{"id":72028,"date":"2013-06-03T17:47:32","date_gmt":"2013-06-03T16:47:32","guid":{"rendered":"http:\/\/www.visit-ulcinj.com\/blog\/?p=72028"},"modified":"2013-06-03T18:27:40","modified_gmt":"2013-06-03T17:27:40","slug":"alarmi-i-prokurorise-para-false-nga-mali-i-zi-e-kosova-per-sezonin-veror","status":"publish","type":"post","link":"https:\/\/www.visit-ulcinj.com\/blog\/2013\/06\/03\/alarmi-i-prokurorise-para-false-nga-mali-i-zi-e-kosova-per-sezonin-veror\/","title":{"rendered":"Alarmi i Prokuroris\u00eb: Para false nga Mali i Zi e Kosova p\u00ebr sezonin veror – Video"},"content":{"rendered":"

\"Euro<\/a>Leonard Bakillari<\/b><\/p>\n

Prokuroria jep alarmin mbi nj\u00eb sasi t\u00eb konsiderueshme eurosh t\u00eb falsifikuara q\u00eb jan\u00eb hedhur n\u00eb tregun vendas dhe pritet t\u00eb shp\u00ebrndahen p\u00ebrgjat\u00eb sezonit veror, kryesisht n\u00eb Shkod\u00ebr e Lezh\u00eb. Pas arrestimit t\u00eb pes\u00eb t\u00eb rinjve q\u00eb dyshohet se jan\u00eb pjes\u00eb e nj\u00eb rrjeti nd\u00ebrkomb\u00ebtar falsifikimi, hetimet tremujore zbulojn\u00eb se sasia e parave t\u00eb sekuestruara \u00ebsht\u00eb vet\u00ebm maja e ajsbergut. Sipas nj\u00eb burimi t\u00eb rezervuar m\u00ebsohet se Shqip\u00ebria dhe kryesisht dy qytetet veriore jan\u00eb pjes\u00eb e nj\u00eb skeme p\u00ebr hedhjen n\u00eb qarkullim t\u00eb parave t\u00eb falsifikuara me origjin\u00eb n\u00eb Mal t\u00eb Zi e Kosov\u00eb. \u201cB\u00ebhet fjal\u00eb p\u00ebr nj\u00eb rrjet falsifikuesish q\u00eb shtrihet n\u00eb Kosov\u00eb e Mal t\u00eb Zi, t\u00eb cil\u00ebt prodhonin kart\u00ebmonedha t\u00eb prerjeve 2 mij\u00eb dhe 5 mij\u00eb-lek\u00ebshe\u201d, \u2013 tha nj\u00eb burim i prokuroris\u00eb, teksa u referohet hetimeve tremujore t\u00eb kryera nga Prokuroria e Shkodr\u00ebs. Operacioni u finalizua mbr\u00ebmjen e s\u00eb shtun\u00ebs n\u00eb qytetin e Shkodr\u00ebs, ku n\u00eb pranga ran\u00eb pes\u00eb t\u00eb rinj. Sipas policis\u00eb, t\u00eb arrestuarit jan\u00eb: Paolo, Florian dhe Emiljano Gjergji, Klodian Dedndreaj dhe Kristian Mala. T\u00eb momentin e arrestimit t\u00eb dyshuarve iu sekuestrua sasia prej 102 mij\u00eb lek\u00ebsh t\u00eb reja, t\u00eb falsifikuara, n\u00eb kart\u00ebmonedha t\u00eb prerjes 2 mij\u00eb-lek\u00ebshe. Por sipas prokuroris\u00eb, sasia e parave t\u00eb sekuestruara dyshohet se \u00ebsht\u00eb vet\u00ebm nj\u00eb pjes\u00eb e vog\u00ebl e kart\u00ebmonedhave t\u00eb falsifikuara q\u00eb mendohet se kan\u00eb hyr\u00eb n\u00eb Shqip\u00ebri p\u00ebrgjat\u00eb k\u00ebsaj kohe. T\u00eb arrestuarit, sipas hetimit bashk\u00ebpunonin me persona t\u00eb tjer\u00eb p\u00ebrtej kufirit, kryesisht n\u00eb Mal t\u00eb Zi dhe n\u00eb Kosov\u00eb. K\u00ebto dy vende dyshohet se jan\u00eb edhe origjina e parave false q\u00eb sipas prokuroris\u00eb \u201ckan\u00eb pushtuar\u201d Shkodr\u00ebn dhe Lezh\u00ebn. P\u00ebrve\u00e7 