{"id":76441,"date":"2013-11-21T20:06:50","date_gmt":"2013-11-21T19:06:50","guid":{"rendered":"http:\/\/www.visit-ulcinj.com\/blog\/?p=76441"},"modified":"2013-11-24T17:46:34","modified_gmt":"2013-11-24T16:46:34","slug":"vizita-e-ambasadorit-gjerman-ne-ulqin-foto","status":"publish","type":"post","link":"https:\/\/www.visit-ulcinj.com\/blog\/2013\/11\/21\/vizita-e-ambasadorit-gjerman-ne-ulqin-foto\/","title":{"rendered":"Vizita e ambasadorit Gjerman ne Ulqin + Foto"},"content":{"rendered":"

\"Vizita<\/a>Vizita ambasadorit t\u00eb Gjermanis\u00eb n\u00eb Mal t\u00eb Zi z. Pius Fischer n\u00eb Ulqin<\/strong><\/p>\n

Sot n\u00eb vizit\u00eb nj\u00ebditore n\u00eb Komun\u00ebn e Ulqinit ishte ambasadori i Gjermanis\u00eb n\u00eb Mal t\u00eb Zi z. Pius Fischer. Me k\u00ebt\u00eb rast ai \u00ebsht\u00eb takuar me Kryetarin e Komun\u00ebs s\u00eb ulqinit Nazif Cungu, e m\u00eb pas kan\u00eb pasuar takimet me p\u00ebrfaq\u00ebsuesit e KFW Bank\u00ebs dhe DEG-ut.
\nKryetari Cungu e ka njoftuar ambasadorin me situat\u00ebn aktuale n\u00eb Komun\u00ebn e Ulqinit. Ai i ka kujtuar t\u00eb pranishmit me r\u00ebnd\u00ebsin\u00eb e raporteve me Gjermanin\u00eb dhe kujton se turist\u00ebt gjerman\u00eb kan\u00eb qen\u00eb vizitor\u00ebt kryesor\u00eb t\u00eb Ulqinit.<\/p>\n

