Cungu takon përfaqësuesit e OJQ “Shfrytëzuesit e Plazheve të Plazhit të Madh” Ulqin
Kryetari i Komunës së Ulqinit Nazif Cungu u takua me përfaqësuesit e OJQ “Shfrytëzuesit e Plazheve të Plazhit të Madh” Ulqin
Si vazhdim i bisedimeve dhe konsultimeve lidhur me problemet me të cilat hasen qiramarrësit i plazheve në Ulqin, sot është mbajtur edhe një takim në mes Kryetarit të Komunës së Ulqinit Nazif Cungu, përfaqësuesve të OJQ “Shfrytëzuesit e Plazheve të Plazhit të Madh” Ulqin dhe NP Komunale. Në takim janë konkretizuar aktivitetet me rastin e përgatitjes së sezonit turistik dhe zgjidhes së problemeve me të cilat hasen qiramarrësit e plazheve.
Një prej problemeve kryesore për qiramarësit e plazheve mbetet pamundësia e marrjes së plazheve me qira për një periudhë më të gjatë që njëherit krijon edhe pasiguri tek pronarët e plazheve në investime. Kryetari Cungu ka theksuar që NP Të mirave detare është dërguar propozimi për mundësinë e marrjes me qira për një periudhë 5+5 vjet ose së paku 3+3 aq sa edhe është periudha e lejes për objektet e përkohshme.
Ky propozim do t’i dërgohet edhe Ministrisë së financave dhe Ministrisë së turizmit dhe zhvillimit të qëndrueshëm. Këtij propozimi do t’i shtohet edhe nevoja që në tenderat për qiradhënien e plazheve në një masë më të madhe të shqyrtohen referencat e qiramarrësve potencialë të plazheve gjë që do të ndikojë në cilësinë si dhe sigurinë ne zgjedhjen e pronarëve të plazheve.
Në takim gjithashtu është diskutuar për shërbimet e NP Komunale në pastërtinë e plazheve si dhe mënyrën e shfrytëzimit të makinës së re për pastrim të cilën e disponon kjo ndërmarrje. Të gjithë kanë qenë dakord që pastërtia vitin e kaluar ka qenë në një nivel më të lartë se viteve të mëparshme. Gjithashtu kanë vlerësuar që shfrytëzimi i shërbimeve të NP Komunale me makinën e re për pastrim edhe më shumë do ta avancojë nivelin e pastërtisë në plazhet e Ulqinit.
Municipality of Ulcinj / Opština Ulcinj / Komuna e Ulqinit
Tel: +382 30 412 050
Fax: +382 30 412 413
Adresa: Bul. Skenderbeu bb, 85360 Ulcinj, MNE