lek\u00ebve, rrjeti i falsifikator\u00ebve ka mundur t\u00eb hedh\u00eb n\u00eb p\u00ebrdorim edhe euro, kryesisht kart\u00ebmonedha t\u00eb prerjeve 20, 50 dhe 100 euro. Nj\u00eb pjes\u00eb e mir\u00eb e eurove false dyshohet se tashm\u00eb gjendet n\u00eb Shqip\u00ebri dhe mund t\u00eb vihet n\u00eb p\u00ebrdorim gjat\u00eb sezonit turistik, kur numri i pushuesve n\u00eb Shkod\u00ebr e Lezh\u00eb rritet ndjesh\u00ebm. Hetimet e prokuroris\u00eb nuk kan\u00eb mundur t\u00eb zbulojn\u00eb t\u00eb gjith\u00eb personat e p\u00ebrfshir\u00eb n\u00eb k\u00ebt\u00eb aktivitet kriminal, pasi ka dyshime se pjes\u00eb e rrjetit mund t\u00eb jen\u00eb edhe persona t\u00eb tjer\u00eb n\u00eb dy qytetet ky mendohet se kryhej aktiviteti. Nj\u00eb burim pran\u00eb policis\u00eb tha se gjat\u00eb k\u00ebsaj kohe jan\u00eb mbajtur n\u00ebn v\u00ebzhgim disa biznese q\u00eb dyshohet se kan\u00eb lidhje me futjen n\u00eb qarkullim t\u00eb parave t\u00eb falsifikuara. B\u00ebhet fjal\u00eb p\u00ebr lokale e hotele n\u00eb zon\u00ebn e Shkodr\u00ebs dhe Lezh\u00ebs, ku gjithashtu dyshohet se jan\u00eb shp\u00ebrndar\u00eb nj\u00eb pjes\u00eb e sasis\u00eb s\u00eb konsiderueshme t\u00eb eurove false, q\u00eb sipas policis\u00eb dhe prokuroris\u00eb tashm\u00eb jan\u00eb futur n\u00eb vendin ton\u00eb. P\u00ebr zbardhjen e plot\u00eb t\u00eb rrjetit dhe personave t\u00eb p\u00ebrfshir\u00eb n\u00eb t\u00eb, autoritetet shqiptare kan\u00eb krijuar kontakte me homolog\u00ebt e tyre malazez\u00eb dhe kosovar\u00eb, pasi hetimet tregojn\u00eb se parat\u00eb false prodhohen pik\u00ebrisht n\u00eb k\u00ebto dy vende. Gjithashtu, hetime jan\u00eb duke u kryer edhe n\u00eb dy qytetet ku mendohet se \u00ebsht\u00eb shtrir\u00eb ky aktivitet. Policia pritet t\u00eb marr\u00eb n\u00eb pyetje pes\u00eb t\u00eb arrestuarit p\u00ebr zbulimin e sa m\u00eb shum\u00eb detajeve. Ata do t\u00eb p\u00ebrballen me Gjykat\u00ebn e Shkodr\u00ebs p\u00ebr caktimin e mas\u00ebs s\u00eb siguris\u00eb me akuz\u00ebn e \u201cfalsifikimit dhe v\u00ebnies n\u00eb p\u00ebrdorim t\u00eb parave t\u00eb falsifikuara\u201d. Dy muaj m\u00eb par\u00eb, nj\u00eb grup t\u00eb rinjsh u arrestuan n\u00eb Tiran\u00eb, pasi dyshohej se prodhonin para t\u00eb falsifikuara. Gjat\u00eb kontrollit t\u00eb ushtruar u sekuestrua nj\u00eb sasi prej rreth 30 milion\u00eb lek\u00ebsh t\u00eb vjetra, t\u00eb gjitha t\u00eb falsifikuara.<\/p>\n

T\u00eb arrestuarit
\n1-Kristian Mala, 22 vje\u00e7, banues n\u00eb lagjen \u201c3 Heronj\u201d Shkod\u00ebr
\n2-Florian Gjergji, 34 vje\u00e7, banues n\u00eb fshatin Berdic\u00eb, Shkod\u00ebr
\n3-Paulo Gjergji, 20 vje\u00e7, banues n\u00eb fshatin Berdic\u00eb, Shkod\u00ebr
\n4-Emiljan Gjergji, vje\u00e7 25, banues n\u00eb fshatin Berdic\u00eb, Shkod\u00ebr
\n5-Klodian Dedndreaj, 20 vje\u00e7, banues n\u00eb Tiran\u00eb<\/p>\n

Burimi: Mapo<\/strong><\/p>\n