Ai e ka njoftuar ambasadorin me aktivitetet e nd\u00ebrmarra me q\u00ebllim t\u00eb p\u00ebrmir\u00ebsimit t\u00eb situat\u00ebs n\u00eb vet\u00ebqeverisjen lokale krahas situat\u00ebs s\u00eb v\u00ebshtir\u00eb n\u00eb t\u00eb cil\u00ebn ajo gjendet, n\u00eb radh\u00eb t\u00eb par\u00eb p\u00ebr shkak t\u00eb borxheve t\u00eb m\u00ebdha nga periudha e kaluar. Masat e ashpra t\u00eb kursimit, zvog\u00eblimi i shpenzimeve, zvog\u00eblimi i numrit t\u00eb pun\u00ebtor\u00ebve, ulja e rrogave dhe n\u00eb fund n\u00ebnshkrimi i planit sanues jan\u00eb masat e domosdoshme q\u00eb kan\u00eb si objektiv daljen prej k\u00ebsaj situate, ka theksuar Cungu. Realizimi i IT infrastruktur\u00ebs s\u00eb objektit t\u00eb Komun\u00ebs s\u00eb Ulqinit, themelimi i byros\u00eb s\u00eb qytetar\u00ebve jan\u00eb aktivitete t\u00eb nd\u00ebrmarra p\u00ebr rritjen e transparenc\u00ebs dhe efikasitetit t\u00eb pun\u00ebs. Cungu ka theksuar se me t\u00eb gjitha k\u00ebto aktivitete ngadal\u00eb po realizohet konsolidimi i situat\u00ebs financiare t\u00eb Komun\u00ebs. Ai ka kujtuar p\u00ebr l\u00ebvizjen e madhe p\u00ebrpara sa i p\u00ebrket miratimit t\u00eb dokumenteve planifikuese si kusht p\u00ebr zhvillimin hap\u00ebsinor t\u00eb Komun\u00ebs s\u00eb Ulqinit. Ka theksuar pun\u00ebn e byros\u00eb p\u00ebr projekte nd\u00ebrkomb\u00ebtare e cila n\u00eb nj\u00eb periudh\u00eb t\u00eb shkurt\u00ebr ka pasur sukses t\u00eb t\u00ebrheq shtat\u00eb IPA projekte n\u00eb shum\u00ebn prej 1,2 milion\u00eb Euro. Kontaktet e rregullta me investitor\u00ebt potencial\u00eb, pjes\u00ebmarrja n\u00eb panairin e investimeve n\u00eb Mynih jan\u00eb masat me objektiv t\u00ebrheqjen e investimeve n\u00eb Ulqin.
\nAmbasadori Fischer i ka vler\u00ebsuar pozitivisht masat e nd\u00ebrmarra dhe ka theksuar q\u00eb duhet ngulur k\u00ebmb\u00eb p\u00ebr zbatimin e tyre. Ai gjithashtu \u00ebsht\u00eb informuar p\u00ebr projektet t\u00eb cil\u00ebt Qeveria e Gjermanis\u00eb p\u00ebrmes KFW bank\u00ebs dhe DEG \u2013 ut do t\u00eb p\u00ebrkrahi n\u00eb Ulqin, q\u00eb sipas vler\u00ebsimit t\u00eb tij paraqesin kusht p\u00ebr zhvillimin e Ulqinit.
\nN\u00eb takim me Vodakomin \u00ebsht\u00eb prezantuar projekti i uj\u00ebsjell\u00ebsit dhe kanalizimit, i cili n\u00eb baz\u00eb t\u00eb studimit t\u00eb fizibilitetit t\u00eb kompanis\u00eb Gjermane Delhem ka vler\u00ebn prej 136 milion\u00eb Euro. Ata kan\u00eb prezantuar t\u00eb gjitha p\u00ebrgatitjet p\u00ebr fillimin e faz\u00ebs s\u00eb par\u00eb t\u00eb realizimit t\u00eb projektit p\u00ebr t\u00eb cilin banka gjermane KFW do t\u00eb lejoj\u00eb 20 milion\u00eb Euro. Ata e kan\u00eb njoftuar ambasadorin q\u00eb vijon tenderi p\u00ebr zgjedhjen e konsultuesit i cili do t\u00eb p\u00ebrcjell\u00eb faz\u00ebn e par\u00eb t\u00eb projektit.
\nAmbasadorit gjithashtu i \u00ebsht\u00eb prezantuar projekti i hoteleve Plazhi i madh, i zinxhirit spanjoll Iberostar. Ky projekt \u00ebsht\u00eb nj\u00ebri prej pes\u00eb projekteve t\u00eb prezantuar DEG-ut i cili ka nxitur interesimin p\u00ebr financim.
\nPas vizit\u00ebs n\u00eb Komun\u00ebn e Ulqinit ka pasuar vizita n\u00eb Sh. F. Marshall Tito me t\u00eb cilin rast ambasadori ka theksuar q\u00eb KFW banka ka shprehur gatishm\u00ebri p\u00ebr donacion p\u00ebr sanimin e k\u00ebsaj shkolle si dhe t\u00eb shkoll\u00ebs s\u00eb mesme V\u00ebllaz\u00ebrim bashkim.
\nGjithashtu jan\u00eb sh\u00ebnuar edhe lokacione t\u00eb caktuara n\u00eb t\u00eb cil\u00ebt me ndihm\u00ebn e instrumenteve gjermane do t\u00eb caktohet matja e humbjeve n\u00eb sistemin e uj\u00ebsjell\u00ebsit t\u00eb Komun\u00ebs s\u00eb Ulqinit.
\nAmbasadori gjithashtu ka vizituar edhe gjirin e Valdanosit.<\/p>\n\n\t\t