{"id":75477,"date":"2013-10-22T03:56:51","date_gmt":"2013-10-22T02:56:51","guid":{"rendered":"http:\/\/www.visit-ulcinj.com\/blog\/?p=75477"},"modified":"2013-10-22T04:01:34","modified_gmt":"2013-10-22T03:01:34","slug":"interviste-kengetarin-gezim-salaj","status":"publish","type":"post","link":"https:\/\/www.visit-ulcinj.com\/blog\/2013\/10\/22\/interviste-kengetarin-gezim-salaj\/","title":{"rendered":"Interviste me k\u00ebng\u00ebtarin G\u00ebzim Salaj"},"content":{"rendered":"

\"G\u00ebzim<\/a>Nga Albert ZHOLI<\/strong><\/span><\/p>\n

G\u00ebzim Salaj ka 10 albume t\u00eb dala n\u00eb drit\u00eb dhe asnj\u00eb kaset\u00eb nuk gjendet m\u00eb n\u00eb treg. I rritur n\u00eb Ulqin, d\u00ebshir\u00ebn p\u00ebr k\u00ebng\u00ebn e vaditi qysh n\u00eb f\u00ebmini.\u00a0 Sot n\u00eb repertorin e tij ka t\u00eb regjistruara mbi 100 k\u00ebng\u00eb dhe qindra t\u00eb tjera q\u00eb i k\u00ebndon por q\u00eb ka neglizhuar ti regjistroj\u00eb. N\u00eb regjimin komunist shikonte televizor vet\u00ebm Tiran\u00ebn dhe filmat e Kinostudios i di p\u00ebrmend\u00ebsh.. Enver Hoxh\u00ebn e mendonte si gjeni, por kur erdhi dhe pa varf\u00ebrin\u00eb u zhg\u00ebnjye. Titua sipas tij ishte udh\u00ebheq\u00ebsi q\u00eb ka ardhur dy her\u00eb n\u00eb Ulqin, aq sa nuk ka shkelur n\u00eb asnj\u00eb qytet tjet\u00ebr larg Beogradit. Miqt\u00eb e tij Bujar Qamili, G\u00ebzim Kruja, Zef Deda i gjeti t\u00eb varf\u00ebr n\u00eb 1993 por kishin zem\u00ebr shum\u00eb t\u00eb pasur. Ai ka marr pjes\u00eb n\u00eb \u201cmaraton\u00ebn e k\u00ebng\u00ebs Popullore\u201d, n\u00eb spektaklin \u201cK\u00ebnga popullore qytetare\u201d t\u00eb organizuar nga RTSH, n\u00eb tre spektakle t\u00eb k\u00ebng\u00ebs popullore n\u00eb Elbasan, Kosov\u00eb, etj<\/p>\n

Kur keni ardhur p\u00ebr her\u00eb t\u00eb par\u00eb n\u00eb Shqip\u00ebri?<\/strong><\/p>\n

N\u00eb vitin 1993. Ishte nj\u00eb dit\u00eb pranvere. Kisha shum\u00eb koh\u00eb q\u00eb e mendoja t\u00eb vija n\u00eb tok\u00ebn e \u00ebnd\u00ebrruar. Q\u00eb n\u00eb vog\u00ebli e mendoja k\u00ebt\u00eb dit\u00eb. Ishte m\u00eb shum\u00eb se nj\u00eb \u00ebnd\u00ebrr. Mendoja shum\u00eb gj\u00ebra. P\u00ebr mua ishte vendi parajs\u00eb. Ishte vendi m\u00eb i bukur n\u00eb bot\u00eb. Kisha par\u00eb shum\u00eb n\u00eb teeklvizor dhe me aq sa shihja kisha nj\u00eb parafytyrim t\u00eb jashtzakonsh\u00ebm. M\u00eb dukej se do shkoja n\u00eb H\u00ebn\u00eb. M\u00eb dukej nj\u00eb planet tjetr\u00eb dhe pse n\u00eb t\u00eb v\u00ebrtet\u00eb ishte atdheu im. Ishte toka e t\u00eb par\u00ebve t\u00eb mi. Ishte toka shqiptare q\u00eb lidhej me shum\u00eb histori.<\/p>\n

