“Miss Shqipëria 2014” në kalanë e Ulqinit, 26 dhe 27 qershor 2014

Më 26 dhe 27 qershor 2014 në Kalan e Ulqinit një superproduksion si për nga rëndësia, ashtu edhe për nga kontributi i veçantë që ka dhënë dhe vazhdon të japë në promovimin e vlerave më të mira të bukurisë femërore shqiptare, që vijnë jo vetëm përmes hijeshisë fizike, por dhe intelektit të saj.
Ajo çka do ta dallon këtë shfaqje nga të tjerat është fakti se promovimi i artit dhe kulturës vjen përmes një këndvështrimi shumëdimensional; konkursit të bukurisë, muzikës, kërcimit dhe të ftuarve. I kthyer tashmë në një traditë, mënyra e konceptimit dhe organizimit të këtij evenimenti ka pasur si qëllim gërshetimin mes vlerave historike dhe turistike të vendit tonë të Ulqinit, pasi në edicionet e mëparshme bukuria shqiptare ka prekur me hijeshinë e saj disa prej simboleve të historisë dhe kulturës shqiptare.
Spektakli do të zhvillohet në dy linja kryesore; garë bukurie dhe konkurs inteligjence. Kurora e bukurisë shqiptare i jep të drejtën vajzës së kurorëzuar të përfaqësojë Shqipërinë në një nga kompeticionet më të rëndësishme të globit, siç është “Miss Globe International”.
Ashtu si dhe vitet e tjera, edhe këtë vit do të promovohet një tjetër vlerë nga tradita e pasur shqiptare, Kalaja e Ulqinit. E gjendur vetëm pak kilometra nga kufiri me Shqipërin, shumë e pasur për nga vlerat që mbart, Kalaja e Ulqinit do të jetë vendi që do të bekojë mbretëreshën e bukurisë shqiptare për vitin 2014. Vizion Plus dhe të gjitha televizonet shqipëtare në cilësinë e bashkëprodhuesit të këtij evenimenti do të mundësojë transmetimin e tij jo vetëm brenda kufijve, por edhe për të gjithë bashkatdhetarët tanë në mbarë globin, përmes transmetimit satelitor.

Prej 16 vitesh bukuria femërore gërshetohet me atë të trashëgimisë tone, ndaj edhe në këtë edicion “Miss Shqipëria” nuk ndryshon formule, raporton Vizionplus.tv. Gara më e rëndësishme e bukurisë në vend, një organizim i “Deliart Assosiation” në bashkëpunim me Vizion Plus do të zhvillohet këtë vere në Kalanë e Ulqinit. Petri Bozo, producent i spektaklit tregon arsyen pse u zgjodh kjo pjesë e trashëgimisë, e cila edhe pse jashtë kufijve gjeografik të vendit është një zonë shqiptare.

Edhe pse finalja e 27 qershorit duket e largët, elementet e garës së bukurisë tashmë janë përcaktuar. Bozo zbulon skenografinë dhe drejtorin e fotografisë, italianin Franco Ferrara.

Duke ruajtur traditën edhe këtë 2014-të, “Miss Shqipëria” do të organizojë një tur të promovimit të vlerave turistike përmes bukurosheve pjesëmarrëse. Për Bozon i cili e ka kthyer përzgjedhjen e të bukurës në atë çka di të bëjë më mirë, suksesi i “Miss Shqipërisë” qëndron pikërisht tek ky pasion.

Janë plot 31 vajza që formojnë gati një ekip elegantesh për “Miss Shqipëria 2014”

Qytetarët e Ulqinit presin me dëshirë ardhjen e miss-eve. Nata e 26 dhe 27 qershorit do të konsiderohet si një festë e madhe në qytetin e Ulqinit. Këtë atmosferë feste e ka përgatitur padurimi dhe vëmendja e tyre kundrejt këtij spektakli madhështor. Jo vetëm Shqipëria, Kosova e Maqedonia, por edhe për ata të huaj që kanë lidhje gjaku me Ulqinin ky spektakël ka qenë e do të jetë i hapur për të gjithë.
Për të asistuar në spektakel Miss Shqipëria 2014
Miss Shqiperia 2014 – Kalaja e Ulqinit – Date 27 Qershor 2014
Per bileta ju lutemi kontaktoni ne numrat e telefonit: +355 69 209 8315