{"id":83714,"date":"2014-07-01T18:43:11","date_gmt":"2014-07-01T17:43:11","guid":{"rendered":"http:\/\/www.visit-ulcinj.com\/blog\/?p=83714"},"modified":"2014-07-01T18:43:11","modified_gmt":"2014-07-01T17:43:11","slug":"senatore-kongresiste-dhe-governator-te-ftuar-ne-shtepine-e-bankierit-richard-lukaj","status":"publish","type":"post","link":"https:\/\/www.visit-ulcinj.com\/blog\/2014\/07\/01\/senatore-kongresiste-dhe-governator-te-ftuar-ne-shtepine-e-bankierit-richard-lukaj\/","title":{"rendered":"Senator\u00eb, kongresist\u00eb dhe Governator, t\u00eb ftuar n\u00eb sht\u00ebpin\u00eb e bankierit Richard Lukaj"},"content":{"rendered":"

\"Richard<\/a>Ishin mbledhur personalitete t\u00eb nivelit t\u00eb lart\u00eb t\u00eb politik\u00ebs amerikane si dhe shqiptar\u00eb t\u00eb suksessh\u00ebm n\u00eb Amerik\u00eb<\/strong><\/p>\n

Nga Keze Kozeta Zylo<\/strong><\/p>\n

GREENWICH, CT \u2013 Dit\u00ebn e diel\u00eb bankieri, biznesmeni i suksessh\u00ebm dhe patriot Richard Lukaj priti n\u00eb mjediset lluksoze t\u00eb sht\u00ebpis\u00eb s\u00eb tij personalitete t\u00eb nivelit t\u00eb lart\u00eb t\u00eb politik\u00ebs amerikane si dhe shqiptar\u00eb t\u00eb suksessh\u00ebm n\u00eb Amerik\u00eb. Nuk \u00ebsht\u00eb hera e par\u00eb q\u00eb z.Richard Lukaj fton n\u00eb sht\u00ebpin\u00eb e tij personalitete t\u00eb shquara t\u00eb t\u00eb gjitha fushave, dhe zhvillon aktivitete bamir\u00ebsie apo t\u00eb llojeve t\u00eb ndryshme n\u00eb t\u00eb cilat ja vlen t\u00eb p\u00ebrmendim midis t\u00eb tjerave ardhjen e princit Harry nga Anglia ku z.Lukaj ndihmoi p\u00ebr Fondacionin \u201cSentebale\u201d, nj\u00eb fondacion p\u00ebr njer\u00ebzit n\u00eb nevoj\u00eb.
\nAi gjithmon\u00eb ka qen\u00eb i p\u00ebrkushtuar n\u00eb \u00e7\u00ebshtjen komb\u00ebtare si dhe gjat\u00eb kriz\u00ebs n\u00eb Ballkan, ka ndihmuar p\u00ebr mbledhje fondesh p\u00ebr t\u00eb \u00e7uar ndihma humanitare n\u00eb Kosov\u00eb dhe p\u00ebr femij\u00ebt jetim\u00eb nga lufta.
\nAktiviteti ishte shum\u00eb i r\u00ebnd\u00ebsish\u00ebm pasi ardhja e senator\u00ebve amerikan\u00eb, guvernatorit t\u00eb shtetit si dhe kongresist\u00ebve t\u00eb cil\u00ebt kan\u00eb ngritur z\u00ebrin pran\u00eb Sht\u00ebpise s\u00eb Bardh\u00eb p\u00ebr \u00e7\u00ebshtjen e Shqip\u00ebris\u00eb dhe t\u00eb Kosov\u00ebs si dhe probleme t\u00eb tjera q\u00eb p\u00ebrballet Kombi yn\u00eb e b\u00ebnin dhe m\u00eb t\u00eb ndjesh\u00ebm pranin\u00eb e tyre pran\u00eb shqiptar\u00ebve t\u00eb cil\u00ebt kishin ardhur p\u00ebr t\u2019i mb\u00ebshtetur ata.
\nFjal\u00ebn e hapjes e ka mbajtur sipas zakonit i zoti i sht\u00ebpis\u00eb z.Richard Lukaj i cili tha se: si nj\u00eb f\u00ebmij\u00eb i konfliktit t\u00eb komunizmit dhe diskriminimit t\u00eb ashp\u00ebr n\u00eb ish Jugosllavin\u00eb prind\u00ebrit e mi u larguan p\u00ebr n\u00eb Itali ku si gjith\u00eb emigrant\u00ebt shpresuan p\u00ebr nj\u00eb jet\u00eb m\u00eb t\u00eb mir\u00eb. Atje ndenj\u00ebm n\u00eb kamp refugjat\u00ebsh pa televizion, Internet apo facebook. Un\u00eb ju rekomandoj p\u00ebr t\u00eb treguar kushdo q\u00eb ka histori t\u00eb ndryshme dhe nj\u00ebkoh\u00ebsisht t\u00eb jemi mir\u00ebnjoh\u00ebs p\u00ebr t\u00eb mirat q\u00eb kemi arritur n\u00eb jet\u00eb. \u00cbsht\u00eb e v\u00ebrtet\u00eb q\u00eb askush nuk ka d\u00ebshir\u00eb p\u00ebr t\u00eb mbledhur fonde p\u00ebr politikan\u00ebt, kandidat\u00ebt, por un\u00eb mendoj se n\u00eb thelb ne jemi k\u00ebtu sepse secili prej nesh e kupton se sa r\u00ebnd\u00ebsi ka kush qeveris. Ju fal\u00ebnderoj t\u00eb gjith\u00ebve p\u00ebr ardhjen tuaj k\u00ebtu p\u00ebr p\u00ebrpjekjet tona p\u00ebr ta b\u00ebr\u00eb k\u00ebt\u00eb aktivitet sa m\u00eb t\u00eb suksessh\u00ebm. Ne do t\u00eb d\u00ebgjojm\u00eb sot k\u00ebtu Kongresistin Jim Himes, senatorin Chris Murphy, senatorin Blumenthal si dhe governatorin Malloy.<\/p>\n