K\u00eb kishe t\u00eb njohur n\u00eb at\u00eb koh\u00eb n\u00eb Shqip\u00ebri?<\/strong><\/p>\n

Dua ta theksoj se duke qen\u00eb n\u00eb kufij me Shkodr\u00ebn un\u00eb lidhjet i kisha me k\u00ebt\u00eb qytet me shum\u00eb histori n\u00eb drejtim t\u00eb k\u00ebng\u00ebs. Un\u00eb dija dhe lexoja shum\u00eb p\u00ebr Shkodr\u00ebn, pasi edhe gjuh\u00ebn e kemi t\u00eb p\u00ebrbashk\u00ebt, gjuh\u00eb krahinore. Un\u00eb t\u00eb njohur kisha shum\u00eb por lidhje t\u00eb drejtp\u00ebrdrejta i kisha me G\u00ebzim Kruj\u00ebn dhe me Bujar Qamilin. T\u00eb dy k\u00ebta artist\u00eb kishin z\u00ebn\u00eb shum\u00eb vend n\u00eb zemr\u00ebn time. Nj\u00ebri k\u00ebn\u00ebgtar dhe tjetri aktor i humorit, p\u00ebr mua p\u00ebrb\u00ebnin nj\u00eb ndjesi shum\u00eb t\u00eb ve\u00e7ant\u00eb. Ishin shum\u00eb t\u00eb njohur dhe t\u00eb respektuar p\u00ebr ne n\u00eb Mal t\u00eb Zi. I mendoja si njer\u00ebz t\u00eb rrall\u00eb dhe me t\u00eb ardhura t\u00eb mira. Bujar Qamilin e mendoja me ndonj\u00eb \u201cFerrari\u201d.<\/p>\n

Si e njihje Shqip\u00ebrin\u00eb e asaj kohe?<\/strong><\/p>\n

E njihja vet\u00ebm n\u00ebp\u00ebrmjet televizionit. Kudo shikonim ara t\u00eb mbjella t\u00eb sistemuara, kudo punohej, kudo \u00e7dio gj\u00eb dukej e bukur. \u00c7do gj\u00eb dukej perefekte. Ne thoshim lum shqipatr\u00ebt e Shqip\u00ebris\u00eb se \u00e7jet\u00eb b\u00ebjn\u00eb. Un\u00eb televizorin e mbaja vet\u00ebm tek Tirana. As mendoja stacion tjet\u00ebr. B\u00ebja \u00e7do gj\u00eb p\u00ebr ta kapur mir\u00eb Tiran\u00ebn. Kisha anten\u00eb t\u00eb ve\u00e7ant\u00eb. Kur nuk ma kapte Tiran\u00ebn m\u00ebrzitesha. Shqip\u00ebria m\u00eb dukej vet\u00eb parajsa. .<\/p>\n

\u00c7far\u00eb mendimi kishe p\u00ebr Enver Hoxh\u00ebn?<\/strong><\/p>\n

Mos e fol. Enveri m\u00eb dukej gjeni, m\u00eb dukej i paarritsh\u00ebm. M\u00eb dukej njeriu q\u00eb e lart\u00ebsoi Shqip\u00ebrin\u00eb, q\u00eb i dha respekt n\u00eb bot\u00eb. M\u00eb dukej njeri i ve\u00e7ant\u00eb. E doja si t\u00eb gjith\u00eb shqiptar\u00ebt n\u00eb Mal t\u00eb Zi.\u00a0 Kur dilte Enveri n\u00eb televizion ne hapnim syt\u00eb. Ai kishte \u00e7do gj\u00eb t\u00eb bukur q\u00eb i duhej nj\u00eb njeriu. I gjat\u00eb, i bukur, i goj\u00ebs. Ai ishte p\u00ebr ne mbret. Ku i dinim ne ato \u00e7ka ndodhnin n\u00eb Shqip\u00ebri. T\u00eb jem i sinqert\u00eb. Madje dhe shum\u00eb shok\u00eb t\u00eb mij malazez kishin shum\u00eb respekt p\u00ebr t\u00eb.<\/p>\n

