{"id":6685,"date":"2008-11-25T20:05:26","date_gmt":"2008-11-25T19:05:26","guid":{"rendered":"http:\/\/www.visit-ulcinj.com\/blog\/?p=6685"},"modified":"2008-11-25T20:08:03","modified_gmt":"2008-11-25T19:08:03","slug":"berisha-dhe-gjukanoviqbashkepunimi-dhe-zhvillimi-i-projekteve-konkrete-2","status":"publish","type":"post","link":"https:\/\/www.visit-ulcinj.com\/blog\/2008\/11\/25\/berisha-dhe-gjukanoviqbashkepunimi-dhe-zhvillimi-i-projekteve-konkrete-2\/","title":{"rendered":"Berisha dhe Gjukanoviq : Bashk\u00ebpunimi dhe zhvillimi i projekteve konkrete"},"content":{"rendered":"

\"\"<\/a>Kryeministri Berisha dhe Kryeministri malazez Gjukanovi\u00e7 bien dakord zgjerimin e bashk\u00ebpunimit dhe zhvillimin e projekteve konkrete
\nDy pal\u00ebt diskutojn\u00eb projekte n\u00eb fush\u00ebn e infrastruktur\u00ebs, turizmit, arsimit, kultur\u00ebs etj..
\nKryeministri Sali Berisha mir\u00ebpriti sot Kryeministrin e Malit t\u00eb Zi Milo Gjukanovi\u00e7 dhe delegacionin q\u00eb e shoq\u00ebronte. Pas takimit tet a tet t\u00eb dy kryeministrave, u zhvilluan bisedimet mes dy delegacioneve, t\u00eb cilat u p\u00ebrqendruan n\u00eb nxitjen e perspektivave t\u00eb reja n\u00eb bashk\u00ebpunimin dypal\u00ebsh, aspiratat integruese europiane dhe euroatlantike dhe bashk\u00ebpunimi rajonal.
\nDy homolog\u00ebt i konsideruan marr\u00ebdh\u00ebniet dypal\u00ebshe t\u00eb shk\u00eblqyera dhe shpreh\u00ebn vullnetin p\u00ebr t\u00eb forcuar miq\u00ebsin\u00eb dhe bashk\u00ebpunimin e gjithansh\u00ebm nd\u00ebrmjet dy vendeve. Kryeministri Berisha e fal\u00ebnderoi Kryeministrin Gjukanovi\u00e7 p\u00ebr vizit\u00ebn, duke e konsideruar at\u00eb nj\u00eb kontribut t\u00eb r\u00ebnd\u00ebsish\u00ebm n\u00eb drejtim t\u00eb zgjerimit t\u00eb k\u00ebtij bashk\u00ebpunimi. Vizita n\u00eb Tiran\u00eb dhe bisedimet dypal\u00ebshe u konsideruan, gjithashtu, nga Kryeministri Gjukanovi\u00e7 nj\u00eb mund\u00ebsi e shk\u00eblqyer p\u00ebr t\u00eb sh\u00ebnuar nj\u00eb moment t\u00eb ri n\u00eb marr\u00ebdh\u00ebniet midis dy vendeve.<\/p>\n

Kryeministri Gjukanovi\u00e7 shprehu p\u00ebrg\u00ebzimet p\u00ebr marrjen nga Shqip\u00ebria t\u00eb ftes\u00ebs p\u00ebr an\u00ebtar\u00ebsim n\u00eb NATO.
\nKryeministri Berisha i shprehu homologut t\u00eb tij mb\u00ebshtetjen e qeveris\u00eb shqiptare p\u00ebr p\u00ebrpjekjet e Malit t\u00eb Zi p\u00ebr integrim n\u00eb strukturat euroatlantike. Edhe progresi i vendeve tona drejt Bashkimit Evropian, u shpreh Kryeministri Berisha, \u00ebsht\u00eb n\u00eb interesin m\u00eb t\u00eb mir\u00eb tonin dhe t\u00eb rajonit.
\nGjat\u00eb takimit, t\u00eb dyja pal\u00ebt ran\u00eb dakord p\u00ebr t\u00eb intensifikuar p\u00ebrpjekjet p\u00ebr zgjerimin e bashk\u00ebpunimit ekonomik, q\u00eb, si\u00e7 u konstatua, po njeh ritme m\u00eb t\u00eb m\u00ebdha pas hyrjes n\u00eb fuqi t\u00eb Marr\u00ebveshjes s\u00eb Tregtis\u00eb s\u00eb Lir\u00eb. Ato ndan\u00eb t\u00eb nj\u00ebjtin vler\u00ebsim se hapja e kufijve do t\u00eb krijonte nj\u00eb treg mjaftueshm\u00ebrisht t\u00eb gjer\u00eb p\u00ebr investimet.<\/p>\n