Z.Lukaj ka prezantuar para publikut Kongresistin Jim Himes i cili \u00ebsht\u00eb duke sh\u00ebrbyer n\u00eb mandatin e tij t\u00eb tret\u00eb dhe \u00ebsht\u00eb an\u00ebtar i Komitetit t\u00eb Kongresit p\u00ebr sh\u00ebrbimet financiare dhe n\u00eb Komisionin e p\u00ebrhersh\u00ebm t\u00eb Kongresit p\u00ebr inteligjenc\u00eb. Kongresisti Himes \u00ebsht\u00eb d\u00ebshmi e njer\u00ebzve t\u00eb suksessh\u00ebm q\u00eb vin\u00eb nga Wall Striti dhe ka pasur nj\u00eb p\u00ebrkujdesje t\u00eb vazhdueshme p\u00ebr t\u00eb ndihmuar kudo.
\nKongresisti Himes pasi ka fal\u00ebnderuar z.Richard Lukaj dhe gjith\u00eb pjes\u00ebmarr\u00ebsit tha se ishte shum\u00eb i lumtur q\u00eb merrte pjes\u00eb n\u00eb k\u00ebt\u00eb aktivitet me shqiptar\u00ebt. Kam pasur vazhdimisht kontakte me komunitetin shqiptar dhe i respektoj gjithmon\u00eb p\u00ebr pun\u00ebn e tyre. Sht\u00ebpia e Bardh\u00eb ka pasur nj\u00eb z\u00eb p\u00ebr t\u00eb ndihmuar Kosov\u00ebn, Shqip\u00ebrin\u00eb.
\nPas Kongresistit Himes z. Lukaj ka prezantuar senatorin Chris Murphy i cili \u00ebsht\u00eb zgjedhur ne vitin 2012 dhe \u00ebsht\u00eb Shef i Komitetit Europian n\u00eb Senat p\u00ebr marr\u00ebdheniet me jasht\u00eb. Z.Lukaj midis t\u00eb tjerash tha se Senatori Murphy s\u00eb bashku me shtabin e tij ka qen\u00eb nj\u00eb ndihm\u00eb e madhe p\u00ebr t\u00eb mb\u00ebshtetur Universitetin Amerikan n\u00eb Kosov\u00eb ku z.Lukaj \u00ebsht\u00eb shefi i Bordit t\u00eb Trustis\u00eb n\u00eb Universitetin Amerikan n\u00eb Kosov\u00eb.
\nSenatori Murphy me nj\u00eb thjesht\u00ebsi dhe dashamir\u00ebsi n\u00eb t\u00eb folur ka p\u00ebrsh\u00ebndetur t\u00eb gjith\u00eb pjes\u00ebmarr\u00ebsit dhe tha se ndihej krenar q\u00eb ndodhej midis shqiptar\u00ebve dhe i mb\u00ebshteste ata n\u00eb probleme t\u00eb ndryshme.
\nPas fjal\u00ebs s\u00eb senatorit Murphy ka folur Senatori Richard Blumenthal te cilin e ka prezantuar z.Lukaj ku midis t\u00eb tjerash tha se z.Blumenthal ka sh\u00ebrbyer pes\u00eb mandate si Prokuror i P\u00ebrgjithsh\u00ebm i Connekticut dhe ka luftuar gjithmon\u00eb p\u00ebr interesat e popullit. Ai \u00ebsht\u00eb m\u00eb aktivi n\u00eb Gjyq\u00ebsorin, sh\u00ebrbimet e armatosura, tregti, shkenc\u00eb, trasport dhe n\u00eb Komitetin e Veteran\u00ebve n\u00eb Senat. Ai \u00ebsht\u00eb nj\u00eb kampion i madh i \u00e7\u00ebshtjeve t\u00eb emigracionit dhe t\u00eb reformes n\u00eb Senat. N\u00eb fjal\u00ebn e tij Senatori Blumenthal foli dhe p\u00ebr emigracionin si nj\u00eb \u00e7\u00ebshtje serioze me t\u00eb cil\u00ebn po p\u00ebrballet Amerika.<\/p>\n

