{"id":74003,"date":"2013-08-03T21:15:11","date_gmt":"2013-08-03T20:15:11","guid":{"rendered":"http:\/\/www.visit-ulcinj.com\/blog\/?p=74003"},"modified":"2013-08-03T21:17:11","modified_gmt":"2013-08-03T20:17:11","slug":"mbremje-letrare-me-kim-mehmetin-ne-ulqin-video","status":"publish","type":"post","link":"https:\/\/www.visit-ulcinj.com\/blog\/2013\/08\/03\/mbremje-letrare-me-kim-mehmetin-ne-ulqin-video\/","title":{"rendered":"Mbr\u00ebmje letrare me Kim Mehmetin n\u00eb Ulqin – Video"},"content":{"rendered":"

\"kim<\/a>Shkrimtari dhe publicisti Kim Mehmeti ishte i ftuar n\u00eb manifestimin tradicional kulturor \u201cKalimera Poetike 2013\u201d. Mehmeti para t\u00eb pranishm\u00ebve u p\u00ebrgjigj n\u00eb pyetjet e shumta q\u00eb lidheshin me veprat e tij letrare, mir\u00ebpo n\u00eb nj\u00eb atmosfer\u00eb ku nuk mungonte interesimi i publikut ulqinak, bashk\u00ebbisedimi i tij u shtri edhe n\u00eb fush\u00ebn e publicistik\u00ebs, me theks t\u00eb ve\u00e7ant\u00eb tek situata e shqiptar\u00ebve t\u00eb Maqedonis\u00eb dhe zhvillimet e p\u00ebrgjithshme politike n\u00eb k\u00ebt\u00eb shtet. Shkrimtari dhe publicisti Mehmeti u p\u00ebrgjigj edhe p\u00ebr rolin e politik\u00ebs s\u00eb Tiran\u00ebs zyrtare n\u00eb raport me \u201cShqip\u00ebrit\u00eb e tjera\u201d, si\u00e7 i quajti ai t\u00eb gjitha trevat tjera shqiptare.<\/p>\n

Takimin n\u00eb k\u00ebt\u00eb mbr\u00ebmje e hapi Ali Salaj, i cili tha se \u201cKalimer\u00ebn Poetike\u201d \u00ebsht\u00eb emblem\u00eb kulturore e Ulqinit. Salaj u shpreh se kjo veprimtari kulturore zuri fill e shtyr\u00eb nga k\u00ebrsh\u00ebria intelektuale p\u00ebr ta gjall\u00ebruar artin dhe let\u00ebrsin\u00eb n\u00eb nj\u00eb province bregdetare q\u00eb \u00ebsht\u00eb shum\u00eb anemike n\u00eb aspektin kulturor.<\/p>\n

I ftuar p\u00ebr t\u00eb folur p\u00ebr krijimtarin\u00eb e Kim Mehmetit, ishte akademiku Ali Aliu. Ai theksoi se fshati metaforik q\u00eb e hasim pothuajse n\u00eb t\u00eb gjitha veprat e shkrimtarit Mehmeti, \u00ebsht\u00eb nj\u00eb nd\u00ebrthurje e imagjinat\u00ebs e cila shtihet n\u00eb hap\u00ebsir\u00eb dhe koh\u00eb duke trajtuar fatin kolektiv t\u00eb shqiptar\u00ebve n\u00eb p\u00ebrgjith\u00ebsi. Sipas kritikut letrar Ali Aliu, Kim Mehmeti \u00ebsht\u00eb mjesht\u00ebr i d\u00ebshmuar n\u00eb tregimin e shkurt\u00ebr, nd\u00ebrsa romanet e autorit, theksoi Aliu, at\u00eb e rendisin n\u00eb mesin e krijuesve m\u00eb t\u00eb mir\u00eb t\u00eb proz\u00ebs shqiptare.<\/p>\n

Duke u p\u00ebrgjigjur pyetjeve q\u00eb iu shtruan n\u00eb k\u00ebt\u00eb takim, Kim Mehmeti theksoi nevoj\u00ebn e kahershme q\u00eb qeverit\u00eb shqiptare, ajo e Shqip\u00ebris\u00eb dhe Kosov\u00ebs t\u00eb mb\u00ebshtesin projekte mbar\u00ebshqiptare kulturore dhe jo vet\u00ebm kulturore. Sipas tij, shum\u00eb\u00e7ka n\u00eb shoq\u00ebrit\u00eb shqiptare ende funksionon sipas principit \u201c\u00e7do princ pronar i principat\u00ebs s\u00eb vet\u201d.<\/p>\n

\u201cNe kur flasim p\u00ebr politikan\u00ebt e korruptuar n\u00eb t\u00eb v\u00ebrtet\u00eb harrojm\u00eb apo nuk kemi guxim t\u00eb p\u00ebrballemi me nj\u00eb t\u00eb keqe m\u00eb t\u00eb madhe se kaq: n\u00eb shoq\u00ebrit\u00eb shqiptare korrupsioni i ka p\u00ebrfshir\u00eb t\u00eb gjitha sferat. Sot, shiten diploma, blihen \u00e7mime \u2013 p\u00ebrfshir\u00eb dhe ato letrare, blihen ndere t\u00eb ndryshme me lek\u00eb \u2026. Sot, edhe pse ndokund stolisemi me shqiponj\u00ebn, flasim p\u00ebr atdhetari dhe p\u00ebr besnik\u00ebri ndaj kombit, n\u00eb t\u00eb v\u00ebrtet\u00eb besnik i mbetemi vet\u00ebm ngjyr\u00ebs s\u00eb euros\u201d, tha Mehmeti, i cili gjithashtu shtoi se shqiptar\u00ebt e Maqedonis\u00eb, nga viti 2001 e k\u00ebtej nuk kan\u00eb probleme me maqedonasit, por me vetveten se si ta definojn\u00eb dhe realizojn\u00eb konceptin e tyre p\u00ebr Maqedonin\u00eb.<\/p>\n

T\u00eb ftuar n\u00eb \u201cKalimer\u00ebn poetike 2013\u201d jan\u00eb edhe shkrimtari slloven Slavko Pregl dhe ai kosovar, Mehmet Kraja, t\u00eb cil\u00ebt do t\u00eb mbajn\u00eb mbr\u00ebmje letrare me publikun n\u00eb Ulqin.<\/p>\n

N\u00eb 21 edicionet e \u201cKalimer\u00ebs poetike\u201d, e cila \u00ebsht\u00eb ideuar nga poeti i ndjer\u00eb, Ali Podrimja, kan\u00eb parakaluar autor\u00eb t\u00eb njohur, nd\u00ebr t\u00eb cil\u00ebt, Drit\u00ebro Agolli, Fatos Arapi, Zija Cela, Qerim Ujkani, etj.\/Almakos<\/strong><\/p>\n