Po kur erdhe n\u00eb Shkod\u00ebr n\u00eb vitin 1993 \u00e7far\u00eb ndjeve?<\/strong><\/p>\n

Shtanga. U befasova. Gjeta nj\u00eb Shqip\u00ebri ndryshe nga sa e mendoja. Gjeta nj\u00eb Shqip\u00ebri t\u00eb varf\u00ebr, anemike, t\u00eb shkretuar, pa asnj\u00eb gj\u00eb q\u00eb t\u00eb m\u00eb b\u00ebnte p\u00ebrshtypje. Shkodra mu duk e shkret\u00eb. Me rrug\u00eb t\u00eb ngushta t\u00eb paasfaltuara, me sht\u00ebpi standarde, pa asnj\u00eb nd\u00ebrtes\u00eb t\u00eb ve\u00e7ant\u00eb. Pazari bosh, i shkretuar, me dyqane t\u00eb vjet\u00ebr, karakatina.
\n\"G\u00ebzim<\/a><\/p>\n

Po \u00e7udia e madhe kush ishte?<\/strong><\/p>\n

Eh. Mos m\u00eb pyet. Ishte gjendja e miqve t\u00eb mi Bujar Qamili dhe G\u00ebzim Kruja. Se besoja. Edhe sot se besoj. P\u00ebr Bujar Qamilin dhe G\u00ebzim Kruj\u00ebn kisha nj\u00eb ide q\u00eb ishin njer\u00ebzit m\u00eb t\u00eb pasur, m\u00eb t\u00eb kamur, me jet\u00eb t\u00eb siguruar.<\/p>\n

Po \u00e7\u2019ndodhi n\u00eb t\u00eb v\u00ebrtet\u00eb kur i pe?<\/strong><\/p>\n

U zhdg\u00ebnjeva totalisht. Bujarin e gjeta me nj\u00eb bi\u00e7iklet\u00eb t\u00eb shkatruar, ndr\u00ebrsa G\u00ebzim Kruj\u00ebn n\u00eb nj\u00eb gjendje ekonomike q\u00eb se besoja. P\u00ebr k\u00ebta artist\u00eb t\u00eb m\u00ebdhenj mendoja se jetonin n\u00eb parajs\u00eb. Kur shkova t\u00eb flija at\u00eb mbr\u00ebmje tek G\u00ebzim Kruja u habita. Mobilje t\u00eb vjetra, nj\u00eb televizor t\u00eb vjet\u00ebr, nj\u00eb sht\u00ebpi q\u00eb askush n\u00eb Mal t\u00eb Zi nuk do ta besonte. Pra dy artist\u00eb q\u00eb ne i mbanim si idhuj jetonin n\u00eb varf\u00ebri. Ngela totalisht i zhg\u00ebnjyer. Po ashtu dhe artist\u00ebt e tjer\u00eb. Ishin t\u00eb varf\u00ebr por njer\u00ebz me zem\u00ebr t\u00eb madhe. At\u00eb dashuri q\u00eb kam gjetur n\u00eb Shkod\u00ebr se kam gjetur n\u00eb asnj\u00eb vend tjet\u00ebr t\u00eb bot\u00ebs.<\/p>\n

N\u00eb regjimin e Titos si ishte Ulqini?<\/strong><\/p>\n

Athere nuk kishte mendime se Ulqini do t\u00eb kishte probleme etnike. Thuajse 99\/% e Ulqinit ishte vet\u00ebm me shqiptar\u00eb. Ishim nj\u00eb qytet i qet\u00eb, i bukur, plot me turist\u00eb. Ishim nd\u00ebr qytetet me m\u00eb shum turist\u00eb nga t\u00eb gjitha vendet e bot\u00ebs. An\u00ebs detit, aj\u00ebr i past\u00ebr, rrug\u00eb t\u00eb mira. Gjelb\u00ebrim. Sot n\u00eb Ulqin banojn\u00eb 20 % malazez.<\/p>\n

