{"id":70468,"date":"2013-04-09T18:15:39","date_gmt":"2013-04-09T17:15:39","guid":{"rendered":"http:\/\/www.visit-ulcinj.com\/blog\/?p=70468"},"modified":"2013-04-12T18:56:00","modified_gmt":"2013-04-12T17:56:00","slug":"dita-e-komunes-se-ulqinit-fjalimi-i-kryetarit-cungu","status":"publish","type":"post","link":"https:\/\/www.visit-ulcinj.com\/blog\/2013\/04\/09\/dita-e-komunes-se-ulqinit-fjalimi-i-kryetarit-cungu\/","title":{"rendered":"Dita e Komun\u00ebs s\u00eb Ulqinit – Fjalimi i kryetarit Cungu + Foto"},"content":{"rendered":"

\"Dita<\/a>Fjalimi i Kryetarit Cungu me rastin e Dit\u00ebs s\u00eb Komun\u00ebs s\u00eb Ulqinit<\/strong><\/p>\n

I nderuari Kryetar i Kuvendit, t\u00eb nderuar ministra, deputet\u00eb n\u00eb Parlamentin e Malit t\u00eb Zi, t\u00eb nderuar p\u00ebrfaq\u00ebsues t\u00eb korit diplomatik, t\u00eb nderuar kryetar\u00eb t\u00eb komunave, t\u00eb nderuara k\u00ebshilltare e k\u00ebshilltar\u00eb, t\u00eb nderuar mysafir\u00eb, zonja e zot\u00ebrinj, t\u00eb nderuar miq, t\u00eb nderuar qytetar\u00eb t\u00eb Komun\u00ebs s\u00eb Ulqinit.<\/p>\n

Festa e komun\u00ebs \u00ebsht\u00eb e shtuna e par\u00eb n\u00eb muajin prill, q\u00eb simbolikisht sh\u00ebnojm\u00eb p\u00ebrfundimin e mbledhjes s\u00eb ullinjve, daljen e detar\u00ebve n\u00eb det dhe fillimin e sezonit turistik. Ullishtar\u00ebt ton\u00eb kan\u00eb pasur shum\u00eb pun\u00eb e madje akoma nuk e kan\u00eb p\u00ebrfunduar t\u00eb gjith\u00eb mbledhjen, sepse sezoni i ullinj\u00ebve ka qen\u00eb nd\u00ebr m\u00eb t\u00eb begatat n\u00eb disa dekadat e fundit. D\u00ebshirojm\u00eb dhe punojm\u00eb p\u00ebr at\u00eb q\u00eb edhe ky sezon turistik t\u00eb jet gjithashtu i suksesshem.<\/p>\n

\"Dita<\/a><\/p>\n

T\u00eb nderuara zonja dhe zot\u00ebrinj!<\/strong><\/p>\n

Jemi d\u00ebshmitar\u00eb t\u00eb kriz\u00ebs ekonomike globale e cila n\u00eb periudh\u00ebn e kaluar ka p\u00ebrfshir\u00eb k\u00ebto hap\u00ebsira, Malin e Zi, e pa dyshim q\u00eb nuk e ka anashkaluar as qytetin ton\u00eb. Pa marr\u00eb parasysh k\u00ebt\u00eb, vler\u00ebsoj q\u00eb nuk kemi q\u00ebndruar duar kryq duke pritur dit\u00eb m\u00eb t\u00eb mira dhe me nj\u00eb angazhim maksimal, gjat\u00eb 18 muajve t\u00eb kaluar, nuk e kemi humbur koh\u00ebn kot.<\/p>\n

Presim q\u00eb k\u00ebt\u00eb vit t\u00eb filloj\u00eb konsolidimi i situat\u00ebs financiare n\u00eb Komun\u00eb dhe n\u00eb nd\u00ebrmarrjet publike. Komuna e Ulqinit gjat\u00eb \u00ebsht\u00eb duke e pritur fillimin e zhvillimit,por jena te vetedijshem se ne i kemi potencialet m\u00eb t\u00eb m\u00ebdha zhvillimore t\u00eb cil\u00ebt jan\u00eb t\u00eb njohur n\u00eb t\u00eb gjitha dokumentet zhvillimore strategjike t\u00eb shtetit.<\/p>\n

