\u00ebnyr\u00eb q\u00eb me k\u00ebt\u00eb rast t\u00eb flitej m\u00eb shum\u00eb p\u00ebr ta, dhe kjo t\u00eb ndikoj\u00eb direkt n\u00eb shitjet e albumeve q\u00eb tashm\u00eb jan\u00eb n\u00eb treg.<\/p>\n

\"\"<\/a><\/p>\n

Disa site online e kan\u00eb cil\u00ebsuar rast\u00ebsi dhe t\u00eb tjer\u00eb \u201ct\u00eb q\u00ebllimt\u00eb\u201d faktin q\u00eb Pirro \u00c7ako promovon albumin e tij dhe klipin \u201cAshensor\u201d n\u00eb t\u00eb nj\u00ebjt\u00ebn dit\u00eb me ish-bashk\u00ebshorten e tij Inva Mula, nga martesa me t\u00eb cil\u00ebn ka dhe nj\u00eb djal\u00eb me emrin, Anthony. Kantautori i mir\u00ebnjohur, Pirro \u00c7ako, publikon albumin e tij m\u00eb t\u00eb fundit \u201cAshensor\u201d, t\u00eb shoq\u00ebruar me klipin me k\u00ebt\u00eb titull, nj\u00eb fabul dashurie, ku Pirro flet p\u00ebr dashurin\u00eb e v\u00ebrtet\u00eb q\u00eb \u00ebsht\u00eb duke jetuar. Nuk dihet ende sa doza t\u00eb v\u00ebrteta ka nga jeta e tij e momentit, nd\u00ebrkoh\u00eb q\u00eb sht\u00ebpia diskografike \u201cSupersonic\u201d ka nxjerr\u00eb k\u00ebt\u00eb album n\u00eb t\u00eb gjitha pikat e shitjes s\u00eb CD-ve dhe t\u00eb gjitha dyqanet virtuale.<\/p>\n

Promovimin e albumit Pirro \u00c7ako e ka b\u00ebr\u00eb n\u00eb studion e emisionit \u201cE diela Shqiptare\u201d, ku prezantoi dhe klipin. Nga ana tjet\u00ebr, Inva Mula e martuar me Et\u2019hem Ramadanin dhe me t\u00eb cilin ka dhe nj\u00eb vajz\u00eb, ka promovuar albumin e saj \u201cP\u00ebr ty atdhe\u201d si nj\u00eb dhurat\u00eb dedikuar 100- vjetorit. Pirro ka preferuar q\u00eb t\u00eb mos q\u00ebndroj\u00eb n\u00eb Tiran\u00eb nat\u00ebn e koncertit madh\u00ebshtor \u201cRrug\u00ebtimi i kombit\u201d t\u00eb Inva Mul\u00ebs n\u00eb Pallatin e Kongreseve, ku k\u00ebnduan emra t\u00eb m\u00ebdhenj t\u00eb muzik\u00ebs lirike shqiptare. E veshur me ngjyrat komb\u00ebtare e motive popullore, sopranoja e madhe erdhi shum\u00eb natyrsh\u00ebm p\u00ebr publikun e zgjedhur edhe n\u00eb pozicionin e prezantueses. N\u00eb sall\u00ebn e koncertit ishin t\u00eb pranish\u00ebm edhe krer\u00ebt m\u00eb t\u00eb lart\u00eb t\u00eb shtetit shqiptar.<\/p>\n

PanoramaPlus<\/p>\n