{"id":90434,"date":"2015-05-12T08:38:42","date_gmt":"2015-05-12T07:38:42","guid":{"rendered":"http:\/\/www.visit-ulcinj.com\/blog\/?p=90434"},"modified":"2015-05-13T09:22:56","modified_gmt":"2015-05-13T08:22:56","slug":"festivali-gjirokastres-mbledh-1204-artiste-shqiptare-edhe-ulqini-prezent","status":"publish","type":"post","link":"https:\/\/www.visit-ulcinj.com\/blog\/2015\/05\/12\/festivali-gjirokastres-mbledh-1204-artiste-shqiptare-edhe-ulqini-prezent\/","title":{"rendered":"Festivali i Gjirokastr\u00ebs mbledh 1204 artist\u00eb shqiptar\u00eb edhe Ulqini prezent"},"content":{"rendered":"
\n
\n

\"Festivali<\/a>Festivali q\u00eb sh\u00ebnohet n\u00eb cdo t\u00eb pestin vit \u00ebsht\u00eb hapur nga ministrja e Ministris\u00eb p\u00ebr Kultur\u00eb, Mirela Kumbaro. \u201c\u00cbsht\u00eb pik\u00ebrisht ky festival, q\u00eb b\u00ebhet nj\u00eb her\u00eb n\u00eb pes\u00eb vjet, monumenti m\u00eb i madh i trash\u00ebgimis\u00eb jomateriale, i cili jo vet\u00ebm duhet ruajtur si institucion por duhet t\u00eb jet\u00eb i fort\u00eb dhe i gjall\u00eb q\u00eb t\u00eb mund t\u00eb p\u00ebrcillet e t\u00eb trash\u00ebgohet, nj\u00ebsoj si\u00e7 ruajm\u00eb e mbrojm\u00eb kalat\u00eb\u201d, ka th\u00ebn\u00eb n\u00eb hapjen e k\u00ebtij festivali, ministrja Kumbaro<\/strong><\/p>\n

\u201cPak \u00ebsht\u00eb t\u00eb them se jam e emocionuar q\u00eb kam nderin t\u00eb hap ngjarjen m\u00eb t\u00eb madhe komb\u00ebtare t\u00eb trash\u00ebgimis\u00eb son\u00eb shpirt\u00ebrore! Ndodhemi v\u00ebrtet n\u00eb Kalan\u00eb e Argjiros, por sapo kemi filluar t\u00eb jetojm\u00eb k\u00ebshtjell\u00ebn e folklorit dhe t\u00eb traditave kulturore shqiptare q\u00eb p\u00ebr nj\u00eb jav\u00eb t\u00eb pandalur do t\u00eb rigjall\u00ebrojn\u00eb vetveten dhe zemrat tona\u201d, \u00ebsht\u00eb shprehur ministrja e Ministris\u00eb p\u00ebr Kultur\u00eb, Mirela Kumbaro n\u00eb hapjen e Festivalit Folklorik t\u00eb Gjirokastr\u00ebs q\u00eb \u00ebsht\u00eb hapur dje e do t\u00eb zgjas\u00eb deri m\u00eb 16 maj.<\/p>\n

\"Festivali<\/a>
\nPara nj\u00eb numri t\u00eb madh vizitor\u00ebsh dhe t\u00eb ansambleve q\u00eb jan\u00eb pjes\u00eb e k\u00ebtij festivali, ministrja Kumabro ka th\u00ebn\u00eb se ky festival vjen jo vet\u00ebm si vler\u00eb komb\u00ebtare, jo vet\u00ebm si pasuri shpirt\u00ebrore e popullit dhe kombit por edhe si nj\u00eb pjes\u00eb shum\u00eb e r\u00ebnd\u00ebsishme e kultur\u00ebs universale n\u00eb rajon dhe Europ\u00eb.<\/p>\n

