{"id":73334,"date":"2013-07-14T21:43:52","date_gmt":"2013-07-14T20:43:52","guid":{"rendered":"http:\/\/www.visit-ulcinj.com\/blog\/?p=73334"},"modified":"2013-07-14T21:46:35","modified_gmt":"2013-07-14T20:46:35","slug":"ulqini-me-cmimet-e-larta-nuk-u-takon-me-kosovareve-video","status":"publish","type":"post","link":"https:\/\/www.visit-ulcinj.com\/blog\/2013\/07\/14\/ulqini-me-cmimet-e-larta-nuk-u-takon-me-kosovareve-video\/","title":{"rendered":"Ulqini me \u00e7mimet e larta, nuk u takon m\u00eb kosovar\u00ebve! – Video"},"content":{"rendered":"

\"Ulqini-sot\"<\/a>Reportazh<\/strong><\/p>\n

Qysh n\u00eb dekadat e socializmit jugosllav, Ulqini ishte qyteti bregdetare ku gjat\u00eb ver\u00ebs shtegtonte thuajse e t\u00ebr\u00eb Kosova. Kosovar\u00ebt k\u00ebtu sillnin zhurm\u00ebn, zakonet e veta si edhe k\u00ebng\u00ebtar\u00ebt e tyre t\u00eb preferuar q\u00eb u k\u00ebndonin aq sa p\u00ebr t\u00eb mbajtur gjall\u00eb kosovarin\u00eb \u201ckreshnike\u201d dhe p\u00ebr t\u2019i mbushur xhepat me euro.<\/p>\n

Por, Ulqini i sot\u00ebm me asgj\u00eb nuk i ngjan atij t\u00eb dikurshmit q\u00eb kryesisht kishte ngjyrat e vendbanimeve kosovare. Ulqini i k\u00ebsaj vere ka m\u00eb shum\u00eb boshnjak, polak, e t\u00eb huaj t\u00eb tjer\u00eb, k\u00ebshtu q\u00eb shqiptar\u00ebt nga Kosova e Maqedonia jan\u00eb aq t\u00eb rrall\u00eb sa e kalon dit\u00ebn pa t\u00eb p\u00ebrsh\u00ebndetur ndonj\u00eb vendas apo i njohur\u2026<\/p>\n

Mbase nuk jan\u00eb vet\u00ebm \u00e7mimet ato q\u00eb i \u00e7uan kosovar\u00ebt ta \u201cdor\u00ebzojn\u00eb\u201d Ulqinin. Ndon\u00ebse krahasuar me vendet turistike t\u00eb Shqip\u00ebris\u00eb, Ulqini duket m\u00eb i shtrenjt\u00eb arsyeja pse shqiptar\u00ebt nuk vijn\u00eb n\u00eb pushime n\u00eb k\u00ebt\u00eb vend duhet k\u00ebrkuar edhe diku tjet\u00ebr . K\u00ebtu nj\u00eb krevat shkon nga 5 euro deri n\u00eb 15 euro p\u00ebr nj\u00eb nat\u00eb. Var\u00ebsisht n\u00eb cili \u00a0krah\u00eb u z\u00eb gjumi dhe ku doni t\u00eb flini, diku n\u00eb brendi t\u00eb qytetit apo pran\u00eb Plazh\u00ebs s\u00eb Madhe.<\/p>\n