Ka qen\u00eb iluzore t\u00eb pritet progres n\u00eb realizimin e projekteve zhvillimore strategjike pa dokumentet e planifikimit hap\u00ebsinor. Prandaj gjat\u00eb t\u00ebr\u00eb koh\u00ebs kemi punuar n\u00eb ato dokumente. N\u00eb faz\u00ebn p\u00ebrfundimtare \u00ebsht\u00eb hartimi i Planit Strategjik t\u00eb zhvillimit t\u00eb Komun\u00ebs s\u00eb Ulqinit deri n\u00eb vitin 2018, Plani hap\u00ebsinor urbanistik i komun\u00ebs, kurse n\u00eb vitin e kaluar kemi miratuar 19 dokumente t\u00eb planifikimit hap\u00ebsinor dhe jan\u00eb duke u p\u00ebrgatitur edhe 22 dokumente t\u00eb rinj planifikuese. Deri n\u00eb fund t\u00eb vitit 2014 komuna e Ulqinit do t\u00eb mbulohet t\u00ebr\u00ebsisht me dokumente planifikuese. N\u00eb baz\u00eb t\u00eb kushteve urbanistike e teknike t\u00eb l\u00ebshuara n\u00eb Ulqin momentalisht punohen 83 projekte dhe shpresoj q\u00eb deri n\u00eb fund t\u00eb vitit do t\u00eb dyfishohen.<\/p>\n

I kemi filluar aktivitetet p\u00ebr zgjidhjen e problemit m\u00eb t\u00eb madh t\u00eb qytetit ton\u00eb \u2013 problemit t\u00eb kanalizimit dhe trajtimit t\u00eb uj\u00ebrave t\u00eb zeza. P\u00ebr k\u00ebt\u00eb q\u00ebllim KFW banka e ka p\u00ebrkrahur Komun\u00ebn e Ulqinit p\u00ebr studimin e fizibilitetit p\u00ebr furnizimin me uj\u00eb, transportin dhe trajtimin e uj\u00ebrave t\u00eb zeza, me vler\u00eb mbi 487.000 Euro. Kompania Gjermane Dahlem tashm\u00eb e ka punuar projektin e Studimit. Punimi i Studimit t\u00eb fizibilitetit \u00ebsht\u00eb parakusht p\u00ebr marrjen e kredis\u00eb prej mbi 24.000.000 Eurove nga KFW Banka, me t\u00eb cilat, natyrisht n\u00eb nj\u00eb periudh\u00eb prej disa vitesh, definitivisht do t\u00eb zgjidhet edhe ky problem.<\/p>\n

\"Dita<\/a><\/p>\n

Deri n\u00eb fund t\u00eb qershorit do t\u00eb p\u00ebrfundoj\u00eb projekti p\u00ebr sistemin e kanalizimit p\u00ebr vendbanimet Bratic\u00eb, Kodra, Mali i bardh\u00eb dhe Totosh.<\/p>\n

Ka filluar punimi i Studimit lokal t\u00eb lokalitetit p\u00ebr Zon\u00ebn e biznesit n\u00eb Kryth\u00eb n\u00eb sip\u00ebrfaqe mbi 27 ha dhe jan\u00eb p\u00ebrgatitur nj\u00eb s\u00ebr\u00eb masash p\u00ebr nxitjen e biznesit dhe krijimin e kushteve p\u00ebr investime t\u00eb r\u00ebnd\u00ebsishme t\u00eb investitor\u00ebve t\u00eb vendit dhe t\u00eb huaj. Edhe para punimit t\u00eb Planit t\u00eb zon\u00ebs s\u00eb biznesit, duke ju fal\u00ebnderuar angazhimit ton\u00eb dhe masave nxit\u00ebse t\u00eb Qeveris\u00eb, tashm\u00eb kemi kontakte me investitor\u00ebt t\u00eb cil\u00ebt kan\u00eb shprehur gatishm\u00ebri q\u00eb t\u00eb investojn\u00eb n\u00eb at\u00eb zon\u00eb.<\/p>\n

Sezonin e ardhsh\u00ebm turistik do ta presim me deponin\u00eb e re sanitare, me automjetet e reja p\u00ebr bartjen e mbeturinave, me segmentin e ri t\u00eb rrug\u00ebs prej Kat\u00ebrkoll\u00ebs deri n\u00eb Kryth\u00eb, me uj\u00ebsjell\u00ebsin rajonal tashm\u00eb t\u00eb p\u00ebrfunduar.<\/p>\n