Po Budva si ishte n\u00eb at\u00eb koh\u00eb?<\/strong><\/p>\n

Eh si ishte. S\u2019do ta besoh. Ishte vet\u00ebm nj\u00eb fshat. Nj\u00eb fshat i zakonsh\u00ebm, pa asnj\u00eb turist. Por duke par\u00eb se kush ishte Ulqini, Mali i Zi mori shum\u00eb masa p\u00ebr t\u2019ja kaluar Ulqinit. Dhe e realizuan. Investuan shum\u00eb. Ka shuam vjet q\u00eb p\u00ebr Ulqinin nuk investohet fare. Gjith\u00eb investimet shkojn\u00eb n\u00eb Budva. Sot ajo ja ka kaluar Ulqinit p\u00ebr turista. Dikur aty kishte dhe shqiptar\u00eb sot nuk ka fare. Nuk i p\u00ebrkrah\u00ebn shqiptar\u00ebt dhe ata migruan.<\/p>\n

Po Tito a ka ardh\u00eb n\u00eb Ulqin?<\/strong><\/p>\n

Po. Ka ardh\u00eb. Madje mund t\u00eb them se gazetat i b\u00ebn\u00eb shum\u00eb publicitet. Ishin dy vizita q\u00eb lan\u00eb mbresa dhe gjurm\u00eb. T\u00eb gjitha gazetat i referoheshin Titos i cili tha: \u201cUlqini n\u00eb \u00e7do cep \u00ebsht\u00eb ar\u201d, \u201cNj\u00eb parajs\u00eb detare\u201d. Ai kish t\u00eb drejt\u00eb. Ku ka vend m\u00eb t\u00eb bukur se Ulqini. Rrall\u00ebher\u00eb Tito kish vizituar dy her\u00eb nj\u00eb qytet. Ai ishte shum\u00eb selektiv. Shum\u00eb i rezervuar, shum\u00eb autoritar. Kur thoshte di\u00e7ka Tito se l\u00ebvizte as topi. K\u00ebt\u00eb\u00a0 e din t\u00eb gjith\u00eb.<\/p>\n

Kur t\u00eb ka b\u00ebr\u00eb p\u00ebrshtypje m\u00eb t\u00eb madhe Shqip\u00ebria?<\/strong><\/p>\n

Kur ra t\u00ebrmeti n\u00eb Shkod\u00ebr 1978, Bar\u00e7all\u00ebk dhe n\u00eb Mal t\u00eb Zi. N\u00eb Shkod\u00ebr pasojat u riparuan menj\u00ebher\u00eb tek ne u desh\u00ebn vite. Madje shum\u00eb shqiptar\u00eb t\u00eb Malit t\u00eb Zi emigruan sepse ngel\u00ebn pa sht\u00ebpi. Kjo na bindi q\u00eb ju jetonit shum\u00eb mir\u00eb, por ishte fasad\u00eb.<\/p>\n

Keni pasur ndonj\u00eb t\u00eb af\u00ebrm n\u00eb Shqip\u00ebri?<\/strong><\/p>\n

Po. Kemi pas nj\u00eb kush\u00ebri n\u00eb Tiran\u00eb, t\u00eb af\u00ebrm nga n\u00ebna. Ai erdhi tek ne n\u00eb vitin 1989. Ishte viti i fundit i regjimit komunist n\u00eb Shqip\u00ebri. Kur do ikte ne i blem\u00eb frigorifer, televizor me ngjyra. Kur erdha un\u00eb pas 3 vitesh pash se i kishte shit, p\u00ebr arsye ekonomike.
\n\"G\u00ebzim<\/a><\/p>\n

-Ju koh\u00ebt e fundit keni dh\u00ebn\u00eb nj\u00eb spektak\u00ebl n\u00eb Shkod\u00ebr \u201cG\u00ebzim Sala Shou\u201d,\u00a0 kush e organizoi dhe \u00e7far\u00eb kishte n\u00eb k\u00ebt\u00eb organizim?<\/strong><\/p>\n