P\u00ebrpos shtret\u00ebrve p\u00ebr fjetje, edhe ato t\u00eb plazheve kan\u00eb \u00e7mime goxha t\u00eb larta p\u00ebr xhepin e nj\u00eb kosovari – 5 deri n\u00eb 10 euro. K\u00ebshtu q\u00eb rrezitja mund t\u2019ju kushtoj po aq sa edhe fjetja e \u00a0nat\u00ebs dhe pushuesit nga dita n\u00eb dit\u00eb e kupton se n\u00eb Plazhin e Madh\u00eb t\u00eb Ulqinit ka mbetur i pa privatizuar vet\u00ebm ajri q\u00eb thith\u00eb dhe deti ku lahet. Pra, zallin e kan\u00eb pushtuar privatist\u00ebt q\u00eb kan\u00eb v\u00ebn\u00eb shenja kufizuese t\u00eb stilit\u201d \u2018Ndalohet luajtja me top p\u00ebrpara \u00e7adrave\u201d, \u201cMos u shtrini p\u00ebrpara \u00e7adrave\u201d, apo edhe Mos u shtrini n\u00eb dy krevate m\u00eb shum\u00eb se dy persona….. Andaj n\u00ebse vini me \u00e7adr\u00ebn tuja n\u00ebn sqetull dhe me top p\u00ebr t\u00eb lozur f\u00ebmij\u00ebt e juaj, duhet t\u00eb vendoseni diku \u201cmbrapa\u201d hap\u00ebsirave ku \u00e7do gj\u00eb paguhet. Dhe t\u00eb mbeteni me shpres\u00eb se privatist\u00ebve t\u00eb plazheve nuk u \u00ebsht\u00eb kujtuar t\u2019u ven\u00eb shenj\u00eb atyre q\u00eb p\u00ebrdorin \u00e7adrat me pages\u00eb q\u00eb t\u00eb shohin mos ka ndonj\u00eb notues \u201cilegal\u201d n\u00eb hap\u00ebsir\u00ebn ujore q\u00eb e kan\u00eb sh\u00ebnuar si t\u00eb veten.<\/p>\n

Ulqini i dit\u00ebve t\u00eb para t\u00eb korrikut \u00ebsht\u00eb thuajse gjysm\u00eb i zbraz\u00ebt. P\u00ebr k\u00ebt\u00eb \u201cfajin\u201d kryesor e ka koha jostabile si dhe muaji i Ramazanit. Por, sigurisht q\u00eb \u201cfajtor\u00eb\u201d p\u00ebr k\u00ebt\u00eb jan\u00eb edhe \u00e7mimet e larta si dhe vendimi i \u00a0kosovar\u00ebve q\u00eb vendpushimin q\u00eb ua kujton koh\u00ebt e shkuara ta z\u00ebvend\u00ebsojn\u00eb me t\u00eb mirat q\u00eb ua solli demokracia \u2013 t\u00eb pushojn\u00eb n\u00eb plazhet e m\u00ebm\u00ebdheut – Shqip\u00ebris\u00eb.<\/p>\n

T\u00eb pandryshuara mbeten vet\u00ebm spotet komerciale q\u00eb mund ti shoh\u00ebsh gjithandej n\u00ebp\u00ebr televizione t\u00eb ndryshme, aty ku propagandohet p\u00ebr sh\u00ebrbime cil\u00ebsore dhe tradit\u00eb t\u00eb turizmit. Mir\u00ebpo, efekti i k\u00ebtyre promovimeve jo reale t\u00eb financuara nga kompani t\u00eb ndryshme t\u00eb udh\u00ebtimit \u00ebsht\u00eb zbehur duksh\u00ebm. Pavar\u00ebsisht se t\u00eb gjitha k\u00ebto spote komerciale jan\u00eb n\u00eb gjuh\u00eb shqipe, ato sivjet kan\u00eb hasur n\u00eb veshin e shurdh\u00ebr t\u00eb kosovar\u00ebve..<\/p>\n

Mungesa e turist\u00ebve i b\u00ebn\u00eb t\u00eb pak\u00ebnaqur pronar\u00ebt q\u00eb japin me qira sht\u00ebpit\u00eb e \u00a0tyre si dhe ata t\u00eb restoranteve dhe objekteve tjera turistike. Thuajse t\u00eb vetmit q\u00eb nuk shprehin pak\u00ebna\u00ebqsi jan\u00eb familjet rome q\u00eb mir\u00ebmbajn\u00eb tualetet publike pran\u00eb plazheve. Mbase shkaku se turist\u00ebt mund t\u00eb sjellin me vete ushqim, \u00e7adra…., se ata mund t\u00eb han\u00eb m\u00eb rrall\u00eb p\u00ebr t\u00eb kursyer, por nuk mund assesi t\u00eb ven\u00eb n\u00ebn kontroll p\u00ebrdorimin e k\u00ebtyre objekteve kur ta k\u00ebrkon trupi.<\/p>\n

Ekipi i Almakos<\/strong><\/p>\n