\u201cKemi nj\u00eb thesar t\u00eb jasht\u00ebzakonsh\u00ebm n\u00eb larmin\u00eb e folklorit n\u00eb perlat muzikore, poetike, instrumentale, zakonore , pa folur p\u00ebr kostumet q\u00eb jan\u00eb v\u00ebrtet t\u00eb rralla p\u00ebr nga densiteti dhe historia. Gjat\u00eb nj\u00eb viti pune me m\u00eb shum\u00eb se 7500 bart\u00ebs t\u00eb folklorit dhe burimet e v\u00ebrteta t\u00eb trash\u00ebgimis\u00eb kulturore jemi mahnitur me pasurit\u00eb tona.
\nT\u00eb gjitha k\u00ebto nuk perceptohen \u00e7do dit\u00eb sepse jan\u00eb t\u00eb shp\u00ebrndara n\u00eb t\u00eb gjitha l\u00ebndinat e fshatrave, qyteteve, n\u00eb s\u00ebnduqe e sht\u00ebpira. Kjo sof\u00ebr q\u00eb ngrihet nj\u00eb her\u00eb n\u00eb pes\u00eb vjet sot i mbledh m\u00eb t\u00eb mirat e tyre. Nga Shkodra n\u00eb Vlor\u00eb, nga Tetova n\u00eb Sarand\u00eb, nga Prishtina n\u00eb Kor\u00e7\u00eb nga Ulqini n\u00eb Tropoj\u00eb!
\n\u00cbsht\u00eb pik\u00ebrisht ky festival, q\u00eb b\u00ebhet nj\u00eb her\u00eb n\u00eb pes\u00eb vjet, monumenti m\u00eb i madh i trash\u00ebgimis\u00eb jomateriale, i cili jo vet\u00ebm duhet ruajtur si institucion por duhet t\u00eb jet\u00eb i fort\u00eb dhe i gjall\u00eb q\u00eb t\u00eb mund t\u00eb p\u00ebrcillet e t\u00eb trash\u00ebgohet, nj\u00ebsoj si\u00e7 ruajm\u00eb e mbrojm\u00eb kalat\u00eb\u201d, ka th\u00ebn\u00eb m\u00eb pas Kumbaro.<\/p>\n

\"Festivali<\/a><\/p>\n

Ky festival, ndryshe nga t\u00eb m\u00ebparshmit vjen m\u00eb i plot\u00eb me larmin\u00eb e instrumentave, me marramendjen e kostumeve t\u00eb rigjall\u00ebruara, me pasionin dit\u00ebs plot ngjarje, q\u00eb nuk mbaron dhe q\u00eb ia l\u00eb vendin nat\u00ebs jo p\u00ebr gjum\u00eb por p\u00ebr fest\u00eb. 24 or\u00eb festival, 7 dit\u00eb rresht, rreth 1500 pjes\u00ebmarr\u00ebs, p\u00ebr t\u00eb p\u00ebrcjell\u00eb energjit\u00eb e t\u00eb gjitha zemrave shqiptare q\u00eb vijn\u00eb nga SHBA deri te Arb\u00ebresh\u00ebt e Italis\u00eb.<\/p>\n

\u201c\u00cbsht\u00eb festival plot surpriza! Por dhe festival t\u00eb rinjsh! Ky \u00ebsht\u00eb g\u00ebzimi yn\u00eb m\u00eb i madh sepse tradita e p\u00ebrkthyer nga rinia q\u00eb mbush sken\u00ebn e k\u00ebtij festivali si asnj\u00ebher\u00eb tjet\u00ebr \u00ebsht\u00eb kultura q\u00eb nd\u00ebrton Shqip\u00ebria e Brezit Tjet\u00ebr.<\/p>\n

\"Festivali<\/a>
\nS\u2019mund t\u00eb jet\u00eb ndryshe kur n\u00eb festival kemi dhe folkloristin m\u00eb t\u00eb ri n\u00eb mosh\u00eb: Lahutarin 105 vje\u00e7ar, Gjok\u00ebn nga Lezha! Po, po!\u201d, ka th\u00ebn\u00eb Kumbaro q\u00eb edhe shpalli t\u00eb hapur Festivalin Folklorik t\u00eb Gjirokastr\u00ebs.<\/p>\n

Nd\u00ebrkoh\u00eb, me programet e tyre jan\u00eb paraqitur f\u00ebmij\u00ebt, shfaqje nga Cirku Komb\u00ebtar, Koncert i Band\u00ebs s\u00eb Ushtris\u00eb nga Ministria e Mbrojtjes p\u00ebr t\u00eb vazhduar m\u00eb pas me parad\u00ebn e kostumeve kurse n\u00eb programin kryesor festivali ka nisur me Shkodr\u00ebn, fitues i vitit 2009 duke vazhduar m\u00eb pas edhe me Gjirokastr\u00ebn dhe Kosov\u00ebn si dhe me t\u00eb ftuar\u00ebn speciale t\u00eb festivalit, Eda Zarin.\/KultPlus.com <\/strong><\/p>\n