Pas gati dy dekadash Komuna e Ulqinit ka filluar t\u00eb beje ekspropriime t\u00eb tok\u00ebs me q\u00ebllim t\u00eb nd\u00ebrtimit t\u00eb objekteve t\u00eb infrastruktur\u00ebs. N\u00eb k\u00ebt\u00eb m\u00ebnyr\u00eb, n\u00eb bashk\u00ebpunim me Drejtorin\u00eb p\u00ebr komunikacion, sigurojm\u00eb kompletimin e infrastruktur\u00ebs p\u00ebrcjell\u00ebse dhe rrug\u00ebt shtes\u00eb t\u00eb ur\u00ebs s\u00eb re mbi Port Milen\u00eb, me t\u00eb cil\u00ebn gj\u00eb krijohen kushtet q\u00eb kah fundi i k\u00ebtij muaji t\u00eb hapet ky objekt kapital i komunikacionit, i cili duhet t\u00eb shmang\u00eb kolonat e gjata t\u00eb automjeteve n\u00eb drejtim te Shtojit dhe t\u00eb krijoj\u00eb kushte p\u00ebr zhvillimin e turizmit n\u00eb pajtim me Master planin. Sipas dinamik\u00ebs s\u00eb planifikuar po zhvillohen edhe punimet n\u00eb etapen e dyt\u00eb t\u00eb rrug\u00ebs Ulqin \u2013 Sukubin\u00eb, e cila gjithashtu do t\u00eb p\u00ebrfundoj\u00eb para fillimit t\u00eb sezonit turistik. Nj\u00ebkoh\u00ebsisht do t\u00eb rregullohet edhe qendra e Kat\u00ebrkoll\u00ebs dhe do t\u00eb b\u00ebhet rind\u00ebrtimi i rrjetit t\u00eb uj\u00ebsjell\u00ebsit, e p\u00ebr k\u00ebt\u00eb q\u00ebllim Komuna e Ulqinit do t\u00eb investoj\u00eb 250.000,00 Euro shtes\u00eb. Para fillimit t\u00eb k\u00ebtij sezoni turistik pritet edhe p\u00ebrfundimi i faz\u00ebs s\u00eb dyt\u00eb t\u00eb elektrifikimit t\u00eb rrug\u00ebs magjistrale Ulqin \u2013 Ad\u00eb deri n\u00eb qend\u00ebr t\u00eb Shtojit, projekt me vler\u00eb afer 200.000 Euro.<\/p>\n

Duke ju fal\u00ebnderuar donacionit t\u00eb USAID \u2013 it n\u00eb faz\u00ebn p\u00ebrfundimtare \u00ebsht\u00eb nd\u00ebrtimi i byros\u00eb s\u00eb qytetar\u00ebve n\u00eb komun\u00eb si dhe rrjet\u00ebzimi i t\u00eb gjitha vendeve t\u00eb pun\u00ebs. Kjo \u00ebsht\u00eb merit\u00eb e Byros\u00eb p\u00ebr integrime Europiane, p\u00ebrmes t\u00eb cil\u00ebve jan\u00eb duke u realizuar edhe 6 IPA projekte.<\/p>\n

T\u00eb nderuara zonja e zot\u00ebrinj!<\/p>\n

E gjitha kjo tregon q\u00eb edhe p\u00ebrkrah v\u00ebshtir\u00ebsive ekonomike dhe v\u00ebshtir\u00ebsive t\u00eb tjera, \u00e7far\u00eb do t\u00eb ket\u00eb me siguri edhe n\u00eb t\u00eb ardhmen, k\u00ebt\u00eb qytet e pret nj\u00eb e ardhme m\u00eb e mir\u00eb dhe m\u00eb e begat\u00eb, natyrisht n\u00ebse jemi k\u00ebmb\u00ebngul\u00ebs n\u00eb at\u00eb drejtim dhe n\u00ebse angazhohemi t\u00eb gjith\u00eb, duke filluar nga qeverisja lokale,Qeveria e Malit t\u00eb Zi dhe t\u00eb gjith\u00eb qytetar\u00ebt.<\/p>\n

N\u00eb fund edhe nj\u00eb her\u00eb ju uroj dit\u00ebn tuaj, dit\u00ebn e Ulqinit ton\u00eb, ju d\u00ebshiroj fat dhe shum\u00eb suksese n\u00eb periudh\u00ebn e ardhshme, kurse mysafir\u00ebve tan\u00eb q\u00ebndrim t\u00eb k\u00ebndsh\u00ebm n\u00eb Ulqin.<\/p>\n

Ju faleminderit.<\/p>\n

Op\u0161tina Ulcinj \/ Komuna e Ulqinit<\/strong>
\nTel: +382 30 412 050
\nFax: +382 30 412 413
\nAdresa: Bul. Skenderbeu bb, 85360 Ulcinj, MNE<\/p>\n\n\t\t