K\u00ebt\u00eb spektak\u00ebl e organizoi\u00a0\u00a0 Shoqata Kulturore \u201cJehona e Shkodr\u00ebs\u201d me Kryetar Xhelal Halilin,\u00a0 i\u00a0 cili u realizua m\u00eb 13 shkurt n\u00eb restorantin m\u00eb t\u00eb bukur dhe m\u00eb t\u00eb madh t\u00eb Shkodr\u00ebs \u201cFreskia\u201d.\u00a0 Ky spektak\u00ebl u realizua n\u00eb kuadrin e 20 vjetorit t\u00eb karrier\u00ebs time si k\u00ebng\u00ebtar, ku un\u00eb u mundova t\u00eb shpalos gjith\u00eb arkivin tim m\u00eb t\u00eb mir\u00eb. N\u00eb k\u00ebt\u00eb spektak\u00ebl ku regjisor ishte Zef Deda kishte dhe shum\u00eb k\u00ebng\u00ebatr\u00eb nga veriu edhe Mali i Zi. Kishta ftuar dhe grupin \u201cDiamant\u201d\u00a0 me k\u00ebng\u00ebtar\u00ebt Alma Velaj,\u00a0 Ramazan Islami, Bardh Spahja, Ismet Haloshi, Nikoleta Vokkri, Sk\u00ebnder Xhafa, Ben Dema.. Xhelal Halili \u00ebsht\u00eb mjest\u00ebr i k\u00ebtyre organizimeve.<\/p>\n

Sa k\u00ebng\u00eb k\u00ebndove n\u00eb k\u00ebt\u00eb spektak\u00ebl?<\/strong><\/p>\n

T\u00eb gjith\u00eb k\u00ebng\u00ebtar\u00ebt e ftuar k\u00ebnduan nga nj\u00eb k\u00ebng\u00eb, nd\u00ebrsa un\u00eb k\u00ebndova\u00a0 16 k\u00ebng\u00eb.\u00a0 Spektakli zgjati 3 or\u00eb e gjys\u00ebm.<\/p>\n

U k\u00ebnaqe me regjin\u00eb e Zef Ded\u00ebs?<\/strong><\/p>\n

Po. Me th\u00ebn\u00eb t\u00eb drejt\u00ebn kishte b\u00ebr\u00eb nj\u00eb regji perfekte. P\u00ebr mua ai mbetet nj\u00eb artist i madh. Ai ka qen\u00eb p\u00ebr mua nj\u00eb idhull kur e shihja n\u00eb ekran nga\u00a0 Mali i Zi. N\u00eb k\u00ebt\u00eb koncert mori pjes\u00eb dhe grupi \u201cGaz e Maraz\u201d. Madje nga Saranda kishte ardhur k\u00ebn\u00ebg\u00ebtarja Marjana Vjehrri.<\/p>\n

Ju mor\u00ebt dhe nj\u00eb dekorat\u00eb n\u00eb k\u00ebt\u00eb koncert. Cili ishte motivacioni i dekorat\u00ebs\u00a0 nga Unioni Artistik i Kombit shqiptar?<\/strong><\/p>\n

Me motivacion: P\u00ebr interpretim me mjesht\u00ebri t\u00eb lart\u00eb artistike t\u00eb k\u00ebng\u00ebs qytetare Shqiptare dhe n\u00eb ve\u00e7anti t\u00eb k\u00ebng\u00ebve tradicionale Ulqinake dhe atyre Shkodrane, si dhe p\u00ebr pjes\u00ebmarrjen e tij aktive n\u00eb t\u00eb gjitha veprimtarit\u00eb e organizuara nga Unioni Artistik i Kombit Shqiptar me kryetar Azgan Haklaj.<\/p>\n

A ka pjestar\u00eb t\u00eb familjes tuaj q\u00eb do e tarsh\u00ebgojn\u00eb k\u00ebt\u00eb profesion?<\/strong><\/p>\n

