Me rastin e vizitës së javës së kaluar Ulqinit, kandidati për Kryetar të Malit të Zi, z. Filip Vujanoviq, si pjesë të rëndësishme e kampanjës politike, realizoi dhe vizitën gjirit të Valdanosit.Edhe përkundër faktit se në Kuvendin komunal të Ulqinit, në bazë të kërkesës së ish pronarëve, njëzëri është aprovuar Vendimi për kthimin, gjegjësisht deeksproprijimin e ullishtës “Ullishta e Valdanosit” ( Fl.zyrt. e MZ nr., dispozitat komunale nr. 18, date 18.05.2007 ); edhe përkundër qendrimit të njohur të ish pronarëve, i cili u nxjerr një zëri në tubimin të mbajtur në sallën e KK të Ulqinit, me datë 15.12.2007, me përfundime të sakta, citoj:

• 1.Nuk pranohet oferta e paralajmëruar për qira të ullishtës, gjegjësisht shfrytëzimi i kufizuar i ullishtës “Ullishta e Valdanosit”.

• 2.Kërkohet që ish pronarëve t’u kthehet e drejta e pronësisë.

• 3.Kërkojmë që organet shtetërore dhe Kryetari i komunës së Ulqinit të marrin qëndrim në lidhje me procesin e nisur për deeksproprim, e sidomos në lidhje me obligimet e të cilat dalin nga Vendimi i KK për kthimin, gjegjësisht deeksproprimin e ulishtës së valdanosit ( Fl.zyrt. e MZ nr., dispozitat komunale nr.18, date 18.05.2007 ).

• 4.Kërkojmë që organet kompetente shtetërore t’iu mundësojnë ish pronarëve dhe pasardhësve të tyre qe pa pengesa, pa kurrfarë kontrate për qira, deri në përfundimin e proceseve të nisura për deeksproprim dhe restituim, të cilët procedohen tek organet gjyqësore shtetërore dhe ndërkombëtare.

Theksoj se, si Kryetar i KK të Ulqinit, me shkresë nr. 02-1159/2, datë 23.05.2007 e kam njohtuar Prezidentin e Republikës, z. Vujanoviq me përmbajtjen e vendimit dhe i kam propozuar të mbahet mbledhje e përbashkët në të cilin do të merreshim vesht për procedurën e realizimit të këtijë Vendimi, por prej Kryetarit Vujanoviq kurr nuk kam marrë asnjë përgjigje.
Për këtë është së paku i çuditshëm dhe politikisht i papërgjegjshëm qendrimi i kandidatit për kryetar që Valdanosi do t’i ofrohet me qira shumë dekadash me kompensim simbolik ish pronarëve. Mbështetjen për këtë e ka tek personat të një mendje politike që e shoqëruan.
Ligji për eksproprijim është më se i qart sa i përket deeksproprijimit, e kandidati për kryetar e lë anash këtë argument dhe i ofron ish pronarëve të bëhen qiraxhi në pronat e veta, në mënyrë që ata të vërrtetojnë legjitimitetin veprimit të kundërligjshëm ndaj këtyre qytetarë dhe pronave të tyre.
Nuk guxojmë të harrojmë se në këtë rast bëhet fjalë edhe për mbi 2 milion m2 të pronës së Komunës në Valdanos dhe në malin Mendra, me të cilat zotëron Qeveria, dhe që në Podgoricë flitet që u është premtuar françezve, dhe që Komuna e Ulqinit dhe buxheti i saj nuk do të ketë as edhe një cent nga kjo pronë.
S’ka rëndësi a do të jenë françez, anglez, Italian, rus…, por e rëndësishme është se si kjo do të ndikojë në gjendjen sociale të vetë qytetarëve dhe qeverisjes lokale dhe funksionimin e saj. Me qëndrim të tillë, gjegjësisht me rolin vëzhgues të Komunës në këtë procese dhe me rolin e kopshtarëve të ish pronarëve, që e propozon elita qeveritare, dhe të cilin e përkrah pushteti aktual në Komunë, është më se e sigurt se statusi i tyre social do të jetë i mjerueshëm.
Nënkryetari i Forcës,
Xhaudet Cakuli
Audio inçizimi

© 2008 Forca e Re Demokratike