Pas fjales s\u00eb senatorit Blumenthal me duartrokitje \u00ebsht\u00eb pritur ardhja e Guvernatorit Malloy p\u00ebr t\u00eb cilin z.Lukaj tha me humor se nuk ka nevoj\u00eb p\u00ebr prezantim pasi ai vazhdimisht ka qen\u00eb n\u00eb mesin e shqiptar\u00ebve, n\u00eb aktivitete t\u00eb ndryshme.
\nUn\u00eb guxoj t\u2019ju them vazhdoi z.Lukaj se ai ka qen\u00eb nj\u00eb mysafir i mir\u00ebpritur n\u00eb sht\u00ebpin\u00eb time n\u00eb shum\u00eb raste. Guvernatori Dannel P. Malloy tha se ndihej shum\u00eb krenar q\u00eb kishte shum\u00eb miq shqiptar\u00eb n\u00eb Connecticut dhe kishin ecur n\u00eb shum\u00eb fusha t\u00eb ndryshme. Ata jan\u00eb njer\u00ebz t\u00eb ndersh\u00ebm, korrekt, e duan Amerik\u00ebn, por nga ana tjeter i vler\u00ebsoj shum\u00eb se ata kurr\u00eb nuk i harrojn\u00eb rr\u00ebnj\u00ebt e tyre shqiptare.
\nZ.Lukaj n\u00eb fjal\u00ebn e tij ka fal\u00ebnderuar t\u00eb gjith\u00eb bashk\u00ebpun\u00ebtor\u00ebt e tij q\u00eb ndihmuan p\u00ebr k\u00ebt\u00eb aktivitet madh\u00ebshtor, aktivist\u00ebt e shquar, donator\u00ebt e ndrysh\u00ebm, afarist\u00ebt, doktor\u00ebt, avokat\u00ebt, biznesmen\u00ebt q\u00eb merrnin pjes\u00eb si dhe mediat: z.Halil Mula per TV 21 dhe TV Alba Life me producent z.Qemal Zylo. Pas ceremonis\u00eb p\u00ebr t\u00eb gjith\u00eb pjes\u00ebmarr\u00ebsit ishte shtruar nj\u00eb kokteil i pasur t\u00eb cil\u00ebt jan\u00eb arg\u00ebtuar me z\u00ebrin e bukur t\u00eb baritonit Ergin Brahimi t\u00eb shoq\u00ebruar n\u00ebn tingujt e ansamblit \u201cBrevis\u201d me flautisten simpatike Lule Ballata, violinistin Alex Shen dhe pianistin Daniel Laor.<\/p>\n

29 qershor, 2014
\nGreenwich, Connecticut<\/p>\n

illyriapress<\/strong><\/p>\n

Foto Richard Lukaj<\/a> Facebook<\/strong><\/p>\n\n\t\t