Po! Esht\u00eb vajza ime Egzona salaj q\u00eb me t\u00eb v\u00ebrtet\u00eb po e tarsh\u00ebgon m\u00eb s\u00eb miri k\u00ebt\u00eb profesion. Ajo \u00ebsh\u00ebt nj\u00eb k\u00ebng\u00ebtare me t\u00eb ardhme. Esht\u00eb vet\u00ebm 14 \u2013vje\u00e7 dhe ka shum\u00eb d\u00ebshir\u00eb dhe pasion t\u00eb b\u00ebhet nj\u00eb k\u00ebn\u00ebgtare profesioniste.<\/p>\n

Cil\u00ebt k\u00ebng\u00ebtar\u00eb shkodran\u00eb njihje n\u00eb regjimin komunist?<\/strong><\/p>\n

T\u00eb gjith\u00eb k\u00ebng\u00ebtar\u00ebt e Shkodr\u00ebs, Bik Ndoj\u00ebn, Ibrahim Tuki\u00e7in, e me radh\u00eb. Shkodra p\u00ebr ne, ishte mbret\u00ebri me vete.<\/p>\n

\"G\u00ebzim<\/a><\/p>\n

N\u00eb \u00e7far\u00eb aktivitetesh muzikore ke marr\u00eb pjes\u00eb n\u00eb Shqip\u00ebri?<\/strong><\/p>\n

Kam marr\u00eb pjes\u00eb tek \u201cMaratona e k\u00ebng\u00ebs popullore\u201d q\u00eb ka organizuar televizioni Klan. P\u00ebr mua mbetet nj\u00eb nd\u00ebr aktivitete m\u00eb t\u00eb bukura q\u00eb ka organizuar ky televizion, por edhe t\u00eb tjer\u00ebt. Ky spektak\u00ebl m\u00eb b\u00ebri shum\u00eb t\u00eb njohur kudo n\u00eb Shqip\u00ebri, do t\u00eb thoja n\u00eb jug q\u00eb isha m\u00eb pak i njohur. K\u00ebtu k\u00ebndova k\u00ebng\u00ebn \u201ckadife moj kadife\u201d nj\u00eb k\u00ebng\u00eb e vjet\u00ebr malazezo-shqiptare. Madje n\u00eb televizionin Shtet\u00ebror t\u00eb Tiran\u00ebs, kam hyr\u00eb deri n\u00eb finale\u00a0 t\u00eb spektaklit t\u00eb \u201cK\u00ebng\u00ebs Popullore qytetare\u201d, organizuar n\u00eb TOB. N\u00eb k\u00ebt\u00eb spektak\u00ebl kam p\u00ebrfaq\u00ebsuar k\u00ebn\u00ebgtar\u00ebt shqiptar\u00eb t\u00eb Malit t\u00eb Zi. Un\u00eb u paraqita me nj\u00eb valle t\u00eb k\u00ebnduar\u00a0 \u201cN\u00ebn hije t\u00eb limonit\u201d dhe \u201cKu je nis, ku do me shku\u201d. Kam marr\u00eb pjes\u00eb dhe n\u00eb tre Festivale t\u00eb k\u00ebng\u00ebs Popullore n\u00eb Elbasan.\u00a0 Ndr\u00ebsa n\u00eb Festivalin e Preshev\u00ebs n\u00eb Kosov\u00eb kam marr\u00eb \u00e7mim t\u00eb dyt\u00eb.<\/p>\n

Tashm\u00eb t\u00eb jan\u00eb hapur dyert dhe n\u00eb Shqip\u00ebri?<\/strong><\/p>\n

Un\u00eb kam vite q\u00eb i kam dyert e hapura n\u00eb Shqip\u00ebri. N\u00eb veri un\u00eb jam pothuajse n\u00eb t\u00eb gjitha dasmat. K\u00ebng\u00ebt e mia jan\u00eb ato t\u00eb zon\u00ebs s\u00eb Shkodr\u00ebs dhe mbi Shkodr\u00ebs.<\/p>\n