N\u00eb bisedimet e tyre, dy delegacionet u ndal\u00ebn n\u00eb m\u00ebnyr\u00eb t\u00eb ve\u00e7ant\u00eb n\u00eb zhvillimin e projekteve konkrete q\u00eb zgjerojn\u00eb bashk\u00ebpunimin mes dy vendeve, si n\u00eb fush\u00ebn e infrastruktur\u00ebs projekti i nd\u00ebrtimit t\u00eb autostrad\u00ebs Adriatiko-Joniane, shqyrtimi i vendosjes s\u00eb lidhjeve detare Durr\u00ebs-Tivar dhe vendosja e linj\u00ebs ajrore Tiran\u00eb-Podgoric\u00eb. Kryeministri Berisha shprehu angazhimin e qeveris\u00eb shqiptare p\u00ebr t\u2019i krijuar qeveris\u00eb malazeze t\u00eb gjitha leht\u00ebsit\u00eb e nevojshme p\u00ebr autostrad\u00ebn Podgoric\u00eb-Plav\u00eb, e cila, n\u00eb disa kilometra t\u00eb saj, kalon p\u00ebrmes territorit shqiptar. Kryeministri Berisha b\u00ebri t\u00eb ditur se po ecet me shpejt\u00ebsi n\u00eb drejtim t\u00eb p\u00ebrmir\u00ebsimit t\u00eb infrastruktur\u00ebs q\u00eb lidh dy vendet, si rruga Shkod\u00ebr-Hani i Hotit, Sh\u00ebngjin-Ulqin dhe Vermosh-Shkod\u00ebr.<\/p>\n

Duke e konsideruar liqenin e Shkodr\u00ebs nj\u00eb aset t\u00eb r\u00ebnd\u00ebsish\u00ebm p\u00ebr t\u00eb vendet, dy kryeministrat theksuan r\u00ebnd\u00ebsin\u00eb e p\u00ebrpjekjeve t\u00eb p\u00ebrbashk\u00ebta p\u00ebr mbrojtjen e ekosistemit t\u00eb tij dhe vendosjen e sh\u00ebrbimeve t\u00eb transportit q\u00eb lidhin t\u00eb dy an\u00ebt e liqenit.
\nT\u00eb dyja pal\u00ebt u shpreh\u00ebn s\u00eb bashk\u00ebpunimi n\u00eb fush\u00ebn e turizmit midis Shqip\u00ebris\u00eb dhe Malit t\u00eb Zi, ku t\u00eb dy vendet kan\u00eb potenciale t\u00eb m\u00ebdha turistike, \u00ebsht\u00eb nj\u00eb tjet\u00ebr fush\u00eb me interes t\u00eb p\u00ebrbashk\u00ebt. Kryeministri Berisha tha se zhvillimi i nj\u00eb zone turistike rajonale do t\u00eb rriste p\u00ebrfitimet p\u00ebr t\u00eb dy vendet.
\nT\u00eb dyja pal\u00ebt u angazhuan p\u00ebr intensifikimin e bashk\u00ebpunimit nd\u00ebrmjet dy vendeve edhe n\u00eb fush\u00ebn e kultur\u00ebs, t\u00eb arsimit, t\u00eb siguris\u00eb, luft\u00ebn kund\u00ebr kriminalitetit etj..
\nDuke u ndalur n\u00eb zhvillimet n\u00eb rajon, Kryeministri Berisha u shpreh se vendimi i qeveris\u00eb malazeze p\u00ebr njohjen e pavar\u00ebsis\u00eb s\u00eb Kosov\u00ebs i sh\u00ebrben paqes dhe stabilitetit t\u00eb rajonit. Kryeministri Gjukanovi\u00e7 shprehu vler\u00ebsimet p\u00ebr rolin konstruktiv t\u00eb qeveris\u00eb shqiptare n\u00eb zgjidhjen e \u00e7\u00ebshtjes s\u00eb Kosov\u00ebs.<\/p>\n

Kryeministri i Malit t\u00eb Zi Milo Gjukanovi\u00e7, n\u00eb krye t\u00eb nj\u00eb delegacioni, zhvilloi sot n\u00eb Tiran\u00eb nj\u00eb vizit\u00eb zyrtare me ftes\u00eb t\u00eb Kryeministrit Berisha.<\/p>\n

Sherbimi inormatif i kryeministrit<\/strong><\/p>\n\n\t\t