Podgoricë, – Alternativa Shqiptare (ASH) ka porositur sot funksionarin e Partisë Demokratike të Socialistëve Nikollë Gegajn se me shqiptarët e Malit të Zi nuk mund të manipulojë askush, por këtë nuk mund ta themi për të.
“Zotëri Gegaj, me ne nuk mund të manipulojë askush, gjë të cilën nuk do të mund ta konstatonim në lidhje me juve. Për neve i manipuluar mund të jetë vetëm ai i cili nuk mendon me kokën e vet dhe për të cilin deklaratat e porositura i dikton dikush tjetër”, është cekur në reagimin e ASH-së.
Kjo parti ka reaguar në deklaratën e Gegajt se PDS-ja ka qenë katalizator i procesit të cilin e kanë udhëhequr me qëllim të ruajtjes së paqes qytetare, tolerancës fetare dhe respektit të ndërsjellët dhe se kurrë nuk ka manipuluar me pakica.
”Ne mendojmë se me shqiptarët manipulojnë ata të cilët gjatë viteve premtojnë të mundur e të pamundur, e nga ato ne fitojmë ndonjë fluturim shqiponje, rrahje sikur studenti i ri Prelë Gjokaj dhe plaku i ndjerë Pjetër Sinishtaj”, është cekur në reagimin e ASH-së.
Në atë parti konsiderohet se me shqiptarë manipulojnë ata të cilët Malësisë, në prag të të gjitha zgjedhjeve, ia premtojnë komunën, e mandej në kërkesat e tyre për fitimin e asaj të drejte ata u përgjigjen me burgosje.
”Sa i përket nënshkrimit të unionit ose platformës politike, ne ju falënderohemi në këshillë dhe ju përkujtojmë se ASH-ja nuk është nënshkruese e unionit, por si gjithmonë shpreh gatishmërinë për negociata me të gjitha partitë politike në Mal të Zi” konstatohet në këtë parti.
Është vlerësuar edhe fakti se Mali i Zi është shtet duke iu falënderuar edhe votave të shqiptarëve, duke përkujtuar Gegajn se ekzistojnë kufij të brendshëm, e ato janë 21 komuna të cilat janë territorialisht të shkufizuara.
“Dhe në fund, Gegaj, nuk keni nevojë të na e përkujtoni vitin 1998 dhe meritat e qeverisë për shpëtimin e qytetarëve të Malësisë, por ju dhe qeveria keni harruar ti përmendni emrat dhe mbiemrat e njerëzve të cilët janë nisur në atë lëvizje, a është ngritur proces gjyqësor kundër tyre, kush i ka nisur ata dhe a ka patur të bëjë në këtë rast me grup të organizuar dhe terrorizëm” është cekur në deklaratë.
Burimi / MINA