N\u00eb sa shtete t\u00eb bot\u00ebs je ftuar?<\/strong><\/p>\n

Kudo n\u00eb bot\u00eb. Po, po kudo. Q\u00eb nga Australia e larg\u00ebt, USA, Kanada, pa diskutuar pastaj t\u00eb gjith\u00eb Europ\u00ebn.<\/p>\n

Cilat jan\u00eb k\u00ebng\u00ebt e repertorit tuaj q\u00eb jan\u00eb m\u00eb t\u00eb dashurat p\u00ebr publikun?<\/strong><\/p>\n

Un\u00eb kam n\u00eb repertorin tim mbi 100 k\u00ebng\u00eb t\u00eb incizuara, por kam dhe shum\u00eb t\u00eb tjera t\u00eb paregjistruara. Kam 10\u00a0 albume muzikore q\u00eb t\u00eb gjitha jan\u00eb shitur. Kam punuar dhe punoj me kompozitor\u00eb t\u00eb ndryshem, si nga\u00a0 Shqip\u00ebria, edhe nga Mali i Zi por edhe nga Kosova.\u00a0 N\u00eb k\u00ebt\u00eb intervist\u00eb i p\u00ebrsh\u00ebndes t\u00eb gjith\u00eb ata q\u00eb kan\u00eb punuar me mua p\u00ebr shum\u00eb vjet. Me t\u00eb gjith\u00eb kam mardh\u00ebie t\u00eb mira.\u00a0 Arben Dema, Bac Faja dhe Ramazan Islami nga Mali i Zi jan\u00eb bashkpuntor\u00ebt e mi m\u00eb t\u00eb af\u00ebrm, q\u00eb kemi nj\u00eb miq\u00ebsi t\u00eb sinqert\u00eb. Emiljano Leka \u00ebsht\u00eb klarinetisti me t\u00eb cilin un\u00eb punoj gjithmon\u00eb. \u00a0Ne jemi si grup m\u00eb i k\u00ebrkuari n\u00eb veri, ku n\u00eb vit marrim pjes\u00eb n\u00eb af\u00ebr 150 dasma n\u00eb Shqip\u00ebri dhe n\u00eb Mal t\u00eb Zi, madje dhe n\u00eb Kosov\u00eb. Gjith\u00eb veriu deri n\u00eb La\u00e7 \u00ebsh\u00ebt nj teritor q\u00eb ne na marin gjithmon\u00eb.<\/p>\n

\"G\u00ebzim<\/a><\/p>\n

Ku i ke realizuar albumet me cil\u00ebt kompozitor\u00eb?<\/strong><\/p>\n

I kam realizuar si n\u00eb Shkod\u00ebr po ashtu dhe n\u00eb Mal t\u00eb Zi. Psh, me Luan Dikistani nga Shkodra, Ilir Zogaj,\u00a0 Lan \u00c7ukaj, Sokol Vukal, G\u00ebzim Haxhimehmeti.<\/p>\n

N\u00eb Mal t\u00eb Zi e ndjeni racizmin e t\u00eb qenit shqiptar?<\/strong><\/p>\n

Me th\u00ebn\u00eb t\u00eb drejt\u00ebn jo dhe aq. Ne jemi kompakt n\u00eb zonat ku jetojm\u00eb. Pasi pak ka malazez, por koh\u00ebt e fundit vihet re<\/p>\n

Nj\u00eb dyndje e malazez\u00ebve n\u00eb zonat tona t\u00eb banimit, n\u00eb vendet tona autoktone. Psh Tivari deri para 15 vjet\u00ebsh ishte 80 % shqiptar\u00eb, nd\u00ebrsa sot jan\u00eb 15 % shqiptar\u00eb. E shikoni \u00e7b\u00ebjn\u00eb p\u00ebr t\u00eb na asimiluar?<\/p>\n

\u00c7far\u00eb ju lidh sot me Shqip\u00ebrin\u00eb?<\/strong><\/p>\n

\u00c7do gj\u00eb. Ne shumic\u00ebn e f\u00ebmij\u00ebve e sjellim k\u00ebtu p\u00ebr t\u00eb m\u00ebsuar, k\u00ebtu t\u00eb p\u00ebrgatiten etj…K\u00ebtu ne k\u00ebndojm\u00eb, punojm\u00eb por dhe bashkpunojm\u00eb. Tani ndihemi m\u00eb t\u00eb lidhur, aq m\u00eb tep\u00ebr q\u00eb kemi dhe nj\u00eb shtet tjet\u00ebr shqiptar si\u00e7 \u00ebsht\u00eb Kosova. Un\u00eb n\u00eb Kosov\u00eb kam\u00a0 b\u00ebr\u00eb shkoll\u00ebn e mesme, dy vjet n\u00eb Gjilan dhe dy vjet n\u00eb\u00a0 Gjakov\u00eb gjithashtu kam mabruar dhe Fakultetin ekonomik n\u00eb Prishtin\u00eb.<\/p>\n

Pse pik\u00ebrisht n\u00eb Kosov\u00eb?<\/strong><\/p>\n

Ishte viti 1985 kur kam shkuar n\u00eb shkoll\u00eb. N\u00eb Kosov\u00eb kishte shkolla m\u00eb t\u00eb mira n\u00eb gjuh\u00ebn shqipe. Aty rrinim\u00a0 n\u00eb konvikt. N\u00eb Mal t\u00eb Zi pak shkolla shqipe kishte.\u00a0 N\u00eb at\u00eb koh\u00eb kam marr\u00eb pjes\u00eb n\u00eb shoq\u00ebrin\u00eb \u201cBuna\u201d q\u00eb k\u00ebndonim shqip.<\/p>\n

Po sh\u00ebrbim ushtarak a e ke b\u00ebr\u00eb?<\/strong><\/p>\n

Po e kam b\u00ebr\u00eb n\u00eb Kroaci. Ishte vitit 1990.\u00a0 Ushtrin\u00eb e b\u00ebra n\u00eb Rjeka. Aty funksiononte dhe Ansambli i Ushtris\u00eb ku un\u00eb mora pjes\u00eb. Dua t\u00eb them q\u00eb kam k\u00ebnduar k\u00ebng\u00eb shqiptare n\u00eb at\u00eb Ansamb\u00ebl ,. Dy kan\u00eb qen\u00eb k\u00ebng\u00ebt q\u00eb un\u00eb kam k\u00ebnduar n\u00eb at\u00eb Ansamb\u00ebl dhe q\u00eb i k\u00ebrkonin gjithmon\u00eb kudo q\u00eb shkoja. Ato ishin \u201cFluturo, moj flutur\u201d dhe \u201cDoli goca n\u00eb penxhere\u201d. Se mendoni se si i prisnin. Me brohorima, me duartrokitje, me v\u00ebrsh\u00ebllima p\u00ebr tu kthyer prap\u00eb. Edhe sot me shum\u00eb shok\u00eb t\u00eb mij t\u00eb uhstris\u00eb nga Kroacia dhe Sllovenia ruaj lidhje. U kam d\u00ebrguar edhe kasetat e mia. Ata thoshin s\u2019ka si k\u00ebng\u00ebt shqiptare.<\/p>\n

Si t\u00eb kan\u00eb pritur n\u00eb Amerik\u00eb dhe n\u00eb Australi?<\/strong><\/p>\n

Se beson. Nj\u00eb atmosfer\u00eb e papar\u00ebshkruar. Sallat kan\u00eb pasur dhe 1500 njer\u00ebz brenda. K\u00ebng\u00ebt ishin nga m\u00eb t\u00eb ndryshmet. Nga fillimi n\u00eb fund t\u00eb koncertit njer\u00ebzit nuk uleshin n\u00eb karrige, por k\u00ebndonin me ne dhe k\u00ebrcenin. Sa bukur. Kur k\u00ebndonim k\u00ebng\u00ebt e atdheut t\u00eb gjith\u00eb qanin.<\/p>\n

Zemrashqiptare<\/strong>
\n